Morgunblaðið - 09.04.2005, Blaðsíða 51

MORGUNBLAÐIÐ LAUGARDAGUR 9. APRÍL 2005 51
LEIKKONAN Stefanía Thors hefur um árabil
búið og starfað í Prag í Tékklandi eftir að hafa
lokið þar námi í leiklist við ríkislistaskólann.
Stefanía hefur vakið athygli fyrir sýningar
sínar þar sem hún vinnur með ýmsa miðla, og
kemur yfirleitt fram ein. Í fyrra frumsýndi
hún í Prag sýninguna Comparatively Peaceful
Existence eða Tiltölulega friðsæl tilvera sem
Rebekka A. Ingimundardóttir leikstýrði og
hannaði búninga og leikmynd við og vakti sýn-
ingin mikla athygli. Stefanía hefur farið víða
með sýninguna undanfarið ár en nú hefur eitt
þekktasta leikhúsið í Prag, Palac Akropolis,
boðið Stefaníu að sýna þar. Sýningar hefjast á
mánudaginn og verða síðan mánaðarlega í
sumar. „Palac Akropolis er glæsilegt leikhús
og tónleikasalur sem Sigur Rós spilaði í þegar
þeir komu hér til Prag fyrir rúmum 2 árum,“
sagði Stefanía í samtali við Morgunblaðið.
„Rebekka er komin til Prag til að vinna með
mér og endurgera verkið af þessu tilefni en
það má segja að þetta hafi komið til vegna
fjölda áskorana og jákvæðra dóma um sýn-
inguna. Sýningarnar verða mánaðarlega í
sumar og Íslendingar eru að sjálfsögðu vel-
komnir ef þeir eiga leið um Prag.“
Stefanía kveðst einnig verða á ferðinni um
Evrópu í sumar með sýninguna en henni hefur
verið boðið að sýna á ýmsar leiklistarhátíðum í
Evrópu.
„Það er nóg að gera hjá mér þetta árið en ég
verð með 3 frumsýningar og hef fengið 2 styrki
frá Prag-borg og tékkneska mennta-
málaráðuneytinu,“ segir Stefanía.
„Ég er að vinna að og skrifa pólitískan ka-
barett í formi söngleiks og þar blandast saman
söngur, leikhús og kvikmynd. Það er unnið
með ýmsum listamönnum frá Prag. Ekki ein-
ungis leikhúsfólki. Svo er ég að starfa með með
leikhópi sem nefnist Second Hand Women en
það er hópur leikkvenna sem kominn er yfir
þrítugt! Það er mjög skemmtilegur hópur.“
Og Stefanía gerir það ekki endasleppt því
15.–19. maí tekur hún að þátt í leiklistarhátið-
inni 4 days in emotion sem haldin er árlega og
fer fram þetta árið í dýragarðinum í Prag. „Ég
verð með fjórar innsetningar á hátíðinni og í
einni þeirra verð ég í selagryfjunni.“
Leiklist | Stefanía Thors sýnir í Palac Akropolis
Tiltölulega friðsæl
tilvera í Prag
Stefanía Thors leikkona starfar í Prag.
www.palacakropolis.cz
EFTIR atkvæðagreiðslu fé-
lagsmanna í Bandalagi þýð-
enda og túlka og yfirferð dóm-
nefndar hafa eftirfarandi 5
bækur verið tilnefndar til Ís-
lensku þýðingaverðlaunanna:
Fjárhættuspilarinn eftir
Fjodor Dostojevskí í þýðingu
Ingibjargar Haraldsdóttur
(sjálfsævisöguleg skáldsaga
um spilafíknina); Lágmynd eft-
ir Tadeusz Rozewicz í þýðingu
Geirlaugs Magnússonar (ljóða-
bók eftir eitt fremsta núlifandi
ljóðskáld Pólverja); Snjórinn á
Kilimanjaro og fleiri sögur eftir
Ernest Hemingway í þýðingu
Sigurðar A. Magnússonar (safn
kunnustu smásagna Hem-
ingways í einni bók); Vernon G.
Little eftir DBC Pierre í þýð-
ingu Árna Óskarssonar (Book-
er verðlaunabók frá 2003 um
ungan mann í vondum málum
eftir fjöldamorð í skólanum) og
Örlögleysi eftir Imre Kertész í
þýðingu Hjalta Kristgeirs-
sonar (sjálfsæviösguleg skáld-
saga nóbelsverðlaunahafa um
vistina í víti fangabúða nasista
séða með saklausum augum
unglingsins).
Bandalag þýðenda og túlka
er regnhlífasamtök allra þýð-
enda og túlka sem starfa hér á
landi og hefur að markmiði að
auka vitund og þekkingu á
starfi þýðenda og túlka.
Íslensku þýðingaverðlaunin
verða afhent við hátíðlega at-
höfn á Gljúfrasteini 23. apríl af
forseta Íslands.
5 bækur til-
nefndar til
þýðinga-
verðlauna
GEISLAPLATAN
Sálmar lífsins er
komin út að nýju
hjá Dimmu ehf.
Flytjendur eru Sig-
urður Flosason
saxófónleikari og
Gunnar Gunn-
arsson orgelleik-
ari, en platan
markaði upphaf samstarfs þeirra fé-
laga og hlaut afbragðs góðar viðtökur
þegar hún kom fyrst út árið 1999. Um
hana sagði m.a.í gagnrýni að tónlistin
og flutningurinn væri „með eindæm-
um hrífandi“ og annars staðar var tal-
að um „gulli sleginn sálmaspuna“. Í
kjölfar Sálma lífsins fylgdu síðan plöt-
urnar Sálmar jólanna og Drauma-
landið, sem kom út sl. haust. Þess
má geta að Dimma hefur tekið við
eldri útgáfum á verkum Sigurðar
Flosasonar, þ. á m. eru tríóplöturnar
tvær Himnastiginn og Djúpið, en auk
þess Raddir þjóðar sem hann hljóðrit-
aði í samvinnu við Pétur Grétarsson
og var tilnefnd til norrænu tónlist-
arverðlaunanna.
Dimma gefur Sálma lífsins út, en
Smekkleysa sér um dreifingu í versl-
anir.
Viðmiðunarverð kr. 1.990,-
Sálmar