Fréttablaðið - 21.08.2003, Blaðsíða 12

12 21. ágúst 2003 FIMMTUDAGUR
FÓRNARLAMBA MINNST
Ísraelskur drengur horfir á kertaljós sem
tendruð hafa verið af syrgjendum á vett-
vangi sjálfsmorðsárásarinnar í Jerúsalem á
þriðjudaginn.
DETROIT, AP Það tók hugmyndaríka
kaupsýslumenn ekki langan tíma að
láta útbúa minjagripi um raf-
magnsleysið í Bandaríkjunum og
Kanada. Að minnsta kosti tíu vef-
síður selja slíkan varning og hafa
kaupmenn vart undan. Úrvalið er
afar fjölbreytt enda atburðurinn
sérstæður. Stuttermabolir með
skondnum áletrunum á borð við
„Blackout2003 - Can you see me
now?“, „New York, the lightweight
city“ og „Did Buffalo pay their
bills?“ eru til sölu á Netinu. Þá er
annar varningur svo sem kaffiboll-
ar með nöfnum borganna sem urðu
rafmagnslausar, smekkir fyrir
börn með ýmsum áletrunum og
jafnvel eggjandi undirfatnaður
með viðeigandi áletrunum til sölu á
Netinu. Vefsíðum, með varningi til
minja um rafmagnsleysið eða upp-
lýsingum um hvernig bregðast
skuli við næst þegar borgir myrkv-
ast, hefur skotið upp eins og gorkúl-
um. Lén, sem tengjast rafmagns-
leysinu, verða seld hæstbjóðanda
en lítið fer fyrir boðum í lénin.
Skjöl til staðfestingar því að menn
hafi komist af í rafmagnsleysinu er
sömuleiðis hægt að kaupa fyrir
tæpa tíu Bandaríkjadali.
Íbúi einn í Michigan hefur
meira að segja skrifað bók um
hvernig komast eigi af í raf-
magnsleysi, „Surviving the
Blackout of 2003“. Í bókinni gefur
höfundur hollráð um hvers konar
fatnað er best að hafa við höndina
í rafmagnsleysi, hvernig nota eigi
salernið þegar ekkert vatn er til
staðar og þar fram eftir götunum.
Það tók höfund sextán klukku-
stundir að skrifa bókin og er hún
til sölu á Netinu á tæpa tíu Banda-
ríkjadali. ■
Tilraun til flugráns:
Gafst upp
ALSÍR, AP Maður á sextugsaldri var
handtekinn í borginni Oran í Alsír
eftir tilraun til að ræna Boeing
737 farþegaþotu alsírska flugfé-
lagsins Air Algeria.
Flugvélin var á leið frá Algeirs-
borg til Lille í Frakklandi með við-
komu í Oran. Skömmu eftir flugtak
gaf maðurinn sig á tal við flug-
þjóna, sagðist vera með hand-
sprengju í fórum sínum og krafðist
þess að vélinni yrði snúið til Genf í
Sviss. Áhöfninni tókst að sannfæra
manninn um að best væri að milli-
lenda í Oran til að taka eldsneyti.
Þegar þangað kom gafst hann upp
og gaf sig á vald öryggissveita.
Að sögn talsmanna Air Algeria
á flugræninginn við geðræn
vandamál að stríða. ■
LAS VEGAS, AP Vegir lokuðust, raf-
magn fór af húsum og vatn flæddi
um götur þegar þrumuveður gekk
yfir Las Vegas í Bandaríkjunum.
Borgarstjórinn, Oscar Goodman,
lýsti yfir neyðarástandi í ákveðn-
um hverfum borgarinnar og
hvatti íbúana til að halda sig inn-
andyra.
Úrkoman mældist 7,6 sentí-
metrar á einni og hálfri klukku-
stund og var hún mest í norðvest-
urhluta borgarinnar. Ekki hefur
verið tilkynnt um meiðsl á fólki,
en þyrla var kölluð út til að bjarga
fólki af þaki bíla sem voru um-
kringdir vatni. Um 3.000 heimili
voru rafmagnslaus í nokkrar
klukkustundir. ■
SJÁVARÚTVEGSMÁL „Ég útiloka ekki
afnám byggðakvótans,“ segir
Hjálmar Árnason, alþingismaður
og þingflokksformaður Fram-
sóknarflokksins, um þær hug-
myndir Árna Mathiesen sjávarút-
vegsráðherra að byggðakvótinn
verði afnuminn í samhengi við
það að línuívilnun komi til. Í
stefnuyfirlýsingu ríkisstjórnar-
innar segir að
kannaðir verði
kostir þess að
auka byggða-
kvóta og taka
upp línuívilnun.
Davíð Oddsson,
formaður Sjálf-
stæðisflokksins,
sagði í aðdrag-
anda kosninga
að ekkert væri því til fyrirstöðu
að taka upp línuívilnun strax í
haust, en skipti um skoðun eftir
kosningar. Hjálmar segir að þing-
flokkur Framsóknarflokksins
muni koma saman innan tíðar og
þar verði þetta mál ofarlega á
baugi.
Hjálmar segir að það sé niður-
staðan sem öllu máli skipti en ekki
aðferðafræðin.
„Þetta er spurning um það
hvernig veiðiheimildir dreifast.
Sú niðurstaða sem fæst, verður að
vera sjávarbyggðum til hagsbóta.
Það er árangurinn sem skiptir
máli og ég þarf að sjá hvaða
áherslur menn eru með til að
hægt verði að kyngja því,“ segir
Hjálmar.
Í stefnuyfirlýsingunni er
ákvæðið um aukinn byggðakvóta
komið inn fyrir tilstilli Framsókn-
arflokksins. Kristinn H. Gunnars-
son, flokksbróðir Hjálmars og
forveri hans sem þingflokksfor-
maður, hefur sagt að það sé for-
senda stjórnarsamstarfsins að
staðið verði við fyrirheit um línu-
ívilnun. Hjálmar viðurkennir að
bæði á milli stjórnarflokkanna og
innan þeirra sé ágreiningur um
málið.
„Það er ljóst að ólíkar áherslur
eru á milli stjórnarflokkanna og
innan þeirra, en ég held að menn
muni ná saman. Okkur sjávarút-
vegsráðherra hefur alltaf gengið
vel að tala saman, enda er hann
gamall nemandi minn,“ segir
Hjálmar.
rt@frettabladid.is
Húsleit í vörugeymslu:
Mikið magn
steralyfja
STOKKHÓLMUR, AP Tollayfirvöld í
Svíþjóð lögðu hald á mikið magn
vaxtaraukandi og árangursbæt-
andi lyfja, þegar gerð var hús-
leit í vörugeymslu skammt frá
líkamsræktarstöð í Stokkhólmi.
Tollverðir og lögregla fundu
yfir hálfa milljón taflna og
14.000 lyfjaglös sem innihéldu
anabólíska stera. Einnig var lagt
hald á 25.000 sprautur og 800
lítra af viskí og vodka. Einn
maður hefur verið handtekinn í
tengslum við málið, en grunur
leikur á að fleiri hafi komið að
innflutningi lyfjanna. ■
Sjálfsmorðsárásir í
Marokkó:
Fjórir
dæmdir til
dauða
CASABLANCA, AP Dómstólar í
Marokkó hafa dæmt fjóra menn
til dauða fyrir aðild að sjálfs-
morðsárásunum í Casablanca
þann 16. maí síðastliðinn. Árásirn-
ar kostuðu þrjátíu og tvo óbreytta
borgarar lífið.
Mennirnir eru meðlimir í
marokkósku hreyfingunni Salafia
Jihadia sem talin er tengjast al-
Kaída. Auk fjórmenninganna
voru 83 aðrir dæmdir í allt frá tíu
mánaða og upp í lífstíðarfangelsi
fyrir aðild að Salafia Jihadia og
þátttöku í hryðjuverkastarfsemi.
Enn á eftir að rétta yfir hund-
ruðum manna sem grunaðir eru
um aðild að árásunum í Casa-
blanca. ■
Segir hugsanlegt að
afnema byggðakvóta
Þingflokkur Framsóknarflokksins mun koma saman til að ræða deiluna
um byggðakvóta og línuívilnun. Hjálmar Árnason viðurkennir mis-
munandi áherslur en trúir því að menn nái saman.
MINJAGRIPIRNIR
Stuttermabolir,
barnavörur og kaffi-
bollar er meðal þess
sem hægt er að
kaupa til minja um
mesta rafmagnsleysi
í sögu Bandaríkj-
anna.
Rafmagnsleysið í Bandaríkjunum:
Minjagripir renna út
á Netinu
Þrumuveður í Las Vegas:
Vatn flæddi
um götur
SLÖKKVILIÐIÐ Í SJÁLFHELDU
Fjórum slökkviliðsmönnum var
bjargað af brunabíl sem lenti í
flóðbylgju í Las Vegas.
„Það er ljóst
að ólíkar
áherslur eru
á milli stjórn-
arflokkanna.
HJÁLMAR ÁRNASON
Telur að stjórnarflokkarnir nái að jafna ágreining í sjávarútvegsmálum.
Vísitala neysluverðs:
Verðbólga
lág á Íslandi
VERÐBÓLGAN Samræmd vísitala
neysluverðs í EES-ríkjum var 112,9
stig í júlí og lækkaði um 0,2% frá
fyrri mánuði. Á sama tíma var
s a m r æ m d a
vísitalan fyrir
Ísland 125,0
stig, lækkaði
einnig um
0,2% frá júní.
Frá júlí
2002 til jafn-
lengdar árið
2003 var
verðbólgan,
mæld með
samræmdri
vísitölu neysluverðs, 1,8% að með-
altali í ríkjum EES, 1,9% á evru-
svæðinu og 0,9% á Íslandi.
Mesta verðbólga á Evrópska
efnahagssvæðinu á þessu tólf mán-
aða tímabili var 3,9% í Írlandi og
3,5% í Grikklandi. Verðbólgan var
minnst 0,8% í Þýskalandi og 0,9% á
Íslandi. ■
SEÐLABANKINN
Samræmd vísitala
neysluverðs lækkaði
um 0,2% í júlí.
FR
ÉT
TA
B
LA
Ð
IÐ
/R
Ó
B
ER
T
Konungleg fæðing:
Prins borinn
í heiminn
BRUSSEL, AP Matthildur prinsessa,
eiginkona Filippusar, krónprins
Belgíu, fæddi son á Erasmus-
sjúkrahúsinu í Brussel. Drengur-
inn, sem hlotið hefur nafnið
Gabríel, er þriðji í erfðaröð belg-
ísku krúnunnar.
Prinsessunni og syni hennar
heilsast vel, að því er fram kemur
í yfirlýsingu frá konungsfjöl-
skyldunni. Gabríel, sem er ljós-
hærður og bláeygur, vó fjögur
kílógrömm og var 53 sentímetrar
á lengd. Hann á eina systur, Elísa-
betu prinsessu, sem fæddist í
október árið 2001.
Albert konungur og Paola
drottning voru stödd í Frakklandi
en sneru heim til Belgíu til þess að
berja nýja barnabarnið augum. ■