Fréttablaðið - 25.03.2004, Page 32

32 25. mars 2004 FIMMTUDAGUR
■ Afmæli
■ Andlát
Bandaríkjamenn drógu síðustuhersveitir sínar frá Sómalíu á
þessum degi árið 1994 eftir nokkuð
misheppnaða tilraun til að koma
stjórn á í landinu og stöðva borgara-
stríð sem hafði geisað síðan 1992 eft-
ir að hafa dvalið í landinu í fimmtán
mánuði.
Borgarastríðið í Sómalíu hófst
1992 eftir verstu þurrka aldarinnar í
Afríku. Afleiðingin var hungursneyð
og átti fjórðungur Sómala á hættu að
deyja úr hungri. Í ágúst hófust að-
gerðir Sameinuðu þjóðanna við að
dreifa matvælum og lyfjum en í des-
ember var ljóst að hersveitir Sam-
einuðu þjóðanna gátu ekki haft
stjórn á stríðsherrum landsins. Í
kjölfarið sendi George Bush eldri
25.000 hermenn til landsins. Í júní
1993 voru einungis 4.200 bandarískir
hermenn í landinu þegar hermenn
Mohammed Aidid réðust á og drápu
24 pakistanska friðargæsluliða. Í
kjölfarið voru 400 sérsveitarmenn
sendir til landsins í tilraun til að ná
Aidid. Í október létust 18 þeirra og
84 voru særðir eftir misheppnaða
árás á Olympia Hotel í Mogadishu.
Var þetta ofbeldisfyllsti bardagi
bandarískra hersveita síðan í
Víetnam. Þremur dögum síðan skip-
aði Bill Clinton hermönnunum að
draga sig til baka þrátt fyrir að Aidid
hafði ekki náðst. Síðustu hermenn-
irnir fóru svo heim tæpum fimm
mánuðum síðar.
Ridley Scott gerði kvikmyndina
Black Hawk Down um bardagann
um Olpymíu hótelið árið 2002.
Þórhildur Þorleifsdóttir leikstjóri er 59
ára.
Sigurður Karlsson leikari er 58 ára.
Andri Sigþórsson knattspyrnumaður er
27 ára.
Ég ætla að fara á æfingu meðLéttsveit Reykjavíkur,“ segir
Tómas R. Einarsson tónlistarmaður
sem er 51 árs í dag. „Léttsveitin er
120 kvenna kór og við erum að æfa
fyrir tónleika sem verða haldnir 3.
apríl og fyrir Ítalíuferð í byrjun
júní. Fyrir hádegi í dag verð ég svo
að vinna í nýju lagi fyrir stórsveit
sem ætlar að spila á Listahátíðinni
og samanstendur af Jagúar og sjö
manna úrvalssveit í jazzi og rokki.
Samúel í Jagúar velur lög af plötum
mínum fyrir óhefðbundna stórsveit
og þar á meðal verður eitt nýtt lag
eftir mig.“
Afmælisstemmingin verður eitt-
hvað í minni kantinum hjá Tómasi í
dag. Hann eldaði þó kjötsúpu fyrir
sína nánustu í gær-kveldi. „Ég fæ
mér svo kannski sérrístaup í kvöld
og súkkulaði með. Það er dömulegt
og passar vel fyrir eldri herra.“
Tómas er nýkominn frá Kúbu
þar sem hann var að hlusta á tónlist,
hitta tónlistarmenn og kvikmynda-
gerðarmenn, drekka romm og
borða humar. „Það hefur safnast
saman mikið af heimildarefni, bæði
sem var tekið í fyrra og því sem
bætt var við núna. Það er búið að
skrifa handrit að heimildarmynd
sem verður um það bil hálftími af
þeim sjö klukkustundum sem við
eigum.“
Það er slagverkið sem heillar
Tómas mest við kúbanska tónlist.
„Það er fyrst og fremst rythminn
og það kroppslega sem heillar mig
við þessa músík. Jazzinn var
framan af danstónlist, þannig að
kannski er þetta einhver ómeðvit-
uð tilraun til að draga dansinn inn
í jazzinn aftur.“ Sjálfur dansar
Tómas og gerði það síðast á Kúbu
á balli innfæddra undir vökulu
auga kvikmyndatökumanns.
„Manni finnst ekki mikið til sjálfs
síns koma þegar maður er meðal
Kúbana í dansi.“
Engin ný plata er í bígerð þetta
árið, en þess í stað stefnir Tómas á
bókaútgáfu með haustinu. „Ég er
að hreinskrifa gamlar nótur því ég
er að gefa út bók með sjötíu til átta-
tíu lögum eftir mig. Þetta verður
þykk og mikil bók sem mun kallast
Jazzbiblía Tómasar R.“ ■
Afmæli
TÓMAS R. EINARSSON
■ er 51 árs. Vinnur í tónlist á
afmælisdaginn.
SARAH JESSICA PARKER
Þessi heillandi heimilisvinur úr Beðmálum
í borginni er 39 ára í dag.
25. mars
■ Þetta gerðist
1584 Fyrstu landnemarnir frá Englandi
halda af stað til Bandaríkjanna.
1668 Fyrstu skráðu veðreiðarnar í
Bandaríkjunum fara fram.
1899 Reuter barón, stofnandi fréttastof-
unnar sem ber nafn hans, deyr.
1918 Tónskáldið Claude Debussy deyr í
París.
1951 Bandaríski hershöfðinginn
Douglas MacArthur hótar
Kínverjum árásum í lofti og á legi
í Kóreustríðinu.
1954 RCA hefur framleiðslu á litsjón-
varpstækjum fyrir almennan
markað.
1961 Rússar koma geimfarinu Sputnik
10 á sporbaug jarðar með hund
innanborðs.
1975 Faisal, konungur Sádi-Arabíu, er
myrtur af frænda sínum.
1991 Dances with Wolves fær Ósk-
arsverðlaun sem besta myndin.
1996 Braveheart fær Óskarsverðlaun
sem besta myndin.
2001 Gladiator fær Óskarsverðlaun
sem besta myndin.
ÚR MYNDINNI BLACK HAWK DOWN
Mynd sem fjallaði um bardaga sérsveitar-
manna Bandaríkjahers við stríðsherrann
Mohammed Aidid og liðsmenn hans.
Barist um Ólympíuhótelið
SÓMALÍA
■ Síðustu bandarísku hersveitirnar
yfirgefa landið.
25. mars
1994
Sérrístaup og súkkulaði
passar vel fyrir eldri herra
Blaðamenn verðlauna sig
Verðlaununum er ætlað að hvetjafólk til dáða og stuðla að vönduð-
um og góðum vinnubrögðum,“ segir
Róbert Marshall, formaður Blaða-
mannafélags Íslands, um blaðamann-
verðlaunin sem félagið hefur ákveðið
að veita árlega.
Verðlaunað er í þremur flokkum;
fyrir Bestu umfjöllun ársins 2003,
Rannsóknarblaðamennsku ársins
2003 og síðan verða Blaðamannaverð-
laun ársins 2003 einnig afhent þeim
blaðamanni sem hefur lagt sig í líma
við að velta steinum og varpa ljósi á
tiltekin mál með almannahagsmuni í
huga.
Verðlaunin verða afhent í fyrsta
skipti á Pressuballi sem haldið verður
á Hótel Borg á síðasta degi vetrar, 21.
apríl. Verðlaunin þykja vegleg en auk
gullpenna, sem ekki er búið að hanna,
og viðurkenningarskjals fylgja
100.000 króna peningaverðlaun verð-
launum í öllum flokkunum þremur.
Það má því segja að Blaðamanna-
félagið horfi til glæstrar fortíðar en
gullpennum var á sínum tíma útdeilt í
viðurkenningarskyni og sjálf Pressu-
böllin eru margrómuð og voru meðal
helstu viðburða í samkvæmislífinu á
árum áður.
Blaðamannafélagið tekur við til-
nefningum frá almenningi og rit-
stjórnum fjölmiðla á heimasíðu
félagsins Press.is til 6. apríl. Þá
leggst fimm manna dómnefnd skipuð
Birgi Guðmundssyni sem formanni,
Elínu Pálmadóttur, Elínu Albertsdótt-
ur, Sigmar Guðmundssyni og Lúðvík
Geirssyni yfir tilnefningarnar.
Róbert sagðist aðspurður ekki
telja Blaðamannaverðlaunin sam-
bærileg við Edduverðlaunin sem fag-
fólk í sjónvarps- og kvikmyndagerð
afhendir árlega og benti til að mynd á
að fari svo að allar tilnefningar séu
„ömurlegar“ verði einfaldlega engin
verðlaun afhent það árið. ■
Anna Margrét Jónsdóttir frá Akureyri,
búsett í Danmörku, er látin.
Dalrós Sigurgeirsdóttir, hjúkrunarheim-
ilinu Garðvangi, Garði, áður til heimilis í
Þórunnarstræti 130, Akureyri, er látin.
Jarðarförin hefur farið fram í kyrrþey.
Katrín Guðmundsdóttir frá Ytri-Skóg-
um, lést föstudaginn 19. mars.
Sigríður Jónsdóttir, Heinabergi 24, Þor-
lákshöfn, lést mánudaginn 22. mars.
13.30 Ferdinand Jónsson, Bakkahlíð
39, Akureyri, verður jarðsunginn
frá Akureyrarkirkju.
13.30 Guðmundur Pálmason jarðeðlis-
fræðingur, Miðleiti 1, Reykjavík,
verður jarðsunginn frá Dóm-
kirkjunni.
14.00 Hrönn Benónýsdóttir, Sundstræti
35b, Ísafirði, veður jarðsungin frá
Einarsstaðakirkju.
15.00 Guðbjörg M. Friðriksdóttir, Efsta-
hjalla 1c, Kópavogi, verður jarð-
sungin frá Neskirkju við Hagatorg.
■ Jarðarfarir
ARNA SCHRAM, BIRGIR GUÐMUNDS-
SON OG RÓBERT MARSHALL
Telja ekki raunhæft að bera Blaðamanna-
verðlaunin saman við Edduverðlaunin og í
því sambandi benti Birgir á að ólíku væri
saman að jafna þar sem Edduverðlaunin
snúist um stór og því oft fá verkefni á
meðan fréttaritstjórnir framleiði efni á
hverjum degi sem sé gjaldgengt í keppn-
inni um Blaðamannaverðlaunin.
Verðlaun
BLAÐAMANNAFÉLAG ÍSLANDS
■ Ætlar að verðlauna fjölmiðlafólk fyrir
vönduð störf. Formaður félagsins telur full-
víst að aldrei muni ríkja fullkomin sátt um
niðurstöður dómnefnda en gerir þó ráð
fyrir að það muni takast að finna einhverja
samnefnara sem allir geti sætt sig við.
PAUL MICHAEL GLASER
Leikarinn sem gerði garðinn frægan sem
Starsky í sjónvarpsþáttunum
Starsky & Hutch er 61 árs í dag.
TÓMAS R. EINARSSON
Kúbönsk áhrif á tónlist Tómasar eru ómeðvituð tilraun til að draga dansinn inn í jazzinn aftur.
FR
ÉT
TA
B
LA
Ð
IÐ
/V
IL
H
EL
M