Morgunblaðið - 05.09.2005, Side 23

MORGUNBLAÐIÐ MÁNUDAGUR 5. SEPTEMBER 2005 23
UMRÆÐAN
kemur næst út 10. september, fullt af spennandi efni um
listina að gera vel við sig og sína í mat og drykk.
Meðal efnisþátta í
næsta blaði eru:
• Góðgæti í saumaklúbbinn
• Girnileg haustveisla
• Sumarveiðin úr
íslenskum ám
• Náttúruleg salöt
• Spænsk víngerð
ásamt ýmsum sælkerafróðleik.
Auglýsendur!
Pantið fyrir fimmtudaginn
8. september.
Allar nánari upplýsingar veitir
Sif Þorsteinsdóttir í síma
569 1254 eða sif@mbl.is
NÚ ÞEGAR R-listinn er liðinn
undir lok, taka flokksbrotin til við
að firra sjálf sig ábyrgð á hinum
langa klúðurslista sem undanfarin
11 ár hafa verið. Frambjóðendur
R-listans berja sjálfum sér á brjóst
og býsnast yfir eigin ágæti, þegar
staðreyndirnar benda á hið gagn-
stæða, og nú er svo komið að ég
get ekki lengur orða
bundist. Það er eitt að
láta hina síversnandi
þjónustu borgarinnar
bitna á mér og öðrum
fullorðnum íbúum
(sjáið bara nýja
Strætó-kerfið), en
þegar R-listinn lætur
eigin vangetu bitna á
börnum mínum er
mér nóg boðið. Ég er
með tvo drengi á
skólaaldri og nú er
svo komið að hvor-
ugur þeirra nýtur
þeirrar þjónustu sem þeir eiga rétt
á sem íbúar borgarinnar, og R-
listinn sýnir ekki nokkurn áhuga á
að sinna rétti þeirra til að njóta
fulls skóladags í öruggri umsjón á
frístundaheimili þegar venjulegum
skóladegi lýkur, og er ekki að sjá
að hann komist af þeim biðlista í
bráðina (og nei, biðlistinn hverfur
ekki við það eitt að endurskil-
greina hann, eins og R-listinn hef-
ur gert trekk í trekk). Yngri sonur
minn er í leikskóla þar sem mann-
eklan er slík að skerða verður vist
hans um heila klukkustund á dag
um ófyrirsjáanlega framtíð. Hvað
halda fulltrúar R-listans að við for-
eldrar, og börn okkar, séum? Því-
líkur dónaskapur og áhugaleysi að
sinna ekki þessum grundvall-
arþjónustuþætti, og á sama tíma
hreykja þessir fulltrúar sér á því
að skilja eftir sig borg í blóma og
enga biðlista. Í báðum tilvikum er
því að kenna að borgaryfirvöld
vilja ekki borga fólki mannsæm-
andi laun fyrir að sinna börnunum
okkar.
Það er grátlegt að sjá Stefán
Jón Hafstein koma í fjölmiðla og
yppta öxlum og segja að svona séu
nú bara aðstæður, ekkert sé við
þessu að gera, og enn
ömurlegra að almenn-
ingur sættir sig bara
við þau svör. Ég, sem
foreldri, sætti mig
ekki við þau svör, og
synir mínir, sem
þegnar í þessari borg,
sætta sig ekki við
þessi svör heldur. Það
skortir ekki pen-
ingana þegar R-lista
frambjóðendur slengja
fram hugmyndum um
kaffihús í Hljóm-
skálagarðinum, eða
þegar eyða á mörg þúsund millj-
ónum í hús Orkuveitunnar. Það er
greinilega mikilvægara í augum
borgarstjóraefna R-listaflokkanna
að strá peningum í gagnslausar
byggingar, en að sinna þjónustu
við borgarana. Gerir fólk sér
nokkra grein hvað mætti hækka
laun starfsfólks leikskóla borg-
arinnar um marga tugi þúsunda á
mánuði ef byggt hefði verið eðli-
legt hús í kringum Orkuveituna?
Hefur nokkur maður keyrt upp að
Orkuveitunni, horft ofan á gos-
brunnana og marmarann þar og
hugsað: „Mikið er ég fegin(n) að
við eyddum mörg þúsund millj-
ónum í þessa byggingu, í stað þess
að manna leikskólana almenni-
lega.“ Nei, ég hélt ekki.
R-listafólk, ég mæli sennilega
fyrir munn velflestra foreldra í
borginni þegar ég skora á ykkur
að leysa þetta ófremdarástand, og
það strax. Engar nefndir, engin
„umræðustjórnmál“, bara lausnir
og það núna! Þið gleymið því trekk
í trekk að þið eruð í vinnu hjá okk-
ur, borgurunum, og eigið að þjóna
okkur – og sem vinnuveitandi ykk-
ar tek ég ekki gilda þá afsökun að
þið getið ekki leyst þetta. Ef
lausnin kallar á að þið borgið leik-
skólakennurum og umsjónarfólki
frístundaheimila hærri laun, þá
gerið þið það, punktur. Það er ekki
flóknara en svo – þið hafið eytt
ómældum milljörðum í tóma vit-
leysu undanfarin ár, en enginn
mun segja að rífleg launahækkun
til leikskólakennara sé sóun, trúið
mér. Það er með ólíkindum að þið
ætlið að fara í kosningabaráttu
með þetta ástand á bakinu. Það
eina sem er með meiri ólíkindum
er að það skuli vera til fólk sem
sættir sig við þessi svör ykkar og
að þið skulið fá nokkur atkvæði yf-
ir höfuð.
Reykvíkingar, tökum höndum
saman og látum stjórnendur borg-
arinnar starfa í okkar þágu. Látum
ekki bjóða okkur svona dónaskap,
börnin okkar eiga betra skilið en
þetta, og það er skylda okkar að
verja rétt þeirra.
Stjórnleysi R-listans
Haukur Skúlason fjallar um
stjórnmálin í höfuðborginni ’Reykvíkingar, tökumhöndum saman og látum
stjórnendur borg-
arinnar starfa í okkar
þágu. ‘
Haukur Skúlason
Höfundur er viðskiptafræðingur
og borgarbúi.
ENN er komin til umræðu „hús-
næðiskostnaður“ í vísitölu. Fram hef-
ur komið að verðbólga væri nú lægri,
ef þessi „húsnæð-
iskostnaður“ væri tek-
inn út úr vísitölu. En
um það er ágreiningur.
Hver er hann þessi
aukni „húsnæðiskostn-
aður“ vísitölu-
fjölskyldu, í ljósi hækk-
ana á verði fasteigna.
Ég skil það svo, – að
hækkun á verði fast-
eigna – auki nettóeign-
ir almennings (vísitölu-
fjölskyldu) – og því
hæpið að „reikna“ út
eignaaukningu sem
„kostnað“. Lítum nán-
ar á líklega þróun hjá
vísitölufjölskyldu Jóns
Jónssonar á einu ári.
Vísitölufjölskylda JJ
á fasteign. Skuldir í
fasteigninni námu fyrir
ári (ágiskað dæmi) um
50% af verði fasteign-
arinnar þá. Nettóeign
vísitölufjölskyldunnar
var því fyrir ári um
50%.
Á einu ári hefur verð á fasteign
vísitölufjölskyldu JJ hækkað um 30%
en skuldir á fasteigninni hækkað um
5%. Er þá „flókið“ dæmi hver er
nettóniðurstaða? Niðurstaðan virð-
ist, – að eiginfjárstaða JJ í fasteign-
inni sé í dag 60% af söluverði fast-
eignarinnar og skuldin 40%. Á þessu
ári hafa vextir á láni JJ í fasteigninni
lækkað úr 5,5% í 4,15%, eða um 25%.
Þökk sé þeim sem einkavæddu bank-
ana.
Hvernig er svo hægt að reikna út
„kostnaðarauka“ – hjá vísitölu-
fjölskyldu JJ – þegar eiginfjárstaða
fjölskyldunnar hækkar og vextir
lækka? Og hvernig er
unnt að láta bóka þetta
sem „kostnaðarauka“ í
opinberum gögnum til
að hækka bygginga-
vísitölu? Er það ekki
nokkuð ljóst – að fjöl-
skylda JJ er að hagn-
ast? Samt situr einhver
einhversstaðar og dund-
ar við að „reikna út“ og
bóka „kostnaðarauka“ í
fjölskyldubókhald JJ.
Útreikningurinn á
þessu „bókhaldi“ er svo
aftur nýttur til hækk-
unar á verðtryggðum
lánum á fasteign JJ! Er
það þetta sem, er kallað
hringavitleysa?
Vonandi næst sú
málamiðlun, – að þessi
della verði aflögð og
„húsnæðiskostnaður“
verði tekinn út úr vísi-
tölu. Það eru engar fag-
legar forsendur til að
viðhalda slíku fjöl-
skyldubókhaldi fyrir JJ.
Það er hlutverk stjórnvalda að
taka skarið af og stöðva slíkar blekk-
ingar og hundakúnstir í útreikn-
ingum sem reyndar viðgengst á fleiri
opinberum stöðum en í fjöl-
skyldubókhaldi vísitölufjölskyldu JJ.
„Húsnæðiskostn-
aður“ í vísitölu?
Kristinn Pétursson fjallar um
húsnæðiskostnað og vísitölu
Kristinn Pétursson
’Vonandi næstsú málamiðlun,
– að þessi della
verði aflögð og
„húsnæð-
iskostnaður“
verði tekinn út
úr vísitölu. ‘
Höfundur er fiskverkandi
á Bakkafirði.