Fréttablaðið - 21.08.2003, Qupperneq 4
4 21. ágúst 2003 FIMMTUDAGUR
Hvernig fer landsleikur Íslands og
Færeyja?
Spurning dagsins í dag:
Hefurðu farið í hvalaskoðun?
Niðurstöður gærdagsins
á www.frett.is
18%
64%
Færeyjar sigra
18%Jafntefli
Ísland sigrar
Kjörkassinn
Farðu inn á frett.is og segðu þína skoðun
frétt.is
Leigubílstjórar ósáttir við samkeppni frá Strætó bs.:
Telja Strætó ekki hafa leyfi
SAMGÖNGUR „Það er ansi hart að
sjá strætisvagna ferja ferðamenn
til og frá bryggjusporði,“ sagði
Jón Stefánsson, varaformaður
Átaks, félags leigubílstjóra, en
hann gagnrýnir að strætisvagnar
Hagvagna, fyrirtækis í eigu
Strætó bs., séu notaðir til hóp-
ferða.
Jón segir starfsumhverfi leigu-
bílstjóra fara versnandi með
hverju ári og ekki bæti úr skák
þegar strætisvagnar taki þátt í
samkeppninni. „Þessir vagnar eru
ekki með tilskilin leyfi til hóp-
flutninga og súrt að horfa á þá
keyra um með ferðamenn af
skemmtiferðaskipum eins og um
áætlunarleið væri að ræða.“
„Staðan er sú að engar fastar
reglur eru til um þetta hér á
landi,“ sagði Björn Ólafsson hjá
Vegagerðinni, sem sér um að veitt
séu leyfi til reksturs hópferðabif-
reiða. „Strangt til tekið eru hvorki
Hagvagnar né Strætó bs. með
hópferðaleyfi. Hins vegar er ekk-
ert sem bannar Strætó að vera
með áætlunarferðir hvert sem
er.“
Björn segir að í samgöngu-
ráðuneytinu sé verið að bíða eftir
nýjum reglum ESB varðandi hóp-
ferðabifreiðar. „Við höfum fundað
með Strætó og fleiri aðilum um
bót mála en fyrr en þessar nýju
reglur taka gildi er ekki tímabært
að grípa til aðgerða.“ ■
Viðræðum slitið og
boðað til neyðarfunda
Palestínskir og ísraelskir ráðamenn boðaðir til neyðarfundar í kjölfar
sjálfsmorðsárásar. Ísraelar slíta viðræðum við palestínsk yfirvöld og
þrýsta á Abbas forsætisráðherra að grípa til aðgerða gegn skæruliðum.
ÍSRAEL, AP Í kjölfar sjálfs-
morðsárásarinnar í Jerúsalem
ákváðu yfirvöld í Ísrael að slíta
viðræðum við palestínska ráða-
menn um það hvenær og með
hvaða hætti Palestínumenn gætu
tekið við yfirráðum í borgum á
Vesturbakkanum. Eftirlit á landa-
mærum Ísraels og Palestínu var
einnig hert verulega og fjöldi
palestínskra borga á Vesturbakk-
anum og Gaza-ströndinni einangr-
aður.
Tuttugu Ísraelar fórust og hátt
í 100 særðust þegar palestínskur
karlmaður sprengdi sig í loft upp
um borð í strætisvagni í hverfi
strangtrúaðra gyðinga í Jerúsal-
em. Árásin er ein sú mannskæð-
asta sem gerð hefur verið í Ísrael
og á meðal fórnarlambanna var
fjöldi barna.
Hamas og samtökin Íslamskt
Jihad hafa bæði lýst ábyrgð á
árásinni á hendur sér. Að sögn
Hamas var árásarmaðurinn 29
ára gamall palestínskur predik-
ari. Var hann vinur Jihad-leiðtog-
ans Mohammed Sidr sem skotinn
var til bana af ísraelskum her-
sveitum í síðustu viku. Háttsettur
maður innan Hamas hefur ítrekað
að vopnahlé palestínskra and-
spyrnuhreyfinga sé enn í gildi og
árásin hafi aðeins verið svar við
ofbeldisverkum ísraelskra her-
sveita. Að sögn ísraelska útvarps-
ins hafa sautján Palestínumenn
verið handteknir í kjölfar árásar-
innar, grunaðir um aðild að Ham-
as-samtökunum. Margir þeirra
eru ættingjar árásarmannsins, að
sögn Nabil Amr, ráðherra upplýs-
ingamála í Ísrael.
Mahmoud Abbas, forsætisráð-
herra Palestínumanna, hefur for-
dæmt árásina og tilkynnt að
palestínsk yfirvöld hafi slitið við-
ræðum við Hamas og Jihad þar
sem liðsmenn samtakanna hafi
brotið gegn hagsmunum þjóðar-
innar. Abbas hefur boðað ríkis-
stjórnina á neyðarfund til að ræða
hvernig beri að taka á málum.
Fram að þessu hefur hann neitað
að grípa til aðgerða gegn víga-
mönnum af ótta við innbyrðis átök
en talið er hugsanlegt að hann
muni nú endurskoða afstöðu sína
vegna þrýstings frá alþjóðasam-
félaginu.
Ariel Sharon, forsætisráðherra
Ísraela, hefur ákveðið að gefa
palestínskum yfirvöldum tíma til
að leita leiða til að brjóta á bak aft-
ur starfsemi herskárra andspyrnu-
hreyfinga. Ef ekki verður gripið til
aðgerða innan fárra daga er búist
við því að ísraelsk yfirvöld taki
málin í sínar hendur. ■
Kofi Annan, fram-
kvæmdastjóri SÞ:
Höldum
áfram í Írak
BAGDAD, AP „Við látum ekki
hræða okkur,“ sagði Kofi Annan,
framkvæmdastjóri Sameinuðu
þjóðanna, á blaðamannafundi í
gærmorgun.
Annan sagði að samtökin
myndu ekki draga sig í hlé í Írak
þrátt fyrir sprengjutilræðið í
höfuðstöðvum samtakanna á
Canal-hótelinu í Bagdad sem
varð 20 manns að bana. Óttast er
að fleiri lík kunni að finnast í
rústunum. Að minnsta kosti 100
manns slösuðust í sprenging-
unni. ■
GUÐMUNDUR HALLDÓRSSON
Stendur fyrir stórfundi á Ísafirði.
Vestfirðingar ákveða
stórfund:
Fundað um
loðin loforð
SJÁVARÚTVEGSMÁL Vestfirðingar
hafa boðað til stórfundar í íþrótta-
húsinu á Torfnesi á Ísafirði þann
14. september klukkan 14. Guð-
mundur Halldórsson, formaður
smábátafélagsins Eldingar, segir
að ætlunin sé að ná sem breiðastri
samstöðu meðal Vestfirðinga
vegna línuívilnunar sem stjórnar-
flokkarnir lofuðu í aðdraganda
kosninga en hafa nú að því er
virðist slegið á frest að frum-
kvæði Árna Mathiesen sjávarút-
vegsráðherra. Davíð Oddsson gaf
um það loforð á Ísafirði að línu-
ívilnun yrði tekin upp og taldi
ekki vera neitt því til fyrirstöðu
að það yrði í haust. Vestfirðingar
hyggjast ræða þessi loforð og
ákveða til hvaða ráða verður grip-
ið. Guðmundur segir að þingmenn
séu velkomnir á fundinn og sjáv-
arútvegsráðherra ráði því hvort
hann mæti. „Hann má koma ef
hann vill,“ segir Guðmundur. ■
Átak í sameiningarmál-
um sveitarfélaga:
Sveitarfélög
enn of
fámenn
SVEITARSTJÓRNARMÁL Ákveðið hefur
verið að hefja átak í sameiningar-
málum sveitarfélaga og munu fé-
lagsmálaráðuneytið og Samband
íslenskra sveitarfélaga vinna að
átakinu í sameiningu. Tvær
nefndir verða skipaðar af félags-
málaráðherra í þessum tilgangi,
auk þess sem þriggja manna yfir-
stjórn verður skipuð til þess að
hafa yfirumsjón með verkefninu.
Hjálmar Árnason, þingmaður
Framsóknar, hefur verið skipaður
formaður verkefnisstjórnarinnar.
Sveitarfélögum hefur fækkað
um 101 síðan 1990, en þau eru nú
104 talsins. Félagsmálaráðuneytið
telur hins vegar sameiningar
sveitarfélaga á síðustu árum ekki
hafa verið nægilega víðtækar til
þess að sveitarfélögin verði heild-
stæð atvinnu- og þjónustusvæði.
Því til stuðnings er bent á að að-
eins 33 sveitarfélög telji meira en
1.000 íbúa. Í þessum sveitarfélög-
um búi hins vegar meira en 92%
þjóðarinnar. ■
STRÆTÓ
Fyrirtæki í eigu Strætó bs. ekur með ferða-
menn í óþökk leigubílstjóra.
SKUTLURNAR
Þúsundum var dreift með Fréttablaðinu og
fóru viðbrögð fram úr öllum vonum.
Skutluleikur Icelandair:
Frábær
viðbrögð
SKUTLUR „Það hafa fleiri þúsund
manns tekið þátt í leiknum okk-
ar,“ sagði Helga Árnadóttir, sölu-
stjóri hjá Flugleiðum, um þann
fjölda fólks sem tók þátt í skutlu-
leik Icelandair og Flugfélags Ís-
lands á Flugdaginn Mikla sem
fram fór um helgina.
„Skutlurnar fylgdu með Frétta-
blaðinu og við hér hjá Flugleiðum
erum mjög hissa á hversu frábær
viðbrögðin voru. Ég er viss um að
hér eru tugir þúsunda og það er
miklu meiri fjöldi en við bjugg-
umst við að fá.“
Auglýsingabæklingur Flug-
leiða fylgdi með Fréttablaðinu og
gátu áhugasamir skrifað nafn sitt
á hann, breytt honum í skutlu og
tekið þátt í skutluskotfimi á Flug-
deginum Mikla.
Nöfn vinningshafa sem dregin
verða úr hrúgunni eru birt á vefn-
um á slóðinni flugfelag.is og
Icelandair.is. ■
HJÁLMAR
ÁRNASON
Hefur verið skip-
aður formaður
nefndar sem hef-
ur yfirumsjón
með átaki í sam-
einingarmálum
sveitarfélaga.
SAMKEPPNISSTOFNUN
Samningar Emmess og Kjöríss við Baug og
Kaupás brutu samkeppnislög.
Áfrýjunarnefnd staðfesti
fyrri dóm:
Samkeppnis-
lög brotin
ÍS Áfrýjunarnefnd Samkeppnis-
stofnunar staðfesti í sumar fyrri
dóm stofnunarinnar þess efnis að
verslunum Baugs og Kaupáss
væri óheimilt að ráðstafa fyrir
fram meira en 80% af frystirými
því sem ætlað er undir ísvörur.
Þar með voru ógildir samningar
Emmess hf. og Kjöríss ehf. við
verslanir viðkomandi fyrirtækja.
Segir í umsögn áfrýjunarnefndar
að allt að 95% af því frystiplássi
sem verslanir Baugs höfðu til um-
ráða hafi farið undir vörur þess-
ara tveggja ísfyrirtækja, Emmess
og Kjöríss. Afleiðing þess er sú að
keppinautum er gert óeðlilega
erfitt að komast inn á markaðinn
vegna stærðar Baugs og Kaupáss
á landsvísu.
Verslunum er þannig í sjálfs-
vald sett hversu mikið af vörum
Emmess og Kjöríss þær hafa í
frystum sínum svo lengi sem nýir
aðilar hafi aðgang að 20% ef eftir
því er leitað. ■
UMHVERFISMÁL Skipulagsstofnun
hefur fallist á fyrirhugaðar virkj-
unarframkvæmdir Landsvirkjun-
ar í neðri hluta Þjórsár ásamt til-
heyrandi breytingum á Búrfells-
línum 1 og 2 að settum ákveðnum
skilyrðum.
Stofnunin telur að fram-
kvæmdirnar muni ekki hafa í för
með sér umtalsverð umhverfis-
áhrif. Um er að ræða tvær 150
MW virkjanir, annars vegar við
Núp og hins vegar við Urriðafoss.
Skilyrðin sem Skipulagsstofn-
un hefur sett fyrir framkvæmd-
unum eru m.a. að Landsvirkjun
endurheimti votlendi á Suður-
landi til jafns við það sem raskast,
fok á sand- og aurasvæðum verði
fyrirbyggt, öldurof og eyðing
gróðurs á ströndum lóna verði
vöktuð í 10 ár eftir að þau verði
tekin í notkun og að Landsvirkjun
standi að viðbótarrannsóknum um
grunnástand lífríkis í Þjórsá.
Bygging virkjananna helst í
hendur við stækkun álversins í
Straumsvík og er kostnaður áætl-
aður um 43 til 47 milljarðar króna.
Kæra má úrskurðinn til um-
hverfisráðherra og er kærufrest-
ur til 24. september. ■
URRIÐAFOSSVIRKJUN
Virkjun við Urriðafoss verður allt
að 150 MW og orkugeta virkjunar-
innar allt að 920 GWst/ári.
Úrskurður Skipulagsstofnunar um mat á umhverfisáhrifum:
Fallist á virkjanir í Þjórsá
BÖRN Í JERÚSALEM
Ísraelsk börn horfa út um gluggann á strætisvagni sem ekur framhjá vettvangi sjálfs-
morðsárásarinnar á hverfi strangtrúaðra gyðinga í Jerúsalem.