Fréttablaðið - 12.03.2004, Blaðsíða 15

15FÖSTUDAGUR 12. mars 2004
LÖGREGLUMÁL „Fasteignasalan Frón
var búin að leggja heilmikið í hús-
næðið,“ sagði Finnbogi Kristjáns-
son, fyrrverandi fasteignasali, um
deilur sem upp hafa komið vegna
kaupa Birgis Ingimarssonar á at-
vinnuhúsnæði við Síðumúla 2.
„Þegar hún kaupir það á 44
milljónir er virði húsnæðisins
miklu, miklu meira og það verð-
mæti liggur í hluta fasteignasöl-
unnar. Þetta var einn matshluti.
Það var því svigrúm að aflýsa veð-
skuldum á hluta Birgis eftir að við
hefðum búið til tvo eignarhluta. En
það var aldrei gert. Ég færði áhvíl-
andi veðlán af öðrum eignum yfir
á hæðina.“
Spurður hvers vegna eignin
hefði farið á uppboð sagði Finn-
bogi að Birgir hefði dottið út úr
dæminu. Hann hefði hvorki rekið
hana, né „borgað meira“. Þá hefði
verið farið að halla undan fæti hjá
Fróni.
Spurður hvers vegna hann hefði
lokað fasteignasölunni Fróni og
væri nú án starfsleyfis sagði Finn-
bogi: „Ég er kominn með kæru og
maður má ekkert vera að starfa
undir því, að mínu mati. Maður á
ekki að vera að taka á sig ábyrgðir
ef eitthvað vafasamt er í gangi.“
Spurður hvers vegna kærurnar
á hann hefðu hrúgast inn hjá lög-
reglunni sagði Finnbogi að nokkrir
menn gætu tekið sig saman og
lagst í að kæra hann trekk í trekk.
„Ég hef lent í því áður við þetta
félag þarna, en það er nýr stíll að
fara með lögregluna inn í málið.“ ■
LÖGREGLUMÁL Fjölmargar kærur
eru nú til rannsóknar hjá lögregl-
unni á hendur Finnboga Kristjáns-
syni, fyrrum fasteignasala á Fróni,
samkvæmt upplýsingum sem
Fréttablaðið hefur aflað sér. Við-
mælendur blaðsins kveðast allir
hafa lagt fram kæru vegna hárra
fjárupphæða, sem þeir telji að
Finnbogi hafi misfarið með.
Samkvæmt upplýsingum blaðs-
ins munu að minnsta kosti 10 kær-
ur vera til rannsóknar hjá lögregl-
unni. Er þá meðtalin kæra Birgis
Ingimarssonar sem varðar með-
ferð Finnboga á 9,5 milljónum
króna, sem Birgir reiddi af hönd-
um vegna húsnæðiskaupa í Síðu-
múlanum.
Aðrir viðmælendur blaðsins
segjast hafa kært vegna meðferð-
ar Finnboga á upphæðum frá ríf-
lega einni milljón króna og allt upp
í sjö milljónir. Út frá upplýsingum
blaðsins má áætla að heildarupp-
hæð í þeim málum sem kærð hafa
verið sé nær 50 milljónir króna.
Lögreglan vinnur nú að rann-
sókn þessara mála. Að henni lok-
inni verða niðurstöður væntanlega
sendar ríkissaksóknara, sem tekur
ákvörðun um frekari meðferð. ■
Ólafur hótaði bönkunum kæru
vegna misnotkunar á upplýsing-
um um fyrirtækin sem viðskipta-
bankar þeirra. Bankarnir gáfu sig
og í framhaldinu var eignarhald
fyrirtækjanna skerpt. S-hópurinn
réði SÍF, en bankarnir, Burðarás
og Straumur réðu SH.
Viðskiptahagsmunir SH og SÍF
leyfa ekki endalausa óvissu um
stefnu þeirra. Félögin hafa við-
kvæma hagsmuni sem snerta
bæði framleiðendur og erlenda
viðskiptavini. Eyða þurfti því
óvissu um fyrirtækin og því var
höggvið á hnútinn. Skömmu síðar
hófust átök bankanna um Straum
sem leiddu til uppstokkunar á
eignarhaldi íslenskra fyrirtækja.
Forysta Íslandsbanka taldi Lands-
bankamenn hafa gengið á bak
orða sinna um jafnvægi í eignar-
haldi Straums. Tortryggni Ís-
landsbanka í garð Landsbankans
kann að hafa haft áhrif á að bank-
inn missti þolinmæðina þegar
ákveðið var að selja hlutinn til
SÍF.
Stórt alþjóðafyrirtæki
Margir telja að vilji Björgólfs
hafi verið að stíga engin skref
varðandi SH fyrr en skýrari mynd
væri komin á hvað yrði um Eim-
skipafélagið. Breytingar á eignar-
haldi SH myndu setja í óvissu
mikilvæga flutningahagsmuni
Eimskipafélagsins. Sú óvissa
myndi hafa áhrif á verðmat fé-
lagsins. Úr herbúðum Landsbank-
ans er þessu neitað. Stefna bank-
ans varðandi sölusamtökin sé að
bankinn styðji við myndun öflugs
alþjóðlegs sjávarútvegsfyrirtæk-
is. Menn töldu víst að fjárfestarn-
ir í SH hefðu ætlað að fjármagna
kaupin með því að selja eignir frá
fyrirtækinu. Þeir hafi ekki haft
fjárhagslegt bolmagn til að standa
að baki stækkun og útrás sem sé
vilji bankans.
Baldur Guðnason, einn fjár-
festanna, segir að ekkert hafi leg-
ið fyrir um sölu eigna fyrirtækis-
in. Hins vegar sé ávallt ljóst að
nýir eigendur velti við steinum og
skoði möguleika sem liggi í slíkri
fjárfestingu. Baldur sest í stjórn
SH á aðalfundi á föstudag, ásamt
Gunnlaugi Sævari og Sindra.
Hann segir SH sterkt fyrirtæki og
í því liggi góð sóknarfæri.
Sameining SÍF og SH er enn á
dagskrá. Reikna má með að stigið
verði varlega til jarðar með auk-
inni samvinnu til að byrja með.
Mikil samlegð liggur í sölukerfi
fyrirtækjanna. Líklegast er talið
að fyrstu skrefin í samvinnu fyr-
irtækjanna verði í Bandaríkjun-
um, þar sem fjárbindingin er
mest. Hagræðingarmöguleikar
liggja einnig í sölukerfi í Evrópu.
Gangi samvinnan vel má búast við
að loks gætu tekist ástir risanna
SH og SÍF eftir stormasamt til-
hugalíf. ■
STÆRSTU EIGENDUR SÍF OG SH
SÍF
Sund hf. 18,5%
Ker. hf. 14,63%
KB Banki hf. 10,8%
Vís hf. 9,3%
Samvinnulífeyrissjóðurinn 8,1%
SH
Burðarás hf. 27,1%
Landsbanki Íslands hf. 26,9%
SÍF hf. 23,2%
Straumur Fjárfestingarbanki hf. 17,4%
Í lögreglurannsókn:
Kærur upp á nær
50 milljónir
Finnbogi Kristjánsson:
Færði veðlán af
öðrum eignum
FINNBOGI
KRISTJÁNS-
SON
Finnbogi segir
að viðskiptin
með atvinnu-
húsnæðið í
Síðumúla 2 hafi
verið í eðlileg-
um farvegi.