Fréttablaðið - 26.10.2003, Blaðsíða 11

Enn á ný berast fréttir af alvar-legu atvinnuástandi á Bíldu-
dal. Það eru ekki ný tíðindi. Grein-
arhöfundur starfaði sem atvinnu-
ráðgjafi í V-Barðastrandarsýslu
árin 1998-2000. Þá þegar höfðu
verið viðvarandi vandamál í at-
vinnumálum Bíld-
dælinga til margra
ára. Því miður
verður að segja
hverja sögu eins og
hún er, að vilji
ráðamanna lands-
ins til úrbóta var á
þeim tíma enginn.
Á þeim tíma var
sama ríkistjórnar-
mynstur og nú
ræður ríkjum á Ís-
landi. Þrátt fyrir
þröngan fjárhag
reyndi Atvinnuþró-
unarfélag Vest-
fjarða hf. að sinna
sínum verkefnum
af mætti og hefur
fram á þennan dag farist það vel
úr hendi. En í starfi okkar, starfs-
manna félagsins á þeim tíma, rák-
umst við sífellt á skilningsleysi
ríkisstofnana á högum og þörfum
landsbyggðarinnar. Þrátt fyrir ít-
rekaðar ábendingar félagsins og
annara atvinnuþróunarfélaga til
þingmanna og ráðherra um þetta
meinta skilningsleysi gerðist ekk-
ert vitrænt.
Hvorki atvinnuþróunarfélög-
um landsins eða öðrum þeim sem
sérstaklega hafa unnið að at-
vinnumálum á landsbyggðinni
hefur verið sýnd sú virðing að
segja hreint út að núverandi
stjórnarflokkar hafa aldrei ætlað
sér að gera neitt í málefnum viss-
ra byggðarlaga landsins. Nú er
svo komið að þorpið á Bíldudal er
algjörlega komið að fótum fram í
atvinnulegu tilliti, þá bregður svo
við að stjórnmálamenn vakna
skyndilega upp af vondum
draumi. Líta hver á annan og
spyrja: getur það verið að ástand-
ið sé virkilega svona slæmt? Já,
slæmt er það þegar meirihluti
starfa í þorpinu er horfinn á
braut. Hvers vegna skyldi svona
komið fyrir Bíldudal? Á því eru
margar skýringar, m.a. þessar:
Núverandi fiskveiðistjórnunar-
kerfi, áhuga- og skilningsleysi op-
inberra aðila á uppbyggingu ann-
ara atvinnugreina en sjávarút-
vegs, t.d. ferðaþjónustu og smá-
iðnaðar, og neikvæð fjölmiðla-
ímynd af svæðinu.
Búferlaflutningar
og kvótakerfið
Kvótakerfið svonefnda hefur
komið illa við kaunin á mörgum
sjávarplássum á landsbyggðinni.
Á árabilinu frá 1992-2000 hafa
horfið á braut hátt í 2/3 hlutar
allra fiskveiðiheimilda þorpsins
skv. tölum Fiskistofu. Á tímabil-
inu 1990-2002 fækkaði íbúum
staðarins um 31,7% skv. tölum
Hagstofu Íslands. Þessi fækkun
svarar til þess að Reykvíkingum
fækkaði um 35.659 á 12 ára tíma-
bili sé fækkun íbúa á Bíldudal yf-
irfærð á Reykjavík, eða um 2.972
að meðaltali á ári. Ástæður þess-
arar fækkunar má rekja beint til
fækkunar atvinnutækifæra í sjáv-
arútvegi. Þessi íbúafækkun hefur
síðar leitt til þess að atvinnutæki-
færum í verslun og þjónustu hef-
ur fækkað umtalsvert og þjón-
ustustig fallið niður fyrir við-
unandi mörk. Og vilja menn svo
áfram reyna að halda því fram að
ekkert samband sé milli tapaðra
fiskveiðiheimilda og búferlaflutn-
inga.
Áhuga- og skilningsleysi opin-
berra aðila á uppbyggingu annarra
atvinnuvega en starfsemi tengdri
sjávarútvegi, svo sem ferðaþjón-
ustu og smáiðnaðar á svæðinu,
hefur lýst sér í því að ekki hefur
fengist nauðsynlegt opinbert fjár-
magn svo neinu nemi til slíkra
verkefna. Þó verður að taka það
skýrt fram að ríkisvaldið hefur lát-
ið nokkurt fé af hendi rakna til
könnunar á mögulegri kalkþör-
ungavinnslu í Arnarfirði og er það
gleðileg undantekning og fyrir það
ber að þakka. Farið var af stað með
kræklingaeldi í Arnarfirði og kom
í ljós að vöxtur kræklinga í Arnar-
firði var hvað mestur við Íslands-
strendur. Þrátt fyrir það fékk þetta
verkefni ekki þann stuðning sem
æskilegt hefði verið.
Neikvæð ímynd fjölmiðla
Neikvæð fjölmiðlaímynd hefur
einnig verið Þrándur í Götu Vest-
fjarða allra. Neikvæðar fréttir af
gangi mála á Vestfjörðum eru til
muna fyrirferðarmeiri en þær
sem jákvæðar kynnu að teljast. Sú
mynd að Vestfirðir séu annálað
veðravíti og að þar sé vart búandi
vegna vonskuveðra og ofanflóða
er algeng ímynd annara lands-
manna. Mín reynsla af rúmlega
tveggja ára búsetu á Bíldudal er
allt önnur. Í hugum okkar hjóna er
Bíldudalur með veðursælustu
stöðum landsins og þó víðar væri
leitað. Hafi ráðamenn einhvern
áhuga á að gefa sunnanverðum
Vestfjörðum tækifæri á fram-
haldslífi er tækifærið núna að
sýna það í verki. Ef ekki, eiga
menn að sýna þá hreinskilni og
segja íbúum svæðisins það hreint
út að byggð skuli leggjast af á
þessu landsvæði. ■
11SUNNUDAGUR 26. október 2003
Umræðan
GUÐBERGUR ÞORVALDSSON
■ Fil. Kand og fyrrum atvinnuráðgjafi
í V- Barðastrandarsýslu skrifar um
atvinnumál á Bíldudal.
SÝNINGIN LIFANDI LANDAKORT
VERÐUR OPNUÐ Í TJARNARSAL RÁÐHÚSS REYKJAVÍKUR SUNNUDAGINN 26. OKTÓBER KL. 14
Kl. 14:30 Landupplýsingar og landakort frá ólíkum og ólíklegum sjónarhornum:
Einar Garibaldi – Himininn yfir Reykjavík
Stefán Pálsson – Kort sem söguna skapa og skemma
Guðmundur Steingrímsson – Garðurinn sem ég vissi ekki um
Ólafur Stefánsson – Skokkað á vefsjánni
Sigurður Grétar Guðmundsson – Það er líf undir malbikinu
• Starfsmenn frá Reykjavíkurborg, Orkuveitu Reykjavíkur, Símanum, Slökkviliði höfuðborgarsvæðisins, Lögreglunni í
Reykjavík, Neyðarlínu, Reykjavíkurhöfn og Strætó verða á staðnum og sýna hvernig landupplýsingar nýtast í þeirra starfi.
• Yfir 20 fermetra loftmynd af borginni sýnir notkunarmöguleika Landupplýsingakerfis Reykjavíkur.
• Borgarvefsjáin og fleiri spennandi kerfi kynnt - öll borgin í tölvunni þinni!
• Alvöru slökkviliðsbíll, stjórnborð neyðarvarða, prentari sem prentar í þrívídd, blöðrur og fleira skemmtilegt.
• Ráðstefna um LUKR mánudaginn 27. október kl 9-16. Tjarnasal Ráðhúss Reykjavíkur.
Allar upplýsingar um sýninguna Lifandi landakort og viðburði tengda henni má finna á www.reykjavik.is
ze
to
r
15 ára afmæli lukr 26. – 28. október
sýning, ráðstefna, borgin í bítið, barnafundur
Hugleiðing um stöðu
atvinnumála á Bíldudal
■
Hvorki atvinnu-
þróunarfélög-
um landsins
eða öðrum
þeim sem sér-
staklega hafa
unnið að at-
vinnumálum á
landsbyggðinni
hefur verið
sýnd sú virðing
að segja hreint
út að núverandi
stjórnarflokkar
hafa aldrei ætl-
að sér að gera
neitt í málefn-
um vissra
byggðarlaga
landsins.