Fréttablaðið - 12.03.2004, Blaðsíða 39
39FÖSTUDAGUR 12. mars 2004
hvað?hvar?hvenær?
9 10 11 12 13 14 15
MARS
Föstudagur
LEIKIR
18.30 KR leikur við Fylki í Egilshöll í
deildabikarkeppni karla í fótbolta.
19.15 Grindavík og KR keppa í
Grindavík í átta liða úrslitum Inter-
sport-deildarinnar í körfubolta.
19.15 Njarðvík mætir Haukum í
Njarðvík í átta liða úrslitum Inter-
sport-deildarinnar í körfubolta.
20.00 Haukar keppa við Grindavík í
Reykjaneshöllinni í deildabikar-
keppni karla í fótbolta.
20.30 FH og ÍBV leika í Egilshöll í
deildabikarkeppni karla í fótbolta.
Tengsl Guðna Bergssonar við sitt gamla félag koma að góðum notum:
Bolton hefur mikla trú
á íslenskri knattspyrnu
FÓTBOLTI „Það voru hæg heimatök-
in með Bolton og ég vonast til að
við getum bundið endahnútinn á
samkomulagið á næstunni,“ sagði
Guðni Bergsson, fyrrum leikmað-
ur Bolton. Knattspyrnuakademía
Íslands hyggur á samstarf við
enska úrvalsdeildarfélagið um
þjálfun ungra knattspyrnumanna.
„Ég sé það fyrir mér að við
munum halda námskeið hér í sam-
vinnu við Bolton og hingað komi
þjálfarar sem fylgist með krökk-
unum og því sem við erum að
gera. Svo sjáum við til hvernig
það þróast hvort einhverjir
krakkar æfi með Bolton.“ Guðni
segir að það yrði fyrst og fremst
samkomulag milli félags og leik-
manns. „Þetta yrði kannski í því
forminu að þeir kæmu hingað og
fylgdust með þeim sem eru á
námskeiði hjá okkur og vildu
kannski bjóða viðkomandi út til
æfinga, en það á bara eftir að
koma í ljós.“
„Þeir hafa mikla trú á íslenskri
knattspyrnu,“ sagði Guðni. „Ég
held ég geti sagt að íslenskir leik-
menn hafi reynst þeim vel og þeir
hafa margoft talað um það að þeir
vilji fylgjast með efnilegum
knattspyrnumönnum hér.“
Guðni segir að samvinna við
akademíu Bolton komi einnig til
greina. „Ég held að við getum
leitað í þeirra smiðju og þeir jafn-
vel til okkar. Þetta verður bara til
þess að styrkja starfið og kannski
fá einhverjir Íslendingar tæki-
færi til að spila með Bolton í
framtíðinni, sem ég hefði per-
sónulega mjög gaman af.“
„Félögin hér sinna sínu starfi
frábærlega en þetta verður við-
bót við það,“ segir Guðni, sem
vonast eftir frekara samstarfi við
félögin og KSÍ á breiðum grund-
velli. „Það á ekki bara við þá
bestu heldur líka þá sem hafa
meðalgetu og svo framvegis og
það allt í heild sinni mun styrkja
íslenska knattspyrnu og það er
okkar markmið.“ ■
Vináttulandsleikur í sumar:
Ísland mætir
Ítalíu
FÓTBOLTI Íslenska karlalandsliðið
leikur vináttulandsleik við Ítalíu
á Laugardalsvelli þann 18. ágúst
í sumar. Samhliða leiknum fer
fram vináttulandsleikur milli
U21 landsliða þjóðanna hér á
landi.
Eggert Magnússon, formaður
KSÍ, hitti í gær formann og
framkvæmdastjóra Knatt-
spyrnusambands Ítalíu, dr.
Franco Carraro og Francesco
Ghirelli, til að ræða við þá um
vináttulandsleikinn og komst
þessi niðurstaða í málið. Einung-
is er ólokið að semja um sjón-
varpsrétt vegna leiksins. ■
Fylkir í samstarf við Akademíu Arnórs og félaga:
Tvöfaldur ávinningur
FÓTBOLTI „Við vorum ákveðnir í að
fara í þetta samstarf og nýta
þessa peninga sem sannarlega
eiga að nýtast fyrir yngri
hópana,“ sagði Sigmundur Sigur-
jónsson, formaður barna- og ung-
lingaráðs Fylkis. „Við ákváðum að
gera nokkurs konar tilraun með 3.
flokk karla og 3. flokk kvenna og
eldra árið í 4. flokki kvenna.“
Fylkir notar styrk UEFA vegna
barna- og unglingaþjálfunar í að
greiða niður þátttöku yngri iðk-
enda í námskeiðum akademíunn-
ar.
Fylkismenn sjá jafnvel fyrir
sér samstarf við akademíuna í
sumar. „Þá fengjum við kennara
frá þeim til okkar, ef af verður, og
vonandi á nýja gervigrasvöllinn
okkar.“
„Æfingarnar hjá okkur eru
fjórum til fimm sinnum í viku og
þetta er viðbót,“ sagði Sigmundur.
„Þetta er tilraunaverkefni. Við
fylgjum bara þeirra hugmynda-
fræði en á seinni stigum getur vel
verið að við komum með okkar
óskir.“
Fylkismenn líta einnig á nám-
skeiðin sem námskeið fyrir þjálf-
ara yngri flokkanna. „Við viljum
búa til sterkt lið af þjálfurum í
Fylki og höfum alla tíð haft áhuga
á því. Tvöfaldur ávinningur segj-
um við og ég hef kynnt mér það
hjá þjálfurunum sem hafa mætt
að þeir eru mjög ánægðir.“
„Þegar þetta tímabil er búið
förum við í barna- og unglingaráði
yfir þetta dæmi með okkar
íþróttafulltrúa og þjálfurum
hvernig til hefur tekist og skoðum
svo framhaldið út frá því. Ég sé
ekkert því til fyrirstöðu að við
höldum áfram, mér líst það vel á
þetta sem við höfum verið að gera
hingað til,“ sagði Sigmundur Sig-
urjónsson, formaður barna- og
unglingaráðs Fylkis. ■
UNGIR FYLKISMENN FAGNA
Fylkismenn eru himinlifandi með fyrirhugað samstarf við Arnór og félaga
GUÐNI BERGSSON
„Ég held ég geti sagt að íslenskir leikmenn
hafi reynst Bolton vel.“