Fréttablaðið - 26.10.2003, Blaðsíða 8

8 26. október 2003 SUNNUDAGUR
Eðlileg þróun
„Mér finnst einhvers konar
spilavítisstemmning svífa yfir
vötnum í viðskiptum hér á Ís-
landi. Það er mikið um unga
menn sem vita vart aura sinna
tal...“
Haukur Hauksson í DV 25. október.
Símavændi
„Ég myndi ekki mæla með
þessu starfi við neinn. Þetta er
ömurlegt og ég var afhuga karl-
mönnum í heilt ár eftir þetta.“
Kona sem starfaði við símavændi,
Fréttablaðið 25. október.
Hrókur alls fagnaðar
„Ætli einhver að kæra einhverja
af okkar liðsmönnum munum
við fara með það mál eins langt
og þörf krefur.“
Hrafn Jökulsson í Fréttablaðinu 25. október.
Orðrétt
Serbneskir lögreglumenn mótmæla í Belgrad:
Mótmæltu ákæru
BELGRAD, AP Tæplega fimm þús-
und serbneskir lögreglumenn
komu saman í miðborg Belgrad í
fyrradag til að mótmæla ákæru á
hendur félaga sínum, lögreglu-
foringjanum og aðstoðar-innan-
ríkisráðherra Serbíu, Sreten
Lukic.
Stríðsglæpadómstóll Samein-
uðu þjóðanna í Haag ákærði
Lukic og þrjá aðra háttsetta lög-
reglu- og hermenn í vikunni fyrir
stríðglæpi en hann á að hafa tek-
ið þátt í fjöldamorðum á Kosovo-
Albönum í stríðinu 1998 til 1999.
Sreten Lukic var yfirmaður
serbnesku lögreglunnar í Kosovo
en allt að 10.000 Albanar voru
myrtir í átökum eða hurfu, áður
en hersveitir Atlantshafsbanda-
lagsins, NATO, skárust í leikinn.
„Við höfum haft þá trú að
stríðsglæpadómstóllinn í Haag
hafi verið tákn réttlætis en við
erum fullir efasemda eftir að
dómstóllinn ákærði félaga okk-
ar,“ sagði Nemanja Jevtovic, lög-
reglumaður í Belgrad í ávarpi til
félaga sinna. ■
HÁKARLAR Sú aðferð Sigurðar Pét-
urssonar „Ísmanns“ í Kuummiit á
Austur-Grænlandi að fanga há-
karl með því að grípa um sporð
hans hefur vakið heimsathygli.
Fréttamiðlar hvarvetna um
heimsbyggðina hafa tekið málið
upp í kjölfar þess að Fréttablaðið
sagði frá atvikinu í fyrradag.
Meðal annars hafði dagblaðið Sun
uppi áform um að heimsækja Ís-
manninn til Kuummiit en hvarf
frá því vegna þess að Sigurður er
aftur farinn á veiðar og ekki næst
til hans.
Þegar Sigurður Ísmaður óð út í
sjó til að elta uppi hákarlinn voru
hann og áhöfn hans
að gera að náhvöl-
um í fjörunni við
Kangerslussuaq,
langt norður af
Kuummiit, á 69.
gráðu norðlægrar breiddar. Há-
karlinn var að svamla í blóði og
slógi þegar Ísmaðurinn elti hann
uppi og fangaði hann og banaði
síðan með hníf að vopni. Sjálfur
gerði hann ekki mikið úr atvikinu
og sagði að 300 kílóa hákarlinn
hefði verið sem slytti.
Sögur eru til af því að menn
hafi áður fangað hákarla með ber-
um höndum þótt engin heimild sé
um að menn hafi hætt sér ofan í
til hákarlsins. Þannig segir Thor
Heyerdahl frá því í bókinni Á
Kon Tiki að áhöfnin hafi gert sér
það til gamans að grípa um
sporða hákarlanna frá flekanum
Kon Tiki á ferð sinni yfir Kyrra-
hafið árið 1947. Thor lýsir því í
bókinni að auðvelt sé að ná hand-
festu á hákarlinum, sem sé eins
og sandpappír viðkomu. Innan við
sporðblöðkuna sé laut sem falli
vel í hendi. Jafnframt lýsir Thor
því að hákarlinn verði fljótlega
magnvana þegar takist að festa
hönd á sporði hans.
„...en brátt missti hann móðinn
og gaf upp alla vörn, maginn seig
fram á við og hákarlinn varð
máttvana með öllu,“ segir Thor í
bók sinni sem lýsir atburðunum á
Kyrrhafi.
Þessi lýsing Thors fer saman
við það sem Sigurður Pétursson
sagði við Fréttablaðið því hákarl-
inn varð máttvana þegar hann
hafði tekið sporð hans föstum
tökum. Ísmaðurinn hafði aftur á
móti ekki fleka til að standa á
þegar hákarlinn bar að við
ströndina í Kangerslussuaq held-
ur mætti hann hákarlinum á jafn-
réttisgrundvelli og banaði hon-
um.
rt@frettabladid.is
Jafnréttisviðurkenning:
Kvenrétt-
indafélag
Íslands valið
FÉLAGSMÁL Kvenréttindafélag Ís-
lands hlýtur viðurkenningu Jafn-
réttisráðs á þessu ári. Ástæðan er
hversu víðtæk áhrif félagið hefur
haft á samfélagsþróunina og mótun
velferðarþjóðfélagsins síðan það
var stofnað 1907. Félagið hefur ver-
ið frá upphafi verið vettvangur
kvenna og karla sem hafa verið
óþreytandi við að halda fána jafn-
réttis á lofti í hartnær 100 ár. Þetta
hefur félagið gert þrátt fyrir að fé-
lagar þess hafi ólíkar skoðanir á
öðrum sviðum samfélagsins. ■
Fossvogur:
Einn stung-
inn og annar
í haldi
HNÍFSTUNGUR Maður var stunginn
nokkrum sinnum í handlegginn í
Löndunum í Fossvogi um klukkan
þrjú í gær. Einn maður sem er í
haldi grunaður um stungurnar
hefur ekki játað verknaðinn.
Maðurinn sem var stunginn
var fluttur á slysadeild en hann er
ekki talinn lífshættulega slasaður.
Mennirnir höfðu verið saman í bíl
þegar stungurnar áttu sér stað.
Atvikið var tilkynnt til neyðarlín-
unnar og var sjúkrabíll kallaður
út og lögreglu gert viðvart.
Í gær þegar Fréttablaðið ræddi
við lögregluna var unnið að frum-
skýrslu og yfirheyrslur yfir
mönnum tveimur undirbúnar.
Báðir hafa þeir áður komið við
sögu lögreglu. ■
Fjarðabyggð og Akranes:
Vinabæjar-
tengsl í nánd
SAMVINNA Í undirbúningi er að
koma á vinabæjartengslum á
milli Akraness og Fjarðabyggð-
ar og er vonast til að vinabæjar-
yfirlýsing verði undirrituð á
næstunni. Sveitarfélögin tvö
þykja eiga margt sameiginlegt,
ekki síst hvað varðar atvinnu-
hætti.
Áformað er að auka mikið
samskiptin í framtíðinni. Fjarða-
byggð mun njóta reynslu Skaga-
manna af orkufrekum iðnaði og
eins er ráðgert að koma á föstum
samskiptum á sviði mennta-,
menningar-, íþrótta- og félags-
mála. ■
Kólumbía:
Kosningar í
skugga of-
beldis
BÓGÓTA, AP Kólumbískir upp-
reisnarmenn drápu að minnsta
kosti einn hermann og fjóra lög-
regluþjóna er gengið var til
þjóðaratkvæðagreiðslu þar í
landi í gær.
Tilgangur þjóðaratkvæða-
greiðslunnar var að sögn Alvaro
Ulribe, forseti landsins, að berjast
gegn spillingu og að auka styrk
varna landsins.
Kosningar til ríkis og sveitar-
félaga verða haldnar í landinu í
dag og hefur kosningabaráttan
einkennst af ofbeldi milli
vinstrisinnaðra skæruliða og
hægrisinnaðra hersveita í land-
inu. Að minnsta kosti þrjátíu
frambjóðendur hafa verið ráðnir
af dögum og um tugur tekinn til
fanga. ■
Mænusóttarfaraldur í Afríku:
Milljónir bólusettar
SJÚKDÓMAR Yfir 15 milljón börn í
Vestur- og Mið-Afríku verða
bólusett á næstu þremur sólar-
hringum gegn nýjum stofni
mænusóttar. Fyrir skömmu
greindust ný tilfelli mænusóttar
í Nígeríu og var ákveðið að bólu-
setja öll börn í nágrannalöndum.
Illa ræðst við mænusótt í Níger-
íu en þar greindust 1.919 tilfelli
í fyrra, samanborið við 483 árið
2001.
„Almenningi stendur mikil
ógn af þessum nýju tilfellum og
áætlanir okkar um að útrýma
mænusótt í heiminum gætu að
engu orðið,“ sagði David Hey-
mann, smitsjúkdómasérfræð-
ingur Alþjóðaheilbrigðisstofn-
unarinnar, WHO.
Stofnunin hefur einsett sér að
útrýma mænusótt í lok næsta
árs.
Hundruð þúsunda heilbrigð-
isstarfsmanna og sjálfboðaliða
munu annast bólusetningu allra
barna í Benín, Burkina Faso,
Gana, Níger og Togo. Kostnaður
við bólusetninguna nemur um
10 milljónum dollara eða 760
milljónum króna.
Fyrirhugað er að bólusetja
einnig öll börn í Kamerún og
Chad á næstu vikum.
Mænusótt er veirusjúkdómur
sem oftast nær veldur einungis
venjulegum flensueinkennum, en
um það bil einn af hverjum þús-
und þeirra sem fá smit lamast. Á
Vesturlöndum hefur sjúkdómsins
ekki orðið vart svo neinu nemi
árum saman, enda hefur virkum
bólusetningaraðgerðum verið
beitt gegn honum. ■
BÓLUSETNING
Ætlunin er að bólusetja 15 milljón börn í
Afríku á næstu sólarhringum gegn mænu-
sótt.
TIL VARNAR FÉLAGA SÍNUM
Tæplega 5.000 serbneskir lögreglumenn
komu saman í miðborg Belgrad í gær og
mótmæltu ákæru á hendur félaga sínum,
Sreten Lukic.
ÍSMAÐURINN
Náði í sporðinn á hákarli og hélt honum föstum tökum. Hér er Sigurður Pétursson að gera að náhval við Austur-Grænland.
■
„Maginn seig
fram á við og
hákarlinn varð
máttvana með
öllu.“
Sigurður Pétursson, „Ísmaður“ í Kuummiit vekur heimsathygli fyrir að fanga hákarl með höndunum.
Áhöfn flekans Kon Tiki skemmti sér við það sama árið 1947 en fór þó ekki ofan í sjó til hákarlanna.
FR
ÉT
TA
B
LA
Ð
IÐ
/F
R
EY
R
Hákarlar máttvana
ef næst í sporðinn