Morgunblaðið - 17.08.2005, Síða 4
4 MIÐVIKUDAGUR 17. ÁGÚST 2005 MORGUNBLAÐIÐ
FRÉTTIR
HARALDUR Stein-
þórsson, fyrrverandi
framkvæmdastjóri
BSRB, lést á hjarta-
deild Landspítala-Há-
skólasjúkrahúss í gær,
79 ára að aldri.
Haraldur fæddist á
Akureyri 1. desember
1925. Hann lauk stúd-
entsprófi frá Mennta-
skólanum í Reykjavík
1944 og starfaði sem
kennari frá 1948 til
1973, fyrst við Gagn-
fræðaskóla Ísafjarðar,
þá Gagnfræðaskólann við Vonar-
stræti og loks Hagaskóla í Reykja-
vík.
Haraldur starfaði lengi innan
Bandalags starfsmanna ríkis og
bæja, varð varaformaður BSRB
1962 og síðar framkvæmdastjóri uns
hann lét af störfum árið 1985. Hann
var bæjarfulltrúi Sósí-
alistaflokksins á Ísa-
firði 1950 til 1954 og
gegndi ýmsum trúnað-
arstörfum fyrir Sósíal-
istaflokkinn og síðar
Alþýðubandalagið.
Þar á meðal var hann
forseti Æskulýðsfylk-
ingarinnar í tvö ár.
Auk stjórnmála-
starfa var Haraldur
virkur innan íþrótta-
hreyfingarinnar og
gegndi formennsku í
Knattspyrnufélaginu
Fram 1955 til 1960. Þá var hann
einn af frumkvöðlum stofnunar
Landssambands hjartasjúklinga og
sinnti ýmsum störfum fyrir þau
samtök.
Eftirlifandi eiginkona Haraldar
er Þóra Sigríður Þórðardóttir. Þau
eiga fjögur uppkomin börn.
Andlát
HARALDUR
STEINÞÓRSSON
STEFNT er að því að Sturla
Böðvarsson samgönguráðherra
vígi á föstudag nýja flugbraut og
vélageymslu í Grímsey. Til stóð að
ráðherrann og fylgdarlið færu til
Grímseyjar sl. föstudag, en fresta
varð förinni vegna þoku.
Gamla flugbrautin var mal-
arbraut og varð hluti hennar oft
ófær á vorin þegar jörð tók að
þiðna. Flugbrautin hefur öll verið
endurbyggð og lögð á hana klæðn-
ing og byggð við hana endaörygg-
issvæði. Flugbrautin er nú 1.030
metra löng og 23 metra breið.
Flugbrautinni var aðeins lokað í
þrjá daga á framkvæmdatímanum.
Verkið var boðið út árið 2003 og
voru tilboð opnuð 31. júlí það ár.
Borgarverk var með hagstæðasta
tilboðið, 80,3 milljónir króna, og
var því tekið. Þá var ljósabúnaður
flugbrautarinnar endurnýjaður og
var áætlaður heildarkostnaður
vegna flugbrautar og ljósabúnaðar
108 milljónir króna en kostnaður-
inn varð 124 milljónir. Megin-
ástæður aukins kostnaðar voru
ófyrirséðar sprengingar á klöpp-
um á öryggissvæðum og endur-
nýja þurfti raflagnir í flugbraut-
inni, segir í frétt frá
Flugmálastjórn. Þá hefur verið
byggð ný vélageymsla á flugvell-
inum. Húsið er 140 fermetrar og
hýsir slökkvibifreið, rafmagns-
búnað, snjóruðningstæki, blásara
og sanddreifara. Elin á Sauð-
árkróki sá um byggingu véla-
geymslunnar sem kostaði 18 millj-
ónir króna eins og áætlanir gerðu
ráð fyrir. Heildarkostnaður við
allar þessar framkvæmdir á
Grímseyjarflugvelli er því 142
milljónir króna.
Verktakar luku framkvæmdum
á síðasta ári en ýmsum frágangi
lauk fyrir skömmu.
Ljósmynd/Mats Wibe Lund
Grímseyjarflugvöllur og höfn séð til norðurs. Nýja brautin eykur mjög öryggi eyjarskeggja.
Ný flugbraut í Grímsey
vígð um næstu helgi
ÞJÓÐVERJI, sem leitað var í gær
á Hornströndum, gisti í neyð-
arskýli þar sem var sími og stadd-
ir voru Íslendingar, en hann hafði
þó hvorki rænu á að láta vita af
sér né biðja Íslendingana að til-
kynna um ferðir sínar. Þeir vissu
ekki að hans væri leitað fyrr en
um klukkan tvö í gær, en þá hafði
hann kvatt þá. Önundur Jónsson,
yfirlögregluþjónn á Ísafirði, segir
að atvik sem þetta veki sem oft
áður spurningar um hvort erlend-
ir ferðamenn er hyggi á göngu-
ferðir um fáfarnar eða torfærar
slóðir þurfi að hafa virka ferða-
tryggingu til að standa straum af
kostnaði vegna hugsanlegrar leit-
ar.
Lögreglan á Ísafirði fékk til-
kynningu rétt fyrir kl. níu í gær-
morgun um að verið væri að leita
að 23 ára Þjóðverja, sem orðið
hafði viðskila við hóp landa sinna í
mikilli þoku. Ferðafélagar manns-
ins höfðu þá leitað hans án árang-
urs frá klukkan sjö í fyrrakvöld
og farið um mestallt Sigmund-
arfell. Íslenskir ferðamenn komu
síðan Þjóðverjunum til aðstoðar en
ekkert bólaði á manninum. Upp úr
átta í gærmorgun óskuðu þeir síð-
an eftir aðstoð.
Grýtt og erfitt leitarsvæði
Þyrla Landhelgisgæslunnar, TF-
LÍF, var kölluð til og hafði hún
fjóra leitarhunda meðferðis, og
einn hundur bættist við á Ísafirði.
Hundarnir og níu leitarmenn voru
síðan ferjaðir til Hælavíkur. Þar
skiptist hópurinn í tvennt og leit-
aði hvor til sinnar áttar. Leitin
beindist einkum að gönguleiðinni
um Hvannadalsskarð og svæðinu
þar fyrir norðan, en Þjóðverjinn
hafði horfið sjónum ferðafélaga
sinna við Sigmundarfell og Máva-
tjörn, sem er þar skammt frá.
„Þetta er erfitt leitarsvæði,
mjög grýtt, og ef leita hefði þurft
í fjörum er nauðsynlegt að hafa
nógu marga hunda til aðstoðar.
Veðurspáin var einnig slæm og
þótt hún hafi sem betur fer ekki
ræst var samt norðaustan rok og
rigning þarna. Þannig gat þyrlan
ekki tekið þátt í leitinni vegna
þess hversu lágskýjað var,“ segir
Önundur.
Einnig fóru Þjóðverjar úr ferða-
hópnum, sem dvöldu í Hornvík, yf-
ir í Rekavík og út með Rekavík-
urfjalli og upp í Atlaskarð. Þegar
leitin var komin á fullan skrið var
hringt í lögregluna úr Hælavík.
„Maður sem dvaldi í sum-
arbústað í Hælavík hringdi síðan í
okkur og kvaðst hafa rekist þar á
ungan Þjóðverja, er orðið hafði
viðskila við ferðafélaga sína og
gist í neyðarskýlinu Búðarbæ í
víkinni,“ segir Önundur. „Síðan
tók hann sig til klukkan eitt [í
gær], kvaddi fólkið þar og kvaðst
ætla að rölta yfir Skálakamb, sem
er gönguleiðin úr Atlaskarði yfir í
Rekavík. Hann var hinn hress-
asti.“
Íslendingarnir heyrðu í tvö-
fréttum Ríkisútvarpsins að manns-
ins væri leitað og höfðu samband
við lögreglu. Rétt fyrir klukkan 15
gerði Þjóðverjinn vart við sig í
Hornvík og var tekinn um borð í
bátinn Sædísi, er kom úr Reykja-
firði, sem flutti hann í kjölfarið til
Hornvíkur þar sem hann hitti hina
Þjóðverjana. Þá kölluðu stjórn-
endur leitarinnar leitarmenn til
baka.
Láta vita af sér ef
ferðaáætlun breytist
Alls leituðu níu björgunarsveit-
armenn mannsins frá Hornvík, 25
aðrir voru lagðir af stað sjóleiðina
á leitarstað, en þeim var snúið við
þegar þeir áttu tæpa tvo tíma eftir
á vettvang, og einnig voru 10–12
manns mættir út á Ísafjarð-
arflugvöll og biðu þess að þyrla
Landhelgisgæslunnar flytti þá yfir
í Hælavík. Við þetta bætast menn í
stjórnstöð leitarinnar, áhöfn þyrl-
unnar o.s.frv., þannig að á fimmta
tug þjálfaðra manna komu að leit-
inni með einum eða öðrum hætti,
auk ferðamanna.
„Við hvetjum göngumenn til
þess, verði þeir viðskila við ferða-
félaga sína, að hafa gönguplan og
halda sig við það. Breyti þeir út af
því eiga menn að láta vita af sér,“
segir Önundur. „Sérstaklega eins
og í þessu tilviki, þegar menn hafa
aðgang að síma eins og var raun-
in. Það er t.d. hægt að láta til-
kynningaskylduna vita af sér, sem
kemur upplýsingum til réttra yf-
irvalda. Þetta hefði getað sparað
leit sem þessa, sem kostar a.m.k.
fleiri hundrað þúsund krónur í
vinnutapi, notkun farartækja o.fl.
Þetta vekur sem stundum áður
spurningu um að hópar sem þessir
og einstaklingar, er fara um fá-
farnar eða torfærar slóðir, hafi
virka ferðatryggingu sem nægir
til að greiða kostnað, komi upp at-
vik sem þetta.“
Samkvæmt lögum nr. 117 frá
árinu 1995 er ráðherra heimilt að
ákveða að þeir aðilar, sem skipu-
leggja hópferðir um Ísland, skuli,
samkvæmt nánari reglum, kaupa
tryggingu hjá viðurkenndu trygg-
ingafélagi vegna kostnaðar sem
hljótast kunni af leit eða björgun
farþega sem ferðast á þeirra veg-
um. Er vitnað í því sambandi til
reglugerðar frá árinu 1983, þar
sem fram kemur að ferðamálaráð
setji það skilyrði fyrir komu ferða-
hópa til landsins að fyrir liggi
sambærilegar tryggingar og inn-
lendum ferðaskrifstofum er gert
að setja.
Heimilt að krefjast
endurgreiðslu kostnaðar
Þá sé heimilt að krefjast af
tryggingarfélaginu endurgreiðslu
á kostnaði, sem hljótast kunni af
leit eða björgun farþega í hópn-
um, skaðabóta vegna skemmda,
sem þeir kunni að valda, svo og
kostnaðar sem hljótast kunni af
dvöl þeirra og flutningi og við-
komandi ferðaskrifstofa ekki
greiðir.
Enn fremur er ráðherra heimilt
að ákveða að sömu aðilar skuli
hafa í nánar tilteknum ferðum
leiðsögumenn sem hlotið hafa sér-
staka þjálfun til þess starfa.
„Við viljum ekki letja fólk sem
er statt í nauðum að leita til okk-
ar, en vissulega geta ástæður ver-
ið misbrýnar,“ segir Dagmar Sig-
urðardóttir, lögfræðingur og
upplýsingafulltrúi Landhelg-
isgæslu Íslands. „Flugmenn okkar
þurfa að halda sér í stöðugri æf-
ingu og myndu fljúga hvort sem
er, þannig að á þeim forsendum
kvörtum við ekki yfir beiðnum um
aðstoð. En það væri ef til vill ráð
að settar yrðu skýrari reglur
varðandi ferðir um hálendið og
sambærilega staði, en það er þó
ekki okkar hlutverk að beita okk-
ur fyrir slíku.“
Týndur Þjóðverji gisti í skýli þar sem var sími en lét ekki vita af sér á meðan fjöldi manns leitaði
„Vekur spurningu
um virkar tryggingar
fyrir ferðamenn“
!"
#$%&#$%&
Eftir Sindra Freysson
sindri@mbl.is
HRINGVEGURINN lokaðist um
klukkan 21 í gærkvöldi vegna
skriðufalla í Hvalnes- og Þvottár-
skriðum, á milli Djúpavogs og
Hornarfjarðar. Fór grjót og aur yfir
veginn og sendi Vegagerðin stór-
virkar vinnuvélar á staðinn til að
hreinsa veginn. Verkið var seinlegt
vegna mikilla vatnavaxta og erfiðra
aðstæðna og var búist við að unnið
yrði fram eftir nóttu, en vegurinn að
líkindum opnaður að nýju í morg-
unsárið. Samkvæmt upplýsingum
frá lögreglunni á Höfn í Hornafirði
var vitað um fólk sem komst ekki
leiðar sinnar af þessum sökum og
þurfti að snúa aftur til Hafnar og
Djúpavogs. Skriðuföll hafa verið tíð
á þessum slóðum alllengi, einkum í
miklum vatnavöxtum eins og voru í
gær, og vorleysingum. Ekki er
lengra síðan en þrír dagar að stór
björg hrundu þarna niður á þjóð-
veginn. „Það er undrunarefni að yf-
irvöld vegamála hafi ekki beint sjón-
um sínum að þessu svæði,“ sagði
Jón Garðar Bjarnason, aðstoðar-
varðstjóri á Höfn, í samtali við
Morgunblaðið. „Þarna gæti mynd-
ast stórhætta ef skriðurnar lenda á
farartækjum, auk þess sem mikill
kostnaður og ami er af þessum sí-
felldu skriðum og hreinsun vegar-
ins.“
Hringvegurinn lokað-
ist vegna skriðufalla