Fréttablaðið - 09.01.2004, Blaðsíða 40

40 9. janúar 2004 FÖSTUDAGURKörfubolti
26. París-Dakar rallið:
Peterhansel náði forystunni
RALL Stephane Peterhansel
(Mitsubishi) sigraði í áttunda
áfanga París-Dakar rallsins í
gær og tók forystuna í keppninni
samanlagt. Leiðin í gær lá milli
Atar og Tidjika í Máritaníu; sam-
tals 393 kílómetrar en þar af var
sérleiðin 355 kílómetrar.
Peterhansel var tæpum hálf-
tíma á undan Þjóðverjanum
Jutta Kleinschmidt (Volks-
wagen). Kleinschmidt fékk leyfi
til að keyra í gær með nýja vél
þrátt fyrir að reglurnar segi að
keppendum sé ekki heimilt að
skipta um vél í miðri keppni.
Hiroshi Masuoka, sem leiddi
rallið fyrir keppnina í gær, varð í
sjöunda sæti. Gírkassi bilaði á
miðri sérleiðinni og kom hann
einum og hálfum tíma á eftir Pet-
erhansel í mark.
Peterhansel er nú langfyrstur
eftir sigurinn í gær. Hann er ein-
um klukkutíma og rúmum fjór-
um mínútum á undan Belganum
Gregoire De Mevius (BMW). Ma-
suoka er þriðji þrátt fyrir hrak-
farir gærdagsins, átján mínútum
á eftir De Mevius.
Spánverjinn Nani Roma
(KTM) sigraði í keppni mótor-
hjóla og var rúmum sex mín-
útum á undan Frakkanum Jean
Brucy (KTM). Richard Sainct
(KTM) var þriðji, tæpum tveim-
ur mínútum á eftir Brucy. Með
sigrinum tók Roma forystuna í
Rallinu en Sainct er annar og
Brucy þriðji.
Tékkinn Karel Loprais
(Tatra) sigraði í keppni trukk-
anna í gær og komst upp í þriðja
sætið samanlagt. Rússinn
Vladimir Tchaguine (Kamaz)
varð annar en hann heldur samt
forystunni. ■
Nýir hlutir í gangi
Íslenska handknattleikslandsliðið leikur þrjá æfingaleiki gegn Sviss um helgina. Guðmundur
Guðmundsson landsliðsþjálfari ætlar að nota tækifærið og reyna nýja hluti í leikjunum.
HANDBOLTI Íslenska landsliðið í
handknattleik leikur sína síðustu
leiki á Íslandi fyrir EM í Slóveníu
um helgina gegn Sviss. Af því til-
efni var boðað til blaðamanna-
fundar í höfuðstöðvum ÍSÍ í gær
þar sem farið var yfir leikina og
einnig var skrifað undir tvo sam-
starfssamninga, við Icelandair og
Kempa.
Samningurinn við Kempa er til
þriggja ára en Kempa er leiðandi
merki í framleiðslu handbolta-
búninga enda sérhæfa þeir sig í
slíku. Íslenska landsliðið mætir
því til leiks í nýjum, og nokkuð
breyttum búningum, á EM sem
hefst 22. janúar. Samningurinn
við Icelandair var síðan fram-
lengdur um eitt ár en Icelandair
hefur verið einn af aðalstyrktar-
aðilum HSÍ síðan 1983.
Guðmundur Guðmundsson
landsliðsþjálfari segir leikina við
Sviss vera mjög mikilvæga enda
sjái hann að þeim loknum hvar
landsliðið sé statt í undirbún-
ingnum.
„Það verður gaman að taka á
móti Sviss og þetta er prufa fyrir
okkur og í sjálfu sér nokkurs kon-
ar prófsteinn á það hvar við stönd-
um,“ sagði Guðmundur sem ætlar
að prófa nokkra nýja hluti í leikj-
unum þremur.
„Varðandi varnarleikinn þá
mun ég leggja höfuðáherslu á 6/0
vörnina að þessu sinni og prófa
nýjar útfærslur á henni. Svo er
ýmislegt í sóknarleiknum sem við
erum að þróa og má þar meðal ann-
ars nefna að við erum með þrjú ný
kerfi gegn 6/0 vörn. Svo erum við
líka með nýja hluti þegar við erum
einum fleiri og einum færri. Við
höfum einnig verið að æfa lausnir
á því þegar Ólafur Stefánsson er
tekinn úr umferð og vonandi tekur
landsliðsþjálfari Sviss hann eitt-
hvað úr umferð en ég ætla nú samt
ekki að biðja hann um það.
Dagur Sigurðsson landsliðs-
fyrirliði er meiddur og mun því
ekki leika með liðinu um helgina
og reyndar er alls óvíst hvort
hann verði búinn að ná sér að
fullu fyrir 22. janúar þegar Ísland
spilar fyrsta leik sinn í EM.
„Það er vissulega áhyggjuefni
en við verðum að vera bjartsýn og
vona það besta. Það væri synd ef
Dagur gæti ekki leikið með okkur
því hann er í mjög góðu líkamlegu
formi og hefur verið að standa sig
vel á æfingum með okkur,“ sagði
Guðmundur Guðmundsson lands-
liðsþjálfari. ■
Pillupökkunarvélar til sölu
Til sölu talningavél,
lok-ásetningavél, miðaásetningavél
og mótttökuborð.
Vélarnar eru í góðu standi.
Mjög góður staðgreiðsluafsláttur
eða lánamöguleikar.
Til sýnis í samráði við Jón
í síma 588 4455.
Til sölu Manchester United:Dong til
United
FÓTBOLTI Dong Fangzhuo, átján
ára kínverskur leikmaður, geng-
ur til liðs við Manchester United
á næstu dögum. Lin Lefeng,
framkvæmdastjóri knatt-
spyrnufélagsins Dalian Shide,
staðfesti þetta og sagði að skrif-
að yrði undir samninginn á
næstu dögum.
Alex Ferguson viðurkenndi í
nóvember að hann væri á hött-
unum eftir leikmanni frá Kína
en vildi ekki gefa upp hver það
var. Dong Fangzhuo var einnig
orðaður við Real Madrid og
Inter Milan.
Talið er að United greiði Dali-
an Shide 3,5 milljónir punda fyr-
ir leikmanninn. Einnig er talið
að United muni senda tvo til
þrjá þjálfara til að hjálpa við
þjálfun hjá Dalian Shide. ■
FÓTBOLTI Í næsta mánuði leggur
dómaranefnd UEFA til við fram-
kvæmdanefnd sambandsins að er-
lendir dómarar fái að dæma leiki í
nokkrum deildum Evrópu. Til-
lagan felur það í sér að fremstu
dómarar Evrópu eins og Ítalinn
Pierluigi Collina dæmi í deildum
annarra landa.
Tillögurnar miða að því að
veita bestu dómurum Evrópu dýr-
mæta reynslu en UEFA bendir á
að vegna aukins álags á dómara í
nokkrum deildum Evrópu gæti
það verið jákvætt að fá erlenda
dómara til að dæma þar.
Í fyrsta áfanga væri lögð áher-
sla á gagnkvæm skipti milli landa
og myndu ensk dómaratríó dæma
í þýsku Búndeslígunni og þýsk
dómaratríó í staðinn í þeirri
ensku. Helst mun reyna á hug-
myndina í deildarleikjum ná-
grannaliða en ekki er gert ráð fyr-
ir að erlendir dómarar dæmi fleiri
en fjóra leiki á einni leiktíð. Verði
tillagan samþykkt kemur hún til
framkvæmda leiktíðina 2004–
2005. ■
Enska úrvalsdeildin:
Bocanegra
til Fulham
FÓTBOLTI Fulham hefur fengið
bandaríska miðvörðinn Carlos
Bocanegra frá Chicago Fire.
Bocanegra, sem var valinn varn-
armaður ársins í bandarísku
atvinnumannadeildinni, hefur að
undaförnu reynt að komast að hjá
ensku félagi.
Bocanegra fékk ekki sjálfkrafa
atvinnuleyfi á Bretlandi vegna
þess að hann uppfyllti ekki öll
skilyrði sem innanríkisráðuneytið
setur. Mál hans fór því fyrir leik-
mannanefnd sem mælti með leyf-
inu og gaf ráðuneytið það út í gær.
Bocanegra er annar leikmaður-
inn sem Fulham fær frá því
félagaskiptaglugginn var opnaður
að nýju í þessum mánuði. Áður
hafði félagið fengið Bobby Petta
að láni frá Celtic. ■
Liverpool:
Leitar að
markmanni
FÓTBOLTI „Það getur verið að mig
vanti nýjan markmann,“ sagði
Gerard Houllier,
framkvæmda-
stjóri Liverpool.
„Jerzy Dudek er
meiddur í nára.
Við höfum Pat-
rice Luzi Bern-
ardi og ef til
kemur mun
hann standa sig
vel í markinu.“
Chris Kirkland meiddist í síð-
asta mánuði og Dudek, sem var
nýbúinn að ná sér af meiðslum,
haltraði af velli í leiknum við
Chelsea á miðvikudag. Luzi hljóp í
skarðið og lék sinn fyrsta leik með
félaginu. „Hann kom inn á og
þreytti frumraun sína. Hann stóð
sig mjög vel og varði tvisvar stór-
kostlega. En við höfum aðeins
hann og við gætum þurft að fá
einhvern í stuttan tíma.“ ■
VINCE CARTER
Vince Carter, leikmaður Toronto Raptors,
treður boltanum í körfu Cleveland Cavali-
ers í leik liðanna á miðvikudag. Carter
skoraði fjórtán stig í 75-69 sigri Raptors.
STEPHANE PETERHANSEL
Frakkinn Stephane Peterhansel náði
forystunni í París-Dakar rallinu í gær.
LEIKIRNIR VIÐ SVISS
Föstudagur: Varmá kl. 20
Laugardagur: Laugardalshöll kl. 16.30
Sunnudagur: Laugardalshöll kl. 19.30
JERZY DUDEK
Meiddur á ný.
GUÐMUNDUR GUÐMUNDSSON
Landsliðsþjálfarinn ætlar að prófa marga nýja hluti gegn Sviss um helgina.
Deildakeppnir í Evrópu:
Erlendir dómarar?
PIERLUIGI COLLINA
Dæmir hann í ensku úrvalsdeildinni næsta
vetur?