Fréttablaðið - 14.02.2004, Qupperneq 10

10 14. febrúar 2004 LAUGARDAGUR
MIKILL SNJÓR Í AÞENU
Mikið hefur snjóað í Aþenu og víðar á
Grikklandi undanfarið. Veðrið hefur sett
mark sitt á samgöngur, flugi hefur verið
frestað og samgöngur á jörðu niðri truflast.
Spölur tapar máli gegn íslenska ríkinu:
Veglyklagjaldið skattskylt
DÓMSMÁL Skilagjald á veglykla í
Hvalafjarðargöng er virðisauka-
skattskylt og úrskurður yfir-
skattanefndar um endurálagningu
á Spöl ehf. fjögur ár aftur í tím-
ann og ákvörðun um 10 prósenta
álag á vangoldinn virðisaukaskatt
stendur því óhögguð.
Þetta er niðurstaða Héraðs-
dóms Reykjavíkur í máli Spalar
gegn íslenska ríkinu.
Skattstjóri Vesturlands boðaði
í nóvember 2001 að skattskyld
velta Spalar skyldi hækkuð vegna
innheimtu á 2000 króna skila-
gjaldi sem Spölur innheimti fyrir
veglykla. Spölur taldi skilagjaldið
ekki virðisaukaskattskylt þar sem
það lánaði viðskiptavinum lyklana
en seldi ekki. Enginn skattur var
því innheimtur af skilagjaldinu.
Skattstjóri Vesturlands var á öðru
máli og náði endurálagning til síð-
ustu þriggja mánaða ársins 1998,
áranna 1999 og 2000 og fyrri hluta
árs 2001. Yfirskattanefnd stað-
festi þessa niðurstöðu skattstjór-
ans og höfðaði Spölur því mál til
ógildingar úrskurðinum. Héraðs-
dómur hafnar rökum Spalar sem
þarf því standa íslenska ríkinu
skil á skattinum auk álags. ■
HÖFÐABORG, AP Tæpum fjörutíu
árum eftir að hann var rekinn af
heimili sínu ásamt 67.000 öðrum
þeldökkum íbúum hverfis sex í
Höfðaborg varð Ebrahim Murat
fyrsti maðurinn til að taka við
lyklunum að nýju heimili sínu í
gamla hverfinu. Fólkinu var gert
að yfirgefa heimili sín árið 1966
eftir að borgarstjórn Höfðaborg-
ar lýsti svæðið hvítt, með vísan til
laganna um aðskilnað kynþátta.
„Ég fékk sólarhringsfrest. Sól-
arhring til að setja líf mitt niður í
kassa,“ sagði Jaswint Gihwala
sem flyst nú í gamla hverfið sitt.
„Ég bjóst aldrei við því að upplifa
þennan dag.“
Hverfi sex var blómlegt hverfi
á sínum tíma þar sem fólk af ólík-
um kynþáttum bjó innan um hvert
annað áður en þeldökkir íbúarnir
voru neyddir til að flytja í fátæk-
leg hverfi, reist á vindbörðum
stöðum sem ekki þóttu boðlegir
fyrir hvíta íbúa Suður-Afríku. Fá-
einum árum eftir að íbúunum var
skipað að flytjast á brott var búið
að rífa flest húsin. Um áratuga-
skeið börðust þeir sem reknir
voru á brott fyrir því að ekki yrði
ráðist í framkvæmdir á svæðinu,
til að tryggja að gömlu íbúar þess
gætu einhvern tíma snúið aftur.
„Ég er himinlifandi. Núna fögnum
við því sem þolinmæðin færði
okkur,“ sagði Anwah Nagia, sem
leiddi þá baráttu.
Nú geta gamlir íbúar hverfis
sex valið á milli skaðabóta fyrir
að hafa verið fluttir nauðungar-
flutningum eða að fá nýtt húsnæði
í gamla hverfinu sínu. Búist er við
því að um 4000 fjölskyldur snúi
aftur en enn hafa aðeins fáein hús
verið reist.
„Konan mín lést á síðasta ári,
stuttu eftir að við fréttum að við
mættum flytja aftur á gömlu
heimaslóðirnar þar sem við ólum
upp fimmtán börn okkar. Nú mun
ég búa hérna með fjórum eftir-
lifandi börnum okkar,“ sagði
Ebrahim Murat eftir að Nelson
Mandela, fyrrum forseti Suður-
Afríku, afhenti honum fyrsta lyk-
ilinn að nýrri íbúð á svæðinu. ■
Áhrif hnattvæðingar:
Vilja nýtt
öryggisráð
NÝJA DELHÍ, AP Þörf er á nýrri
stofnun Sameinuðu þjóðanna
sem er betur til þess fallin að
takast á við hnattvæðingu og
efnahagsleg og félagsleg áhrif
hennar, auk áhrifa hennar á um-
hverfið, sagði Dominique de
Villepin, utanríkisráðherra
Frakklands, þegar hann kom til
Nýju Delí á Indlandi.
„Sem svar við þessu hefur
Frakkland lagt til að stofnað
verði öryggisráð efnahags- og
velferðarmála, sem tryggir hag
alþjóðasamfélagsins,“ sagði de
Villepin. ■
LÖGREGLUMÁL Mennirnir tveir sem
rændu fjármunum á Hótel Örk og
Búnaðarbankanum í Hveragerði í
gærmorgun hafa verið sendir á
Litla-Hraun. Þeir hafa margoft
komið við sögu lögreglu áður
vegna afbrota.
Mennirnir sem eru um tvítugt
ógnuðu hótelstjóranum á hótel
Örk með hnífi og særðu hann. Þar
höfðu þeir 60–70 þúsund krónur á
brott með sér. Síðan fóru þeir í
Búnaðarbankann, þar sem þeir
slógu starfsmann og hótuðu fólki.
Þeir höfðu skiptimynt upp úr
krafsinu. Lögreglan náði þeim þar
sem þeir voru á hlaupum skammt
frá bænum skömmu síðar.
Vegna ránanna voru mennirnir
úrskurðaðir í gæsluvarðhald til
fimmtudagsins 19. febrúar nk. að
kröfu lögreglunnar á Selfossi
Átján ára kona sem talin er hafa
verið í slagtogi með karlmönnun-
um var tekin til yfirheyrslu hjá
lögreglunni, en síðan sleppt. Lög-
reglan mun á næstu dögum vinna
úr fyrirliggjandi gögnum og yfir-
heyra vitni. Að öðru leyti er málið
í eðlilegum rannsóknarfarvegi, að
því er segir í tilkynningu frá
Selfosslögreglu. ■
Ránin í Hveragerði:
Ránsmennirnir
á Litla-Hraun
SITJA INNI
Mennirnir tveir sem rændu Búnaðarbanka, reyndu fyrst að fara inn um aðalinngang, sem
sést hér á myndinni. Síðan fóru þeir inn um starfsmannainngang, ógnuðu og slógu
starfsmenn og höfðu skiptimynt á brott með sér.
Heim á ný eftir
áratuga útlegð
Gamlir íbúar hverfis sex í Höfðaborg snúa aftur 37 árum eftir að borgar-
stjórnin sagði hverfið aðeins fyrir hvíta menn og rak þeldökka íbúa á brott.
TÍMAMÓTUM FAGNAÐ
Nelson Mandela afhenti fyrstu lyklana að
nýjum heimilum og fagnaði með
íbúunum.
MEÐ MYND AF GAMLA HEIMILINU
Dan Ndzabela brosti út að eyrum þegar hann fékk lyklana að nýju heimili sínu í hverfinu
sem hann var rekinn frá fyrir 37 árum. Hann mætti með innrammaða mynd af gamla
heimilinu á athöfn þar sem fyrstu lyklarnir voru afhentir.
BANDARÍKJAFORSETI
Í könnun sem birt var í The Washington
Post sögðu 51 prósent aðspurðra að þeir
myndu kjósa demókratann John Kerry í
forsetakosningunum í haust en aðeins 43
prósent George W. Bush.
Bandarísk skoðanakönnun:
Bush ekki
treystandi
WASHINGTON Traust bandarísku
þjóðarinnar á George W. Bush
hefur ekki verið minna síðan hann
tók við embætti forseta Banda-
ríkjanna, samkvæmt nýrri skoð-
anakönnun sem birtist í The
Washington Post.
Aðeins 52% aðspurða treysta
forsetanum en 42% segjast efast
um heilindi hans. Stuðningur al-
mennings við stríðið í Írak virðist
líka hafa minnkað. Helmingur að-
spurðra segir að stríðið hafi ekki
verið fyrirhafnarinnar virði. 54%
voru á þeirri skoðun að Banda-
ríkjastjórn hefði vísvitandi ýkt þá
ógn sem heimsbyggðinni stafaði
af gereyðingarvopnum Íraka. ■
HVALFJARÐARGÖNG
Spölur taldi ekki skylt að innheimta virðis-
aukaskatt af skilagjaldi veglykla, þar sem
ekki væri um eiginlega sölu að ræða.