Fréttablaðið - 21.08.2003, Qupperneq 24

ferðir o.fl.
Vikulegur blaðauki Fréttablaðsins um al l t sem viðkemur ferðalögum
Ritstjórn: sími 515 7500 – netfang: ferðir@frettabladid.is. Auglýsingar: sími 515 7500 – netfang: auglysingar@frettabladid.is. Þjónustuauglýsingar: Gula línan, sími 580 8090 – netfang: auglysingar@gulalinan.is.
Ég var að koma úr stórkostlegrigönguferð um Víknaslóð,“
segir Sigurlaug Anna Gunnars-
dóttir, konrektor Menntaskólans á
Akureyri. „Ferðin var farin frá
Borgarfirði eystri, en þaðan er
boðið upp á skipulagðar göngur á
Víknaslóð. Skipuleggjandi og far-
arstjóri var Helgi Arngrímsson,
en hann hefur verið með þessar
ferðir í nokkur ár,“ segir Sigur-
laug. „Þetta var fimm daga ferð,
gengið frá mánudagsmorgni til
föstudags, en ferðin, sem er trúss-
ferð, er algjör lúxus. Við gengum
bara með dagsnesti og allur matur
var innifalinn.“
Flestar nætur var gist í Fjarð-
arborg í Borgarfirði og gengið
þaðan. „Við fórum í víkurnar þar í
kring, en lengsta dagleiðin var
þegar við gengum í Stórurð. Þar
er stórkostleg fegurð og ég mæli
hreinlega með að allir fari þang-
að,“ segir Sigurlaug og lýsir stór-
brotnu landslaginu. „Í Stórurð er
fegurðin hrikaleg og ljúf í senn.
Þarna eru gríðarleg björg, grænir
balar og litlar tjarnir inni á milli
og svo gnæfa Dyrfjöllin yfir.“
Að sögn Sigurlaugar voru
gönguferðirnar við allra hæfi og
sú elsta í hópnum, sem var um
sjötugt, fór létt með gönguna.
„Helgi var líka sérlega skemmti-
legur leiðsögumaður, hafsjór af
fróðleik um þetta svæði og leiddi
okkur á vit fortíðarinnar. Þarna
var alls staðar búið þó nú sé allt
komið í eyði og Helgi sagði okkur
ótal mannlífssögur frá liðinni tíð.“
Á Borgarfirði eystri er starf-
andi ferðamálahópur sem hefur
unnið ötullega að því að stika leið-
ir um víkurnar og gefið út ítarlegt
kort um svæðið, þannig að fólk
getur líka skipulagt sínar eigin
gönguferðir. ■
Í Haukadal í Dýra-firði drýpur sagan
af hverju strái. Dalur-
inn er aðalsögusvið
Gísla sögu og er talið
að bær hans hafi stað-
ið á Gíslahól en þar má
finna tóftir sem taldar
eru vera frá söguöld.
Dalurinn er hallalítill
og í botni hans gnæfir
Kaldbakur yfir um-
hverfi sitt og Kolturs-
horn er á hægri hönd.
Hægt er að ganga á
hornið ef farið er inn
Koltursdalinn og upp á
hrygginn á milli Kald-
baks og Kolturshorns. Fyrir neð-
an Kolturshornið eru tóftir. Þar
heitir Sel. Þegar búið er að skoða
tóftirnar er skemmtilegt að fara
yfir Þverána og ganga dalinn
austanverðan til baka. Í mynni
dalsins má sjá seftjörn þá er
Haukdælir til forna háðu á
ísknattleik eins og greint er frá í
Gísla sögu. Í dalmynninu er nokk-
ur byggð og þar er búið á einum
bæ enn. Öðrum húsum er vel við
haldið af brottfluttum íbúum sem
dvelja í dalnum á sumrin. ■
Hvaðan varstu að koma?
Fegurðin hrikaleg
og ljúf í senn
LAGT AF STAÐ Í GÖNGU
Helgi leiðsögumaður kunni margar sögur um mannlíf í víkunum á liðinni tíð.
FRÁ STÓRURÐ
Sigurlaug Anna Gunnarsdóttir mælir með
því að allir upplifi fegurðina í Stórurð.
KRÖKKUM ER BOÐIÐ UPP
Á FYLGD HJÁ FLUGLEIÐUM
Ákveðnar reglur gilda þó um börn sem
ferðast ein, bæði hjá Iceland Express og
Icelandair.
Millilandaflug:
Börn geta
ferðast ein
Börn á aldrinum fimm til fjórtánára geta ferðast án fylgdar-
manns hjá Iceland Express og
njóta þá sérstakrar gæslu áhafnar
í farþegarými. Hafa þarf samband
við söluskrifstofu í slíkum tilfell-
um. Ákveðnar reglur gilda um
ferðir barna án fylgdarmanns og
er mikil áhersla lögð á að tryggja
öryggi þeirra alla leið. Gjald er
tekið fyrir þessa aðstoð – 1.000
krónur hvora leið.
Hjá Icelandair geta börn á aldr-
inum fimm til ellefu ára, sem ekki
eru í fylgd með farþega sem er tólf
ára eða eldri, ferðast ein.
Aðstandandi, sem fylgir barn-
inu á flugvöllinn, þarf þó að taka
fulla ábyrgð á því alla leið út í flug-
vél og fá til þess sérstakt að-
gangskort að fríhafnarsvæðinu.
Ekki mega vera fleiri en fjögur
fylgdarlaus börn í hverju flugi
Icelandair og ekki er hægt að bóka
farseðil á Netinu fyrir börn sem
ferðast ein. Gjald fyrir fylgdar-
laust barn er 2.000 krónur. Hægt
er að panta ferðafylgd fyrir unga
farþega, tólf til fimmtán ára, þar
sem þeim er þá fylgt að og frá
borði og í gegnum flughöfn. ■
hvað?hvar?hvenær?
19 20 21 22 23 24 25
ÁGÚST
Föstudagur

Emstrur-Þórsmörk með Ferðafélag-
inu. Ekið í skála FÍ í Botnum á Emstrum
á föstudagskvöldi og gist þar. Á öðrum
degi er gengið suður Almenninga og í
Þórsmörk. Grill. Á sunnudeginum verður
dvalið í Þórsmörk, ekið til Reykjavíkur
um kvöldið. Fararstjóri er Aðalheiður St.
Eiríksdóttir.
Laugardagur

Þjóðlenduganga í Þjórsárdal með
Ferðafélaginu. Búrfell - Hólaskógur -
Gjáin í Þjórsárdal. Ferð hefst við stöðvar-
húsið í Búrfelli. Gist í Hólaskógi. Á öðr-
um degi er byrjað við Háafoss og geng-
ið niður með Fossá að Stöng í Gjá. Far-
arstjóri er Björg Eva Erlendsdóttir.

Fimmvörðuháls með Útivist. Brott-
för frá BSÍ klukkan 8.30.

Blómstrandi dagar í Hveragerði.
Fjölbreytt dagskrá alla helgina.
Sunnudagur

Dagsferð á Stóra-Björnsfell með
Útivist. Gangan öll er um 15 til 16 km.
Áætlaður göngutími er 6 til 7 tímar og
akstur rúmir fjórir tímar báðar leiðir.

10.00 Göngudagur Ferðafélags Ís-
lands og SPRON: Gengið frá Innstadal
að Nesjavöllum við leiðsögn frá FÍ í
boði SPRON. Gengið er um fimm
klukkustunda leið og er hækkun um
500 metrar. Fararstjóri er Sigurður Krist-
jánsson. Brottför frá BSÍ.

13.00 Gengið frá Dyravegi að
Jórukleif í Henglinum við leiðsögn FÍ í
boði SPRON. Gengið er um þriggja
klukkustunda leið og er hækkun lítil
sem engin.
ÞINGEYRI VIÐ DÝRAFJÖRÐ
Í Dýrafirði má víða finna sögustaði.
HTTP://BOOKTAILOR.COM
Skemmtileg heimasíða sem býður margs
konar þjónustu sem tengist ferðalögum.
Handhægt:
Sérsniðin
ferðahand-
bók á Netinu
FERÐABÓK Margir kannast við að
hafa þvælst með níðþunga ferða-
handbók í ferðalagið með heilu
köflunum sem nýtast ekki neitt.
Nú er komin netbók sem sam-
einar kosti allra ferðahand-
bókanna í einni. Á slóðinni
http://booktailor.com er hægt að
raða saman ýmsum köflum úr
mismunandi útgáfum og búa
þannig til sína eigin ferðahand-
bók. Fyrir sanngjarnt verð er hún
prentuð út, bundin inn og send í
pósti. ■
Á söguslóðum Gísla Súrssonar:
Sagan drýpur
af hverju strái