Fréttablaðið - 26.10.2003, Blaðsíða 4

4 26. október 2003 SUNNUDAGUR
Leiðir rannsókn á meintu olíu-
samráði til dóma yfir einstakling-
um?
Spurning dagsins í dag:
Á að hækka skólagjöld við Háskóla Ís-
lands?
Niðurstöður gærdagsins
á www.frett.is
37,6%
45,5%
Nei
16,8%Veit ekki
Já
Kjörkassinn
Farðu inn á frett.is og segðu þína skoðun
frétt.is
Landsvirkjun:
Hlynnt gerðardómi
um vatnsréttindi
KÁRAHNJÚKAR Landsvirkjun hefur
gert ráð fyrir því í áætlunum sín-
um að greiða þurfi nokkur hund-
ruð milljónir króna til þeirra sem
eiga vatnsréttindi á Norður-Hér-
aði og í Fljótsdal, að sögn Sigurð-
ar Arnalds hjá Landsvirkjun.
Bæturnar verða greiddar til
þeirra sem teljast eiga virkjunar-
rétt Jökulsár á Brú og í Fljótsdal.
Landeigendur héldu fund á föstu-
dag þar sem þeir fóru yfir stöðu
málsins og hvernig ætti að bera
sig að við að fá réttar bætur.
Sigurður segir málið flókið og
líta verði til reynslunnar af greiðsl-
um vegna Blönduvirkjunar. Tvær
leiðir séu færar, annars vegar eign-
arnám sem væri tímafrek dóm-
stólaleið en hins vegar samnings-
bundinn gerðardómur þar sem hvor
aðili tilnefnir sérfræðinga og fellst
á niðurstöðu dómsins. Sigurður seg-
ir að Landsvirkjun muni ekki leggj-
ast gegn því ef þeir sem eiga bóta-
réttinn vilja fara þá leið. Hann seg-
ir að málið sé flókið, fyrst þurfi að
finna út hverjir eigi rétt á bótum,
hvort það séu allir sem eiga land frá
fjalli til fjöru í báðum dölum eða
hvort hópurinn sé minni. Svo þurfi
að reikna út bæturnar og hvernig
þær skiptist. Hann segir ljóst að
ferlið allt muni taka nokkur ár. ■
Ákærður fyrir
skattsvik og þjófnað
MOSKVA, AP Saksóknarar birtu í
gær Mikhaíl Khodorkovskí, for-
stjóra rússneska olíurisans Yukos
og ríkasta manni Rússlands,
ákæru í sex liðum. Starfsmenn
rússnesku öryggis-
þjónustunnar hand-
tóku Khodorkovskí
í fyrrinótt þegar
einkaþota hans
lenti á Novosibirsk-
flugvelli í Síberíu
til að taka elds-
neyti. Hann var
fluttur til Moskvu
þar sem hann var
yfirheyrður í nokkrar klukku-
stundir. Saksóknarar kröfðust
þess að hann yrði áfram í haldi.
Rússneskir saksóknarar hafa
undanfarna mánuði rannsakað
meint skattsvik æðstu yfirmanna
Yukos og þjófnað á opinberum
eignum. Yukos er fimmta stærsta
olíufélag heims en markaðsvirði
þess er um 40 milljarðar dollara,
rúmlega 3.000 milljarðar króna.
Khodorkovskí er meðal annars
ákærður fyrir skattsvik og stór-
felld fjársvik, fyrir að hunsa fyrri
dómsúrskurði og skjalafals.
Mikhaíl Khodorkovskí er fer-
tugur að aldri og langríkasti mað-
ur Rússlands. Hann auðgaðist
mjög í kjölfar hruns Sovétríkj-
anna sálugu en persónuleg auð-
æfi hans eru metin á ríflega 8
milljarða dollara, rúma 600 millj-
arða króna. Khodorkovskí er
númer 26 á lista Forbes yfir rík-
ustu menn veraldar. Khodorkov-
skí stofnaði Menatep-bankann
árið 1987 og átta árum síðar
keypti hann olíufyrirtækið Yukos
á uppboði einkavæðingarnefndar
Rússlands.
Khodorkovskí hefur lagt
stjórnarandstöðuflokkunum til
ríflegt fé. Stjórnmálaskýrendur
segja að rannsókn yfirvalda á fyr-
irtækjum Khodorkovskís, og
ákæran á hendur honum og öðrum
rússneskum auðkýfingum, sé ein-
faldlega tilraun til þess að halda
þeim frá stjórnmálum í Rússlandi
en kosningar eru fyrirhugaðar
þar á næsta ári.
the@frettabladid.is
Starfsgreinafélagið Afl:
Kaupir hlut í
Tanga hf.
ATVINNUMÁL Stjórn starfsgreina-
félagsins Afls á Austurlandi hef-
ur ákveðið að kaupa einnar
milljónar króna hlut í fisk-
vinnslufyrirtækinu Tanga hf. á
Vopnafirði.
Formaður Afls segir þetta
tímabundna ráðstöfun til að
renna stoðum undir atvinnu fé-
lagsmanna á Vopnafirði. Hluta-
bréfin verði seld aftur við
fyrsta tækifæri.
Kemur fram á heimasíðu
Vopnafjarðar að ekki hafi verið
eining um kaupin innan stjórnar
Afls. Tveir voru á móti og einn
sat hjá. ■
SKÓGARELDAR
Fjögur hús höfðu í gær orðið miklum
skógareldum sem geysa í Kaliforníu að
bráð. Heimili meira en þúsund manns eru
í hættu.
Skógareldar í Kaliforníu:
Eldur nálg-
ast þéttbýli
KALIFORNÍA, AP Rúmlega þúsund
manns hafa þurft að yfirgefa
heimili sín vegna víðáttumikilla
skógarelda sem geysa í suður-
hluta Kaliforníu í Bandaríkjun-
um. Fjögur hús höfðu í gær orðið
eldinum að bráð.
Sterkir vindar og þurrt veður-
far hafa gert slökkviliðsmönnum
erfitt fyrir, en sökum vinda er
ómögulegt að segja til um hvert
eldarnir munu stefna.
Meira en 1500 slökkviliðsmenn
berjast við eldana sem ná nú yfir
ríflega 5.000 hektara svæði, en
tekist hafði að koma böndum á
eldana á um fimmtungi svæðisins
í gær.
Yfirvöld telja að kveikt hafi
verið vísvitandi í. ■
Dósent í stjórnmálafræði:
Páfi fái
aldrei friðar-
verðlaun
NÓBELSVERÐLAUN Baldur Þórhalls-
son, dósent í stjórnmálafræði við
Háskóla Íslands, segir í grein í
Lesbók Morgunblaðsins í gær að
hann voni að sænska Nóbelsverð-
launanefndin beri gæfu til þess að
veita Jóhannesi Páli páfa ekki
friðarverðlaun Nóbels.
Baldur segir að boðskapur páfa
sé ekki einn allsherjar heilagur
friðarboðskapur. Í honum kristall-
ist fyrirlitning á tilteknum þjóðfé-
lagshópum, andstaða við mann-
réttindi og algert skeytingarleysi
um afdrif fólks.
Af þessum ástæðum þykir
Baldri augljóst hvers vegna páfi
fékk ekki friðarverðlaun Nóbels á
þessu ári eins og margir höfðu
spáð honum. Hann vonar að svo
verði áfram, svo lengi sem páfi
haldi uppteknum hætti og berjist
gegn grundvallarmannréttindum
og réttindum fólks til að verja sig
gegn alnæmissmiti. ■
Alltaf ód‡rast á netinu
83 flug á viku til 13 áfangastaða
Verð á mann frá 19.500 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
22
35
0
1
0/
20
03

LANDSVIRKJUN
Gerði ráð fyrir í áætlunum að greiða bætur
vegna vatnsréttinda upp á nokkur hundruð
milljónir.
ÁKÆRÐUR
Mikhaíl Khodorkovskí, forstjóri Yukos-olíurisans, er meðal annars ákærður fyrir skattsvik
og stórfelld fjársvik. Stjórnarandstæðingar segja að málatilbúnaður stjórnvalda á hendur
honum og öðrum auðkýfingum hafi þann tilgang einan að halda þeim frá rússneskum
stjórnmálum.
■
Rússneskir sak-
sóknarar hafa
undanfarna
mánuði rann-
sakað meint
skattsvik æðstu
yfirmanna Yu-
kos og þjófnað
á opinberum
eignum
Rússneskir saksóknarar létu í gær til skarar skríða gegn ríkasta manni
Rússlands. Hann er ákærður fyrir skattsvik, þjófnað, skjalafals og fleiri
glæpi. Stjórnarandstæðingar segja pólitík ráða gjörðum saksóknara.
Íraksstríðinu mótmælt í Washington:
Vilja fá hermenn aftur heim
WASHINGTON, AP Allt að 30.000 frið-
arsinnar komu saman í miðborg
Washington í Bandaríkjunum í
gærkvöld og mótmæltu Íraks-
stríðinu. Mótmælendur kröfðust
þess að Bush kallaði bandaríska
hermenn þegar í stað heim frá
Írak. Mótmælendur komu meðal
annars saman skammt frá Hvíta
húsinu en Bush Bandaríkjaforseti
dvaldi í Camp David um helgina.
„Störf í stað stríðs“ og „Bush
er lygari“ stóð meðal annars á
mótmælaspjöldum.
Mótmælin í Washington eru
þau fjölmennustu síðan stjórn
Saddams var steypt af stóli í inn-
rásarstríðinu gegn Írak í vor.
Óánægja almennings með
stríðsreksturinn hefur stigmagn-
ast í takt við fjölgun fallinna her-
manna. Á annað hundrað banda-
rískir hermenn hafa fallið í Írak
frá því Bush Bandaríkjaforseti
lýsti yfir formlegum stríðslokum
1. maí síðastliðinn.
Mótmæli gegn Íraksstríðinu
voru skipulögð víðar á vestur-
strönd Bandaríkjanna í gær-
kvöld. ■
GEGN ÍRAKSSTRÍÐINU
Mótmælendur í gervi „tortímandans“, Schwarzeneggers, nýkjörins fylkisstjóra Kaliforníu,
og Bush Bandaríkjaforseta. Á skilti forsetans má lesa: „þú ert annað hvort með okkur eða
hryðjuverkamönnunum“.
STÚTUR Á ÍSAFIRÐI Ölvaður mað-
ur ók greitt um götur Ísafjarðar í
fyrrinótt. Stöðvaði lögregla för
hans áður en skaði hlaust af.
ÁFLOG Á EGILSSTÖÐUM Talsverð
ölvun var á Egilsstöðum. Smá-
vægileg áflog áttu sér stað en
engin alvarlega slys urðu á fólki.
ÆFING Á SEYÐISFIRÐI Lögreglan
á Seyðisfirði, ásamt björgunar-
sveitum og í samvinnu við
sjúkrahúsið hélt slysavarnaræf-
ingu. Gekk hún vonum framar en
henni lauk síðdegis.
■ Lögreglufréttir
■ Lögreglufréttir
BÍLVELTA Í BISKUPSTUNGUM Bíl-
velta varð í Biskupstungum.
Tveir piltar voru í bifreiðinni en
þá sakaði ekki alvarlega. Bifreið-
in skemmdist mikið og er öku-
maðurinn grunaður um ölvun.
JÓHANNES PÁLL II PÁFI
Flytur ekki eintóman friðarboðskap að
mati dósents.