Fréttablaðið - 09.01.2004, Blaðsíða 24
nám o.fl.
Vikulegur blaðauki Fréttablaðsins um al l t sem viðkemur námi
Ritstjórn: sími 515 7500 – netfang: nam@frettabladid.is. Auglýsingar: sími 515 7500 – netfang: auglysingar@frettabladid.is.
Það er gott að bæta við sig, hittaannað fólk og átta sig betur á því
hvað aðrir eru að gera. Flestir eru
að glíma við sömu vandamálin og
það er ágætt að sjá að maður er
ekki einn í heiminum. Það er
kannski ekki hægt að læra allt, en
bæta sig verulega,“ segir Hafdís
Ólafsdóttir, forstöðumaður nefnda-
sviðs Alþingis. Hún er í námi hjá
IMG sem kallast Stjórnendur fram-
tíðar.
„Þetta er alhliða stjórnendaþjálf-
un, búið er að steypa saman mörg-
um minni námskeiðum. Farið er
yfir ráðningar, uppsagnir, verkefna-
stjórnun, árangursstjórnun,
frammistöðustjórnun og fleira. Þá
var mjög ánægjulegt þegar María
Ellingsen leikkona fór yfir ýmislegt
sem tengist því að koma fram, t.d.
að halda fyrirlestur eða koma fram
í fjölmiðli. Við fórum tvisvar út úr
bænum. Í fyrra skiptið var fókusinn
á hvern einstakling sem stjórnanda,
fólk tók stjórnendapróf og fékk um-
sagnir um sig frá vinnufélögum. Í
seinna skiptið var farið í hópa-
starf og þá var reynt að skil-
greina veikleika og styrkleika
fólks sem stjórnanda.“
Hafdís hafði áður farið á
einstök námskeið hjá IMG.
„Ég taldi að með þessu námi
fengi ég meira í einum
pakka. Námið dreifist líka á
langan tíma og er samrým-
anlegt mikilli vinnu. Það
sem mér finnst mest spenn-
andi er að bæta aðferðafræð-
ina sem stjórnandi. Þá hefur
verið frábært að kynnast því
fólki sem er á námskeiðinu.
Þetta er allt fólk sem er í
stjórnunarstöðum á sínum
vinnustað og ég hef grætt
mikið á því að umgang-
ast það.“ ■
Steinunn Helgadóttir er leir-kerasmiður og rekur Leir-
krúsina, leirverkstæði þar sem
hún kennir námskeið í leirmót-
un. „Þetta kom þannig til að þeg-
ar ég kom heim frá Svíþjóð, þar
sem ég lærði, þá sá ég að það
var þörf fyrir svona námskeið
hér á landi,“ segir Steinunn, sem
nokkrum árum síðar lét slag
standa og opnaði Leirkrúsina.
„Ég fór á námskeið sjálf í
stofnun fyrirtækja, með þessa
viðskiptahugmynd í farteskinu
og ýtti Leirkrúsinni úr vör um
leið og ég sat námskeiðið.“
Steinunn kennir nokkur nám-
skeið yfir veturinn og hefjast þau í
byrjun hausts, í janúar og í apríl.
Nú í janúar verður hún með nám-
skeið í handmótun leirs, bæði fyrir
byrjendur og lengra komna, mótun
leirs á rennibekk og námskeið í
blöndun glerunga. Þar fyrir utan er
verkstæðið hennar opið tvisvar í
viku fyrir áhugasama sem geta þá
nýtt sér aðstöðuna.
Að sögn Steinunnar eru konur
ætíð í meirihluta þátttakenda á
námskeiðinu þó að karlar sæki þau
einnig. „Fólk kemur á námskeiðin
af ýmsum ástæðum, til að slaka á
og breyta til, læra handverkið og að
sjálfsögðu til að virkja sköpunar-
kraftinn.“
Leirkrúsin er til húsa að Há-
kotsvör 9 á Álftanesi í verkstæði
sambyggðu heimili Steinunnar.
Nánari upplýsingar um námskeiðin
og verð þeirra er að finna á heima-
síðunni www.leir.is. ■
HAFDÍS ÓLAFSDÓTTIR
Er í námi sem kallast
Stjórnendur framtíðar.
STEINUNN HELGA-
DÓTTIR
Setti Leirkrúsina á laggirnar
samhliða því að hún var
sjálf á námskeiði í fyrir-
tækjarekstri.
Námskeið í leirmótun:
Slakað á og skapað
Hvað ert þú að læra?
Flestir að glíma við
sömu vandamálin
HVAÐ Á HÚSIÐ AÐ HEITA?
Samkeppni um nafn á hið nýja
Náttúrufræðahús Háskóla Íslands
stendur fram til 15. janúar. Öllum
velunnurum Háskólans er frjálst
að taka þátt í samkeppninni.
Háskólaráð mun fara yfir tillögur
og ákveða heiti hússins.
Verðlaunin eru 100.000 krónur.
Nánari upplýsingar er að finna á
heimasíðu Háskólans, www.hi.is.