Fréttablaðið - 07.05.2003, Blaðsíða 32
FUNDIR
12.15 Helgi Torfason jarðfræðingur
flytur erindi um jarðhitakort af Íslandi á
Hrafnaþingi Náttúrufræðistofnunar Ís-
lands í sal Möguleikhússins á Hlemmi.
Hrafnaþingin eru öllum opin. Þetta er
síðasta fræðsluerindið á þessum vetri.
16.15 Gyða Jóhannsdóttir lektor
heldur fyrirlestur á vegum Rannsóknar-
stofnunar KHÍ í salnum Skriðu í Kenn-
araháskóla Íslands v/Stakkahlíð. Í fyrir-
lestrinum fjallar hún um það ferli sem á
sér stað þegar starfsmenntun er færð á
háskólastig og tekur sem dæmi þegar
menntun íslenskra barnakennara fluttist
á háskólastig árið 1971.
20.00 Guðmundur Ingólfsson ljós-
myndari fjallar um Ólaf K. Magnússon
blaðaljósmyndara í fyrirlestri, sem hald-
inn verður í Listasafni Reykjavíkur,
Hafnarhúsinu. Aðgangur er ókeypis.
SÝNINGARLOK
Sýningu Ilmar Stefánsdóttur,
Mobiler, á Kjarvalsstöðum lýkur
í dag.
Sýningu á lágmyndum eftir Sari
Maarit Cedergren myndhöggvara í glug-
ga Meistara Jakobs gallerís,Skólavörðu-
stíg 5, lýkur í dag.
TÓNLIST
18.00 Nemendatónleikar Tónlistar-
skóla Kópavogs verða haldnir í Saln-
um, Kópavogi. Aðgangur er ókeypis og
allir velkomnir.
20.00 Álafosskórinn heldur vor-
tónleika sína í samkomusal Varmár-
skóla í Mosfellsbæ. Stjórnandi er Helgi
R. Einarsson, Arnhildur Valgarðsdóttir
leikur á píanó og Ásgeir Guðmundsson
á harmóniku. Á tónleikunum verða
meðal annars flutt lög eftir söngstjóra
kórsins við ljóð Halldórs Laxness. Einnig
eru á efnisskránni íslensk þjóðlög, hefð-
bundin kórlög og lög og syrpur úr söng-
leikjum.
LEIKLIST
20.00 Finnska leikritið Sjö bræður
eftir Aleksis Kivi verður sýnt á Nýja sviði
Borgarleikhússins í gestauppfærslu
leikhóps frá Theater Mars frá Finnlandi.
Aðeins þessi eina sýning.
20.00 Rómeó og Júlía eftir Willi-
am Shakespeare er sýnd á Litla sviði
Borgarleikhússins í uppfærslu Vest-
urports.
SÝNINGAR
Steingrímur Eyfjörð myndlistarmað-
ur í Gallerí Hlemmi. Sýningin er inn-
setningarverk sem byggir á 50 ára gam-
alli frásögn af íslenskri stúlku sem ólst
upp að einhverju leyti innan um hænur
og hélt að hún væri fugl. Titill sýningar-
innar er “of nam hjá fiðurfé og van“
og kominn frá Megasi.
Ríkharður Valtingojer og Helgi
Snær Sigurðsson halda sýningu, sem
þeir nefna Tvíraddað, í sýningarsal fé-
lagsins Íslensk grafík í Hafnarhúsinu.
Sýningin stendur til 25. maí.
Guðrún Hrönn Ragnarsdóttir og
Pétur Magnússon eru með sýningu í
Gallerí Skugga þar sem gefur að líta
100% nælon og lakk. Einnig vinyl
veggfóður með blómamótífum, ljós-
myndum af þeim ásamt öðrum ljós-
myndum og stáli.
Þrjár sýningar standa yfir Nýlista-
safninu við Vatnsstíg. Á annarri hæð
safnsins er Sólveig Aðalsteinsdóttir
með sýninguna Úr möttulholinu en á
þeirri þriðju eru Hanne Nielsen og
Birgit Johnsen með Stað-hæfingar eða
Territorial Statements í suðursal. Í norð-
ursal á sömu hæð er landi þeirra Kaj
Nyborg með sýninguna Nágranni eða
Next door neighbour.
Sigrid Valtingojer og Kunito Naga-
oka sýna verk sín í Listasafni ASÍ við
Freyjugötu.
Í Gerðarsafni í Kópavogi stendur yfir
yfirlitssýning á verkum Gerðar Helga-
dóttur.
Í Listasafni Íslands stendur yfir yfir-
litssýning á verkum Georgs Guðna.
Einnig er í safninu sýning á
landslagsmálverkum Ásgríms Jónssonar
og vídeóinnsetning eftir Steinu Vasulka.
Helgi Þorgils Friðjónsson er með
einkasýningu á Kjarvalsstöðum. Hann
sýnir þar eingöngu ný málverk. Á sama
stað sýnir Ilmur Stefánsdóttir umbreytt
farartæki, vídeómyndir og örsögur.
Einnig er í safninu yfirlitssýning á verk-
um Jóhannesar Kjarval.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
20 7. maí 2003 MIÐVIKUDAGUR
hvað?hvar?hvenær?
4 5 6 7 8 9 10
MAÍ
Miðvikudagur
■ LEIKLIST
LeikritiðRómeó og
Júlía er
skemmtileg
kvöldskemmt-
un fyrir fjöl-
skylduna,
spennandi leið
til að kynna
heimsbók-
menntirnar fyrir yngri áhorfend-
um. Loftfimleikarnir eru nýstár-
legir í íslensku leikhúsi og endur-
spegla hina undirliggjandi
spennu,“ segir Rúnar Helgi Vign-
isson rithöfundur um Rómeó og
Júlíu í Borgarleikhúsinu.
Mittmat
Fyrsta skáldsagan sem skrifuðvar á finnsku heitir Sjö bræð-
ur. Rithöfundurinn Aleksis Kivi
skrifaði hana árið 1870. Einhverj-
ir muna kannski eftir vægast sagt
umdeildum sjónvarpsþáttum fyr-
ir rúmlega áratug, sem gerðir
voru eftir þessari sögu. Nú er
hingað til lands kominn leikhópur
frá Finnlandi, sem ætlar að sýna
leikgerð eftir þessari sömu sögu í
Borgarleikhúsinu í kvöld.
„Þetta er finnsk klassík og hef-
ur verið sett upp á leiksviði í ótal-
mörgum útgáfum,“ segir Joakim
Groth, höfundur leikgerðarinnar
og leikstjóri sýningarinnar. „Þessi
saga fjallar um sjö dæmigerða
finnska karlmenn, og um leið
fjallar hún um þróunina frá frum-
stæðu lífi í náttúrunni til menn-
ingar og samfélags, þróun sem
átti sér stað frekar seint í Finn-
landi.“
Í sögunni segir frá sjö munað-
arlausum bræðrum, sem flýja til
óbyggða frekar en að læra að lesa
og skrifa eins og kirkjan krafðist.
Frásögnin er gamansöm og þótti
fáránleg þegar bókin kom fyrst
út, en hún hefur nú öðlast mikinn
virðingarsess í finnskum bók-
menntum.
Joakim Groth segist upphaf-
lega hafa ætlað að setja upp leik-
sýningu með hópi leikkvenna sem
hann hefur áður unnið með og
metur mikils. Hins vegar hafi ver-
ið erfitt að finna leikrit sem hefði
mörg góð kvenhlutverk, þannig að
hann fékk þessa hugmynd að láta
þær leika bræðurna sjö, þessa
dæmigerðu finnsku karla.
„Fyrir mig var það
reyndar ósköp eðlilegt að konur
færu með hlutverkin. En fyrir
vikið snýst leiksýningin ekki endi-
lega um þessa dæmigerðu karl-
menn, heldur almennt um ákveðn-
ar tegundir af manneskjum.“
Groth nýtur mikillar virðingar
í finnsku leikhúslífi. Hann hefur
sett upp verk eftir Beckett,
Brecht, Strindberg og Tsjekov, að
ógleymdum eigin leikritum.
„Ég held ég geti sagt að þessi
leikgerð sé mjög trú verki Kivis.
Ég fylgi frásögninni nokkuð vel
og nota frekar mikið texta Kivis.“
gudsteinn@frettabladid.is
Hinar sjö tegundir
finnskra karlmanna
SJÖ BRÆÐUR KVENKYNS
Finnski leikhópurinn Teater
Mars sýnir Sjö bræður í
Borgarleikhúsinu í
kvöld. Aðeins
þessi eina sýning
verður.