Morgunblaðið - 12.08.2005, Síða 34

34 FÖSTUDAGUR 12. ÁGÚST 2005 MORGUNBLAÐIÐ
MINNINGAR
✝ Lárus Sigurðs-son kaupmaður
fæddist í Hafnar-
firði 29. nóvember
1919. Hann lést á
Sólvangi í Hafnar-
firði 6. ágúst síðast-
liðinn. Foreldrar
hans voru Sigurður
G. Jóakimsson fisk-
matsmaður, f. 6.
apríl 1867, d. 8.
ágúst 1950, og
Magdalena Daniels-
dóttir, f. 7. júlí 1878,
d. 31. mars 1968.
Bræður Lárusar voru þeir Stefán,
f. 1911, og Georg, f. 1913, en þeir
eru báðir látnir.
Lárus kvæntist 6. febrúar 1949
Guðlaugu Hansdóttur, f. 17. nóv-
ember 1920. Foreldrar Guðlaugar
voru Hans Ólafsson sjómaður, f. 8.
júní 1894, d. 26. nóvember 1973,
og Halldóra Oddný Hallbjarnar-
dóttir, f. 8. júlí 1894, d. 27. sept-
ember 1987, bæði ættuð úr Flatey
á Breiðafirði.
Dætur Lárusar og Guðlaugar
eru: Halldóra
Oddný, f. 14. janúar
1951, og Hanna
Björk, f. 2. nóvem-
ber 1959. Eiginmað-
ur Hönnu er Lúðvík
Geirsson, f. 21. apríl
1959. Synir þeirra
eru: Lárus, f. 31. júlí
1984, unnusta hans
er Evgenyia Z.
Demireva, Brynjar
Hans, f. 3. mars
1989, og Guðlaugur
Bjarki, f. 2. október
1996.
Lárus stundaði verslunarstörf
alla sína starfsævi, lengstum í
samstarfi við bróður sinn Stefán,
en þeir ráku verslanir með mat-
væli og heimilisvörur á fimmta
áratug í Hafnarfirði. Síðar starf-
aði Lárus um nokkurt skeið í
verslun Sláturfélags Suðurlands
við Hlemm og síðustu starfsárin
hjá Meistaranum.
Lárus verður jarðsunginn frá
Hafnarfjarðarkirkju í dag og
hefst athöfnin klukkan 13.
Nú verða ekki sagðar fleiri sögur í
bili eða rifjuð upp ævintýri frá
bernskuárunum á Vörðustígnum og
vesturbænum eða frá áratuga þjón-
ustu við búðarborðið í Stebbabúð.
Þessar lifandi frásagnir voru
ógleymanlegar skemmtistundir og
fróðleikur, ekki síst þegar þeir voru
komnir í heimsókn einhverjir af
gömlu æskufélögunum og farnir að
segja sögur af mannlífinu í Hafnar-
firði, samferðafólkinu og bænum
þeirra sem var þeim öllum svo kær.
Lárus Sigurðsson var í góðum
tengslum við mannlífið og samfélag-
ið í Firðinum. Hann tók ungur virk-
an þátt í starfsemi Knattspyrnu-
félagsins Hauka og sat þar í
aðalstjórn um tíma, auk þess að
keppa fyrir félagið í bæði knatt-
spyrnu og handknattleik. Hann
fylgdist alla tíð af miklum áhuga með
félaginu sínu og glæstur árangur
þess yljaði honum sannarlega um
hjartarætur.
En það var í kaupmennskunni sem
hann átti nánustu samskiptin við
bæjarbúa þar sem hann þjónaði sem
verslunarmaður í nær hálfa öld af
einstakri lipurð og kostgæfni. Hann
vildi að sínir viðskiptavinir væru
sáttir og ánægðir og það voru þeir
sannarlega. Hann var rétt liðlega
fermdur þegar hann tók að aðstoða
stóra bróður Stefán við verslunar-
störfin, en Stefán var búinn að stofna
sína eigin verslun, Stebbabúð, aðeins
22ja ára að aldri.
Þeir bræður voru ungir athafna-
menn sem létu sér fátt fyrir brjósti
brenna á kreppuárunum á fjórða
áratug síðustu aldar. Saman stóðu
þeir í verslun og þjónustu með mat-
vöru, leikföng og búsáhöld og ráku
fjórar verslanir í Hafnarfirði um
tíma. Síðar komu þeir starfseminni í
eina stórverslun á Arnarhrauninu en
þar hafði fjölskylda Lárusar ásamt
tengdaforeldrum hans reist sér
myndarlegt heimili.
Lárus var mikill gæfumaður í sínu
einkalífi. Hann kvæntist Guðlaugu
Hansdóttur árið 1949 en hún er fædd
og uppalin í Flatey á Breiðafirði og
fluttist síðar með foreldrum sínum
til Hafnarfjarðar. Það var sjósóknin
og fiskverkunin sem togaði fólk úr
öllum áttum til Hafnarfjarðar á
fyrstu áratugum 20. aldarinnar. Fað-
ir Lárusar, Sigurður Jóakimsson
kom af Vatnsleysuströndinni og
starfaði sem fiskmatsmaður í hinum
sívaxandi útgerðar- og fisk-
vinnslubæ en Hans, faðir Guðlaugar,
sótti fiskinn á togurum Hafnfirð-
inga.
Það lá hins vegar fyrir Lárusi að
þjóna íbúum hins sístækkandi bæjar
við fjarðarbotninn, með því að
tryggja þeim fjölbreytta matvöru á
hagkvæmum kjörum sem var enginn
hægðarleikur á krepputímum og í
haftabúskap eftirstríðsáranna. Það
þurfti bæði þrautseigju og dugnað til
að halda úti slíkum rekstri. En eig-
inleikar eins og einstök þjónustu-
lund skiptu þar miklu og sú lund
sýndi sig í öllum samskiptum við
fjölskyldu, vini og vandamenn.
Það var lífsreynsla og lærdómur
að fá að vera með í lífshlaupi Lárusar
og kynnast honum í leik og starfi.
Það var ekki alltaf mikill tími til að
sinna heimili og fjölskyldu þegar
staðið var í versluninni frá morgni til
kvölds árið um kring. En hann naut
þess að eiga sínar frístundir í faðmi
sinna nánustu og þegar um hægðist
voru það barnabörnin, strákarnir
þrír sem fengu að njóta þess að eiga
tímann með honum afa sínum.
Ég kveð kæran tengdaföður með
söknuði en um leið þakklæti fyrir all-
ar liðnar stundir. Megi minningin
um góðan dreng lifa og verða okkur
eftirlifendum vegvísir inn í komandi
framtíð.
Lúðvík Geirsson.
Það er með söknuði sem við bræð-
urnir á Fálkahrauni kveðjum afa
okkar, með allar samverustundirnar
og góðu minningarnar í huga. Við er-
um þakklátir fyrir þann tíma sem við
fengum að njóta með honum en nú er
komið að kveðjustund. Það er hins
vegar minningin um afa Lalla, hress-
an og kátan, sem lifir í minningunni.
Eftirminnilegar voru athuga-
semdir hans þegar við horfðum á
knattspyrnuleiki í sjónvarpinu. Afa
fannst það alltaf jafn merkilegt
hvernig menn sem fengu margar
milljónir á mánuði fyrir að spila
knattspyrnu og æfðu tvisvar á dag
færu eiginlega að því að skjóta svona
mikið yfir og framhjá.
Við minnumst þess með bros á
vör, þegar hann fór með okkur í sund
og á heimleiðinni var alltaf komið við
í sjoppunni og keyptar fílakaramell-
ur. Önnur sætindi komu ekki til
greina.
Það eru líkar góðar minningar um
alla þá sólríku daga sem við áttum
með afa í garðinum heima á Arn-
arhrauninu. Þótt heilsan væri farin
að gefa sig kom ekki til greina hjá
honum að sitja hjá, hvort sem verið
var slá blettinn, klippa trén eða tína
ber af trjánum. Alltaf var hann
mættur til að taka til hendinni.
Það eru þessi smáatriði sem lýsa
honum afa svo vel og fá okkur til að
brosa í gegnum tárin þegar við
minnumst hans. Við vitum að nú líð-
ur honum aftur vel og hefur örugg-
lega nóg fyrir stafni á góðum stað.
Lárus, Brynjar og Guðlaugur.
LÁRUS
SIGURÐSSON
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Innilegar þakkir til allra þeirra sem sýndu okkur
samhug og hlýhug vegna andláts móður okkar,
tengdamóður, ömmu og langömmu,
GUNNHILDAR NIKULÁSDÓTTUR,
Sundabúð,
áður Hamrahlíð 9,
Vopnafirði.
Konráð Ólafsson, Svava Pálsdóttir,
Stefán Ólafsson, Sigurlína Axelsdóttir,
Helga Ólafsdóttir, Flosi Jörgensson,
Jóhanna Ólafsdóttir, Þórður Örn Vilhjálmsson,
barnabörn og barnabarnabörn.
Elskulegur sonur okkar og bróðir,
MÁNI MAGNÚSSON,
Lækjarhjalla 14,
Kópavogi,
lést af slysförum sunnudaginn 7. ágúst sl.
Útför hans fer fram frá Hjallakirkju föstudaginn
12. ágúst kl 15.00.
Þeim, sem vilja minnast hans, er bent á björgun-
arsveitina Heimamenn, Reykhólum, bankanúmer björgunarsveitarinnar
er 1118-05-134281, hjá Sparisjóði Vestfirðinga, Króksfjarðarnesi.
Foreldrar og systkini.
Elskulegur faðir minn, tengdafaðir, afi og langafi,
BJÖRN SIGURÐSSON
húsasmíðameistari,
til heimilis á Hrafnistu í Hafnarfirði,
áður Sólheimum 23,
Reykjavík,
lést þriðjudaginn 9. ágúst.
Útför verður auglýst síðar.
Björn J. Björnsson, Alma Guðmundsdóttir,
Guðbjörg Björnsdóttir, Pálmi Freyr Randversson,
Erna Kristjánsdóttir, Sigurjón I. Garðarsson,
Jóhann Björnsson,
Davíð Björnsson,
Jakob Emil og Benedikt Pálmasynir.
Ástkær eiginmaður minn,
KRISTJÁN G. JÓNSSON,
Álfaskeiði 64b,
Hafnarfirði,
andaðist á Sólvangi fimmtudaginn 4. ágúst.
Útförin fer fram frá Þjóðkirkjunni í Hafnarfirði
þriðjudaginn 16. ágúst kl. 13.00.
Fyrir hönd aðstandenda,
Sóley Þorsteinsdóttir.
Eiginkona mín, móðir okkar, tengdamóðir, amma
og langamma,
MARGRÉT SIGHVATSDÓTTIR,
Hraunvangi 1,
Hafnarfirði,
andaðist á Hrafnistu, Hafnarfirði, miðvikudaginn
10. ágúst.
Jarðarförin auglýst síðar.
Haraldur Örn Sigurðsson,
Haukur Már Haraldsson, Erla Sigurbergsdóttir,
Gunnar Haraldsson,
Þóra Haraldsdóttir,
Sigurður Haraldsson, Ewa Kurkowska,
barnabörn og barnabarnabörn.
Ástkær faðir okkar, afi og fv. eiginmaður,
MAGNÚS G. HELGASON
frá Lambastöðum,
Seltjarnarnesi,
lést á hjartadeild Háskólasjúkrahússins í Lundi,
Svíþjóð, þriðjudaginn 2. ágúst.
Útförin fer fram í Kvistoftakirkju í Helsingborg
fimmtudaginn 18. ágúst kl. 14.00.
Kristín Lára Magnúsdóttir,
Helgi Þór Magnússon,
Sigríður Ýr Magnúsdóttir,
Elín Ebba Helgason Strandmark,
Hildur Elín Johnson.
Innilegar þakkir til allra þeirra sem sýndu okkur
samúð og hlýhug við andlát
HELGU GUÐRÚNAR ÞORSTEINSDÓTTUR,
Hraunbæ 80,
Reykjavík.
Helga Margrét Söebech, Gunnar Örn Guðmundsson,
Þórður Freyr Söebech,
Guðmundur Örn Gunnarsson,
Helgi Valur Gunnarsson,
Jódís Þorsteinsdóttir, Jón Níelsson.