Morgunblaðið - 24.04.2005, Side 4

4 SUNNUDAGUR 24. APRÍL 2005 MORGUNBLAÐIÐ
FRÉTTIR
CARMINA
SÖNGSVEITIN FÍLHARMÓNÍA
Einsöngvarar: Hallveig Rúnarsdóttir, Ólafur Kjartan Sigurðarson og
Þorgeir J. Andrésson - Drengjakór Kársnesskóla - slagverkssveit
Píanóleikarar: Guðríður St. Sigurðardóttir og Sólveig Anna Jónsdóttir
BURANA
sunnudag 24. apríl kl. 20
þriðjudag 26. apríl kl. 20
CARL ORFF
Miðar fást við innganginn, í versluninni 12 tónum, Skólavörðustíg 15 og
hjá kórfélögum. Frekari upplýsingar á www.filharmonia.mi.is
Stjórnandi: Óliver Kentish
Tónleikar í Langholtskirkju
BJÖRN Bjarnason dóms- og kirkju-
málaráðherra ávarpaði í gær elleftu
ráðstefnu Sameinuðu þjóðanna um
baráttu gegn glæpum og opinbert
réttarfar, sem haldin er í Bangkok,
höfuðborg Taílands, dagana 18. til 25.
apríl.
Í ræðu sinni vék ráðherrann að
fjórum þáttum, sem setja svip sinn á
yfirlýsinguna, sem gefin verður út í
lok ráðstefnunnar. Í fyrsta lagi mik-
ilvægi þess, að einstök ríki yrðu, inn-
an alþjóðareglna og eigin laga, að
finna hinn gullna meðalveg til þess að
tryggja öryggi borgaranna án þess
að ganga um of gegn friðhelgi ein-
staklingsins. Allar aðgerðir og laga-
breytingar sem gerðar væru til þess
að berjast við skipulagða glæpastarf-
semi, yrðu að taka mið af mannrétt-
indareglum og flóttamannasamning-
um. Í öðru lagi nauðsyn þess að
virkja hinn almenna borgara til sam-
starfs við opinberar stofnanir, lög-
reglu og aðra, sem gæta almanna-
öryggis.
Í þriðja lagi yrði að hindra mis-
notkun á nýrri tölvu- og fjarskipta-
tækni í þágu glæpastarfsemi. Við
nýtingu þessarar tækni gætu menn í
senn stundað lögmæta og ólögmæta
iðju og það væri brýnt að sporna við
afbrotum á þessu sviði eins og öðr-
um. Lögregla yrði að hafa nauðsyn-
legar heimildir til að sinna verkefn-
um sínum, án þess að tækniframfarir
veittu brotamönnum nýtt eða aukið
skjól. Í fjórða lagi bæri að nýta ný úr-
ræði í réttarkerfinu og sagði ráð-
herrann frá reynslu Íslendinga af
verkefninu sem kennt er við Hring-
inn og byggist á bandarískri hug-
myndafræði um uppbyggilega rétt-
vísi (restorative justice). Hin góða
reynsla af þessu verkefni hefði leitt
til þess, að ný skref til sáttaumleitana
milli brotamanns og brotaþola væru í
undirbúningi.
Fjölmenn ráðstefna
Um þrjú þúsund manns sækja ráð-
stefnuna í Bangkok, þar á meðal ráð-
herrar frá fjölmörgum löndum. Auk
þess að taka þátt í fundum og mál-
þingum hefur ráðstefnugestum verið
gefinn kostur á að heimsækja fang-
elsi og réttarvörslustofnanir í Taí-
landi. Björn Bjarnason var á fimmtu-
dag gestur fyrirtækisins Sea Viking í
Bangkok, sem er í eigu BlueIce eða
Sjóvíkur. Louis Win Naing Chit, for-
stjóri Sea Viking, kynnti starfsemi
fyrirtækisins og bauð ráðherranum
að skoða fiskvinnslu þess fyrir utan
Bangkok, en hún er rekin er í sam-
vinnu við Tep Kinsho Foods.
Björn Bjarnason dómsmálaráðherra ávarpar ráðstefnu SÞ í Bangkok
Aðgerðir gegn glæpum taki
mið af mannréttindareglum
Morgunblaðið/Stefán Eiríksson
Í ræðu sinni vék Björn Bjarnason dómsmálaráðherra að fjórum þáttum,
sem setja svip á yfirlýsinguna, sem gefin verður út í lok ráðstefnunnar.
KAFARAR úr sérsveit Ríkislög-
reglustjóra komu til Akureyrar á
föstudag, til að aðstoða við leit að
loftbyssunni sem notuð var í skot-
árásinni í Vaðlaheiði fyrir viku.
Tveir menn voru handteknir
vegna málsins og viðurkenndi ann-
ar árásarmannanna við yfirheyrslu
lögreglu að hafa hent byssunni í
sjóinn við svokallaða Sverris-
bryggju. Leit kafaranna í sjónum
bar engan árangur á föstudag en til
stóð að halda leit áfram í gær.
Eins og fram hefur komið var
ungur piltur tekinn upp í bíl af
tveimur mönnum og fluttur yfir í
Vaðlaheiði, þar sem hann var skot-
inn mörgum skotum með loftbyssu.
Þurfti m.a. að fjarlægja tvær kúlur
úr líkama piltsins með skurð-
aðgerðum.
Árásarmennirnir hafa báðir ver-
ið látnir lausir og telst málið upp-
lýst að mestu.
Morgunblaðið/Kristján
Sérsveitarmenn Ríkislögreglustjóra hjálpa félaga sínum upp á Sverris-
bryggju á Akureyri en þeir voru að leita að loftbyssunni í sjónum.
Leitað að loftbyss-
unni í sjónum
KRISTJÁN Loftsson, stjórnarfor-
maður Kers, eiganda Olíufélagsins
hf, segir það ekki þurfa að koma
neinum á óvart þótt félagið taki
hálfs milljarðs kr. lán til að geta
lagt fram geymslufé fyrir vænt-
anlegri sekt fyrir samráð olíufélag-
anna. „Svona fjárhæðir geyma
menn ekki vanalega undir kodd-
anum og þá þarf að gera ráðstaf-
anir til að taka lán eða selja eign-
ir,“ segir hann.
„Við vitum að það liggur fyrir
erindi hjá fjármálaráðuneytinu um
að fá að setja bankatryggingu fyrir
greiðslunni. Ráðuneytið heimilaði
slíka tilhögun þegar grænmetisfyr-
irtækin voru sektuð fyrir samráð á
sínum tíma, en hefur samt tekið
illa í málaleitan olíufélaganna.
Sektina þarf að borga fyrir 1. maí
þannig að við höfum ekki mikinn
tíma. Úr því að við höfum ekki
bankatrygginguna, verðum við að
hafa peningana undir höndum.“
Í Morgunblaðinu í gær sagði
Sigurður G. Guðjónsson, stjórnar-
maður í Keri, að sú staðreynd að
félagið þurfi að slá stórt lán fyrir
sektinni, hljóti „að leiða hugann að
því hvort hluthafar í Keri láti á
það reyna hvort gamla stjórnin í
Olíufélaginu með Kristján Lofts-
son í broddi fylkingar beri ekki
einhverja ábyrgð á sektinni“.
Kristján Loftsson gefur ekki
mikið fyrir þessi orð. „Það að
þurfa eiga fyrir sektinni á réttum
tíma virðist vera það flókið mál
fyrir Sigurð, að hann gat ekki tek-
ið afstöðu til málsins á stjórnar-
fundi Kers, heldur vísaði því til
hluthafafundar. En honum er að
sjálfsögðu frjálst að flytja allar
þær tillögur sem honum sýnist í
stjórn Kers.“
Kristján Loftsson stjórnarformaður Kers
„Menn geyma
ekki 500 milljónir
undir koddanum“
LÖGREGLAN hefði tekið við kæru
fyrir nauðgun þegar í stað eins og
vinnureglur lögreglunnar, óskráðar
sem skráðar
gera ráð fyrir, ef
lögð hefði verið
áhersla á það af
hálfu kæranda
þegar málið var
kært í nóvember
sl. að sögn Harð-
ar Jóhannesson-
ar, yfirlögreglu-
þjóns í
Reykjavík.
Dómur gekk
nýlega í málinu að lokinni rannsókn
og saksókn og hlaut fyrrverandi
sambýlismaður kæranda tveggja
ára fangelsisdóm fyrir nauðgunina.
Héraðsdómur Reykjavíkur átaldi
lögregluna fyrir að taka ekki strax
við kærunni og segir Hörður Jó-
hannesson yfirlögregluþjónn að um
réttmæta ábendingu sé að ræða.
Hins vegar hafi rannsóknarhags-
munir ekki verið í hættu og lög-
reglan hafi talið sig hafa átt samráð
við réttargæslumann konunnar um
að tekin yrði aðalskýrsla af kær-
anda þegar sérfræðingar á rann-
sóknardeild væru komnir úr öðrum
verkefnum. Þetta samkomulag hafi
síðan verið gagnrýnt eftir á. Nið-
urstaðan varð sú að tekin var
skýrsla 10. nóvember en ekki ní-
unda. Brotið var framið 8. nóv-
ember.
Samráð var haft við
réttargæslumann kæranda
„Málið var komið til vitundar lög-
reglunnar og það hafði engin áhrif
á framgang málsins þótt skýrslu-
takan frestaðist um hálfan sólar-
hring,“ segir Hörður. Hann segir
að málið hafi ekki snúist um það að
neita eða vilja ekki taka við kæru,
heldur um samstarf lögreglu við
réttargæslumanninn. Hafi hann
verið upplýstur um hvernig á stóð
hjá helstu sérfræðingum lögreglu á
rannsóknardeildinni sem fjallar um
nauðgunarmál þegar leggja átti
fram kæru 9. nóvember. „En ef það
hefði verið sótt fast að fá að leggja
fram kæru, hefði að sjálfsögðu ver-
ið orðið við því.“ Hörður bendir á
að rannsóknardeildin sé með 13
manns og hefði því alveg getað tek-
ið skýrsluna strax ef því var að
skipta.
Rannsókn-
arhags-
munir ekki
í hættu
Hörður
Jóhannesson
♦♦♦
„ÞEGAR við hittumst á Þingvöll-
um forðum tíð [til að ganga frá
stjórnarsamstarfi] handsöluðum
við hluti sem við gerðum ekki nú
þótt það væri sagt í Morgun-
blaðinu. Það var röng frétt og
ósönn, því miður, í því ágæta blaði,
að við hefðum handsalað eitthvað
um Símann á tilteknum tíma, sem
við gerðum ekki,“ sagði Davíð
Oddsson utanríkisráðherra á
blaðamannafundinum sl. föstudag
þar sem hann og Halldór Ásgríms-
son forsætisráðherra ræddu ár-
angur ríkisstjórnarinnar á þeim 10
árum sem samstarf flokkanna hef-
ur varað. Vísaði Davíð í orðum sín-
um til fréttar sem birtist í Morg-
unblaðinu 2. apríl sl. þar sem því
var haldið fram að formenn stjórn-
arflokkanna hefðu handsalað sam-
komulag sín í milli um það með
hvaða hætti staðið yrði að sölu
Símans.
Davíð Oddsson
Samkomu-
lag um sölu
Símans ekki
handsalað