Fréttablaðið - 21.08.2003, Blaðsíða 20

20 21. ágúst 2003 FIMMTUDAGUR
■ Andlát
Theódór Júlíusson var staddurnorður í landi þegar Frétta-
blaðið hafði samband við hann.
„Ég er búinn að vera hérna í nán-
ast allt sumar. Ég er fæddur og
uppalinn Siglfirðingur eins og
konan mín. Við eigum lítið hús
hérna í fjallshlíðinni. Við reynum
að flýja þangað um leið og sumar-
fríið byrjar,“ segir Theódór.
„Þessa dagana erum við bara
tvö í kotinu. Ef ég þekki mína
konu rétt þá gerir hún eitthvað
sérstakt á afmælisdeginum. Fer
með mig eitthvað eða eldar góðan
mat.“
Eiginkona Theódórs heitir
Guðrún Stefánsdóttir og starfar
eins og hann í Borgarleikhúsinu,
sem miðasölustjóri. Þau hjónin
eiga fjórar dætur og fjögur barna-
börn og koma þau oft til þeirra
norður í heimsókn. „Það er alltaf
mikill spenningur hjá okkur að
komast norður í rólegheitin. Við
erum búin að eiga húsið í 12 ár og
þetta er orðið okkar annað heim-
ili. Það er alveg stórkostlegt að
vera hérna,“ segir Theódór, sem
horfði út á hafnarsvæðið á Siglu-
firði í blankalogni er hann ræddi
við blaðamann.
Aðspurður segist Theódór
ekki halda mikið upp á afmælin
sín. Hann man þó glöggt eftir
fimmtugsafmælinu sínu. „Við
hjónin erum fædd á sama ári og
héldum þá mikla veislu í Broad-
way. Þangað komu um 300-400
manns. Oftast eru það samt aðrir
sem halda upp á afmælin fyrir
mig.“
Sumarfríi Theódórs er að
ljúka því á mánudag þarf hann að
vera mættur til æfinga á leikrit-
inu Línu langsokki sem frumsýnt
verður þann 17. september. Þrátt
fyrir fríið hefur Theódór haft í
nógu að snúast í sumar. Var hann
m.a. umsjónarmaður Síldarævin-
týrisins á Siglufirði um verslun-
armannahelgina. „Ég kom Síldar-
ævintýrinu af stað árið 1991 og
var framkvæmdastjóri á árunum
1991-96. Þeir plötuðu mig í þetta
núna. Síðan voru Siglfirðingar
gestir Reykjavíkurborgar á
Menningarnótt í ráðhúsinu og ég
fékk fólk frá staðnum til að
kynna menningu bæjarins. En ég
kem samt fullur af þrótti og fjöri
í leikhúsið aftur.“
frey@frettabladid.is
THEÓDÓR JÚLÍUSSON
Í hlutverki landeigandans í leikritinu
Púntilla og Matti.
Hefur það náðugt
í fjallshlíðinni
Afmæli
THEÓDÓR JÚLÍUSSON
■ leikari heldur upp á 54 ára afmælið
sitt í dag. Í sumar hefur hann dvalið í
sumarhúsi sínu á Siglufirði ásamt eigin-
konu sinni.
1940 Kommúníski uppreisnarsinninn
Leon Trotskí deyr í Mexíkóborg af
sárum sem hann hlaut eftir bana-
tilræði.
1959 Hawaii verður 50. ríki Bandaríkj-
anna.
1976 Hljómplötuframleiðandinn RCA
Victor tilkynnir að sala á plötum
Elvis Presley hafi selst í meira en
400 milljónum eintaka.
1990 Tónlistarmaðurinn Prince gefur út
tónlist við kvikmyndina „Graffiti
Bridge.“
1991 Uppreisn harðlínumanna gegn
Mikhaíl Gorbatsjev, þáverandi for-
seta Sovétríkjanna, lýkur. Upp-
reisninni, sem leiddi til endaloka
Sovétríkjanna, var stjórnað af Bor-
is Jeltsín.
1992 Tónlistarmaðurinn Sting kvænist
Trudi Styler.
■ Dagurinn
Benigno Aquino, leiðtogi stjórn-arandstöðu Filippseyja, var
myrtur á þessum degi árið 1983.
Aquino var nýkominn til
heimalands síns eftir þriggja ára
útlegð í Bandaríkjunum til að taka
þátt í kosningum. Voru miklar
vonir bundnar við að honum tæk-
ist að steypa Ferdinand Marcos,
einræðisherra Filippseyja, af
stóli.
Í flugvél á leiðinni frá Banda-
ríkjunum til Manila, höfuðborgar
Filippseyja, sagði Aquino í viðtali
við fréttamenn að hann gerði sér
fyllilega grein fyrir áhættunni
sem hann væri að taka. „Ég veit
að hættan er til staðar vegna þess
að aftökur eru hluti af almenn-
ingsþjónustu landsins,“ sagði
Aquino. „Ég lít á málið þannig að
við deyjum öll einhvern tímann
og ef mín örlög eru sú að verða
tekinn af lífi þá verður að hafa
það.“
Um leið og flugvél Aquino lenti
í Manila var hann handtekinn af
hermönnum og honum fylgt úr
flugvélinni. Að sögn vitna heyrð-
ust miklir skothvellir skömmu
síðar og Aquino sást liggja í blóði
sínu skammt frá vélinni. Hann
var fimmtugur þegar hann lést. ■
21. ágúst 1983
BENIGNO AQUINO
■ leiðtogi stjórnarandstöðu Filippseyja
var myrtur á þessum degi fyrir 20 árum.
AQUINO
Myrtur er hann sneri aftur
til heimalands síns.
Aquino tekinn af lífi
CARRIE-ANNE MOSS
Þessi þokkafulla kanadíska leikkona sem
fer með eitt af aðalhlutverkunum í The
Matrix-þríleiknum heldur upp á 36 ára af-
mælið sitt í dag. Kim Cattrall úr Sex and
the City, söngvarinn Kenny Rogers og
körfuboltagoðsögnin Wilt Chamberlain eru
einnig fædd þennan dag.
21.ágúst
Inga Anna Gunnarsdóttir, Arnarhrauni
18, Hafnarfirði, lést sunnudaginn 17.
ágúst.
Jóhann Olsen, fyrrverandi sjómannatrú-
boði, lést í Færeyjum mánudaginn 18.
ágúst.
Jóhanna Guðmundsdóttir frá Hell-
issandi, Austurgerði 6, Reykjavík, lést
sunnudaginn 17. ágúst.
Jón Axelsson kaupmaður, Nónvörðu
11, Keflavík, lést þriðjudaginn 19. ágúst.
Margrét Ingvarsdóttir, Hrafnistu, Hafn-
arfirði, lést mánudaginn 18. ágúst.
María Pétursdóttir, áður til heimilis í
Hólmgarði 49, Reykjavík, lést laugardag-
inn 16. ágúst.
Oddgeir Sigurberg Júlíusson andaðist
laugardaginn 16. ágúst.
13.30 Björn Kjartansson, steinsmiður,
Kleppsvegi 62, Reykjavík, verður
jarðsunginn frá Fríkirkjunni í
Reykjavík.
14.00 Gunnlaug Maídís Reynis, Víði-
hlíð, Grindavík, verður jarðsungin
frá Grindavíkurkirkju.
15.00 Kristín Bøgeskov, djákni, verður
jarðsungin frá Digraneskirkju í
Kópavogi.
Pálmi Matthíasson, sóknarprestur í Bú-
staðakirkju, er 52 ára.
Hans Ploder hljóðfæraleikari er 76 ára.
Helga Steffensen brúðuleikhúskona er
60 ára.
Elísabet Indra Ragnarsdóttir fiðluleikari
er 33 ára.
■ Jarðarfarir
■ Afmæli
??? Hver?
„43 ára listfræðingur og menningar-
málaliði, forstöðumaður Listasafnsins á
Akureyri.“
??? Hvar?
„Ég sit fyrir framan tölvuna og símann
hérna á Akureyri þessa stundina, eins og
vanalega.“
??? Hvaðan?
„Ég er ættaður úr Flatey á Breiðafirði í
föðurætt, en undan Akranesfjalli í móð-
urætt.“
??? Hvað?
„Ég er að skipuleggja uppsetningu 10
ára afmælissýningar Listasafnsins, Þjóð í
mótun: Ísland og Íslendingar fyrri aldar.“
??? Hvernig?
„Það er búið að hanna allt í kringum
sýninguna og verið að vinna úr því. Í
raun störfum við eftir hernaðarstrategíu
og allt skipulagt upp á mínútu og reikn-
að niður í sekúndur.“
??? Hvers vegna?
„Af því að það er ekki hægt annað.“
??? Hvenær?
„Áætluð lending Þjóðminjasafnsins er
klukkan 13.30 á þriðjudag og þá þurfum
við að taka á móti þeim og líka hliðar-
sýningunni okkar og svo opnum við
þetta allt saman á Akureyrarvöku þann
þrítugasta þessa mánaðar. Það opnar
klukkan 12 og húsið verður opið til 12 á
miðnætti.“
HANNES SIGURÐSSON
Undirbýr 10 ára afmælissýningu
Listasafnsins.
Tilkynningar
Fréttablaðið býður lesendum að
senda inn tilkynningar um dánar-
fregnir, jarðarfarir, afmæli eða
aðra stórviðburði. Tekið er á móti
tilkynningum á tölvupóstfangið:
tilkynningar@frettabladid.is.
Athugið að upplýsingar þurfa að
vera ítarlegar og helst tæmandi. ■
■ Persónan