Morgunblaðið - 12.08.2005, Side 25
MORGUNBLAÐIÐ FÖSTUDAGUR 12. ÁGÚST 2005 25
MENNING
www.or.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
R
K
2
29
05
1
0
7/
20
05
Laugardaginn 13. ágúst kl. 10:00 efnir Orkuveita Reykjavíkur
til fræðslugöngu frá Minjasafninu í Elliðaárdal, upp dalinn að
Gvendarbrunnum. Meðal annars verður hugað að ánni,
örnefnum, jarðfræði, gróðri og dýralífi.
Fjölmargir fræðimenn koma til leiðsagnar.
Gengnir verða um 12 km en boðið
verður upp á akstur til baka
um kl. 16:00.
FRÆÐSLUGANGA
UM ELLIÐAÁRDAL
og upp að Gvendarbrunnum
S
umarið hefur liðið hratt og
nú þegar tíma sumartón-
listarhátíða víða um land
er að ljúka fer fólk að
huga að vetrardagskrá
leikhúsanna.
Tinna Gunnlaugsdóttir tók við
starfi þjóðleikhússtjóra um síðustu
áramót og er því þessa dagana að
skipuleggja sitt fyrsta leikár sem
slíkur á Hverfisgötunni.
Í samtali við Morgunblaðið sagði
hún blaðamanni frá því helsta sem
verður á dagskrá leik-
hússins í vetur og nýj-
um áherslum í kynn-
ingarmálum.
„Þjóðleikhúsið er
eign íslensku þjóðar-
innar, eins og segir í
þjóðleikhúslögum, og
við viljum leggja
áherslu á að koma því á
framfæri að stofnunin
er þjónustustofnun í
þágu almennings.
Þangað eiga allir að
geta sótt sér upplyft-
ingu og menningar-
auka,“ segir Tinna.
„Við viljum leggja
áherslu á að yngja upp
í áhorfendahópi Þjóð-
leikhússins. Það eiga allir erindi í
leikhúsið, allt frá ungum börnum til
eldra fólks en ungt fólk hefur verið
að hverfa frá leikhúsinu í auknum
mæli og það er ekki jákvæð þróun.
Við viljum að hluti lífsstíls ungs
fólks verði að sækja leikhús og
leggjum þannig grunn að leikhús-
áhugafólki framtíðarinnar. Þetta
gerum við með því að leggja áherslu
á leikrit sem fjalla um efni sem ætti
að höfða til unga fólksins og með því
að veðja á ungt fólk bæði sem höf-
unda og listræna stjórnendur.“
Leikhústímaritið
Fjórði veggurinn
Hvað varðar kynningarmál leik-
hússins mun verða gefið út sérstakt
leikhústímarit fjórum sinnum á ári
með fréttum úr leikhúsinu. Tímarit-
ið hefur hlotið nafnið Fjórði veggur-
inn og vísar þar með til þess að í leik-
húsi eru það áhorfendurnir sem
mynda fjórða vegginn.
Á móti verða leikskrár ekki eins
viðamiklar og áður og þeim dreift
frítt með miðum.
„Við gerum ráð fyrir að dreifa
fyrsta tímaritinu hinn 20. ágúst. Þar
verður allt leikárið kynnt, með sér-
stakri áherslu þó á haustverkefnin.
Síðan kemur út jólabæklingur, þá
bæklingur einhvern tímann í mars
og sá fjórði með vorinu,“ segir
Tinna.
Þjóðleikhúsið hefur tekið upp
miðasölu á netinu, en sú þjónusta
hefur ekki verið í boði áður. Leik-
húsið hefur einnig fengið nýja
heimasíðu með ítarlegum upplýs-
ingum og kynningarefni.
Miðað er að því að tímarit með
þessu sniði nái meiri dreifingu en
leikskrárnar hafa gert til þessa. Í
þeim liggur mikill kostnaður sem að
mati Tinnu mætti nýta betur. Metn-
aður verður lagður í að tímaritin
verði upplýsandi og eiguleg.
Kjallarinn í höndum
Arnar Árnasonar
Starfsemi Þjóðleikhúskjallarans
verður með öðru sniði en hún hefur
verið til skamms tíma. Reksturinn
hefur verið leigður út undanfarin ár
og hefur þeim samningi nú verið rift.
Ætlunin er að starfsemi kjallarans
þjóni fyrst og fremst leikhúsgestum
og öðrum sem hafa áhuga á menn-
ingu og menningartengdri skemmt-
an.
Þar verður boðið upp á leikhús-
matseðil um helgar og á virkum
kvöldum verða þar ýmiss konar
uppákomur og dagskrá tengd því
sem er á fjölum leikhússins hverju
sinni.
Að sögn Tinnu mun Örn Árnason
leikari hafa veg og vanda af skipu-
lagningu dagskrár Þjóðleikhúskjall-
arans.
„Eins erum við að
gera átak í aðgengis-
málum og ýmsu öðru
sem snýr að áhorf-
endum,“ segir Tinna.
Breytt sýningafyrir-
komulag verður tekið
upp á stóra sviðinu í
vetur og þar sýnt þétt-
ar og í styttri tíma.
„Eitt og sama leik-
ritið verður sýnt í sam-
fellu þrjú kvöld í röð,
sömu helgina, auk
barnasýningar á
sunnudögum,“ útskýrir
Tinna. „Sýningatíma-
bilin verða afmörkuð
fyrirfram, en þó skilið
eftir svigrúm til að
setja verkið aftur inn síðar, ef eftir-
spurn er mikil.“
Hún vonast til að áhorfendur taki
nýja fyrirkomulaginu vel og hraði
sér í leikhús til að sjá sýningar sem
vekja áhuga.
Umtalsverð hagræðing í rekstri
skapast af breytingunni þar sem
geymslupláss sé lítið og tíð skipti á
milli sýninga kalli á mikla kvöld- og
næturvinnu.
HKL í Hollywood
Í vetur verður ýmislegt á fjölum
Þjóðleikhússins, þar á meðal fimm
frumsýningar á stóra sviðinu og fjór-
ar nýjar sýningar á Smíðaverkstæð-
inu. Þar af verða sýnd tvö leikrit eft-
ir norska höfundinn Jon Fosse en
hann er mest leikni norræni höfund-
urinn í dag og hefur ekki verið sýnd-
ur áður hér á landi.
Frá fyrra ári verða sýnd verkin
Rambó 7, Edith Piaf, Klaufar og
kóngsdætur og Koddamaðurinn.
Frá áramótum verður lífleg starf-
semi í nýjum sal á fyrstu hæð hins
gamla íþróttahúss Jóns Þorsteins-
sonar á Lindargötu, Kassanum, en
uppbygging hans er samstarfsverk-
efni Þjóðleikhússins og Landsbank-
ans.
Á aðventunni verður viðburður í
Þjóðleikhúsinu ætlaður börnum,
eins konar óvissuævintýraferð um
leikhúsið sem lýkur í kjallaranum.
Um er að ræða leikrit sem Þor-
valdur Þorsteinsson hefur samið
sérstaklega af þessu tilefni og er
tónlistin eftir Árna Egilsson.
„Fyrsta frumsýningin á stóra
sviðinu í ár fjallar um Ameríkuár
Halldórs Kiljans Laxness. Verkið er
eftir Ólaf Hauk Símonarson og
gengur undir vinnutitlinum HKL í
Hollywood,“ segir Tinna. „Verkið
fjallar um útrás Halldórs til Banda-
ríkjanna þar sem hann ætlaði að
hasla sér völl sem handritshöfundur.
Hann kynntist lífinu rétt fyrir
kreppuna og kom heim aftur stað-
ráðinn í að skrifa fyrir sitt fólk í sínu
landi.“
Atli Rafn Sigurðarson leikur
Nóbelskáldið en Ágústa Skúladóttir
leikstýrir sýningunni.
Jólasýningin á stóra sviðinu er
síðan Túskildingsóperan eftir
Bertold Brecht og Kurt Weill í leik-
stjórn Stefáns Jónssonar.
Tvö leikskáld þreyta frumraun
sína í Þjóðleikhúsinu í vetur
Á milli jóla og nýárs verður frum-
sýnt nýtt verk eftir Völu Þórsdóttur,
Eldhús eftir máli, en í því byggir hún
á sex smásögum eftir Svövu Jakobs-
dóttur. Verkið er frumraun Völu í at-
vinnuleikhúsi. Ágústa Skúladóttir
leikstýrir því verki.
Eins og áður segir mun Þjóðleik-
húsið svo leggja sérstaka áherslu á
ungt fólk í vetur. Fræðsludeild húss-
ins hefur verið stórefld, en starfsemi
hennar er ætluð til að þjóna skóla-
fólki sérstaklega og einnig öllum
fróðleiksfúsum leikhúsunnendum.
„Við gerum okkur vonir um að
geta boðið ungu fólki sérstök kjör á
leikhúsmiðum,“ útskýrir Tinna.
Fyrsta verkið á fjalirnar fyrir
yngri kynslóðina heitir Frelsi eftir
Hrund Ólafsdóttur en líkt og Vala
hefur hún ekki skrifað verk fyrir at-
vinnuleikhús áður. Leikstjóri er Jón
Páll Eyjólfsson.
„Hrund er kennari og þekkir því
mjög vel til ungs fólks og okkur
finnst verkið, sem er samtímaverk
um ungmenni, vera mjög spenn-
andi,“ segir Tinna.
Menningarnótt í
Þjóðleikhúsinu
Þá er möguleiki á að einhver
starfsemi á vegum Þjóðleikhússins
verði í gamla hæstaréttarhúsinu en
fengin hafa verið afnot af því.
„Hægt er að nýta það undir æfing-
ar og svo er verið að gæla við þá
hugmynd að halda þar smærri uppá-
komur. Við ætlum ekki að breyta
rýminu í leikhús heldur nýta það
eins og það er,“ segir Tinna og legg-
ur áherslu á nýtingu auðra húsa í
miðbæ Reykjavíkur. „Þetta er ákaf-
lega skemmtilegur og sögulegur sal-
ur sem hefur staðið auður í tíu ár.“
Þjóðleikhúsið mun svo taka þátt í
menningarnótt, hinn 20. ágúst, þeg-
ar það verður lífgað við með
skemmtidagskrá á svölunum og í
Þjóðleikhúskjallaranum.
Það er nóg framundan í Þjóðleik-
húsinu og spennandi að sjá hvort
nýjar og breyttar áherslur muni laða
að fleiri gesti.
„Við erum að gera Þjóðleikhúsið
sýnilegra en það hefur verið,“ segir
Tinna að lokum.
Leiklist | Þjóðleikhússtjóri kynnir nýjar áherslur á komandi leikári í húsinu
Upplyfting
og menn-
ingarauki
Eftir Völu Ósk Bergsveinsdóttur
valaosk@mbl.is
Ljósmynd/Friðrik Örn Hjaltested
Forsvarsmenn Þjóðleikhússins vona að með nýjum áherslum í starfi húss-
ins muni fleiri gestir sækja leiksýningar þess á komandi leikári.
Tinna Gunnlaugsdóttir
þjóðleikhússtjóri.
KRISTÍN Jóhannesdóttir
kvikmyndaleikstjóri hefur verið
ráðin sem skólameistari Kvik-
myndaskóla Íslands.
Kristín er menntuð í kvik-
myndafræðum frá háskólanum
í Montpellier
og í kvik-
myndaleik-
stjórn frá
Conservatoire
Libre du Cin-
ema Français
í París.
Hún er með
margháttaða
reynslu af
vinnu við
kvikmyndir,
sjónvarp, útvarp og leikhús.
Kvikmyndaskóli Íslands býð-
ur upp á tveggja ára nám í kvik-
myndagerð og starfar með við-
urkenningu menntamála-
ráðuneytisins. Markmið
skólans er að þjónusta hinn ört
vaxandi kvikmynda- og sjón-
varpsiðnað á Íslandi með því að
bjóða upp á öflugt fagnám á
öllum sviðum kvikmyndagerð-
ar. Nú stunda 44 nemendur
nám við skólann á kvikmynda-
braut.
Eitt meginhlutverk Kristínar
sem skólameistara mun verða
að stýra frekari uppbyggingu
og stækkun Kvikmyndaskól-
ans, en í undirbúningi er stofn-
un þriggja nýrra brauta: Hand-
ritabrautar, hönnunarbrautar
og leiklistarbrautar. Hafa nám-
skrár fyrir þessar nýju brautir
verið lagðar inn til samþykktar
hjá menntamálaráðuneytinu og
stefnt er að því að hefja kennslu
á þeim á næsta ári.
Guðmundur Bjartmarsson,
sem gegnt hefur starfi skóla-
meistara síðastliðin tvö ár, mun
starfa áfram við skólann og hef-
ur hann yfirumsjón með
kennslu í kvikmyndatöku.
Nýr skóla-
meistari
Kvikmynda-
skóla Íslands
Kristín
Jóhannesdóttir
TENGLAR
.............................................
kvikmyndaskoli.is