Morgunblaðið - 24.04.2005, Qupperneq 57

MORGUNBLAÐIÐ SUNNUDAGUR 24. APRÍL 2005 57
SLASH hefur lýst sjálfum
sér sem rótlausum síg-
auna. Má væntanlega
rekja þá tilfinningu allt
aftur til æskuáranna, því
þegar hann var á við-
kvæmasta aldri, fluttist
hann yfir hálfan hnöttinn,
skipti rækilega um um-
hverfi og náði væntanlega
aldrei að festa almenni-
lega rætur. Saul Hudson
er nefnilega breskur að
uppruna, fæddist í Ham-
stead, úthverfi Lundúna
og bjó fyrstu ár í rokk og
róllausustu borginni af
þeim öllum, Stoke-On-
Trent. Faðir hans var
enskur listamaður sem
hannaði plötukápur fyrir
kunna listamenn á borð
við Joni Mithell og Neil
Young. Móðir hans heitir
Ola, er svört og af banda-
rískum uppruna, og hann-
aði föt – væntanlega úr
bráðeldfimum gerviefnum
– á Diönu Ross, Sly Stone,
Bavid Bowie, Ringo
Starr, Curtis Mayfield og
The Pointer Sisters.
Móðir hans fluttist með hann 11
ára gamlan yfir hafið til Los Ang-
eles og faðir hans varð eftir í Eng-
landi. „Ég umgekkst tónlistar-
menn frá því ég man eftir mér, og
fannst öll tækin og tólin sem þeir
voru með ótrúlega flott. Ég vissi
ekkert magnaðra en að fara á tón-
leika, upplifa tónleikastaðinn og
horfa yfir allan skarann, ljósin,
allan pakkann.“
Slash greip fyrst í gítar þegar
hann var 15 ára og var búinn að
stofna sína fyrstu hljómsveit 16
ára. Hann hefur alltaf haldið því
fram að það hafi ekki verið út af
sjálfu rokklíferninu og framanum
sem hann gerðist tónlistarmaður;
heldur fyrst og síðast út af tónlist-
inni sjálfri.
Hann kynntist Steven Adler,
sem síðar átti eftir að tromma
með Guns N’ Roses, í menntaskóla
og saman stofnuðu þeir sveitina
Road Crew. Þótt sú sveit hafi
aldrei skapað sér nafn þá markaði
hún upphafið að Guns N’ Roses.
Sveitin kom fyrst fram undir því
nafni í júní 1985 og þegar fyrsta
platan Appetite for Destruction
kom út tveimur árum síðar þá
hafði sveitin þegar náð að skapa
sér nafn sem sú hættulegasta og
sukksamasta sem fram hafði kom-
ið um langt skeið. En það var
kominn tími á eitthvað svona hrátt
og ferskt enda voru þá allir búnir
að gefast upp á því harða rokki
sem þá var í boði og danstónlistin
og indírokkið allsráðandi. En
Guns N’ Roses gáfu öllum langt
nef, voru hráir og ruddalegir,
engir góðir strákar, því „góðir
strákar rokka ekki“. Með þá Axl
Rose söngvara og Slash gítarleik-
ara í fararbroddi varð Guns N’
Roses fyrr en varði stærsta rokk-
sveitin í heimi og lög á borð við
„Welcome To The Jungle“ og
„Sweet Child o’ Mine“ urðu sjálf-
krafa sígild, eins og stundum er
sagt. Nýverið var gítarlínan í síð-
arnefnda laginu meira að segja
valin sú besta í gervallri rokksög-
unni, sem er til marks um stöðu
sveitarinnar og Slash í rokksög-
unni – og það þrátt fyrir að sveit-
in hafi einungis gefið út þrjár eig-
inlegar hljóðversplötur með eigin
efni.
Þegar Slash yfirgaf sveitina ár-
ið 1996, eftir langavarandi erjur
við Rose, var hann kominn á stall
með helstu gítarhetjum rokksög-
unnar, enda hæfileikaríkur með
eindæmum. Gítarleikari með af-
gerandi stíl, sem ber merki um
djúpstæðan skilning á forver-
unum, hetjum hans á borð við Jimi
Hendrix, Eric Clapton, Jeff Beck,
Ted Nugent og Jimmy Page, en
einnig tregðuna til að þiggja leið-
sögn frá öðrum, kennurum, gagn-
rýnendum og meðspilurum, um
það hvernig „eigi“ að spila. „Ég
hef aldrei lagt það á mig að læra
sóló eftir aðra, mér finnst leið-
inlegt að spila skala og ég þoli
ekki orðið „æfing“,“ segir hann.
„Mitt leyndarmál er einfalt; ég er
alltaf að spila, og ég meina alltaf.
Ég stíg ekki á svið öðruvísi en að
vera búinn að hita mig upp á gít-
arinn mestallan daginn. Ég er eig-
inlega hálf taugaveiklaður hvað
þetta varðar, er alltaf hræddur
um að missa tilfinninguna.“
Áður en Slash hætti í Guns N’
Roses var hann þegar búinn að
stofna sína eigin sveit sem hann
kallaði Snakepit. Með þeirri sveit
gaf hann út plötu árið 1995 og ári
síðar var hann búinn að setja sam-
an annað band, sem var blúsband-
ið Slash’s Blues Ball. Hélt hann úti
báðum böndunum uns hann stofn-
aði á endanum Velvet Revolver.
„Ég veit ekki hvað framtíðin
ber í skauti sér, get ekkert sagt til
um hvort ég haldi áfram að deila
tímanum á milli sveita eða helga
mig Velvet Revolver. Það fer bara
eftir hvað vekur áhuga minn
hverju sinni.“
Sígauninn
með höttinn
Reuters
Saul Hudson, Slash, með hattinn sinn fræga.