Fréttablaðið - 21.04.2004, Blaðsíða 14
14 21. apríl 2004 MIÐVIKUDAGUR
SILVIO BERLUSCONI
Forsætisráðherra Ítalíu kom til Moskvu í
gær til að vera viðstaddur opnun nýrrar
ítalskrar verksmiðju. Berlusconi notaði
tækifærið og fór á fund Vladimirs Pútin
Rússlandsforseta til að ræða alþjóðleg
málefni á borð við stríðið gegn
hryðjuverkum og samstarf Rússa
við Evrópusambandið.
Heilbrigðisráðuneyti svarar lyfjafræðingum:
Allir eiga kost á
jafngóðri meðferð
HEILBRIGÐISMÁL „Allir sjúklingar
eiga því kost á jafngóðri meðferð og
áður og sömu niðurgreiðslum. Eini
munurinn er sá að ef valin eru dýrari
lyf verður viðkomandi læknir að
færa læknisfræðileg rök fyrir auk-
inni greiðsluþátttöku almannatrygg-
inga umfram viðmiðunarverð,“ segir
í yfirlýsingu frá heilbrigðisráðuneyt-
inu, þar sem fullyrðingum Lyfjafræð-
ingafélags Íslands er mótmælt.
Félagið hefur gagnrýnt harðlega
sparnaðaraðgerðir ráðuneytisins í
lyfjamálum.
Ráðuneytið bendir á, vegna full-
yrðinga um að ellilífeyrisþegar og
sjúklingar verði illa úti við þessar
breytingar, að framkvæmdin velti á
faglegum vinnubrögðum lækna og
lyfjafræðinga.
Í þremur lyfjaflokkum hafa verið
flokkuð saman sambærileg lyf sem í
völdum styrkleikum teljast jafngild
að teknu tilliti til verkunar, aukaverk-
ana og milliverkana. Efnafræðilega
eru þessi lyf mismunandi en skyld og
tilheyra sama verkunarflokki. Hér er
því ekki um að ræða að einstök lyf
séu „betri“ eða „verri“ þó að verð
þeirra sé mismunandi, segir ráðu-
neytið.
Hvort og hve mikið kostnaður
sjúklinga eykst vegna þessara breyt-
inga ræðst m.a. af því hvort og í hve
miklum mæli læknar sem ávísað hafa
dýrari lyfjum breyta til og ávísa
ódýrari lyfjum. Einnig er líklegt að
aukin samkeppni milli lyfja innan
hvers viðmiðunarverðflokks leiði til
verðlækkunar þeirra. ■
ATVINNUMÁL „Það varð að samkomu-
lagi að fella niður þessar dagsektir
þar sem þeir hafa nú gert bragarbót
vegna þeirra aðfinnsla sem við
gerðum varðandi mötuneytið,“ seg-
ir Helga Hreinsdóttir, formaður
Heilbrigðiseftirlits Austurlands.
Impregilo þarf því ekki að greiða
sektir að upphæð 700 þúsund krón-
ur vegna slælegra viðbragða við sí-
endurteknum kröfum heilbrigðis-
eftirlitsins.
„Þeir sýndu viðbrögð við kröfum
okkar um úrbætur á aðalmötuneyti
sínu og þar sem við fengum það í
gegn sem við óskuðum eftir fannst
okkur ekki ástæða til að ganga eftir
því að sektin yrði greidd.“
Komið hefur í ljós við eftir-
grennslan Fréttablaðsins að það
telst til algerra undantekninga að
heilbrigðiseftirlit á landinu gangi
hart eftir innheimtu dagsektar-
greiðsla. Dagsektum er gjarnan
beitt gangvart þeim fyrirtækjum
sem fylgja ekki lögum og reglum
um hollustu og heilbrigði en þær
eru jafnharðan felldar niður um leið
og viðkomandi gerir bragarbót á
sínum málum. Þess vegna er ekki
óvenjulegt að Impregilo sleppi við
sektina en hún er þó talsvert hærri
en þær sektir sem venjulega er
beitt. Í tilfelli Impregilo gerði Heil-
brigðiseftirlit Austurlands ítrekað
athugasemdir við aðbúnað og
starfsaðstöðu í aðalmötuneyti
Impregilo við Kárahnjúka. Þótti
meðal annars dúkur á gólfi ófull-
nægjandi og loftræsting ekki nægj-
anleg. Var ákveðið fyrir tæpum
tveimur vikum að vegna lítils vilja
Impregilo til endurbóta skyldi beita
70 þúsund króna dagsektum þangað
til úrbætur yrðu gerðar. Þær hafa
nú átt sér stað að mati Heilbrigðis-
eftirlits Austurlands.
„Dagsektarákvæðið er ekki jafn
beitt og það gæti verið en vissulega
beitum við því oft,“ segir Þorsteinn
Narfason hjá Heilbrigðisstofnun
Kjósarsvæðis. „Ef það væri ótví-
rætt að innheimtar dagsektir rynni
til reksturs viðkomandi heilbrigðis-
eftirlits þá væri þetta mun beittara
vopn en eins og staðan er í dag erum
við aðallega að prófa okkur áfram
með þetta enda um tiltölulega nýtt
ákvæði að ræða.“
Sigurjón Þórðarson, þingmaður
Frjálslynda flokksins, sem hefur
reynslu af dagsektarkerfinu úr
starfi sínu sem framkvæmdastjóri
Heilbrigðiseftirlits Norðurlands
vestra um árabil, segir kerfið vera
handónýtt. „Lög kveða á um að sekt-
ir falli niður þegar efndir eru gerð-
ar og ég hef undrast þetta lengi. Ég
hef reynt að fá svör frá umhverfis-
ráðuneytinu en ekki haft erindi sem
erfiði. Sjálfur stóð ég í ströngu út af
dagsektarmáli hér áður og komst að
því að dagsektarkerfið virkar alls
ekki.“
albert@frettabladid.is
Þriggja mánaða skilorð:
Þuklaði á
barnapíunni
DÓMSMÁL Maður um þrítugt var
dæmdur í þriggja mánaða skil-
orðsbundið fangelsi í Héraðsdómi
Reykjavíkur í gær fyrir kynferð-
isbrot með því að hafa, síðasta
vor, þuklað innanklæða stúlku
fæddri árið 1991.
Stúlkan var ásamt tveimur vin-
konum sínu að passa barn fyrr-
verandi sambýliskonu mannsins
þegar hann kom heim um miðjan
nótt. Eftir að hann hafði farið í
sturtu settist hann í sófann sem
stúlkurnar sváfu í og þuklaði á
stúlkunni. Hún sagði honum strax
að hætta, brast í grát og stúlkurn-
ar fóru til síns heima. ■
Baugur sagður vilja selja í
Big food:
Tilhæfulaus
orðrómur
VIÐSKIPTI Bréf Big Food Group
lækkuðu á breska markaðnum
þegar orðrómur komst á kreik um
að Baugur hygðist
selja 22 prósenta
hlut sinn í fyrir-
tækinu. Jón Ásgeir
Jóhannessson, for-
stjóri Baugs, segir
orðróminn til-
hæfulausan.
„Þessi orðróm-
ur kemur upp á sex
mánaða fresti, þeg-
ar lítið virðist vera
að gerast,“ segir Jón Ásgeir
Bréf Big Food féllu um 8,25 pens
eða í tæp 124 pens. Blaðið
Independent telur orðróminn líkleg-
an þar sem Baugur sitji á miklum
pappírshagnaði af kaupunum sem
keyptur var í fyrra á 40 pens. Blað-
ið bendir á að hægt hafi á sölu Big
Food Group og því lag fyrir Baug að
innleysa hagnað. ■
Símtöl Reykjavíkurborgar:
Allir símar til Og Vodafone
VIÐSKIPTI Fulltrúar Og Vodafone og
Innkaupastofnunar Reykjavíkur
hafa skrifað undir samninga um
að Og Vodafone taki við fast-
línusímaþjónustu og farsíma-
þjónustu fyrir Reykjavíkurborg.
Einnig var samið um talsímaþjón-
ustu við útlönd. Samningurinn er
gerður að undangengnu útboði
sem er það stærsta hérlendis á
sviði fjarskipta.
Umfang viðskiptanna er um-
talsvert en áætlað er að þau nái til
allra starfsstöðva Reykjavíkur-
borgar, sem eru um 150, og allra
farsíma, sem eru um 540. Hluti af
símaþjónustu Reykjavíkurborgar
var þegar hjá Og Vodafone. Nú
var hins vegar samið um alla
símaþjónustu borgarinnar.
Yfirfærsla þjónustunnar og út-
hlutun nýrra númera er þegar
hafin en henni verður lokið innan
tveggja mánaða. ■
UNDANÞÁGA
Ef sjúklingi gagnast betur að taka önnur lyf
en þau sem heyra undir viðmiðunarverð
getur læknir hans sótt um undanþágu frá
viðmiðunarverði með læknisfræðilegum
rökstuðningi.
TALSÍMI REYKJAVÍKURBORGAR
Sjöfn Kristjánsdóttir, forstjóri Innkaupastofnunar Reykjavíkur, og Einar Birkir Einarsson,
framkvæmdastjóri hjá Og Vodafone, skrifuðu undir samkomlag um
að öll símaþjónusta borgarinnar yrðu hjá Og Vodafone.
MÖTUNEYTI IMPREGILO
Þar hefur lengi vantað talsvert upp á að starfsmenn heilbrigðiseftirlits væru ánægðir.
Sektir vegna þess hafa verið felldar niður.
JÓN ÁSGEIR
Segir orðróminn
tilhæfulausan.
Impregilo sleppur
við háa fjársekt
Heilbrigðiseftirlit Austurlands hefur fellt niður 700 þúsund króna sekt sem verktakafyrirtækinu
Impregilo bar að greiða vegna þess að skilyrði matvælareglugerðar
voru ekki virt í aðalmötuneyti fyrirtækisins.