Morgunblaðið - 27.09.2005, Blaðsíða 15

Gæðastjórnun: Gerð verklagsreglna
Fimmtudaginn 29. september nk. heldur FOCAL Consult-
ing námskeið sem nefnist: GERÐ VERKLAGSREGLNA -
Frá skilgreiningu ferlis að skráningu, innleiðingu og úttekt á
verklagsreglu. Námskeiðið verður haldið í sal Læknafélags
Íslands, Hlíðasmára 8, Kópavogi, kl. 9-13.
Námskeiðið er miðað að þörfum þeirra sem vinna við
gæðastjórnun, þ.e. gæðastjóra, gæðatengla, yfirmenn eða
aðra starfsmenn. Á námskeiðinu eru kennd formleg og við-
urkennd vinnubrögð, farið yfir aðferðarfræði gæðastjórnun-
ar ásamt „praktískum“ atriðum við innleiðingu á verklags-
reglum og úttektum.
• Ferilhugsun, hvað er ferill
• Flæðirit, hvernig á að skilgreina feril frá
upphafi til enda
• Kynnt Cross Functional flæðirit
• Skilgreint inntak, úttak og ábyrgð í flæðiriti
• Farið yfir hvað getur farið úrskeiðis í ferli
• Ritun verklagsreglu, form og tilvísun í ISO-staðal
• Gerðar æfingar í ritun verklagsreglna
með flæðiritum
• Innleiðing verklagsreglna
• Gerðir gátlistar fyrir úttektaraðila
Kennarar: Einar Áskelsson og Svala Rún Sigurðardóttir,
ráðgjafar í gæðastjórnun. Verð á námskeiðinu er
kr. 16.500. Skráning fer fram á heimasíðu FOCAL:
www.focal.is/namskeid
Húsavík | Frænkurnar Ólöf
Traustadóttir (t.v.) og Kristín
Axelsdóttir létu sér í léttu
rúmi liggja þó snjórinn væri á
ferðinni í fyrra fallinu á Húsa-
vík þetta haustið.
Þær sögðu það bara gaman
þar sem þær tóku hverja salí-
bununa á fætur annarri á
snjóþotuspjaldi þegar ljós-
myndara hitti á þær um
helgina.
Ljósmynd/Hafþór Hreiðarsson
Leikið í snjónum í september
Svalar
Akureyri | Landið | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Eyjamenn hafa tekið ákvörðun Sturlu
Böðvarssonar samgönguráðherra um
tvær ferðir Herjólfs alla daga, allt árið
fagnandi. Er þarna um að ræða mikla
samgöngubót fyrir Eyjaskeggja. Herj-
ólfur er skilgreindur sem hluti af þjóð-
vegakerfi landans og því sjálfsagt mál að
hann sé opinn eins mikið og kostur er.
Þetta er margra ára baráttumál Eyja-
manna og er fólk ánægt með að Sturla
skuli loks hafa tekið undir kröfur þeirra.
  
Bæjarstjórnin í Eyjum stendur í ströngu
þessa dagana. Verið er að endurskoða
skólastefnu bæjarins, búið er að sam-
þykkja að sameina yfirstjórn tveggja
grunnskóla en sú ákvörðun hefur mætt
harðri andstöðu starfsmanna skólanna.
Aðferðina má gagnrýna enda samráð við
skólafólk ekkert áður en ákvörðunin var
tekin. Bæjaryfirvöld segja aftur á móti
ákvörðunina smávægilega miðað við það
sem koma skal í endurskoðun á skóla-
stefnunni.
  
Það er þó ekki eina ákvörðunin sem vald-
ið hefur titringi. Nýverið voru mjög ít-
arlegar sparnaðartillögur fyrir bæjarsjóð
settar fram. Þar verða sparaðar 65 millj-
ónir króna á ári með því að draga saman í
rekstri, leggja niður störf og lækka
greiðslur óunninnar yfirvinnu og bíla-
styrk. Tillögurnar eru stórtækar og það
þurfti kjark hjá meirihluta bæjarstjórnar
til að leggja þær fram. Þó eru þær nauð-
synlegar þar sem Vestmannaeyjabær hef-
ur verið á skrá hjá eftirlitsnefnd með fjár-
málum sveitarfélaga undanfarin ár og var
uppi krafa um aðgerðir.
  
Eyjamenn taka þessu þó með stóískri ró
og einn gamall og góður Eyjamaður lýsti
þessu um daginn með því að heimfæra
fræga setningu John F. Kennedy upp á
Eyjamenn. „Nú þurfum við að spyrja:
Hvað getum við gert fyrir Vestmanna-
eyjar, ekki hvað geta Vestmannaeyjar
gert fyrir mig.“
Úr
bæjarlífinu
VESTMANNAEYJAR
EFTIR SIGURSVEIN ÞÓRÐARSON
FRÉTTARITARA
sagði örsögur af land-
nemum og einnig sagði
hún frá jurtum í Norður-
Dakota og notkun þeirra í
matreiðslu.
Sýning á myndum fráWashington Island,eyjunni í Michigan-
vatninu þar sem fyrstu
vesturfararnir frá Eyr-
arbakka settust að, var
opnuð að viðstöddum
fjölda gesta í Stássstofu
Hússins sl. sunnudag.
Meðal gesta var höfundur
myndanna, Guðni Þórð-
arson, fyrrverandi blaða-
maður og ferðafrömuður.
Við opnunina lék Guð-
mundur Pálsson amerískt
lag á fiðlu, en síðan
kynnti safnstjórinn Lýður
Pálsson tildrög sýning-
arinnar. Kvað hann
Guðna hafa ferðast um Ís-
lendingaslóðir vestra árið
1955, ásamt eiginkonu
sinni og frá því ferðalagi
væru myndirnar. Inga
Lára Baldvinsdóttir á
Þjóðminjasafninu hafði
forgöngu um að undirbúa
myndirnar til sýningar.
Hildur Hákonardóttir
Sýningin er opin um
helgar kl. 14–17 og á öðr-
um tímum eftir sam-
komulagi til nóvember-
loka.
Hildur Hákonardóttir sagði örsögur af landmenum á
samkomunni í Húsinu.
Myndir frá Washington-eyju
Ragnar Ingi Að-alsteinsson gerðivísu um Hákon
bróður sinn sjötugan:
Lundsterkur, land yrkir,
ljóð kveður, fljóð gleður,
hagorður veg varðar,
vit temur, rit semur.
Sífrægan sjötugan
sjá dísir, þá prísa
lítt trauðan, léttglaðan,
ljá vonir Hákoni.
Talað er um að taka
fyrrverandi páfa í dýr-
lingatölu og yrkir Rúnar
Kristjánsson á Skaga-
strönd:
Allir hljóta dauðadóm
þó dýrlingunum fjölgi í Róm.
Í Vatikani virðist tóm,
vantar þann sem gaf þar
hljóm!
Rúnar Kristjánsson á
Skagaströnd yrkir um
Baugsmál:
Víða um hálað hlað er sótt,
hræddar sálir pínast.
Baugs við málið margt er ljótt,
mörg þar stálin brýnast.
Páfi í
dýrlingatölu
pebl@mbl.is
Eyjafjörður| Kornuppskera á Eyjafjarðar-
svæðinu er meira eða minna ónýt eftir
áhlaupið nú í vikunni. Talið er að um 80 ha af
kornökrum séu enn óskornir á svæðinu og
má búast við því að það sé allt meira eða
minna ónýtt, segir í frétt á vefmiðlinum dag-
ur.net. Vegna ótíðar í sumar voru akrar
seinsprottnir en engu að síður reyndust þeir
víðast hvar uppskerumeiri en búist var við
þegar kornskurður hófst. Fjarðarkorn, sem
er sameignarfélag margra bænda á Eyja-
fjarðarsvæðinu, á og rekur þrjár þreskivél-
ar sem hafa verið á fullu við skurð síðustu
vikur.
Bændur í Svarfaðardal hugðust þreskja
korn sitt í síðustu viku og ekki annað sýnt en
að það ætti að hafast áður en hretið gengi
yfir. Fengin var ein þessara þriggja véla sl.
miðvikudag en ekki vildi betur til en svo að
vélin bilaði þegar hún var búin með 5 ha af
þeim 35–40 hekturum korns sem er í daln-
um. Viðgerð var ekki lokið fyrr en á laug-
ardag en þá var það of seint. Svarfdælskir
bændur hafa því mátt horfa blóðugum aug-
um á uppskeru sína leggjast undir snjófarg
á meðan vélin stendur enn óhreyfð.
Kornupp-
skera meira
og minna
ónýt
Örlygshöfn | Aðsókn í Minjasafn Egils
Ólafssonar á Hnjóti í Örlygshöfn var
dræmri í sumar en undanfarin ár. Tölur
liggja ekki fyrir um aðsókn nú á liðnu
sumri, en Ásdís Thoroddsen safnvörður
segir í samtali við Patreksfjarðarvefinn að
ljóst sé að aðsókn hafi dregist töluvert
saman þegar miðað er við sumarið í fyrra.
Þar hafi veðrið spilað stórt hlutverk.
Sérstaklega hafi dregið úr ferðum inn-
lendra ferðamanna en Íslendingar voru þó
í miklum meirihluta af gestum safnsins. Á
Minjasafninu á Hnjóti er lögð áhersla á at-
vinnutæki fyrri tíma til lands og sjávar á
sunnanverðum Vestfjörðum, verkfæri,
veiðarfæri og búsáhöld. Sagan um lífsbar-
áttu genginna kynslóða og frumherja þess
nýja er sögð í máli, myndum og hlutum úr
fortíð og fram á okkar daga. Einnig er á
staðnum flugminjasafn sem var opnað árið
2000. Safninu var lokað 15. september og
verður opnað á ný 1. júní á næsta ári.
Minni aðsókn
að Minjasafni
♦♦♦