Fréttablaðið - 07.05.2003, Blaðsíða 12

12 7. maí 2003 MIÐVIKUDAGUR
■ Ungliðar
KOSNINGAR „Segja má að fjöldi at-
kvæða sem greidd eru utan kjör-
fundar aukist með hverri mínút-
unni,“ segir Þórir Hallgrímsson,
kjörstjóri utankjörfundarat-
kvæða hjá sýslumanninum í
Reykjavík.
Rúmlega 3.800 atkvæði höfðu
verið greidd fyrir hádegi í gær.
Þórir segir að í síðustu alþingis-
kosningum hafi um 9.000 manns
greitt atkvæði utan kjörfundar
og sagðist hann eiga vona á að
fjöldinn yrði svipaður og þá.
Hægt er að greiða utankjörfund-
aratkvæði alla daga fram að
kjördegi frá klukkan 10:00 til
22:00. En á kjördag er opið fyrir
þá sem ekki eru á kjörskrá í
Reykjavík frá klukkan 10:00 til
18:00.
„Á Akureyri er greiðsla utan-
kjörfundaratkvæða á svipuðu
róli og síðast, um hádegisbilið í
gær höfðu 400 manns þegar
greitt atkvæði. Í síðustu alþing-
iskosningum greiddu um 1.200
manns atkvæði utan kjörfund-
ar,“ segir Guðjón Björnsson,
fulltrúi sýslumannsins á Akur-
eyri. Fyrir þá sem ætla að greiða
atkvæði sitt utan kjörfundar er
opið hjá sýslumanni alla daga
fram að kosningum frá klukkan
09:00 til 21:00. Á kjördag geta
þeir greitt atkvæði sem ekki eru
á kjörskrá á Akureyri frá klukk-
an 10:00 til 21:00. ■
KOSIÐ UTAN KJÖRFUNDAR
Alltaf eru einhverjir sem geta ekki greitt at-
kvæði á kjördag.
Utankjörfundaratkvæðagreiðsla:
Þúsundir hafa kosið
FRAMBOÐ „Það er mikið atvinnu-
leysi í kjördæminu og úr því
verður að bæta,“ segir Kristján
Pálsson, þingmaður og oddviti T-
lista óháðra í Suð-
urkjördæmi.
„Við viljum
lækka flugvallar-
skatta um 76% til
að auka ferða-
mannastraum,“ er
eitt af því sem
Kristján nefnir til að efla ferða-
þjónustu. Að auki vill hann lækka
opinber gjöld af léttvíni og bjór
til veitingastaða, slíkt hafi já-
kvæð áhrif, sérstaklega á smærri
fyrirtæki á landsbyggðinni. „Við
leggjum mikla áherslu á að styð-
ja við bakið á frumkvöðlum. Við
viljum að þeir fái fjármuni úr
sjóði til að koma hugmyndum sín-
um á framfæri. Þetta er mjög
hvetjandi fyrir einstaklinga.“ Þá
kveður hann mikilvægt að tvö-
földun Reykjanesbrautar verði
flýtt svo henni verði lokið á
næsta ári. Þetta sé mikilvægt
hvort tveggja út frá atvinnu- og
öryggissjónarmiðum. Það sé
óviðunandi að þessi mikilvæga
samgönguleið sé látin sitja á hak-
anum. „Þetta nálgast að vera inn-
anbæjarvegur milli hverfa. Það
fara þúsundir manna um Reykja-
nesbraut á hverjum einasta degi
vegna vinnu. Þetta fólk þarf að
fara á milli sama hvernig viðrar.“
Mikið rætt um
sjávarútvegsmál
„Það hefur verið mjög mikil
umræða um sjávarútvegsmál,“
segir Kristján. Ég held það hafi
komið mörgum á óvart hvað það
hefur orðið mikið. Ég hef fundið
fyrir óánægju vegna þeirrar
þróunar sem hefur orðið í kvót-
anum. Ég hef varað við því, bæði
í þinginu og í mínum gamla
flokki, að menn yrðu að reyna að
ná einhverri sátt um sjávar-
útvegsstefnuna, annars gæti allt
farið í bál og brand. Menn tóku
ekki nógu mikið mark á því að
mér fannst.“ Kristján segir
forgangsatriði að stöðva
samþjöppun kvótans og losa um
heljartök hans þannig að byggð-
irnar og einstaklingarnir hafi
meiri möguleika en þau hafa í
dag. „Þess vegna höfum við lagt
til að línutvöföldun verði tekin
upp að nýju og aukategundir
teknar út úr kvóta.“ Kristján vill
einnig sjá nýtingu aflans í full-
vinnsluskipum aukast frá því
sem nú er. „Hún er langt fyrir
neðan það sem getur talist eðli-
legt,“ segir Kristján. Margra
milljarða verðmæti sé fleygt í
hafið ár hvert.
Annað mál sem hefur verið
áberandi í málflutningi Óháðra í
Suðurkjördæmi er þjóðlendumál-
ið. „Ég tel að þarna sé verið að
vinna gegn þeim ákvörðunum
sem voru teknar í þinginu,“ segir
Kristján. „Það er gengið á rétt
landeigenda, sem var ekki ætlun
löggjafans á sínum tíma. Ég er
mjög ósáttur við það að þessi
vinna starfsmanna fjármála-
ráðuneytisins gangi svo langt að
ætla má að um stjórnarskrárbrot
sé að ræða. Ef við náum inn á
þing munum við að sjálfsögðu
klára málið þar.“
Það mæðir meira á Kristjáni
og félögum hans á T-lista en oft
hefur verið í fyrri kosningabar-
áttum þeirra. Eftir að hafa tvis-
var náð kjöri á þing af lista Sjálf-
stæðisflokksins stendur Kristján
nú frammi fyrir því að sannfæra
kjósendur í nýju og stærra kjör-
dæmi um að greiða atkvæði nýju
framboði sem leit fyrst dagsins
ljós á vordögum.
„Mér hefur alltaf þótt gaman í
kosningabaráttum. Það hefur
ekkert breyst,“ segir Kristján.
„Þessi barátta er náttúrlega að
því leyti skemmtileg að við erum
að leggja undir okkur nýjar lend-
ur í pólitíkinni, Suðurnesjamenn,
að fara austur í Lón. Við erum um
leið nýtt framboð sem hefur ekki
mikil fjárráð og er ekki búið að
koma sér upp stuðningsfólki alls
staðar. Þá verður þetta mjög mik-
il vinna á efstu mönnum fram-
boðsins. Það er flest skemmtilegt
við þetta.“
Kristján hefur áður verið með
lista utan flokka en við aðrar að-
stæður. „Ég var með lista í Ólafs-
vík í þrennum kosningum. Það
gekk mjög vel í þeim kosningum.
Við unnum mjög mikla sigra á
þeim tíma. Þar var ég náttúrlega í
einu litlu bæjarfélagi. Nú er ég
kominn í kjördæmi sem nær yfir
hálft landið. Það gerðist mjög
snöggt. Það hefur mikil áhrif og
maður nær ekki til nærri nógu
margra. Við eigum það bara eftir.“
Sé aldrei eftir þessu
Sérframboð í einstökum kjör-
dæmum hafa oft átt erfitt upp-
dráttar. Kristján segir að það hafi
ekki verið hægt annað en að
bjóða fram eftir það sem á undan
var gengið. „Þessi ferð hjá mér
er búin að taka mjög langan tíma.
Ég er búinn að vera í þessari bar-
áttu frá því í nóvember,“ segir
Kristján og vísar til þeirra deilna
sem komu upp um skipan á lista
Sjálfstæðisflokksins í Suðurkjör-
dæmi. „Ég get ekki séð annað en
að sú ákvörðun að fara af stað
hafi verið fyllilega réttlætanleg.
Ef engir vilja rísa upp gegn mis-
beitingu valds og óréttlæti í
þessu þjóðfélagi, heldur láta yfir
sig ganga nánast hvað sem er; þá
er illa komið fyrir íslenskri þjóð.
Ég held að ég muni aldrei sjá eft-
ir því að hafa farið af stað í þessa
baráttu. Ég vona að kjósendur
kunni að meta að menn láti ekki
valta yfir sig með mjög ómerki-
legum hætti.“
brynjolfur@frettabladid.is
XN
Nýtt afl XN
í þjónustu fyrir fólkið
Jón Magnússon
fyrrv. form. neytendasamtakanna
Í þjónustu við neytendur.
Til þjónustu við neytendur
og skattgreiðendur.
Báknið burt.
Ásgerður Jóna Flosadóttir
form. Mæðrastyrksnefndar Reykjavíkur
Barátta gegn fátækt,
fyrir félagslegu jafnrétti og öryggi barna,
einstæðra foreldra og eldri borgara.
frambjóðendur
Nýs Afls í Reykjavík suður
LOKASPRETTUR ERFIÐRAR KOSN-
INGABARÁTTU
Djúpt hefur verið á fylgi T-listans í skoð-
anakönnunum. Kristján Pálsson, oddviti
listans, kveðst þó ekki eiga von á því að
hann muni nokkurn tíma sjá eftir því að
hafa farið í baráttuna.
Atvinnu, sjávarútvegsmál og þjóðlendur ber hátt í kosningabaráttu T-lista óháðra í
Suðurkjördæmi. Kristján Pálsson, alþingismaður og oddviti flokksins, upplifir nú
kosningabaráttu ólíka þeim sem hann hefur áður tekið þátt í.
■
„Ég held að ég
muni aldrei sjá
eftir því að
hafa farið af
stað í þessa
baráttu.“
VARAÐ VIÐ ESB Ungir sjálfstæð-
ismenn fara ekki í grafgötur með
andstöðu sína við aðild að Evrópu-
sambandinu í sjónvarpsauglýs-
ingu sinni. Þar er látið sem Ísland
hafi gerst aðili og spænskir og
portúgalskir sjómenn hafi fagnað
mjög og stímt beint á miðin.
NÝTT BLÓÐ Ungliðar Samfylking-
ar héldu í Blóðbankann í gær til
að gefa blóð. Þannig vildu þeir
leggja áherslu á að þörf væri á
nýju blóði í stjórnarráðinu.
METSÖLUBOLIR Fyrr hefur verið
greint frá því að Ungir vinstri
grænir létu framleiða fyrir sig
boli með mynd af Steingrími J.
Sigfússyni í Che Guevara-stíl,
reyndar við litla hrifningu nokk-
urra þeirra sem eldri eru. Nú
skipta seldir bolir hundruðum og
hafa skilað drjúgu fé í kosninga-
sjóði.
FR
ÉT
TA
B
LA
Ð
IÐ
/V
IL
H
EL
M
KJÖRSEÐLAR
Síðast kusu 1.200 utan kjörfundar.
Atvinna verði aukin