Morgunblaðið - 09.04.2005, Blaðsíða 28

MONA er nafnið á nýrri
verslun sem verður opnuð
við Laugaveg í dag. Fimm
fræknar konur eiga búð-
ina þar sem þær bjóða
vandaðan leðurfatnað
sem og vörur hannaðar af
nokkrum íslenskum
konum. Fjórar þessara
framtakssömu kvenna,
þær Guðmunda Krist-
insdóttir, Sigríður Elfa
Sigurðardóttir, Svan-
heiður Ingimundardóttir og
Unnur Ágústsdóttir, eru bún-
ar að vera vinkonur í mjög
langan tíma og unnu saman á
auglýsingadeild Þjóðviljans fyr-
ir margt löngu og eru allar van-
ar sölumennsku. En sú fimmta,
Gordana Ristic, er ný í hópn-
um og kemur frá Serbíu, en
leðurfatnaðurinn í versluninni
er einmitt frá Belgrad og
dregur búðin nafn sitt af
þeirri fatalínu sem heitir
Mona.
Boltinn fór að rúlla
„Undanfarið ár erum við fjór-
ar gömlu vinkonurnar búnar
að vera að vinna að því að
koma á koppinn einhverri
viðskiptahugmynd, en við
höfðum ekki fundið það sem
við vildum versla með. Svo
var það fyrir tilviljun að við
Gordana hittumst vegna
þess að dætur okkar eru skóla-
systur og vinkonur. Við fórum
að spjalla og hún sagði mér frá
þessum frábæra serbneska leð-
urfatnaði frá Mona, sýndi mér
bæklinga með myndum og ég
komst að því að hún var búin að
kynna sér fyrirtækið vel. Hana
langaði að opna verslun með
þessar vörur en vantaði einhvern
með sér, svo boltinn fór að
rúlla,“ segir Sigga Elfa sem er myndlist-
armenntuð og hefur hannað og búið til margt
af því sem er innanstokks. Ullar-
ljósakrónur sem hanga niður úr loftinu
eru til dæmis verk Siggu Elfu og eins
er hluti af innréttingunum,
sem eru úr smíðajárni,
hannaður af henni.
Töluverð líkams-
þjálfun
Þær hafa lagt heil-
mikið í að gera versl-
unina eins og þær
vilja hafa hana og í
tjöldunum fyrir mát-
unarklefunum liggur
til dæmis margra
klukkutíma búta-
saumsvinna. „Uppistaðan
í þessum tjöldum eru gamlar
gardínur sem við fengum gef-
ins og ýmislegt annað hér inni
er frá gömlum tíma. Til dæmis
eru hér tveir hundrað ára stól-
ar og gólfið er úr gömlu húsi í
Bretlandi og var flutt hingað
þegar verslunin Monsoon var
hér til húsa. Við hreinsuðum
það og pússuðum og við erum
búnar að rífa niður veggi og
setja annað upp í staðinn og
höfum því fengið töluverða
líkamsþjálfun við það að
koma þessari verslun á lagg-
irnar. Þetta er samvinnu-
verkefni okkar allra og við
höfum fengið ómetanlega
hjálp frá fjölskyldum okkar.
Eiginmennirnir hafa þrælað
hér baki brotnu og sam-
býlismaður Svanheiðar,
hann Magnús Guðjónsson
hjá Glitni í Borgarnesi, hefur
verið okkur einstaklega hjálp-
legur með rafmagnið.“
Líka föt fyrir karlmenn
Konurnar fimm ætla að skipta með sér
verkum í verslunarrekstrinum og nýta
styrkleika hverrar og einnar. „Ég er
viðskiptafræðingur og Svanheiður er
rekstrarfræðingur og við munum því
sjá um að halda utan um fjármálin. En við
erum báðar í fullu starfi annars
staðar og verðum það áfram og
því munu hinar þrjár skipta með
sér afgreiðslustörfum í búðinni,“
segir Unnur og bætir við að
Svanheiður og Sigga Elfa hafi
báðar reynslu af verslunarrekstri.
Sigga Elfa lætur ekki duga að
hanna innanstokksmuni versl-
unarinnar, hún hannar líka fatn-
að úr ull og silki sem er til sölu í
búðinni. „Við verðum líka með
hönnun frá fjórum öðrum íslensk-
um konum til sölu hér, frábæra
kimonókraga frá Elínu Öglu
Briem, fatnað frá Önnu Gunn-
arsdóttur á Akureyri sem hún
gerir úr leðri, ull, silki og fiski-
roði og svo skartgripi frá þeim
Dýrfinnu Torfadóttur og Þor-
gerði Sigurðardóttur en Þorgerð-
ur býr til skartgripi úr gleri,“
segja þær vinkonur að lokum og
taka fram að Mona-fatnaðurinn
sé bæði fyrir karla og konur og
til að undirstrika það draga þær
fram forláta skósíðan Matrix-
herrafrakka úr leðri.
 FRAMTAKSSEMI | Fimm fræknar konur opna saman verslun
Styrkleiki hverrar
fyrir sig nýtist vel
Morgunblaðið/Þorkell
Fimm hvítar konur með fimm svörtum gínum í versluninni Monu. Fv.: Unnur, Guðmunda,
Gordana, Sigga Elfa og Svanheiður.
Gordana í leðurjakka frá Mona úr ítölsku gæðaleðri og
með kristöllum.
Ullarkjóll
hannaður af
Siggu Elfu.
Mona, Laugavegi 66.
mona@internet.is
Eftir Kristínu Heiðu Kristinsdóttur
khk@mbl.is
28 LAUGARDAGUR 9. APRÍL 2005 MORGUNBLAÐIÐ
DAGLEGT LÍF