Morgunblaðið - 27.09.2005, Blaðsíða 33
MORGUNBLAÐIÐ ÞRIÐJUDAGUR 27. SEPTEMBER 2005 33
DAGBÓK
Dagana 27. september til 22. nóvembermun Rannís standa fyrir svokölluðuVísindakaffi hvern þriðjudag í Alþjóða-húsinu við Hverfisgötu.
Ása Hreggviðsdóttir, verkefnisstjóri al-
þjóðasviðs Rannís, segir von á afslöppuðum um-
ræðum um vísindi á mannamáli, ætluðum öllum:
„Þetta er hluti af evrópsku verkefni sem Rannís
er þátttakandi í. Verkefnið er á íslensku kallað
Vísindin snerta þig en yfirmarkmið þess er að
kynna fyrir almenningi, og ekki síst ungu fólki,
rannsókna- og vísindastörf. Er vonin sú að hvetja
ungt fólk til að mennta sig á því sviði enda ástæða
til að fjölga vísinda- og rannsóknarfólki í Evrópu í
samkeppninni við Bandaríkin og Japan. Þannig er
yfirmarkmið verkefnisins að stuðla að uppbygg-
ingu sterkari Evrópu á sviði rannsókna og vís-
inda.“
Leiddir verða saman færustu vísindamenn
landsins og rædd þau efni sem hvað mestan áhuga
vekja hjá almenningi. „Við setjumst niður með
vísindamönnunum og ræðum í rólegheitum á
mannamáli. Þetta á að vera skemmtileg spjall-
stund þar sem almenningur fær að komast í tæri
við hvað vísindamennirnir eru að fást við.“
Fundarstjóri er Davíð Þór jónsson: „Hann er
skemmtilega ræðinn og laginn við að stjórna við-
burðum af þessu tagi – og að fá gesti til að vera
ófeimnir að spyrja.“ Ása á þannig von á að dag-
skráin verði mjög spennandi og skemmtileg og öll
ástæða fyrir landsmenn að standa upp úr sófunum
á þriðjudagskvöldum og líta á Vísindakaffi.
Í kvöld, fyrsta kvöldið af 8, verður rætt um of-
fitu Íslendinga og eru það dr. Erlingur Jóhanns-
son dósent við KHÍ og dr. Inga Þórsdóttir pró-
fessor sem fjalla um efnið.
„Rætt verður um alls kyns efni á Vísindakaffi-
kvöldunum. Við fáum prófessor í siðfræðum og
rannsóknarprófessor í læknisfræði til að skiptast
á skoðunum um stofnfrumurannsóknir. Eitt
kvöldið verða rædd orkumál, fornleifar annað
kvöldið, vetnisbílar og umhverfismál og vitaskuld
verður fiskurinn til umfjöllunar, svo nokkuð sé
nefnt.“
Lögð er áhersla á að umræðan sé aðgengileg:
„Dagskrá hvers kvölds verður ekki höfð of löng og
ekki um fyrirlestra að ræða í eiginlegum skilningi,
heldur er ætlunin að hafa kvöldin óformleg og
notaleg: þægilega kaffispjallsstund með vís-
indamönnum. Kvöldin eru öllum opin á meðan
húsrúm leyfir og sérstaklega gaman væri að fá
sem flesta fulltrúa ungu kynslóðarinnar.“
Dagskráin hefst kl. 8 öll þriðjudagskvöld en
nánari upplýsingar má fá á www.rannis.is undir
stikunni „Vísindin snerta þig“ til hægri.
Fræði | Afslappaðar kaffihúsaumræður um vísindi á þriðjudögum í Alþjóðahúsi
Vísindin rædd á mannamáli
Ása Hreggviðsdóttir
er fædd 1960. Hún út-
skrifaðist frá MH, lauk
BS í landafræði 1988,
uppeldis og kennslu-
fræðum 1990 frá HÍ.
Ása starfaði við skipu-
lagningu Nordjobb til
1994. Hún var þjón-
ustustj. hjá Háskólabíói
til 1996. Ása var verk-
efnastj. á Ráðstefnu-
skrifst. Ferðaskrifst. Íslands 1996 til 2000 og
stofnandi og verkefnastjóri ráðstefnuskrifst.
Congress Reykjavík 2000–2003. Ása hefur
verið verkefnastj. alþjóðadeildar Rannís frá
mars 2005. Eiginmaður Ásu er Birgir E. Birg-
isson verslunarmaður og eiga þau dæturnar
Þórunni Grímu og Þrúði.
1. e4 c5 2. Rf3 d6 3. d4 cxd4 4. Rxd4 Rf6
5. Rc3 a6 6. Be3 e5 7. Rf3 Be7 8. Bc4
0-0 9. 0-0 Be6 10. De2 He8 11. Hfd1
Dc7 12. Bb3 Rbd7 13. Bg5 Hac8 14.
Hac1 h6 15. Bxf6 Rxf6 16. Rh4 Bg4 17.
f3 Dc5+ 18. Kh1 Be6 19. g3 Rd7 20.
Rg2 Rb6 21. Hd3 Rc4 22. Hb1 b5 23.
Rd5 Bg5 24. c3 Be7 25. Rge3 Bf8 26.
Hdd1 Hed8 27. Bxc4 bxc4 28. b3 cxb3
29. axb3 Db5 30. c4 Db7 31. b4 g6 32.
b5 h5 33. f4 exf4 34. gxf4 axb5 35. f5
Bxd5 36. Rxd5 Bg7 37. Hg1 Kh7 38.
Hxb5 Da7 39. fxg6+ fxg6
Viktor Bologan (2.700) tefldi á öðru
borði fyrir rússneska liðið Tomsk-400 í
Evrópukeppni taflfélaga sem lauk fyrir
skömmu í St. Vincent í Ítalíu. Liðið
varð Evrópumeistari og í þessari stöðu
hafði Bologan hvítt gegn Edwin Van
Haastert (2.398). 40. Dxh5+! gxh5 41.
Rf6+ Bxf6 svartur yrði einnig mát eft-
ir 41. … Kh8 42. Hxh5+. 42. Hxh5#.
SKÁK
Helgi Áss Grétarsson | dagbok@mbl.is
Hvítur á leik.
Bikarinn.
Norður
♠G74
♥KD32 V/Allir
♦K865
♣G9
Vestur Austur
♠ÁD105 ♠9863
♥94 ♥G5
♦ÁDG9 ♦107
♣864 ♣K7532
Suður
Suður
♠K2
♥Á10876
♦432
♣ÁD10
Suður verður sagnhafi í fjórum
hjörtum eftir opnun vesturs. Út kemur
tromp.
Hvernig er best að spila?
Sveit Eyktar varð bikarmeistari um
helgina eftir stranga spilamennsku,
þar sem fjórar taplausar sveitir sum-
arsins spiluðu til úrslita. Eykt vann
Grant Thornton í 64 spila úrslitaleik
með 125 IMPum gegn 91.
Sigursveitin er skipuð þeim Jóni
Baldurssyni, Þorláki Jónssyni, Sverri
Ármannssyni og Aðalsteini Jörgensen.
Liðsmenn Grants Thorntons eru Jónas
P. Erlingsson, Hrólfur Hjaltason, Ás-
geir Ásbjörnsson, Sveinn Rúnar Ei-
ríksson og Hrannar Erlingsson.
Á laugardeginum mætti Eykt
ríkjandi Íslandsmeisturum í sveit
Ferðaskrifstofu Vesturlands (Karl Sig-
urhjartarson, Sævar Þorbjörnsson,
Ljósbrá Baldursdóttir, Matthías Þor-
valdsson og Magnús Eiður Magn-
ússon) og vann með 128 IMPum gegn
81 í 48 spilum. Sveitir Grants Thorn-
tons og Hermanns Friðrikssonar átt-
ust við í hinum undanúrslitaleiknum og
vann Grant með 79 IMPum gegn 53.
(Með Hermanni spiluðu Guðmundur
Sveinsson, Kristján Blöndal, Valur
Sigurðsson og Jón Ingþórsson.)
Spilið að ofan er frá fjögurra liða úr-
slitum. Á þremur borðum varð suður
sagnhafi í fjórum hjörtum eftir opnun
vesturs (á tígli eða veiku grandi). Fljótt
á litið virðist vörnin eiga heimtingu á
fjórum slögum – tveimur á tígul og
tveimur á spaða – en það er ekki einfalt
að ná þeim í hús.
Segjum að út komi tromp og sagn-
hafi taki annað tromp og spili svo tígli
að blindum. Ekki er óeðlilegt að vestur
hoppi upp með ás og spili meiri tígli.
En þá er sagnhafi í góðri stöðu. Hann
svínar í laufi og hendir tígli úr borði í
það þriðja. Sendir svo vestur inn á tígul
og leggur upp.
Eftir á að hyggja er besta vörn vest-
urs að drepa ekki á tígulás, en láta
gosa eða drottningu til að byggja upp
innkomu hjá makker á tíuna. En slík
vörn er þung við borðið.
BRIDS
Guðmundur Páll Arnarson | dagbok@mbl.is
Velvakandi
Svarað í síma 5691100 frá 10–12
og 13–15 | velvakandi@mbl.is
Fimmtán mínútur á fund
MIG langar að leggja orð í belg í um-
ræðu um Vatnsmýrina og flutning
innanlandsflugs til Keflavíkur. Mér
þótti það nefnilega nokkuð athygl-
isvert að heyra í Jóni Loftssyni, for-
stjóra Skógræktar ríkisins á Egils-
stöðum, í fréttum Sjónvarps á
miðvikudagskvöld.
Þar sagði Jón það mikið hags-
munamál fyrir stjórnendur stofnana
úti á landi að hafa flugvöll í miðborg-
inni. Slíku fylgdi mikill tímasparn-
aður fyrir forstjórana, enda gætu
þeir flogið að morgni, sótt marga
fundi yfir daginn, og flogið heim til
baka að kveldi. Sagði Jón það mikið
hagræði að einungis fimmtán mín-
útum eftir lendingu gæti hann verið
mættur á fund í ráðuneytinu í mið-
borginni.
Ummæli Jóns eru líklega bestu
meðmæli með flutning innanlands-
flugs til Keflavíkur sem ég hef heyrt
lengi.
Það er nefnilega svo að grunnhugs-
unin á bakvið breytingu á Vatnsmýr-
inni, er að gera þúsundum Reykvík-
inga það mögulegt að vera fimmtán
mínútur á leið til vinnu daglega. At-
hugið: Þúsundum. Daglega.
Það er von mín að í Vatnsmýrinni
byggist upp íbúðarhverfi í anda Þing-
holtanna, með litskrúðugu og iðandi
mannlífi. Þar myndu margir vilja búa
og losna við að sitja í bíl í 30–40 mín-
útur á degi hverjum til að sækja
vinnu í miðborg Reykjavíkur. Bíla-
raðirnar og pirringurinn á Miklu-
braut á hverjum morgni ber því
glöggt vitni.
En nú loksins er mér ástæða æs-
ingsins ljós. Það eru allir að verða of
seinir á fund niður í ráðuneyti. Þang-
að er kominn skógræktarstjóri að
austan.
Magnús Orri Schram.
Ólíðandi að fá ekki
Fréttablaðið
MÉR finnst það vera ólíðandi að fá
ekki Fréttablaðið á réttum tíma á
morgnana. Fólk borgar fyrir að aug-
lýsa í blaðinu og það er ekki sann-
gjarnt að blaðið komist ekki til les-
enda. Svo taka þeir að sér að bera út
bæklinga fyrir fyrirtæki sem skila sér
ekki til fólks nema með höppum og
glöppum og stundum kemur blaðið
ekki fyrr en á kvöldin. Fréttablaðið er
að reyna að drepa niður annað blað
með því að hreykja sér af því að blað-
ið nái til allra lesenda. Það tekur allt
að 30 mínútur að ná sambandi til að
kvarta yfir að fá ekki blaðið, og þegar
það tekst er sagt að þeir séu í vand-
ræðum með blaðburðarfólk. Morg-
unblaðið hefur alltaf getað komið sínu
blaði til lesenda og því ætti Frétta-
blaðið ekki að geta gert það líka?
Hver vogar sér að bera þessi blöð
saman, það er ekki sanngjarnt og ég
mundi ekki vilja skipta á Morg-
unblaðinu og Fréttablaðinu.
Einar Karlsson.
Skotta týnd í Grafarvogi
HÚN Skotta er týnd. Hún fór út að
morgni 9. sept. sl. frá
Hverafold í Reykjavík
og hefur ekki sést síðan.
Hún er dökkbröndótt
næstum svört á bakinu.
Eyrnamark er: G94 og
hún er með fjólubláa ól.
Hennar er sárt saknað.
Þeir sem geta gefið
upplýsingar vinsamlega hafið sam-
band við Guðnýju í síma 567 5666.
Málstofa Landbúnaðarháskóla Íslands
Málstofan hefst kl. 14:30
í Ásgarði (nýja skóla) á Hvanneyri. Allir velkomnir.
Miðvikudaginn 28. september mun Kristín Ástgeirsdóttir,
sagnfræðingur og fyrrverandi þingkona, vera í Málstofu
og ræða um lýðræði í erindi sem hún nefnir:
„Lýðræði á krossgötum - Ísland í norrænum samanburði.”
alltaf á laugardögumLESBÓK MORGUNBLAÐSINS