Morgunblaðið - 12.08.2005, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 12. ÁGÚST 2005 VERÐ Í LAUSASÖLU 220 KR. MEÐ VSK.
Næring ekki
refsing
Opið 8-24 alla daga
í Lágmúla og Smáratorgi
GRÆNALÓN er við það að tæmast og vatnið
úr lóninu hefur myndað mikil göng í Skeiðar-
árjökul þegar það braut sér leið undir ísinn í
Súluhlaupi. „Það voru hrikaleg átök þarna og
lónið er að tæmast,“ segir Jón G. Sigurðsson
flugmaður, en hann segir að vatnið hafi fundið
sér farveg undir vestanverðan jökulinn, með-
fram Súlutindum og út í Súlu og Gígjukvísl.
Filippus Hannesson, bóndi á Núpsstað, telur
þetta mestu umbrotin þarna síðan brúað var
yfir Núpsvötn og Súlu, um 1974, en er ekki frá
því að meira hafi verið fyrir þann tíma.
Nýr íshellir myndaðist í hlaupinu
Ljósmynd/Jón G.
LÖGREGLAN á Hvolsvelli varar verktaka
við að geyma dísilolíubirgðir á víðavangi
þar sem hætt er við að þeim verði stolið,
jafnvel þótt tankarnir séu læstir með sér-
stökum lásum. Á undanförnum mánuðum
hefur lögreglan fengið að minnsta kosti
fjórar tilkynningar um olíuþjófnaði þar sem
dælt hefur verið úr svokölluðum olíukálf-
um. Lögreglan segir þó ekki um neinn far-
aldur að ræða, heldur hafi brot af þessu tagi
þekkst á liðnum árum. Enginn hefur verið
handtekinn vegna þessara mála eða yfir-
heyrður.
Stal 700 lítrum af olíu
Að sögn Gils Jóhannssonar lögregluvarð-
stjóra varðar stærsta málið þjófnað á 700
lítrum af olíu nýlega. Hann dregur þó ekki
þær ályktanir af þjófnaðinum að hækkandi
olíuverð reki menn út í slík brot.
Auðunn Jónsson, verktaki hjá Sléttafelli,
var sá sem varð fyrir þessum skaða en hann
vinnur í vikurnámum milli Heklu og Búr-
fells. Segir hann hækkun olíuverðs hljóta
að vera einhverja orsök þessa. Hann
geymdi olíu frá Atlantsolíu í kálfi og þegar
hann kom að sl. mánudag höfðu tveir lásar á
tanknum verið brotnir og 700 lítrar af olíu
horfnir. „Nóttina eftir að ég kom var aftur
stolið frá mér, því ég var ekki lengur með
kálfinn læstan,“ segir Auðunn. „Það er
bagalegt að lenda í þessu. Menn leyfa sér að
brjóta upp lása á tönkum til að fara í þá. Ef-
laust hefur hækkandi eldsneytisverð haft
sín áhrif.“
Hækkun
olíuverðs
hvati að
þjófnuðum?
ERLENDUR H. Garðarsson, framkvæmda-
stjóri Kjötframleiðenda ehf., hefur falið lögfræð-
ingum fyrirtækisins að skoða hvernig fyrirtækið
geti brugðist við ákvörðun Guðna Ágústssonar
landbúnaðarráðherra að meina því að flytja inn
nautakjöt frá Argentínu. Yfirdýralæknir hafði
áður gefið það álit að ekkert stæði í vegi fyrir því
að heimila innflutninginn. Engu að síður færir
ráðherra heilbrigðisrök fyrir banninu.
Meðal þess sem lögfræðingar Kjötframleið-
enda munu skoða er hvort ákvörðun landbún-
aðarráðherra sé í samræmi við skuldbindingar
sem Ísland hefur undirgengist á vettvangi WTO.
Guðni Ágústsson segir að áhættan hafi verið
of mikil í þessu tilfelli og bendir á að gin- og
klaufaveiki hafi komið upp í Argentínu fyrir
tveimur árum. Þess vegna hafi hann ekki heim-
ilað innflutning á kjötinu.
Halldór Runólfsson yfirdýralæknir segir að
gin- og klaufaveiki sé ekki að finna í Argentínu
og hafi ekki komið upp þar í landi í tvö ár. Hann
bendir á að við séum aðilar að Alþjóðadýraheil-
brigðismálastofnuninni (OIE) og í reglugerð sé
gert ráð fyrir því að við förum eftir þeim stöðlum
sem stofnunin gefur út. Lönd í Evrópusamband-
inu og Noregur hafi flutt inn kjöt frá þessu
svæði.
„Ráðherra hefur úrskurðarvaldið en allur fer-
illinn er samkvæmt lögum og reglum. Þannig
vinna bæði embættið og ráðuneytið að því að
koma í veg fyrir að dýrasjúkdómar berist til
landsins en þarna er áherslumunur. Við teljum
hins vegar ekki að við höfum lagt til að einhver
áhætta yrði tekin.“
Kemur á óvart
„Ég væri ekki að reyna þetta ef ég teldi að það
væri eitthvað athugavert við kjötið en Argent-
ínumenn eru jafn stoltir af sínu kjöti og við erum
af fiskinum okkar. Það hvarflaði ekki að mér að
það væri einhver spurning enda lágu öll gögn
fyrir. Þetta kom mér því verulega á óvart,“ segir
Erlendur sem hefur starfað við kjötiðnað í tólf ár
og þá aðallega fengist við útflutning á íslensku
kjöti, m.a. lambakjöti. Hann segir sérkennilegt
að sitja hinum megin borðsins.
Kjötframleiðendur ehf. óánægðir með bann við innflutningi á nautakjöti
Skoða hvort bannið sam-
ræmist reglum WTO
Eftir Þóri Júlíusson
thorir@mbl.is
 Áhætta | 4
♦♦♦
VÍSITALA neysluverðs í ágúst er 243,2 stig
og hefur hún hækkað um 0,2% frá því í júlí.
Á tólf mánaða grundvelli hefur hún hækkað
um 3,7% og er verðbólga því 3,7%.
Vísitala neysluverðs án húsnæðis er 227,5
stig og hefur hún hækkað um 0,1% á milli
ára og felur það í sér að húsnæðisverð stend-
ur fyrir mestum hluta hækkunarinnar.
Verðbólgan er meiri en greiningardeildir
bankanna höfðu gert ráð fyrir og er það
vegna hækkunar umfram væntingar á hús-
næðisverði og matvöruverði auk þess sem
útsöluáhrif voru ekki eins djúp og ráð var
gert fyrir samkvæmt Morgunkorni Íslands-
banka.
Ólafur Darri Andrason, hagfræðingur
ASÍ, segir þróunina valda áhyggjum.
Verðlag
hækkar
um 3,7% á
milli ára
 Verðbólga/14
TVÖ leikskáld þreyta frumraun
sína í Þjóðleikhúsinu í vetur en þá
verða frumsýnd verkin Frelsi eftir
Hrund Ólafsdóttur og Eldhús eftir
máli eftir Völu Þórsdóttur. Verk
Völu er byggt á sex smásögum eftir
Svövu Jakobsdóttur. Ágústa Skúla-
dóttir leikstýrir verkinu. Leikrit
Hrundar er samtímaverk og fjallar
um ungt fólk, en leikstjóri er Jón
Páll Eyjólfsson.
Fyrsta frumsýningarverk leik-
ársins er leikverk eftir Ólaf Hauk
Símonarson um dvöl Halldórs Kilj-
ans Laxness í Hollywood, en þang-
að fór hann í þeim tilgangi að hasla
sér völl sem handritshöfundur.
Þá verða innleiddar nýjar og
breyttar áherslur í kynningar-
málum Þjóðleikhússins, en að sögn
Tinnu Gunnlaugsdóttur, þjóðleik-
hússtjóra, er markmiðið að gera
leikhúsið sýnilegra og laða að fleiri
gesti. Þá hefur leikhúsið tekið upp
miðasölu á Netinu, en sú þjónusta
hefur ekki verið í boði. | 25
Hrund
Ólafsdóttir
Vala
Þórsdóttir
Tveir nýir höfundar á fjölunum