Fréttablaðið - 12.03.2004, Blaðsíða 12

12 12. mars 2004 FÖSTUDAGUR
Í LJÓSUM LOGUM
Fréttamenn flýja sprengingu þegar þeir
fylgjast með eyðingu varnings sem kín-
verska lögreglan hafði lagt hald á. 34
vörubílsfarmar af ólöglegum afritunum og
vörum sem standast ekki gæðakröfur voru
brenndir.
Nauðasamningar í kvikmyndagerð:
Mikilvægt að endurnýja samning
KVIKMYNDIR Íslenska kvikmynda-
samsteypan leitar leiða til þess að
framlengja nauðasamninga fyrir-
tækisins. Friðrik Þór Friðriksson
kvikmyndaleikstjóri vonast til
þess að staða fyrirtækisins
skýrist í næsta mánuði. Friðrik
Þór er aðaleigandi Íslensku kvik-
myndasamsteypunnar. Fyrirtæk-
ið á sýningarétt á meirihluta
mynda sem framleiddar hafa ver-
ið á Íslandi síðasta aldarfjórðung-
inn. „Landsbankinn er að vinna í
þessu með okkur og á þakkir
skildar fyrir að hjálpa okkur við
að leita leiða til þess að bjarga
fyrirtækinu.“ Friðrik Þór segir að
meðal þess sem verið sé að gera
sé að selja ríkissjónvarpinu
stærstan hluta íslenskra kvik-
mynda samsteypunnar.
Friðrik Þór segir stöðu ís-
lenskrar kvikmyndagerðar erfiða
þessa dagana. Dregist hafi að end-
urnýja samning við ríkið um
stuðning við greinina, sem var í
gildi. „Við bindum vonir við að
nýr menntamálaráðherra endur-
nýi samninginn.“
Þótt fjárfesting í íslenskum
kvikmyndum skili sér hægt til
greinarinnar segir Friðrik Þór
ýmis hliðaráhrif skila sér hingað
til lands. „Ég hugsa að um millj-
arður manna hafi séð Börn náttúr-
unnar.“ Þar fyrir utan bendir
hann á að fyrir hverja krónu sem
lögð er í íslenskar kvikmyndir
komi þrjár til fjórar að utan. ■
Bakari lætur undan:
Ekki fleiri
negrakossar
SJÖBO, AP Bakari í suðurhluta Sví-
þjóðar breytti nafninu á einni af vör-
um sínum eftir að stjórnvöld hótuðu
að sekta hann um sem nemur einni
milljón króna vegna þess að vöruheit-
ið væri móðgandi gagnvart þeldökk-
um.
Vöruheitið sem olli svo miklum
deilum er negrakossar. Nafninu hélt
bakarinn þrátt fyrir að flestir bakar-
ar hafi breytt því á undanförnum
árum. Þegar honum var hótað sektum
breytti hann því í Brancobollur og út-
skýrir það með því að um sé að ræða
skammstöfun á nafni bakarísins. Ein-
hverjir hafa þó orðið til að benda á að
branco þýðir hvítur á portúgölsku. ■
G R O U P P L C
Nýtt líf eftir
offituaðgerð
Kristín Halldórsdóttir, 45 ára reykvísk kona, léttist
um 59,5 kíló á einu og hálfu ári. Þá var hún komin
með ýmsa fylgikvilla allt of mikillar líkamsþyngdar.
HEILBRIGÐISMÁL Hún heitir Kristín
Halldórsdóttir og er 45 ára. Hún
hefur lést um 59,5 kíló á einu og
hálfu ári ári. Hún geislar af lífs-
orku og hamingju, enda hefur hún
yngst um mörg ár í andlegu og lík-
amlegu atgervi og lífið brosir við
henni, eftir að hún fór í svokallaða
offituaðgerð á Landspítala -
háskólasjúkrahúsi. Hún féllst á að
deila reynslu sinni með lesendum
blaðsins.
„Ég fór í aðgerðina í október
2001,“ segir hún. „Þá var ég orðin
140 kíló. Þá var lífi mínu þannig
háttað að ég var í líkamsrækt hjá
einkaþjálfara, að sjálfsögðu, til að
reyna að halda allt of þungum lík-
VIÐ AUGLÝSINGASKILTIÐ
Vegfarendur komast ekki hjá því að sjá
atvinnuauglýsingu Sieradzkis.
Þreyttur á atvinnuleysinu:
Auglýsti
eftir vinnu
VARSJÁ, AP Þegar Andrzej Sieradzki
var orðinn þreyttur á því hversu
erfiðlega gekk að fá vinnu tók hann
sig til og auglýsti eftir vinnu á
miklu auglýsingaskilti í Varsjá. Við-
brögðin létu ekki á sér standa.
Margir hringdu í hann, sumir fyrir
forvitnissakir en nokkrir til að
bjóða honum vinnu.
Sieradzki er þó ekki búinn að
ráða sig þar sem störfin eru ekki
efst á óskalistanum. Hann vill vinnu
við fjármálaráðgjöf en störfin sem
honum hafa boðist eru á sviði aug-
lýsingagerðar og almannatengsla
þar sem menn telja sig sjá að hann
búi yfir hæfileikum. ■
FRIÐRIK ÞÓR FRIÐRIKSSON
Erfiðir tímar eru í íslenskri kvikmyndagerð.
Stofnandi Íslensku kvikmyndasam-
steypunnar bindur vonir við að nýr
menntamálaráðherra taki á vandanum.
ALLT NÝTT
Í sumarbústaðnum
fyrir aðgerð. Víðu,
svörtu fötin hafa nú
vikið út fataskápnum
fyrir nýjum fatnaði í
ýmsum litum.
FYRIR AÐGERÐ
Svona leit
Kristín út, einu
og hálfu ári og
60 kílóum fyrir
aðgerð.
EFTIR AÐGERÐ
Í dag er Kristín rétt
tæpum 60 kílóum
léttari en hún var
fyrir einu og hálfu
ári.