Fréttablaðið - 21.04.2004, Blaðsíða 25
„Það sniðugasta sem ég hef keypt er
kaffibrennsluofninn sem ég keypti
þegar ég byrjaði framleiðsluna,“ segir
Aðalheiður Héðinsdóttir, eigandi Kaffi-
társ. „Ég keypti hann notaðan árið
1989 fyrir frekar lítinn pening og hann
hefur nýst mér ofboðslega vel síðan.
Ég er enn að nota hann þó ég hafi ein-
mitt verið að kaupa nýjan ofn. Þessi
gamli verður þó notaður áfram sam-
hliða þeim nýja.“
Aðalheiður segist vera mjög hagsýn
í innkaupum, sérstaklega í því sem
snýr að fyrirtækinu og stærri hlutum.
„Ég er ekkert merkjafrík og nýi ofninn
er til dæmis keyptur hjá litlu fyrirtæki
í Portúgal og er algjörlega óþekkt
merki. Ég fór og skoðaði hann og leist
mjög vel á en í svona tilfellum hika ég
ekki við að leita ráða. Ég spurðist fyrir
hjá aðilum sem eiga og nota svona ofn
og tók ákvörðun eftir það.“
Aðalheiður segist þó láta tilfinning-
una ráða í smærri innkaupum, eins og
þegar hún kaupir mat og föt. „Ég eltist
þó ekki sérstaklega við tilboð og kaupi
til dæmis gjarnan föt hjá íslenskum
hönnuðum.“
Miðvikudagur 21. apríl 2004 3
Góð ráð
INGÓLFUR HRAFNKELL INGÓLFSSON
SVARAR SPURNINGU UM INNBORGUN
Á HÖFUÐSTÓL.
Lánstími styttist
Sæll og blessaður.
Ég hef verið að fylgjast með umræðunni um að borga inn á
höfuðstól á lánum og er orðin spennt að vita eitt. Ef ég er
með lífeyrissjóðslán að upphæð til dæmis tvær milljónir,
þarf ég ekki að borga svolítið hressilega inn á til að lækkunin
verði einhver að ráði? Tekur því nokkuð að borga til dæmis
20–30 þúsund inn á höfuðstólinn? Og ef ég geri það hver yrði
lækkunin á mánaðarafborgun? En ef ég er með bílalán að
upphæð eina milljón, hver yrði lækkunin þá?
Með fyrirfram þökk og einnig þakkir fyrir frábærar greinar.
Guðný Sigurðardóttir
Sæl Guðný.
Til þess að svara þessum
spurningum nákvæmlega
þyrfti ég að vita upphæð mán-
aðarlegrar afborgunar og
hverjir vextirnir eru, en ég get
gefið þér dæmi: Gefum okkur
að vextir af lífeyrissjóðsláninu
séu 6,5% og mánaðarleg af-
borgun 20.000 og afborgun af
bílaláninu sé 15.000 á mánuði
og vextir 8%. Það væru þá 12
ár eftir af lánstíma lífeyris-
sjóðslánsins og sjö ár og fjórir
mánuðir af bílaláninu. Með því
að setja þessi lán í veltukerfið
og greiða 20.000 krónur inn á
höfuðstól fyrsta lánsins, myndi
lánstími bílalánsins styttast um
fjögur ár og átta mánuði og líf-
eyrissjóðslánsins um sex ár og
sjö mánuði. Þú yrðir skuldlaus
eftir sex ár og 11 mánuði. Með
því að greiða 30.000 krónur inn
á höfuðstólinn í veltukerfinu
yrðir þú skuldlaus eftir fjögur
ár og fimm mánuði í stað 12
ára. Á þessu dæmi sést að það
getur munað verulega á láns-
tímanum að nota aðferð veltu-
kerfisins svo ekki sé minnst á
þann sparnað sem næst með
styttingu lánstímans. Þú spyrð
einnig hvort ekki þurfi að
borga hressilega inn á höfuð-
stólinn til þess að stytta láns-
tímann að einhverju ráði. Svar-
ið er nei, ekki endilega. Í dæm-
inu sem ég tók styttist lánstím-
inn úr 12 árum í níu ár og sjö
mánuði með því einu að nota
aðferð veltukerfisins án þess
að bæta við greiðslubyrðina.
Forsendan er sú að halda
óbreyttri greiðslubyrði út láns-
tímann og nota þá peninga sem
losna við að greiða niður fyrsta
lánið til þess að greiða inn á
höfuðstólinn á því næsta og svo
koll af kolli. Þetta lítur út fyrir
að vera flókið en á heimasíð-
unni spara.is er dæmi sem sýn-
ir hvernig veltukerfið vinnur.
Ég vona að þú sért einhverju
nær með þessar skýringar.
Kær kveðja,
Ingólfur Hrafnkell Ingólfsson,
félagsfræðingur og leiðbeinandi
á námskeiðum Fjármála heim-
ilanna.
Viltu leita ráða hjá Ingólfi? Sendu spurningar á fjarmal@frettabladid.is
Bestu kaupin:
Fyrsti kaffibrennsluofninn
Aðalheiður Héðinsdóttir
Eltist ekki við merkjavörur og keypti sér
nýlega nýjan kaffibrennsluofn hjá litlu
portúgölsku fyrirtæki.