Fréttablaðið - 20.03.2004, Blaðsíða 6

6 20. mars 2004 LAUGARDAGUR
■ Evrópa
■ Evrópa
GENGI GJALDMIÐLA
Bandaríkjadalur 70.65 0.33%
Sterlingspund 129.58 0.81%
Dönsk króna 11.72 0.97%
Evra 87.31 0.97%
Gengisvísitala krónu 121,39 0,82
KAUPHÖLL ÍSLANDS
Fjöldi viðskipta 378
Velta 5.532 milljónir
ICEX-15 2.538 -0,13%
Mestu viðskiptin
Pharmaco hf. 251.750
Landsbanki Íslands hf. 230.699
Medcare Flaga 200.917
Mesta hækkun
Medcare Flaga 14,16%
AFL fjárfestingarfélag hf. 3,66%
Og fjarskipti hf. 1,23%
Mesta lækkun
Straumur Fjárfestingarbanki hf -2,31%
Eimskipafélag Íslands Hf. -1,02%
Össur hf -0,98%
ERLENDAR VÍSITÖLUR
DJ* 10.274,7 -0,2%
Nasdaq* 1.963,7 0,1%
FTSE 4.417,7 0,5%
DAX 3.819,2 -0,2%
NK50 1.421,7 -0,1%
S&P* 1.119,6 -0,2%
* Bandarískar vísitölur kl. 17.
Veistusvarið?
1Hvaða skóli sló Menntaskólann íReykjavík út úr spurningakeppninni
Gettu betur?
2Hvað heitir næstæðsti maður al-Kaída?
3Hvað heitir sá sem var rekinn semþjálfari HK í handbolta?
Svörin eru á bls. 62
Kosovo-Albanir gagnrýndir fyrir óeirðir síðustu daga:
Eina leiðin að skipta Kosovo
KOSOVO, AP Skipting Kosovo með
tilliti til þjóðernis er eina leiðin til
að tryggja frið á svæðinu til fram-
búðar sagði Vojislav Kostunica,
forsætisráðherra Serbíu, og
aðstoðarforsætisráðherra hans
átaldi Sameinuðu þjóðirnar fyrir
að fordæma Kosovo-Albana ekki
nægilega fyrir óeirðirnar undan-
farna daga. Kveikt var í fimmtán
kirkjum og hundruð heimilum
Serba. Því var svarað í Serbíu
með því að kveikja í tveimur
moskum múslima.
Tugþúsundir Serba fylktu liði í
Belgrad, höfðuborg Serbíu, í gær
og lýstu stuðningi við landa sína í
Kosovo.
Jaap de Hoop Scheffer, fram-
kvæmdastjóri Atlantshafsbanda-
lagsins, sagði ábyrgð leiðtoga
Kosovo-Albana mikla og kvað þá
verða að gera sitt til að koma á
friði í Kosovo eftir þriggja daga
átök sem hafa kostað á fjórða tug
manna lífið. Hann sagði stjórn-
málaleiðtoga beggja fylkinga,
Serba og Kosovo-Albana, verða
að grípa til aðgera en beindi
einkum augum að Kosovo-Albön-
um. Scheffer sagði átökin grafa
undan þeim árangri sem hefði
náðst. „Þetta eru sorglegt og illa
afráðið afturhvarf til þess of-
beldis sem á engan rétt á sér í
Evrópu. ■
Björgólfur Thor fer
með Eimskip í víking
Björgólfur Thor Björgólfsson, nýkjörinn stjórnarformaður Burðaráss,
stefnir í stórfellda erlenda fjárfestingu. Markmiðið er að gera félagið að
alþjóðlegu fjárfestingarfélagi með allt að 75% af eignum erlendis.
AÐALFUNDUR Eimskipafélagið mun
undir nýju nafni, Burðarás, leggj-
ast í víking. Langtímamarkmið
félagsins er að 75 prósent eigna
félagsins verði erlendar. „Nauð-
synlegt er nú fyrir Ísland að eiga
sterkan og öflugan fulltrúa á sviði
fjárfestinga í
heiminum, líkt
og það var nauð-
synlegt fyrir
land og þjóð að
eiga öflugt
flutningafélag
fyrr á árum,“
sagði Björgólf-
ur. Hann sagði
að sú stefna sem
hann og ný
stjórn félagsins
boðar sé nær
þeirri hugsjón
sem langafi hans, Thor Jensen, og
aðrir frumkvöðlar félagsins lögðu
upp með. „Ég er sannfærður um
að ef hinir stjórhuga einstakling-
ar sem stofnuðu félagið væru á
lífi í dag myndu þeir kjósa slíkt
hið sama.“
Björgólfur segir að breyting-
arnar muni verða yfir lengri tíma.
Ekki sé á dagskrá í bráð að selja
skipafélagið sem nú fær hið
virðulega nafn móðurfélagsins
HF. Eimskipafélag Íslands.
Magnús Gunnarsson, fráfar-
andi stjórnarformaður, kom inn á
þau kynslóðaskipti sem orðið hafa
í íslensku viðskiptalífi að undan-
förnu. „Ég treysti þessu unga
fólki vel til að auka hróður lands
og þjóðar í framtíðinni.“ Hann
sagðist sjá fyrir sér nýja víkinga-
öld þar sem Íslendingar sæktu
fram með nútímalegum hætti ný
verðmæti til annarra þjóða. Hann
sagðist treysta því að menn
gleymdu ekki í hita orrustunnar
uppruna sínum og rótum.
Björgólfur Thor segir að mark-
mið útrásarinnar sé að skila
sautján þúsund íslenskum hlut-
höfum Eimskipafélagsins ávinn-
ingi til framtíðar af vexti félags-
ins. „Við erum víkingasveit í þeim
skilningi að við munum koma á fót
hópi fólks erlendis til að sækja
verkefni. Við munum nota þekk-
ingu Burðaráss hér heima til að
vega og meta þau tækifæri.“
Þórunn Guðmundsdóttir er
varaformaður stjórnar Eimskipa-
félagsins og Þór Kristjánsson
mun sitja áfram í stjórninni. Aðr-
ir stjórnarmenn eru Sigurjón Þ.
Árnason, bankastjóri Landsbank-
ans, og Eggert Magnússon. Frið-
rik Jóhannsson sem stýrt hefur
Burðarási sem dótturfélagi Eim-
skipafélagsins mun nú stýra
Burðarási sem móðurfélagi Eim-
skipafélagsins.
haflidi@frettabladid.si
STJÓRI GEGN HRYÐJUVERKUM
Innanríkis- og dómsmálaráðherr-
ar aðildarríkja Evrópusambands-
ins samþykktu í gær að setja á
fót embætti sem sér um að sam-
ræma baráttuna gegn
hryðjuverkum. Styrkja á aðgerð-
ir lögreglu en tillögu um evr-
ópska leyniþjónustu í anda CIA
var hafnað.
REKINN FYRIR LEKANN Leyni-
þjónusta danska hersins hefur
rekið starfsmann sem lak leyni-
legri skýrslu til fjölmiðla. Í
skýrslunni kom fram að engin
sönnunargögn væru fyrir hendi
um að Írakar byggju yfir gereyð-
ingarvopnum. Verði starfsmaður-
inn ákærður og sakfelldur getur
búist við allt að tólf ára fangelsi.
FRÁ BJÖRGUNARAÐGERÐUM
Minna skip tekur við drætti Baldvins.
Baldvin Þorsteinsson:
Komið
til Noregs
BJÖRGUN Fjölveiðiskipið Baldvin
Þorsteinsson, sem bjargað var af
strandstað á Meðallandsfjöru að-
faranótt miðvikudags, kom að
Noregsströnd, rétt norðan við
Bergen, í gærkvöldi. „Þar verður
stóra dráttarskipinu sleppt og
annað minna skip tekur við að
draga Baldvin,“ sagði Kristján
Vilhelmsson, útgerðarstjóri Sam-
herja, þegar Fréttablaðið ræddi
við hann í gær.
Kristján sagði ekki búið að
ákveða endanlegan áfangastað
Baldvins en skipið yrði skoðað til
að athuga með skemmdir við
fyrsta tækifæri. Hann segir þá
Samherjamenn vera að vinna í því
að fá verðtilboð í skemmdir á skip-
inu. ■
HER Í ÍRAK MEÐAN ÞÖRF KREFUR
Degi eftir að Aleksander Kwasni-
ewski, forseti Póllands, sagði
blaðamönnum, að Pólverjar hefðu
verið blekktir með upplýsingum
um meint gereyðingarvopn sagði
hann George W. Bush Banda-
ríkjaforseta að pólskir hermenn
yrðu í Írak svo lengi sem þörf
krefur. Hann kenndi misskilningi
um fyrri ummæli sín.
Colin Powell:
Óvænt til
Bagdad
ÍRAK Colin Powell, utanríkisráðherra
Bandaríkjastjórnar, kom í óvænta
heimsókn til Bagdad í gær en þá var
eitt ár liðið frá því að herir banda-
manna réðust inn í landið. Sagði
Powell við komuna að uppreisnar-
menn yrðu sigraðir og lýðræðið yrði
ekki stöðvað með hryðjuverkum.
Bandamenn hafa orðið fyrir miklu
mótlæti að undanförnu og varla lið-
ið sá dagur sem þeim er ekki sýnt
tilræði af einhverjum toga. ■
FR
ÉT
TA
B
LA
Ð
IÐ
/V
IL
H
EL
M
FLÚIN FRÁ HEIMILUM SÍNUM
Fjöldi Serba hefur flúið heimili sín síðustu
daga. Margir hafast við á bækistöðvum
friðargæsluliða.
„Við erum
víkingasveit í
þeim skilningi
að við mun-
um koma á
fót hópi fólks
erlendis til
að sækja
verkefni.
BOÐAR ÚTRÁS
Björgólfur Thor Björgólfsson tekur við stjórnarformennsku í Eimskipafélaginu sem nú heit-
ir Burðarás. Hann fylgir í fótspor langafa síns Thors Jensen sem var stjórnarformaður und-
irbúningsstjórnar félagsins og léð því merki Kveldúlfs við stofnun þess árið 1914.
Björgólfur boðar tímamót í rekstri félagsins.
FR
ÉT
TA
B
LA
Ð
IÐ
/V
IL
H
EL
M