Morgunblaðið - 28.07.2005, Blaðsíða 10

10 FIMMTUDAGUR 28. JÚLÍ 2005 MORGUNBLAÐIÐ
FRÉTTIR
FÆREYSKA nótaskipið Þrándur í Götu land-
aði 500 tonnum af síld hjá Loðnuvinnslunni á
Fáskrúðsfirði í gær. Síldina fékk skipið um 60
mílur norður af Færeyjum, þar var Þrándur í
Götu að veiðum ásamt Finni fríða, en skipin
draga saman eitt troll. Fengu þau samtals 1.000
tonn og fór Finnur fríði sem sinn hluta síld-
arinnar til Kollafjarðar, þar sem hún fór í fryst-
ingu.
Tregt við Svalbarða
Tregt hefur verið á síldveiðunum norður við
Svalbarða. Á tímabili gekk síldin út af vernd-
arsvæðinu og inn í Síldarsmuguna, en hún er nú
koma að Svalbarða á ný. Þar munu vera fimm ís-
lenzk vinnsluskip, eitt hollenzkt og eitt færeyskt
skip. Samkvæmt norska blaðinu Fiskeribladet,
liggja ekki fyrir upplýsingar um afla, en gert er
ráð fyrir því að búið sé að veiða 60.000 tonn af
90.000 tonna leyfilegum heildarafla á svæðinu.
Óvenju mikið hefur verið unnið að norsk-
íslenzku síldinni til manneldis nú. Stafar það
meðal annars að meir flakavinnslu um borð í
vinnsluskipunum en einnig verulegri frystingu í
landi fyrst í vor, þegar síldin var nálægt landi.
Á Fáskrúðsfirði er síldin fryst auk þess sem
eitthvað er flakað í salt. Nú er ekki verið að
vinna í frystihúsi fyrirtækisins vegna sum-
arleyfa. Skip fyrirtækisins eru í landi til við-
gerðar og starfsfólk margt að heiman.
Þrándur í
Götu kom
með síld
Morgunblaðið/Albert Kemp
Færeyska nótaskipið
Þrándur í Götu land-
ar 500 tonnum af síld
hjá Loðnuvinnslunni á
Fáskrúðsfirði. Síldin
er fryst auk þess sem
hún er flökuð í salt.
Um þessar mundir er
ekki unnið í frystihúsi
fyrirtækisins vegna
sumarleyfa. Skip fyr-
irtækisins eru í landi
til viðgerðar og
starfsfólk margt að
heiman.
VERÐ á kolmunna upp úr sjó er núna
um 5.800 krónur fyrir tonnið auk bón-
uss fyrir gott hráefni. Hvert tonn af
hráefni hefur verið að skila um 9.500
krónum í útflutningsverðmæti en
kostnaður við bræðslu hvers tonns er
á bilinu 2.300 til 3.200 krónur.
Björgólfur Jóhannsson, forstjóri
Síldarvinnslunnar í Neskaupstað,
segir það af og frá að verið sé að
skammta útgerðinni einhvern skít úr
hnefa eins og Eyjólfur Guðjónsson
sagði í frétt í Morgunblaðinu fyrir
skömmu. „Þetta er mjög einfalt mál.
Það er alltaf ákveðið hlutfall af af-
urðaverðinu sem fer til útgerðar og
sjómanna. Það er á bilinu 55 til 68%
eftir því hve hátt afurðaverðið er því
við þurfum alltaf að fá fyrir fasta
kostnaðinum í bræðslunum auk ein-
hvers hagnaðar.
Þetta hefur verið svona árum sam-
an og hefur lítið breytzt. Í sumar hef-
ur þetta hlutfall verið nokkuð yfir
60% af afurðaverðinu og það skilar
okkur engum ofsagróða eins og sjá
má, þegar allt er reiknað saman.
Þegar gengisvístala krónunnar er
komin niður fyrir 109 hlýtur það að
koma fram í lækkandi tekjum bæði
hjá útgerð og vinnslu,“ segir Björg-
ólfur Jóhannsson.
5.800 kr.
fyrir kol-
munnatonn
ÚR VERINU
LISTNEMARNIR og hjólreiðamennirnir þau Fabienne
Bonino og Jean-François Amiard nutu veðurblíðunnar
og slökuðu á við læk skammt austan við Selfoss þegar
blaðamaður og ljósmyndari Morgunblaðins urðu á vegi
þeirra. Þau eru að heimsækja Ísland í fyrsta sinn og
ætla að hjóla vítt og breitt um landið. Aðspurður sagði
Amiard að þau hefðu komið fyrir viku en alls ætla þau
að dvelja hér í þrjár vikur. Þau taka upp ferðina en
framan á hjólunum þeirra eru kvikmyndatökuvélar.
Bonino og Amiard kváðust vera heilluð af landi og
þjóð og ekki skemmdi fyrir að veðrið væri jafn gott og
raun ber vitni.
Morgunblaðið/Árni Torfason
Slakað á eftir hjólreiðaferð
BOGI Nilsson, ríkissaksóknari, hef-
ur sent lögreglustjórum landsins
bréf þar sem ítrekaðar eru reglur
um það hvenær svipta beri ökumenn
ökurréttindum á staðnum fyrir brot.
Er þetta gert í kjölfar fréttaflutn-
ings um afskipti lögreglunnar af
ökumanni sem grunaður er um að
hafa ekið á 208 km hraða á Reykja-
nesbraut aðfaranótt þriðjudags, þar
sem leyfður ökuhraði er 90 km. Eins
og greint var frá í Morgunblaðinu í
gær var manninum leyft að halda
áfram för sinni að lokinni skýrslu-
töku en hann var ekki sviptur öku-
réttindum á staðnum.
Í bréfinu er vísað í ummæli yfir-
lögregluþjóns í einu lögregluum-
dæmanna í fréttum Útvarpsins um
að lögregluembættin hafi árið 1998
fengið bréf frá ríkissaksóknara um
að svipta menn ekki ökuréttindum á
staðnum fyrir hraðakstur nema í al-
gjörum undantekningartilvikum og
sé það nú viðmiðunarreglan alls
staðar.
Í bréfi Boga segir jafnframt:
„Í bréfi mínu til allra lögreglu-
stjóra dagsettu 17. desember 1998
var mælt fyrir um að ekki skyldi
svipta ökumann ökurétti til bráða-
birgða vegna of hraðs aksturs nema
ökuhraði hafi verið slíkur að varði
sviptingu ökuréttar í 3 mánuði sam-
kvæmt viðauka við reglugerð um
sektir og önnur viðurlög vegna brota
á umferðarlögum og reglum settum
samkvæmt þeim, nú reglugerð nr.
575/2001. Þessi er viðmiðunarreglan
og tel ég hana vera skýra.“
Í viðauka reglugerðarinnar nr.
575/2001 er mælt fyrir um að svipta
beri ökumann ökurétti í þrjá mánuði
hafi hann t.d. ekið á;
71-75 km hraða þar sem leyfður
ökuhraði er 30 km.
121-130 km hraða þar sem leyfður
ökuhraði er 50 km.
161-170 km hraða þar sem leyfður
ökuhraði er 90 km.
Hafi ökumaður verið staðinn að
því að aka hraðar en hér að ofan seg-
ir, sbr. og hraðakstursákvæðið í við-
auka reglugerðarinnar í heild, þann-
ig að mál hans skuli leggja fyrir
dómstól með ákæru er enn ríkari
ástæða til að beita heimild til að
svipta ökumann ökurétti til bráða-
birgða en ella.“
Ítrekar reglurnar um
sviptingu ökuréttinda
Bílar á morgun
Trommuleikari
breytir jeppum