Fréttablaðið - 08.05.2003, Side 25

ekki gleyma!
Kjarabaráttan
Ríkisvaldið skipaði sér enn og aftur í lið með útgerðinni. Við fengum ekki að ljúka gerð kjara-
samninga. Ríkisvaldið tók enn af okkur samningsrétt og skipaði gerðardóm.
Enn og aftur var sjálfsagður réttur tekinn af okkur. Ekki meir.
Útflöggun
Alþingi gekk erinda útgerðarinnar og samþykkti lög sem greiða leið til að unnt verði að ráða
erlenda sjómenn í stað íslenskra á fiskiskipin. Farmenn hafa í áraraðir barist til að halda
störfum sínum um borð í íslenskum kaupskipum. Í stað þess að leggja þeim lið vill meirihluti
núverandi þingmanna færa ógæfu kaupskipasjómanna yfir á fiskimenn.
Sjóræningjar
Við Íslendingar tölum um að bæta þurfi umgengni um auðlindina. Þrátt fyrir fögur orð þar um
eru Íslendingar því miður í hópi þeirra útgerða sem virða ekki sjálfsagða samninga um veiðar á
Reykjaneshrygg. Þeir leika tveimur skjöldum og gera einnig út skip sem eru skráð í löndum þar
sem allt má og ekkert er virt. Sjómenn á þeim skipum sem er beitt með þessum hætti fá ekki
borgað á sama hátt og aðrir sjómenn. Þeir eru þrælar frekar en launþegar. Með þessu er verið
að auka samkeppni á mörkuðum og þær íslensku útgerðir sem virða leikreglur standa því verr
en hinir gráðugu. Íslenskir sjómenn hafa skömm á framferði þeirra Íslendinga sem haga sér
með þessum hætti.
Sjómannafélag
Reykjavíkur
Sjómannafélag
Ísafjarðar
Verkalýðs- og
sjómannafélag
Keflavíkur
Sjómanna- og
vélstjórafélag
Grindavíkur