Morgunblaðið - 03.12.2005, Qupperneq 77

MORGUNBLAÐIÐ LAUGARDAGUR 3. DESEMBER 2005 77
ÚTGÁFUFYRIRTÆKIÐ Geimsteinn ætlar að fagna fjölbreyttri útgáfu sinni
fyrir jólin með því að blása til tónleika í Borgarleikhúsinu í kvöld.
Fram koma Rokksveit Rúnars Júlíussonar, Deep Jimi and the Zep Creams,
Hjálmar og Baggalútur. Auk þess mega viðstaddir eiga von á óvæntum glaðn-
ingi. Liðsmenn Baggalúts hafa á undanförnum árum snúið sér í auknum mæli að
tón- og textasmíðum og gáfu meðal annars frá sér sína fyrstu plötu fyrr á árinu.
Þeir félagar Enter og Númi Fannsker hafa nú hnoðað saman texta við þýskt
þjóðlag og úr varð aðventulag Baggalúts, „Sagan af Jesúsi“. Lagið er lítill helgi-
leikur byggður á raunverulegum atburðum sem gerðust fyrir mörgum árum í út-
löndum, segir meðal annars á heimasíðu þeirra Baggalútsmanna.
Áhugasamir geta nálgast miða á midi.is og í verslunum Skífunnar.
Geimsteinar
fagna
Morgunblaðið/Árni Sæberg
Baggalútur hefur gefið frá sér aðventulag sem líklega fær að hljóma
í Borgarleikhúsinu í kvöld.
Rúnar Júlíusson ræður ríkjum í
Geimsteini.
Tónleikar Geimsteins hefjast kl. 20 í Borgarleikhúsinu í kvöld.
Bítillinn John Lennon segir íóbirtu viðtali að lífið í Bítl-
unum hafi helst líkst spilltu líferni
Rómverja til forna.
Breska ríkisútvarpið, BBC, send-
ir viðtalið út í dag en það var tekið
fyrir tímaritið Rolling Stone í des-
ember 1970, átta mánuðum eftir að
Bítlarnir lögðu upp laupana. Frá
þessu greinir fréttavefur BBC.
Lennon segir í viðtalinu að Bítl-
arnir hafi verið „með Róm í far-
angrinum“ – peninga, kynlíf og
fíkniefni. „Það vildu allir vera
með,“ sagði Lennon.
Jann Wenner, stofnandi Rolling
Stone, tók viðtalið og telur hann að
í því hafi Lennon komið til dyranna
eins og hann var klæddur. „Hann
sagði ekki eitt einasta orð sem ekki
skipti máli eða var ekki áhuga-
vert.“
Lennon sagði í viðtalinu að fólk
hafi viljað halda í hreinleikaímynd
Bítlanna og forðast hneyksli. Sann-
leikurinn hafi verið öðruvísi. „Það
voru til myndir af mér komandi
skríðandi út af hóruhúsi í Amst-
erdam og fólki að bjóða mér góðan
daginn.“
Fullyrðir Lennon að þessar
myndir hafi ekki verið birtar vegna
þess að fólk hafi viljað forðast
„stórkostlegt hneyksli“.
Hann gagnrýnir félaga sína,
Paul McCartney og George
Harrison, segir McCartney vissu-
lega mikinn listamann, en Harrison
hafi notið góðs af því að vinna með
tveim miklum lagahöfundum –
Lennon sjálfum og McCartney.
„Við fengum nóg af því að vera
hjálparkokkar Pauls eftir að Brian
Epstein dó. Það átti svo að heita að
Paul væri leiðtoginn, en hver er
leiðtogi þegar maður fer í tóma
hringi?“
Þá fullyrðir Lennon að hann hafi
leiðst út í heróínneyslu vegna þess
hvernig „Bítlarnir og félagar
þeirra“ komu fram við hann og
Yoko Ono.
„Okkur leið svo sannarlega mjög
illa.“ Og hann kvartar undan eigin
hæfileikum: „Það er ekkert gaman
að vera snillingur. Það er kvöl og
pína.“
Viðtalið verður sent út á BBC 4
klukkan 19 í kvöld að íslenskum
tíma.
Fólk folk@mbl.is
Áður óbirt viðtal við John Lennon
verður sýnt á BBC 4 í dag.