Fréttablaðið - 20.03.2004, Blaðsíða 8
FINNLAND Alls 24 ungmenni létust
og 15 særðust í mannskæðasta
umferðarslysi sem orðið hefur í
Finnlandi þegar rúta og tengivagn
vöruflutningabifreiðar skullu
saman nálægt bænum Kongin-
kangas í fyrrinótt. Nokkrir hinna
særðu eru mikið slasaðir á gjör-
gæslu og útiloka læknar ekki að
tala látinna muni hækka.
Mikil ísing var á veginum þegar
slysið átti sér stað og virðist sem
flutningabifreiðin hafi rásað yfir á
öfugan vegarhelming með þeim af-
leiðingum að tengivagninn rásaði
til hægri og vinstri og lenti af
miklu afli á rútuna sem kom úr
gagnstæðri átt. Í flutningabifreið-
inni var þungur farmur af stórum
pappírsrúllum sem hentust af stað
við áreksturinn. Lentu nokkrar
þeirra af miklu afli inn í rútuna en
um borð voru 40 ungmenni frá
Helsingfors á leið á skíði í norður-
hluta landsins. Rútan gjöreyðilagð-
ist við áreksturinn og þykir mörg-
um mildi að ekki fór enn verr en
raun varð á. Lögregla rannsakar
enn tildrög slyssins en talið er full-
víst að hálku sé um að kenna en
mjög dimmt var einnig þegar slys-
ið átti sér stað. Bílstjóri flutninga-
bílsins sem slapp ómeiddur hafði
aðeins keyrt örfáa kílómetra þegar
slysið varð en lögregla taldi ekki að
mistök hans hefðu valdið slysinu.
Slasaðir voru fluttir á næsta
sjúkrahús til aðhlynningar og að
sögn lækna voru þar tveir til þrír
mjög alvarlega slasaðir og þurftu
í uppskurð.
Finnska ríkisstjórnin skaut á
neyðarfundi þegar fréttist af slys-
inu og var ákveðið að lýsa yfir
þjóðarsorg í landinu. Flaggað var
í hálfa stöng á flestum stöðum í
landinu enda landsmönnum afar
brugðið eftir svo ægilegt slys. All-
ir í rútunni voru á aldrinum 15–20
ára og gerir það slysið enn sárara
fyrir vikið.
albert@frettabladid.is
8 20. mars 2004 LAUGARDAGUR
Þá er það búið
„Ég verð einfaldlega að sætta
mig við þá staðreynd að knatt-
spyrnuferlinum er lokið og
skórnir eru komnir á hilluna.“
Andri Sigþórsson verður að hætta knattspyrnu-
iðkun 27 ára gamalla vegna meiðsla. Morgun-
blaðið 19. mars.
Umdeild kona
„Vissulega hefur Munda Pálín
átt við geðræn vandamál að
stríða en hún hefur þó mælst í
hópi greindustu manna heims.“
Jón Ársæll Þórðarson verður með viðtal í þætt-
inum Sjálfstæðu fólki við konu sem dæmd er
fyrir að hafa banað tveimur mönnum. DV 19.
mars.
Haraldur að hressast
„...sem betur fer er Haraldur
mjög að hressast...“
Ólafur Ragnar Grímsson, forseti Íslands, um
Harald Norgegskonung. Fréttablaðið 19. mars.
Orðrétt
Hagvöxtur meiri en spár:
Hagvöxtur jók ekki vinnu
EFNAHAGSMÁL Vöxtur landsfram-
leiðslunnar var fjögur prósent í
fyrra. Þetta er meiri vöxtur en
spár gerðu ráð fyrir. Í morgun-
korni greiningar hefur fram að
hagvöxtur hafi verið tæpu pró-
sentustigi meiri en bankinn spáði.
Fjármálaráðuneytið og Seðla-
bankinn spáðu minni hagvexti eða
2,5 prósent og 2,75 prósent. Hag-
vöxtur innan OECD var tvö pró-
sent og var það umfram vænting-
ar.
Greining Íslandsbanka bendir
á að þrátt fyrir mikinn hagvöxt
hafi ekki dregið úr atvinnuleysi.
Skýringin kann að felast í því að
við upphaf hagsveiflu er ónýtt
framleiðslugeta í hagkerfinu.
Fleiri skýringar eru hugsanlegar
að mati Íslandsbanka. „Gæti hér
til dæmis verið að koma fram af-
leiðing af þeim tækniframförum
og skipulagsbreytingum sem átt
hafa sér stað í íslensku efnahags-
lífi.“
Telur Íslandsbanki að þessi
þróun kalli á þá spurningu að hve
miklu leyti sá hagvöxtur sem
framundan er muni draga úr at-
vinnuleysi. ■
24 létust í
umferðarslysi
Þjóðarsorg var lýst yfir í Finnlandi eftir umferðarslys þar sem
hópferðabifreið lenti í hörðum árekstri við drekkhlaðinn flutningabíl.
Allir ferðalangarnir um borð voru unglingar á leið á skíði.
Útboð vegna fangelsis á
Hólmsheiði:
Rísi fyrir
árslok 2005
FANGELSISMÁL Nýtt fangelsi á
Hólmsheiði á að rísa fyrir árslok
árið 2005. Ríkiskaup hafa auglýst
eftir áhugasömum aðilum til að
taka þátt í útboði vegna byggingar
fangelsisins sem verður í útjaðri
Reykjavíkur.
Nýju fangelsi þar er ætlað að
hýsa alls 50 fanga en þar að auki
er gert ráð fyrir vinnu- og tóm-
stundaaðstöðu fyrir fanga.
Borgaryfirvöld hafa lagt áherslu
á að byggingu fangelsisins verði
hraðað. Þegar það verður komið í
notkun verður Hegningarhúsinu
við Skólavörðustíg lokað. ■
Karlmaður dæmdur:
Falsaði nafn
móður
DÓMSMÁL Tæplega fertugur karl-
maður var dæmdur í tveggja
mánaða skilorðsbundið fangelsi
fyrir að falsa nafn móður sinnar
sem sjálfskuldarábyrgðarmanns
á ábyrgðaryfirlýsingu sem hann
og sambýliskona hans lögðu fram
vegna reikningsviðskipta í bygg-
ingavöruverslun.
Maðurinn sagði móður sína
áður hafa samþykkt að gangast í
ábyrgð fyrir hann en þar sem hann
hefði verið kominn í tímaþröng
hefði hann sjálfur skrifað nafn
hennar á víxilinn. Móðir hans neit-
aði hins vegar að hafa nokkurn
tíma gefið samþykki fyrir slíku og
ekki vitað af ábyrgðinni fyrr en
henni var birt stefna. ■
www.plusferdir.is
Benidorm - 15. apríl
30.830 kr.
N E T
( 54.200 kr. / 2 = 27.100 kr. + 3.730 kr. flugvallarsskattar) = 30.830 kr. á mann
miðað við að 2 fullorðnir ferðist saman.
Innifalið er flug, gisting í 10 nætur á Halley, ferðir til og frá flugvelli
erlendis, íslensk fararstjórn og flugvallarskattar.
NETplus er einungis bókanlegur á www.plusferdir.is
2 fyrir 1
VINNA OG VÖXTUR
Vöxtur landsframleiðslunnar var nokkru
meiri í fyrra en menn höfðu búist við. Þrátt
fyrir meiri vöxt dró ekki samsvarandi úr at-
vinnuleysi. Íslandsbanki segir þar gefa til-
efni til vangaveltna um áhrif komandi hag-
vaxtar á atvinnuleysið.
FRÁ SLYSSTAÐNUM
Slysið er hið mannskæðasta nokkru sinni í Finnlandi.
M
YN
D
/A
P
Helsinki
Tammerfors
Äänekoski
Ruka
Rútan var á
leiðinni til
Ruka
Slysið átti
sér stað á
þjóðvegi
norður af
Äänekoski
Flutningabíll
Rúta
1. Tengivagninn
rennur til hliðar
2. Tengivagninn
og rútan skella
saman
RÚTUSLYS Í FINNLANDI
Rúta og flutningabíll skullu saman í alvarlegu umferðarslysi í Finnlandi aðafaranótt föstudags.
Að minnsta kosti 24 ungmenni létust og 14 önnur slösuðust, þar af helmingurinn alvarlega.
Stækkun ESB:
Krafa um
atvinnuleyfi
ÓSLÓ, AP Norska stjórnin hefur
lagt fram lagafrumvarp þess
efnis að íbúar nýrra aðildarríkja
Evrópusambandsins, annarra en
Möltu og Kýpur, fá ekki strax full
atvinnuréttindi á við aðra íbúa
Evrópusambandsins og Evrópska
efnahagssvæðisins.
Íbúar flestra ríkjanna verða að
sækja um atvinnu- og búsetuleyfi
fyrst um sinn. Reglurnar eru svip-
aðar og þær sem Svíar og Danir
ætla að setja.
Norski ráðherrann Erna Sol-
berg sagði aðlögunartímann nauð-
synlegan til að ásókn erlendra
verkamanna yrði ekki til að lækka
laun og leggja byrðar á félagslega
kerfið. ■