Fréttablaðið - 25.03.2004, Síða 16

16 25. mars 2004 FIMMTUDAGUR
FRUMBYGGJAR MÓTMÆLA
Ástralskir frumbyggjar fóru í kröfugöngu að
þinghúsinu í Sydney í Ástralíu til að krefj-
ast opinberrar rannsóknar á dauða ungs
frumbyggja í síðasta mánuði. Dauði
drengsins varð kveikjan að óeirðum þar
sem tugir slösuðust.
LÖGREGLUMÁL Starfsmaður Lands-
bankans í Keflavík hefur verið
kærður fyrir fjárdrátt og hefur
lögreglan í Keflavík fengið málið
til rannsóknar. Útlánaeftirlit
Landsbankans kom upp um brot-
ið um miðja síðustu viku og var
starfsmanninum sagt upp störf-
um þegar í stað, en hann náði
peningum með því að færa fé á
milli reikninga. Lögreglan tekur
væntanlega skýrslu af starfs-
manninum og ákveður síðan
hvort tilefni er til að gefa út
ákæru á hendur honum.
Afskiptum bankans af málinu
er því að öllu leyti lokið, nema lög-
reglan óski eftir frekari upplýs-
ingum, að sögn Ársæls Hafsteins-
sonar, lögfræðings Landsbankans.
Ekki fæst uppgefið hversu mikla
fjárhæð er um að ræða, en ljóst er
að hún hleypur á milljónum
króna. Ársæll segir að enginn við-
skiptavina bankans hafi skaðast
vegna fjárdráttarins og að ekkert
annað starfsfólk bankans tengist
málinu. ■
Gagnrýni á tímasetningu:
Tölur alltaf að birtast
EFNAHAGSMÁL Birgir Ísleifur
Gunnarsson seðlabankastjóri
segir útgáfu Peningamála Seðla-
bankans ekki vitlaust tímasetta.
Greiningardeild Landsbankans
gagnrýndi að útgáfa ritsins væri
skömmu áður en Hagstofan birti
tölur um áætlaðan hagvöxt. Í
uppfærðri spá Seðlabankans var
spáð 3,5% hagvexti, en áætlaður
hagvöxtur Hagstofunnar hljóðar
upp á fjögurra prósenta hag-
vöxt. Birgir Ísleifur segir að
langur tími geti liðið þangað til
raunverulegar hagvaxtartölur
liggi fyrir. „Við gefum Peninga-
mál út miðað við langtímaáætl-
un. Við erum alltaf að fá nýjar og
nýjar tölur um hitt og þetta. Við
mátum það ekki svo að bráða-
birgðatölur um hagvöxt væru
eitthvað sem við værum sérstak-
lega að bíða eftir.“ ■
Fangaskipti:
Rússi fyrir
glímukappa
MOSKVA, AP Rússar slepptu tveim-
ur glímuköppum frá Katar úr
haldi í skiptum fyrir rússneskan
sendiráðsstarfsmann sem yfir-
völd í Katar handtóku. Sendi-
ráðsmaðurinn var handtekinn
ásamt tveimur öðrum Rússum
vegna gruns um að þeir hefðu
myrt tsjetjsenskan uppreisnar-
foringja sem lést þegar bíll sem
hann var í sprakk í loft upp í Kat-
ar fyrr á þessu ári.
Glímukapparnir voru hand-
teknir á alþjóðaflugvellinum í
Moskvu skömmu eftir að Rúss-
arnir þrír voru handteknir í Katar
eftir árásina á hryðjuverka-
foringjann.
Tveir Rússanna eru enn í
haldi. Bandaríkjamenn segjast
hafa aðstoðað stjórnvöld í Katar
við að hafa hendur í hári Rúss-
anna. ■
SÖLUSKRIFSTOFA ICELANDAIR Á LOFTLEIÐUM
Fatlaðir eiga ekki greiðan aðgang að einu söluskrifstofu félagsins.
AÐGENGI „Það hlýtur að vera krafa
okkar sem erfitt eigum með að
komast um, að fyrirtæki á borð
við Icelandair bjóði óheft að-
gengi,“ segir Arnór Pétursson,
formaður Sjálfsbjargar, en tröpp-
ur hefta aðgang fatlaðra að sölu-
skrifstofu Icelandair á Loftleið-
um.
„Eitt er þegar smærri fyrir-
tæki eiga í hlut en hjá risafyrir-
tækjum á borð við þetta getur
það ekki verið flókið að koma upp
pöllum eða öðru því sem hjálpar
okkur að komast leiðar okkar.“
Arnór segir að mýmörg dæmi
séu um heft aðgengi fatlaðra víða
um landið þrátt fyrir að átak hafi
verið gert undanfarin ár. „Það er
líka sívaxandi fjöldi af eldra fólki
í samfélaginu sem margt á erfitt
með að komast um fyrirhafnar-
laust og það hlýtur að verða for-
gangsmál hjá ríki og fyrirtækj-
um að haga málum í takt við þá
þróun.“
Guðjón Arngrímsson, blaða-
fulltrúi Icelandair, sagði að til
stæði að breyta viðkomandi inn-
gangi innan tíðar og á teikningum
væri gert ráð fyrir aðgengi fatl-
aða. ■
WASHINGTON, AP Hætturnar sem
fylgja offituvandamálum
bandarískra barna eru svo
miklar að hætt er við að
þær þurrki út allan þann
árangur sem náðst hefur á
öðrum sviðum í heilbrigðis-
og öryggismálum barna síð-
ustu þrjá áratugina.
Þetta kemur fram í nýrri
skýrslu vísindamanna við
Duke-háskóla. „Offita barna
hefur aukist það mikið að nú
má líta á hana sem nútíma-
faraldur,“ segir í skýrslunni.
15,6% bandarískra barna og
unglinga á aldrinum tólf til
nítján ára áttu við offitu að
stríða á síðasta ári. Það er
nær þrefalt hærra hlutfall
en 1974, þegar 6,1% þjáð-
ist af offitu.
Á sama tíma hefur dregið úr
öðrum sjúkdómum, fíkniefna-
neyslu og hættu á að börn verði
fyrir ofbeldi. ■
Offita barna:
Eyðileggur aðra úrbót
FR
ÉT
TA
B
LA
Ð
IÐ
/V
AL
LI
SEÐLABANKASTJÓRI
Birgir Ísleifur segir útgáfu Peningamála
ekki vitlaust tímasetta.
LANDSBANKINN
Starfsmaður Landsbankans í Keflavík hefur verið kærður fyrir fjárdrátt. Lögreglan í Keflavík
hefur fengið málið til rannsóknar, en fjárdrátturinn hleypur á milljónum króna.
Fjárdráttur hjá Landsbankanum kærður:
Lögreglan
rannsakar málið
GUÐJÓN ARNGRÍMSSON
Guðjón segir að það standi til að bæta
aðgengi fatlaðra við Loftleiðir.
Söluskrifstofa Icelandair:
Heft aðgengi
fatlaðra