Fréttablaðið - 12.03.2004, Blaðsíða 4

4 12. mars 2004 FÖSTUDAGUR
Sækirðu námskeið reglulega?
Spurning dagsins í dag:
Hefurðu áhyggjur af holdafari
íslenskrar æsku?
Niðurstöður gærdagsins
á www.frett.is
41%
24%
Nei
35%Einstaka sinnum
Já
Kjörkassinn
Farðu inn á frett.is og segðu þína skoðun
frétt.is
■ Evrópa
Sundabraut eykur umferðaröryggi:
Styttir ferðir og sparar tíma
SAMGÖNGUR „Það liggur ljóst fyrir
að Sundabraut mun greiða mjög
fyrir umferð að og frá borginni því
þarna kemur annar valkostur í við-
bót við Vesturlandsveginn,“ segir
Sigurður Helgason hjá Umferðar-
stofu.
Sigurður segist sannfærður um
að gerð Sundabrautar muni hafa já-
kvæð áhrif á umferðaröryggi á
höfuðborgarsvæðinu óháð því
hvaða leið verði fyrir valinu.
Venjan er að framkvæmdir í
vegamálum séu skoðaðar út frá
arðsemissjónarmiði. „Ég hef
ástæðu til að ætla að þessi fram-
kvæmd verði frekar arðbær. Þetta
styttir ferðir fólks, greiðir fyrir
umferð og sparar tíma,“ segir Sig-
urður.
Sundabraut mun einnig auð-
velda vöruflutninga til og frá höf-
uðborgarsvæðinu. Sigurður bendir
á að flutningar á landinu hafi færst
frá ströndinni og yfir á vegina en
lítið hafi verið gert til að bregðast
við mikilli fjölgun flutningabíla.
Auk Sundabrautar nefnir Sig-
urður aðra framkvæmd sem hann
telur mjög aðkallandi. „Ég lít á
mislæg gatnamót við Kringlumýr-
arbraut-Miklubraut sem mikilvæg-
ustu og arðbærustu framkvæmd-
ina á höfuðborgarsvæðinu. Það eru
vonbrigði að ekki skuli enn hafa
verið ráðist í það dæmi“. ■
Nálarför voru eftir
meðferð á Vökudeild
Nálarför sem fundust við krufningu á höfði barns, sem lést eftir að hafa
verið tekið með bráðakeisaraskurði, eru eftir meðferð á Landspítalanum.
Þetta segir settur landlæknir í máli því sem risið er vegna andláts barnsins.
LÖGREGLUMÁL Nálarstunguför þau
sem fundust á höfði barnsins
sem lést eftir að það var tekið
með bráðakeisaraskurði á
Hjúkrunarstofnun Suðurnesja í
september síðastliðnum eru eft-
ir læknismeðferð á vökudeild
Landspítala - háskólasjúkrahúss.
Þetta kemur fram í yfirlýsingu
sem settur landlæknir í málinu,
Jón Alfreð Hilmarsson, hefur
sent frá sér.
Talið er að barnið hafi látist
vegna þess að of miklu deyfiefni
var dælt í legháls móður í fæð-
ingunni.
Landlæknirinn hefur sent frá
sér lokaútgáfu af álitsgerð sinni
vegna meintrar rangrar með-
ferðar læknis við fæðinguna.
Tvær fyrri útgáfur hafa verið
kynntar hlutaðeigandi og þeim
gefinn kostur á athugasemdum
eins og venja er til, að sögn land-
læknisins.
„Í lokaútgáfu er viðauki með
skýringum og svörum vegna at-
hugasemda lögmanns kærenda,“
segir í yfirlýsingunni. „Að öðru
leyti er hún óbreytt.“
Síðan segir að í framhaldi af
álitsgerð beri Landlækni að taka
ákvörðun um aðgerðir ef um
mistök sé að ræða að mati hans.
Hann getur aðvarað eða áminnt
og loks lagt til við ráðherra
sviptingu starfsréttinda, allt eft-
ir alvarleika yfirsjónanna.
Landlæknir kveðst ekki geta
fjallað um efnisatriði kærumála
í fjölmiðlum. Hann sé bundinn
þagnarskyldu. Hann geti því
ekki svarað þeirri gagnrýni sem
fram hafi komið á álitsgerð
hans. Það muni verða gert á rétt-
um vettvangi kæru- og dóms-
mála.
„Það er erfitt að láta ósvarað
dylgjum um óheiðarleika og
hlutdrægni eins og að draga
fjöður yfir mikilvægt atriði máls
eða jafnvel sönnunargagn,“ seg-
ir í yfirlýsingunni. „Það hefur ít-
rekað verið minnst á nál-
arstunguför í fjölmiðlum, en þau
eru nefnd í krufningarskýrslu
án frekari skýringa. Ég tel mig
ekki brjóta þagnarskyldu þótt ég
upplýsi að þessi för eiga sér ein-
falda og eðlilega skýringu eftir
meðferð á Vökudeild og hafa
ekkert með rannsókn málsins að
gera. Réttarlæknirinn minntist
aðeins á þetta nákvæmni vegna.
Lögmanninum hefði verið í
lófa lagið að fá munnlegt svar við
þessari spurningu hjá mér eða
réttarlækninum ef honum lá svo
lífið á að ekki mátti bíða skriflegs
svars.
Öðrum gagnrýnisatriðum
sem fram hafa komið hjá lög-
manninum mun ég láta nægja að
svara á réttum vettvangi. Og
lýkur þar með allri umfjöllun af
minni hálfu um þetta mál í fjöl-
miðlum.“
jss@frettabladid.is
Milljón dollara seðill:
Bara mis-
skilningur
ATLANTA, AP Bandaríska konan sem
reyndi að greiða fyrir vörur í stór-
markaði með milljón dollara seðli,
andvirði rúmra 70 milljóna króna
íslenskra, segir að málið sé allt einn
misskilningur. Hún hafi haldið að
seðillinn væri ekta.
Konan var fangelsuð eftir að hún
framvísaði seðlinum. Seðilinn seg-
ist hún hafa fengið frá eiginmanni
sínum sem er myntsafnari. Seðlar
sem þessi fást í prakkarabúðum.
Upphaflega reyndi hún að borga
fyrir innkaupin með gjafakortum,
en verðmæti þeirra nam aðeins um
170 krónum meðan innkaupin námu
á annað hundrað þúsund krónum. ■
Ölvaður maður ók út af vegi:
Á gjörgæslu
eftir bílveltu
BÍLVELTA Maður liggur á gjörgæslu
eftir bílveltu á Eyrarbakkavegi á
miðvikudagskvöld.
Laust fyrir klukkan níu var lög-
reglu tilkynnt um ölvaðan öku-
mann á leið í vesturátt frá Stokks-
eyri. Þegar lögreglumenn hugðust
kanna ástand mannsins sinnti hann
ekki stöðvunarmerkjum heldur ók
inn á Eyrarbakka og síðan á ofsa-
hraða vestur Eyrarbakkaveg. Öku-
manninum var veitt eftirför en að
sögn lögreglu hafði hann litla
stjórn á ökutækinu, rakst utan í
lögreglubifreiðina og skapaði stór-
hættu fyrir aðra vegfarendur.
Við Óseyrarbrú fór maðurinn út
af og velti bílnum. Kalla varð út
tækjabíl til að ná honum út úr bif-
reiðinni og var hann síðan fluttur á
Landspítala - háskólasjúkrahús.
Hann er undir eftirliti á gjörgæslu
og er líðan hans stöðug, að sögn
lækna. ■
Upphaf þjóðarmorða:
Ásökunum
vísað á bug
BRUSSEL, AP Paul Kagame, forseti
Rúanda, vísar alfarið á bug fregn-
um þess efnis að hann hafi borið
ábyrgð á því að flugvél Juvenal
H a b y a r i m -
ana, forvera
hans, var
skotin niður
árið 1994. Í
k j ö l f a r i ð
hófust þjóð-
armorð hútúa
á tútsum sem
lauk ekki fyrr
en uppreisn-
armenn undir
forystu Kagame höfðu hrakið öfga-
menn úr röðum hútúa úr landi.
Franska dagblaðið Le Monde
greindi frá því á föstudag að sam-
kvæmt óbirtri skýrslu frönsku lög-
reglunnar hafi Kagame fyrirskipað
árásina. Um 800.000 manns létu líf-
ið í þjóðarmorðunum og stuttri
borgarastyrjöld. ■
edda.is
Glæsileg bók um besta vininn
Aðgengileg og ríkulega
myndskreytt umfjöllun
um 234 hundategundir.
Ómissandi bók fyrir alla
hundaeigendur, falleg
og eiguleg.
– Glæsileg gjöf
VEÐUR Óvenjuhlýtt hefur verið í
veðri það sem af er marsmánaðar. Á
Veðurstofu Íslands fengust þær
upplýsingar að meðalhiti fyrstu tíu
dagana í mars hefði aðeins tvisvar
áður verið jafnhár eða hærri síðan
mælingar hófust.
Hlýindin skýrast meðal annars
af því að lægð hefur verið yfir land-
inu síðustu daga. „Þessi mikla hæð
yfir Skandinavíu hefur ýtt á móti
þannig að lægðagangurinn hefur
ekki komist norður yfir landið“ seg-
ir Hrafn Guðmundsson, veðurfræð-
ingur hjá Veðurstofu Íslands. Hrafn
segir að það sé eðlilegt að lægðir
gangi yfir landið á þessum árstíma
en hvassviðrið hafi þó varað óvenju
lengi. „Það lítur út fyrir að þetta
muni breytast um helgina. Hæðin
er að gefa sig og þá dettur vindur-
inn niður.“ Hrafn segir að búast
megi við hægum norðlægum áttum
og kólnandi veðri eftir helgi. Ekki
er þó útlit fyrir snjókomu.
Erfitt er að segja til um það
hvort veturinn er tekinn að gefa eft-
ir en Trausti Jónsson veðurfræðing-
ur segir að reiknimiðstöð Evrópu-
veðurstofa spái því að hitastig á Ís-
landi verði tveimur til þremur gráð-
um yfir meðallagi út marsmánuð. ■
Lægðagangur yfir landinu:
Óvenju hlýr marsmánuður
Ostborgarafrumvarpið:
Vernd gegn
lögsóknum
BANDARÍKIN Fulltrúadeild Banda-
ríkjaþings hefur samþykkt svo-
nefnt ostborgarafrumvarp. Frum-
varpið verndar skyndibitakeðjur
og matvælaframleiðendur fyrir
lögsóknum fólks sem krefst bóta
vegna þess að það hafi orðið feitt
af því að borða óhollan mat.
Flytjendur frumvarpsins segja
það ganga út á almenna skynsemi
og að fólk beri sjálft ábyrgð á því
hvað það borðar. Andstæðingar
þess segja það flytja stjórnendum
skyndibitakeðja þau skilaboð að
þeir þurfi engar áhyggjur að hafa
af heilsufari landsmanna.
Frumvarpið verður ekki að lög-
um nema öldungadeildin sam-
þykki það. Hún hefur áður fellt
frumvörp sem fela í sér vernd
fyrir einstakar atvinnugreinar. ■
SIGURÐUR HELGASON
Sundabraut mun auka umferðaröryggi á
höfuðborgarsvæðinu, að mati Sigurðar
Helgasonar hjá Umferðarstofu.
STUÐNINGSMENN
KAGAME
Kagame er í opinberri
heimsókn í Belgíu.
HEILBRIGÐISSTOFNUN SUÐURNESJA
Settur landlæknir í máli sem risið er vegna andláts barns eftir að það var tekið með bráðakeisaraskurði á Heilbrigðisstofnun Suðurlands,
hefur sent frá sér yfirlýsingu þar sem hann deilir á lögmann aðstandenda.
VORBLÍÐA
Óvenjuhlýtt hefur verið í veðri síðustu daga miðað við árstíma.
NÝTIÐ ATKVÆÐISRÉTTINN „Hvert
og eitt atkvæði skiptir miklu
máli,“ sagði Vladimír Pútín Rúss-
landsforseti þegar hann hvatti
landsmenn til að taka þátt í for-
setakosningunum næsta sunnu-
dag. Helmingur atkvæðabærra
manna þarf að taka þátt til að
kosningarnar séu gildar og óttast
Kremlverjar að kjörsókn verði
lítil vegna vissu um sigur forset-
ans.