Fréttablaðið - 08.05.2003, Page 2

2 8. maí 2003 FIMMTUDAGUR
“Við viljum öll þau atkvæði sem
fólk hefur ætlað að greiða okkur.“
Vinstri grænir hafa óskað eftir að atkvæði merkt V
verði flokkuð sem þeirra þó listabókstafur fram-
boðsins sé U. Atli Gíslason er í framboði fyrir
Vinstri græna.
Spurningdagsins
Atli, viljið þið ekki líka G?
Rekstrarvandi
Borgarleikhússins:
Er í
skoðun hjá
ráðherra
BORGARLEIKHÚSIÐ „Borgarleikhúsið
hefur átt í rekstrarerfiðleikum og
borgin hefur beðið mig um að
skoða það mál með sér,“ segir
Tómas Ingi Olrich menntamála-
ráðherra um rekstrarvanda Borg-
arleikhússins. „Við erum að skoða
í sameiningu hvort það sé hægt að
gera breytingar á leikhúsinu til
þess að tryggja betur rekstrar-
grundvöll þess. Ég hef tekið þess-
um umleitunum vel.“ ■
RÍKISFANG Kristján Jóhannsson óp-
erusöngvari hefur sótt um ítalskt
ríkisfang og bíður eftir að það fari
í gegnum kerfið á Ítalíu. „Ég á
engra kosta völ vegna þess að ef ég
er ekki meðlimur Evrópusam-
bandsins til fulls á ég enga mögu-
leika á að ná til baka þeim pening-
um sem ég hef greitt í gegnum tíð-
ina í lífeyrissjóði,“ segir Kristján.
Kristján hefur frá því hann hóf
að syngja greitt ákveðna upphæð
af launum sínum í lífeyrissjóði,
bæði á Ítalíu og í Þýskalandi. Hann
segir að hann einn hafi óskað eftir
ríkisfangi af fjölskyldunni, en
yngsta barnið sé fætt á Ítalíu og
geti sjálft ráðið því þegar þar að
kemur hvort ríkisfangið það fær.
Drengirnir og Sigurjóna, kona
hans, séu íslenskir ríkisborgarar
áfram en það eigi eftir að koma í
ljós. „Ég reikna með að drengirnir
taki afstöðu til þess síðar enda eru
þeir ítalskir í hugsun og hafa alist
upp þar frá frumbernsku,“ segir
hann.
Kristján er óhress með að við
Íslendingar skulum ekki ganga í
Evrópusambandið, við séum öll
Evrópubúar og það standi okkur
næst. „Við eigum að vera eins og
fólk og taka upp evru. Við eigum
ekki að vera á öðrum bás.“ ■
KRISTJÁN JÓHANNSSON
Verður ítalskur þegn næst þegar hann
heimsækir Ísland.
Stórsöngvari fær ítalskt ríkisfang:
Kristján verður ítalskur
Lögreglan í Reykjavík:
Hættir að
afgreiða
vegabréf
VEGABRÉF Afgreiðsla vegabréfa í
umdæmi lögreglunnar í Reykja-
vík færist á mánudag til Útlend-
ingastofnunar. Íbúar í Reykjavík,
Seltjarnarnesi, Mosfellsbæ og
Kjósarhreppi eiga því framvegis
að sækja um vegabréf þangað.
Ástæðan fyrir þessari breytingu
er fyrst og fremst sú að vegabréf
hafa síðustu árin verið framleidd
hjá Útlendingastofnun og því er
eðlilegt að afgreiðsla og útgáfa
vegabréfa sé á einni og sömu
hendi í Reykjavík.
Afgreiðsla Útlendingastofnun-
ar er opin frá klukkan 9.00 til 15.30
daglega og er í Skógarhlíð 6. ■
Réttað yfir leyniskyttum:
Játningar
teknar gildar
VIRGINÍA, AP Dómari í máli
leyniskyttanna frá Washington
hefur úrskurðað að nota megi nær
allar játningar Lee Boyd Malvo
fyrir rétti. Saksóknurum er þar
með heimilt að nota þau orð sem
pilturinn lét falla við yfirheyrslu
hjá lögreglu gegn honum. Að sögn
yfirvalda játaði Malvo að hafa
skotið til bana tvö fórnar-
lambanna. Verjendur Malvos
höfðu farið fram á að játningarnar
yrðu útilokaðar frá réttarhöldun-
um á þeim forsendum að þær
brytu í bága við rétt sakbornings-
ins til að tjá sig ekki og sögðu lög-
reglu hafa hunsað óskir piltsins
um að fá að tala við lögfræðing
áður en yfirheyrsla hæfist. ■
Hversdagstippið:
Dregið fram
í dagsljósið
NOREGUR Nemendur í kynlífsfræði
við háskólann í Agder í Noregi
hafa útbúið myndasafn sem er
ætlað er að hjálpa norskum karl-
mönnum að fá rétta mynd af kyn-
færum sínum, að því er fram
kemur í Verdens Gang.
Nemendurnir mynduðu átján
karlmenn á aldrinum 20 til 70 ára
í bak og fyrir og mældu stærð
kynfæra þeirra á ýmsa kanta.
Markmiðið er að vekja athygli á
þeirri staðreynd að tippi eru af
öllum stærðum og gerðum og
hjálpa þar með karlmönnum að
sjá sinn eigin lim í réttu ljósi. „Við
viljum kynna hversdagstippið
fyrir almenningi,“ segja hinir
verðandi kynlífsfræðingar og
benda á að sú mynd sem fjölmiðl-
ar haldi á lofti sé víðs fjarri raun-
veruleikanum. ■
LÖGREGLU-
STÖÐIN VIÐ
HLEMM
Þýðir lítið að
sækja vegabréf
þangað eftir
helgina.
FANGELSI „Íslenski sjómaðurinn
sem situr í fangelsi í Dubai hefur
fengið lögmann sem hefur unnið
nokkuð fyrir norska sendiráðið
og er alvanur málum sem
þessum,“ segir Pétur Ásgeirsson
hjá utanríkisráðuneytinu.
Sjómaðurinn var tekinn á
flugvellinum í Dubai með riffil í
farangri sínum. Hann var á
heimleið með fjórum íslenskum
skipsfélögum sínum eftir að hafa
komið Svani RE til nýrra
eigenda.
Sjómaðurinn lætur vel af sér
og segir að aðbúnaður í fangels-
inu sé góður en hann er að sjálf-
sögu orðinn leiður á að hanga
þarna og vill komast heim,“ segir
Friðrik Jónsson hjá sendiráðinu í
Kaupmannahöfn.
Pétur segir að sjómaðurinn
hafi allan tímann verið í sama
fangelsinu og fréttirnar af því að
hann hafi verið fluttur í fangelsi í
Abu Dhabi hafi verið misskiln-
ingur. „Við höfðum vonast til
þess að málið yrði afgreitt í
Dubai sem minniháttar mál. Á
laugardaginn var gæsluvarð-
haldsúrskurður framlengdur yfir
honum og því var honum útveg-
aður lögmaður. Ýmislegt bendir
til þess að málið sé að færast á
annað stig,“ segir Pétur.
Alríkisstjórn Sameinuðu
arabísku furstadæmanna situr í
Abu Dhabi. Pétur segir að ef
sjómaðurinn verði fluttur í fang-
elsi í Abu Dhabi bendi það til
þess að málið fari fyrir alríkis-
stjórnina. ■
SVANUR RE
Íslenski sjómaðurinn situr ennþá í fangelsinu í Dubai.
Íslenski sjómaðurinn situr enn í fangelsi:
Hefur fengið
lögmann
STJÓRNMÁL „Félag á borð við Brim
myndi þurfa að kaupa af ríkinu
aflaheimildir að upphæð 520 millj-
ónir króna ef kvótaleigan yrði 10
krónur á hvert þorskígildi, sem er
sú tala sem Kristján Möller, efsti
maður á lista Samfylkingarinnar í
Norðausturkjördæmi, telur lík-
lega,“ segir Guð-
brandur Sigurðs-
son, forstjóri
Brims, í grein til
starfsmanna fyrir-
tækisins. „Líklegra
er að kvótaleigan
yrði töluvert hærri
og ef notuð er sama
meðalkvótaleiga og
Vinnslustöðin not-
aði í útreikningum
sínum myndi árleg
kvótaleiga Brims
vera um 1,5 milljarðar króna eða
sem svarar 1,5 milljónum króna á
hvern starfsmann. Þetta eru slíkar
upphæðir að hvert mannsbarn sér
í hendi sér að ekki verður hægt að
inna þessar greiðslur af hendi án
þess að eitthvað gefi eftir.“
Hann varar við þeim stjórn-
málaflokkum sem vilja fara fyrn-
ingarleiðina. „Það er óþægileg
staðreynd fyrir okkur öll sem
störfum í sjávarútvegi að ekki
færri en fjórir stjórnmálaflokkar
hafa það á stefnuskrá sinni að
umbylta greininni án þess að vita
nákvæmlega hvað þeir vilja í
staðinn. Samfylkingin gengur þar
lengst og reynir að innprenta það
hjá þjóðinni að sjávarútvegurinn
gangi út á það að selja eða leigja
kvótann og liggja svo í sólinni á
Spáni. Sjávarútvegur er svo
miklu, miklu meira en það,“ segir
forstjórinn.
Miðstjórn ASÍ mótmælti skrif-
um forstjórans harðlega. Samtök-
in telja hann reyna að hafa áhrif á
stjórnmálaskoðanir starfsmanna
með ólöglegum hætti.
Össur Skarphéðinsson, for-
maður Samfylkingarinnar, segir
ógeðfellt að vita til þess að út-
gerðarkóngar eins og Guðbrand-
ur Sigurðsson misnoti aðstöðu
sína til að beita skoðanakúgun og
miðla kolröngum upplýsingum.
„Það gerir hann í trúnaðarbréfi
til starfsmanna sinna sem hefur
þann tilgang einan að koma
höggi með rangindum á stjórn-
málaflokk eins og Samfylking-
una. Útreikningar hans eru
kolrangir og virðast byggjast á
fullkominni vantrú á lögmál
markaðsins.“
Össur segir það fulljóst að út-
gerðin muni aldrei bjóða meira í
kvótann en hún hafi bolmagn til
að greiða. Fyrningarleiðin verði
til þess að framboð á aflaheimild-
um aukist mikið og verð lækki
verulega. „Gera má ráð fyrir að
leiguverð á kvóta fari niður í 20
krónur á kíló eins og sérfræðing-
ar telja og auðvitað batnar þá
samkeppnisstaða lítilla útgerða
til muna. Þær útgerðir sem geta
lifað við 150 króna leiguverð í dag
munu blómstra þá.“
Össur segir þessi ummæli
Guðbrands ákaflega ógeðfellda
skoðanakúgun. „Útgerðarkóngar
eru bersýnilega að misbeita valdi
sínu til þess að hræða fólk frá
fylgi við einn tiltekinn stjórnmál-
flokk. „Svona vinnubrögð hefur
maður ekki séð í sjö áratugi og
þessir menn eru að færa stjórn-
mál aftur á pólitíska steinöld,“
segir Össur Skarphéðinsson.
bergljot@frettabladid.is
Þetta er ógeðfelld
skoðanakúgun
Guðbrandur Sigurðsson hjá Brimi ekki sáttur við fyrningarleiðina og bendir starfsmönnum
á að hún geti skaðað fyrirtækið. Forstjórinn færir stjórnmálin aftur á pólitíska steinöld,
segir formaður Samfylkingarinnar.
EIMSKIP
Forstjóri dótturfyrirtækisins varar starfsmenn við stefnu stjórnmálaflokka.
■
„Það er óþægi-
leg staðreynd
fyrir okkur öll
sem störfum í
sjávarútvegi að
ekki færri en
fjórir stjórn-
málaflokkar
hafa það á
stefnuskrá sinni
að umbylta
greininni.“