Fréttablaðið - 21.04.2004, Blaðsíða 8
8 21. apríl 2004 MIÐVIKUDAGUR
Óeðlilegt að kenna fjölmiðl-
um um
„Við teljum í hæsta máta óeðli-
legt að kenna fjölmiðlaumræðu
um læknamistök um atgervis-
flótta úr læknastéttinni.“
Guðrún Óskarsdóttir, stjórnarformaður Lífsvog-
ar, Fréttablaðið 20. apríl
Innantómt hjal
„Það gerist nákvæmlega ekki
neitt. Menn hittast, rabba eitt-
hvað saman en pappírar ganga
lítið sem ekkert á milli manna
og annað er í sama dúr.“
Finnbogi Sigurðsson, formaður Félags grunn-
skólakennara, Morgunblaðið 20. apríl
Engin loforð gefin
Ég vil engu lofa um framtíðina
en við munum sem fyrr gera
okkar besta.“
Árni Guðmundsson, framkvæmdastjóri Lífeyris-
sjóðs sjómanna, DV 20. apríl
Orðrétt
Fjölmiðlaskýrsla kynnt ríkisstjórn:
Stjórnin vill kynna
sér innihaldið
STJÓRNMÁL Stjórn þingflokks Sam-
fylkingarinnar hefur farið fram á
umræður um óbirta skýrslu nefnd-
ar menntamálaráðherra um fjöl-
miðla. Skýrslan var kynnt ríkiss-
tjórninni á ríkisstjórnarfundi í
gærmorgun. Menntamálaráðherra
hyggst ekki birta skýrsluna strax.
„Við teljum það óeðlilegt og óvið-
eigandi að menntamálaráðherra
haldi skýrslunni leyndri,“ segir
Ágúst Ólafur Ágústsson, þingmað-
ur Samfylkingarinnar. Hann segir
efni hennar þannig haldið frá lýð-
ræðislegri umræðu.
Steingrímur Sigurgeirsson, að-
stoðarmaður menntamálaráð-
herra, segir að ríkisstjórnin ákveði
birtingu skýrslunnar. „Skýrslan
var kynnt í ríkisstjórn. Hún er
viðamikil og menn vildu tíma til
þess að kynna sér efni hennar.“
Næsti ríkisstjórnarfundur er á
föstudag og telur Steingrímur ekki
ólíklegt að skýrslan verði birt í
kjölfarið. „Hún verður rædd á
þeim fundi og ríkisstjórnin mun
taka afstöðu til framhaldsins þá.“
Hann segir ekki standa til að halda
skýrslunni leyndri. ■
Gæti ógnað lista- og menn-
ingarsögu þjóðarinnar
Ríkissaksóknari sagði fyrir Hæstarétti að Pétur Þór Gunnarsson og Jónas Freydal Þorsteinsson, sakborningar
í stóra málverkafölsunarmálinu, hefðu mátt vita að tugir málverka sem þeir létu selja væru fölsuð. Verjandi
Péturs Þórs krafðist frávísunar eða sýknunar og sagði brotið á mannréttindum skjólstæðings síns.
HÆSTIRÉTTUR „Ég þakka fyrir að
það skuli vera til æðra dómsvald
til að taka á málinu. Það er ýmsu
veigamiklu ábótavant í rannsókn
lögreglunnar og hið sanna á eftir
að koma í ljós,“ sagði Jónas Frey-
dal Þorsteinsson, þegar hann
mætti í Hæstarétt í gær til að vera
viðstaddur málflutning í stóra
málverkafölsunarmálinu.
Héraðsdómur dæmdi Jónas,
ásamt Pétri Þór Gunnarssyni,
fyrrverandi eiganda Gallerís
Borgar, í nokkurra mánaða fang-
elsi vegna málsins í fyrra, en þeir
voru ákærðir vegna fölsunar á
rúmlega 100
m á l v e r k u m .
Sannað þótti að
þeir hefðu vitað
af sex fölsunum,
en héraðsdómur
féllst ekki á rök-
semdarfærslu
ákæruvaldsins
fyrir því að tví-
menningarnir
hefðu sjálfir
falsað verkin
eða látið falsa
þau. Vegna sko-
rts á sönnunargögnum á um 60
verkum, sem sögð eru eftir Svav-
ar Guðnason, er nú einungis um
helmingur af hinum meintu föls-
uðu verkum til umfjöllunar fyrir
Hæstarétti.
Pétur Þór og Jónas eru ákærð-
ur fyrir skjalafals og fjársvik og
fyrir að hafa með skipulögðum
hætti blekkt viðskiptavini til að
kaupa myndverk eftir að hafa
falsað upplýsingar um þau. Enn-
fremur eru þeir ákærðir fyrir að
hafa ýmist falsað eða látið falsa
myndverkin og höfundarmerk-
ingu þeirra, en í sumum tilvikum
eru þeir sakaðir um að hafa málað
yfir verk annars höfundar, eða
merkt eða látið merkja myndverk
óþekktra höfunda með nöfnum
þekktra listamanna.
Sóknarræða ríkissaksóknara
fyrir Hæstarétti tók sjö klukku-
stundir, en hann krafðist þess að
Pétur Þór og Jónas, sem báðir
neita sök, yrðu dæmdir til þyngri
refsingar og til greiðslu skaða-
bóta. Hann sagði að í málinu bæri
allt að sama brunni því vísinda-
rannsóknir, álit listfræðinga og
annarra sérfræðinga og hefðbund-
in lögreglurannsókn bentu ótví-
rætt til þess að málverkin væru
fölsuð. Til dæmis hefði svokallað
arkíð-fylliefni fundist í mörgum
sýnum sem tekin voru á olíumál-
verkum, sem talin voru fölsuð, og
það skipti miklu máli við úrlausn
málsins. Hann benti á að arkíð
hefði ekki verið aðgengilegt ætl-
uðum höfundum verkanna og
rannsókn málsins hefði leitt í ljós
að efnið væri samnefnari fyrir
verkin sem væru til meðferðar. Þá
kom fram í sóknarræðu ríkissak-
sóknara að niðurstaða smásjár-
greiningar á pappír gæfi góða vís-
bendingu um allt það sem skipti
máli og til mynda hefði pappír,
sem notaður var í einu verka
Svavars Guðnasonar, ekki verið
framleiddur fyrr en löngu eftir að
verkið var gert, auk þess sem rit-
handargreining hefði sýnt fram á
misræmi á verkunum.
Bogi Nilsson taldi óyggjandi
vísbendingar um að sakborning-
arnir hefðu að minnsta kosti mátt
vita að verkin sem þeir eru ákærð-
ir fyrir, væru fölsuð, því uppruni
þeirra væri óþekktur og eigenda-
saga ófullnægjandi. Brotin hefðu
skaðað listaverkaheiminn og gætu
ógnað þætti í lista- og menningar-
sögu þjóðarinnar. Pétur Þór sagði
ekkert nýtt komið fram í málinu.
„Mér finnst leiðinlegt að hlusta
á þetta, enda hef ég fyrir löngu
fengið upp í kok af þessu máli. Ég
er saklaus,“ sagði Pétur Þór. Ragn-
ar Aðalsteinsson, verjandi hans,
krafðist frávísunar eða sýknu.
„Það liggur engin sönnun fyrir
því að hann hafi framið refsiverð
brot, auk þess sem það hefur með
margvíslegum hætti verið brotið
gegn flestum meginreglum rétt-
arfarsins í málsmeðferðinni.
Skjólstæðingur minn hefur sætt
óréttlátri málsmeðferð,“ sagði
Ragnar.
Hann lagði fram gögn um að
talið væri að íslensk málverk í
einkaeigu sem myndu finnast, lík-
legast í Danmörku, frá fyrstu tíð
gömlu meistaranna, yrðu líklega á
þriðja þúsund talsins, en hefðu
upprunalega verið um fimm þús-
und. Ragnar efaðist um sönnunar-
gildi sumra sérfræðinga og benti
til dæmis á þá togstreitu sem hefði
verið á milli samkeppnisfyrir-
tækjanna Gallerís Borgar og
Morkinskinnu á sínum tíma, en
Ólafur Ingi Jónsson forvörður,
sem kærði falsanirnar, er einn af
eigendum Morkinskinnu. Mál-
flutningnum lýkur í dag og er bú-
ist við að dómur verði kveðinn upp
eftir tvær til þrjár vikur.
bryndis@frettabladid.is
Ríkiskaup:
Útboð vegna
Austurhafnar
UPPBYGGING Ríkiskaup hyggjast
efna til forvals vegna veitingu
sérleyfis til að byggja, eiga og
reka tónlistarhús, ráðstefnu-
miðstöð og hótel við Austur-
höfnina í Reykjavík.
Er stefnt að því að samning-
ar náist við einn bjóðanda en
leyfið felur í sér að verktaki
ábyrgist fjárhagslega, rekstar-
lega og tæknilega þætti fram-
kvæmdarinnar. Skal viðkom-
andi fjármagna og byggja ein-
ingarnar auk þess að sjá um
rekstur mannvirkjanna á samn-
ingstímanum. ■
TVEIR FLUTTIR Á SLYSADEILD
Þriggja bíla árekstur á Kringlumýrarbraut
tafði umferð í um klukkutíma.
Þriggja bíla árekstur á
Kringlumýrarbraut:
Umferðar-
tafir í kjölfar
áreksturs
UMFERÐARSLYS Þriggja bíla árekst-
ur varð á Kringlumýrarbraut
við brúnna yfir Bústaðaveg
klukkan korter yfir fjögur í
gærdag. Tveir voru fluttir með
sjúkrabíl á slysadeild en þeir
voru ekki taldir alvarlega slas-
aðir.
Áreksturinn varð þegar einni
bifreið var ekið á annan bíl sem
stóð bilaður út í kanti og kastað-
ist sá fyrrnefni á þriðja bílinn og
þaðan á brúarstöpul brúarinnar
yfir Bústaðaveg. Bílarnir voru
allir fluttir af slysstað með
kranabíl.
Miklar umferðartafir urðu í
kjölfar árekstursins og óskaði
lögreglan í Reykjavík eftir því
við lögregluna í Hafnarfirði og
Kópavogi að lokað yrði fyrir
umferð sem stefndi norður eftir
Kringlumýrarbraut. Umferðar-
tafir stóðu í um klukkutíma á
öllum helstu umferðaræðum í
kringum slysstaðinn. Opnað var
aftur fyrir umferð á Kringlu-
mýrarbraut skömmu fyrir
klukkan hálf sex. ■
BEÐIÐ MEÐ BIRTINGU
Þorgerður Katrín Gunnarsdóttir mennta-
málaráðherra kynnti skýrslu nefndar um
fjölmiðla á ríkisstjórnarfundi í gærmorgun.
Ríkisstjórnin vill kynna sér efni hennar
áður en hún er birt. Samfylkingin vill sjá
skýrsluna og ræða hana á Alþingi.
FR
ÉT
TA
B
LA
Ð
IÐ
/V
IL
H
EL
M
MÁLFLUTNINGUR
Málflutningur í Hæstarétti í stóra málverkafölsunarmálinu hófst með sjö klukkustunda langri sóknarræðu Boga Nilssonar, ríkissaksóknara.
Málflutningnum lýkur í dag og er búist við dómi eftir tvær til þrjár vikur.
FR
ÉT
TA
B
LA
Ð
IÐ
/G
VA
SAKBORNINGURINN OG FORVERÐIRNIR
Fram kom í Hæstarétti í gær að togstreita hefði verið á milli samkeppnisfyrirækjanna Gall-
erís Borgar og Morkinskinnu á sínum tíma, en Ólafur Ingi Jónsson forvörður, sem kærði
málverkafalsanirnar, er einn af eigendum Morkinskinnu.
„Mér finnst
leiðinlegt að
hlusta á
þetta, enda
hef ég fyrir
löngu fengið
upp í kok af
þessu máli.
Ég er saklaus.