Fréttablaðið - 22.04.2004, Blaðsíða 6

6 22. apríl 2004 FIMMTUDAGUR
GENGI GJALDMIÐLA
Bandaríkjadalur 73.75 0,82%
Sterlingspund 130.39 -0,72%
Dönsk króna 11.71 -0,01%
Evra 87.17 -0,06%
Gengisvístala krónu 122,85 -0,01%
KAUPHÖLL ÍSLANDS
Fjöldi viðskipta 378
Velta 9.556 milljónir
ICEX-15 2.655 0,16%
Mestu viðskiptin
Kaupþing Búnaðarbanki hf. 495.312
Bakkavör Group hf. 207.198
Og fjarskipti hf. 206.596
Mesta hækkun
Flugleiðir hf. 4,11%
Össur hf. 3,85%
Bakkavör Group hf. 3,69%
Mesta lækkun
SÍF hf. -1,93%
Burðarás hf. -1,89%
Medcare Flaga -0,90%
ERLENDAR VÍSITÖLUR
DJ* 10.294,4 -0,2%
Nasdaq* 1.985,2 0,3%
FTSE 4.539,9 -0,6%
DAX 4.026,2 -0,9%
NK50 1.493,2 0,1%
S&P* 1.123,3 0,5%
*Bandarískar vísitölur kl. 17.00
Veistusvarið?
1Hvað er 45% hlutur Reykjavíkurborg-ar í Landsvirkjun metinn á?
2Frá hvaða landi eru herskipin sem núeru í Reykjavíkurhöfn?
3Hver skoraði þriðja mark Mónakó í3-1 sigrinum á Chelsea í meistara-
deild Evrópu?
Svörin eru á bls. XX
Sprengjuárás við höfuðstöðvar sádi-arabísku öryggislögreglunnar:
Níu létust og á annað hundrað særðust
RÍAD, AP Að minnsta kosti níu lög-
reglumenn og óbreyttir borgarar
biðu bana og á annað hundrað særð-
ust þegar tvær bílasprengjur
sprungu fyrir utan höfuðstöðvar
sádi-arabísku öryggislögreglunnar í
miðborg Ríad. Talið er að um sjálfs-
morðsárás hafi verið að ræða og
hefur lögreglan fundið lík eins árás-
armannanna. Á meðal hinna særðu
voru háttsettur embættismaður,
lögreglumenn, þrjú börn og fjöldi
óbreyttra borgara.
Miklar skemmdir urðu á bygg-
ingu öryggislögreglunnar og húsum
og ökutækjum í nágrenninu. Lög-
reglan girti svæðið af og lét rýma
nokkrar byggingar á meðan
slökkviliðsmenn börðust við eld
sem kviknaði í kjölfar sprenging-
anna. Yfir tuttugu sjúkrabílar voru
kallaðir á vettvang til að flytja slas-
aða á sjúkrahús.
Á undanförnum tveimur vikum
hefur ítrekað komið til átaka milli
lögreglu og íslamskra vígamanna í
Ríad og nágrenni og hafa yfirvöld
fundið að minnsta kosti fimm bíla
hlaðna sprengiefni. Bandarísk
stjórnvöld hafa varað við því að
hryðjuverkaárásir séu yfirvofandi í
Sádi-Arabíu og ráðlagt bandarískum
ríkisborgurum að yfirgefa landið.
Í fyrra fórst 51 maður í tveimur
sjálfsmorðsárásum íslamskra öfga-
manna í Ríad. ■
Fjöldi skólabarna fórst
í sjálfsmorðsárásum
Tugir manna fórust og yfir 200 særðust í sjálfsmorðsárásum uppreisnarmanna í Basra í gær-
morgun. Á meðal fórnarlambanna var fjöldi skólabarna. Breskir hermenn sem komu á vettvang
til að aðstoða særða voru grýttir af reiðum borgarbúum.
BASRA Að minnsta kosti 68 manns
fórust og á þriðja hundrað særð-
ust þegar uppreisnarmenn
sprengdu bílasprengjur við þrjár
lögreglustöðvar í borginni Basra í
Írak á háannatíma í gærmorgun.
Á meðal fórnarlambanna var fjöl-
di skólabarna. Skömmu síðar
sprakk sprengja við lögregluskóla
í bænum Zubair, skammt suður af
Basra, með þeim afleiðingum að
þrír Írakar biðu bana og fjórir
breskir hermenn særðust.
Þetta eru mannskæðustu árás-
ir sem gerðar hafa verið í Basra
síðan stríðið hófst fyrir rúmu ári.
Talið er að um sjálfsmorðsárásir
hafi verið að ræða en írakskir
embættismenn hafa leitt að því
líkum að hryðjuverkasamtökin
al-Kaída hafi staðið á bak við
ódæðin.
„Ég leit í kringum mig og sá
sundurtættan líkama nágranna
míns liggja á jörðinni,“ sagði
Íraki sem særðist í einni árás-
inni. Á meðal þeirra sem létust
voru sextán börn í tveimur skóla-
bílum sem voru leið fram hjá
einni lögreglustöðinni þegar
sprengjurnar sprungu. Að sögn
sjónarvotta voru lík margra
barnanna illa brunnin og nær
ómögulegt að bera kennsl á þau.
Breskir hermenn komu á vett-
vang til aðstoða særða en voru
grýttir af reiðum Írökum sem
sökuðu herinn um að hafa brugð-
ist þeirri skyldu sinni að gæta ör-
yggis borgarabúa. Um 8.700
breskir hermenn eru í Basra og
nágrenni. Tony Blair, forsætis-
ráðherra Breta, fordæmdi árás-
irnar í Basra þegar hann ávarp-
aði breska þingið í gær en ítrek-
aði að ekki stæði til að senda
fleiri hermenn til Írak.
Utanríkisráðherrann Jack
Straw sagði að þessi voðaverk
myndu ekki hafa nein áhrif á þau
áform hernámsliðsins að fram-
selja völdin í hendur heima-
manna 30. júní næstkomandi.
Á annað hundrað bandarískir
hermenn og yfir 1.170 Írakar
hafa fallið í bardögum í Írak þar
sem af er aprílmánaðar, sam-
kvæmt óstaðfestum tölum AP-
fréttastofunnar. ■
www.plusferdir.is
Portúgal
34.165 kr.
N E T
á mann m.v. 2 fullorðna og 2 börn, 2ja-11 ára, í íbúð með einu
svefnherbergi í 7 nætur á Elimar. Innifalið er flug, gisting,
ferðir til og frá flugvelli erlendis og allir flugvallarskattar.
Ef 2 fullorðnir ferðast saman 48.455 kr. á mann.
NETplus er einungis bókanlegur á www.plusferdir.is
18. og 25. maí
Verð frá
HERÞOTUR RÁKUST SAMAN Tveir
menn fórust þegar tvær þýskar
herþotur rákust saman yfir akri
skammt frá borginni Garding við
Norðursjó. Fjórir menn voru um
borð í orustuþotunum og tókst
tveim þeirra að stökkva út í fall-
hlíf. Að sögn sjónarvotta kviknaði
í þotunum við áreksturinn.
■ Evrópa
SPRENGING VIÐ LÖGREGLUSTÖÐ
Uppreisnarmenn óku bílum hlöðnum sprengiefni upp að þremur lögreglustöðvum í Basra og sprengdu sig í loft upp með þeim afleið-
ingum að tugir manna fórust.
SPRENGJUÁRÁS
Svartan reyk lagði yfir svæðið í kringum höfuðstöðvar sádi-arabísku öryggislögreglunnar í
miðborg Ríad í kjölfar sprengingarinnar.