Fréttablaðið - 22.04.2004, Blaðsíða 8
8 27. febrúar 2003 FIMMTUDAGUR
■ Asía
■ Evrópa
Hagsýnn húsfaðir
„Við skulum nú ekki fara að
eyða peningunum strax.“
Þórólfur Árnason borgarstjóri um sölu á hlut
borgarinnar í Landsvirkjun.
Fréttablaðið 21. apríl.
Æðri máttarvöld?
„Mér fannst eins og einhver
kippti mér út úr bílnum áður
en hann steyptist niður hlíð-
ina.“
Vilhjálmur Árnason bílstjóri slapp vel þegar
vörubíll hans steyptist 50 metra niður hlíð.
DV 21. apríl.
Íslenskur stríðsdans
„Eftir herlúðrablæstri herr-
anna vestra dansa íslenzku
tindátarnir á tánum.“
Sverrir Hermannsson um samskipti Davíðs
Oddssonar og George W. Bush.
Morgunblaðið 21. apríl.
Orðrétt
Kostnaður við björgun fer fram úr áætlun:
Ætla að ná Guð-
rúnu á flot í maí
BJÖRGUN Norska strandgæslan
gerir sér vonir um að fjölveiði-
skipið Guðrún Gísladóttir verði
komin að landi 15. maí næst-
komandi en skipið liggur á hafs-
botni við Lófót í Norður-Noregi
að því er fram kemur á fréttavef
Lofotposten. Talið er að tæp
vika sé eftir af undirbúnings-
vinnu en þá verði hægt að lyfta
skipinu af botninum en tæp tvö
ár eru síðan það sökk.
Í Lofotposten er haft eftir yf-
irmanni hjá strandgæslunni að
kostnaður við björgunina verði
mun meiri en þær 115 milljónir
íslenskra króna sem áætlað var
að verkið kostaði. Þá segir hann
að útgerðarfélaginu Festi verði
sendur reikningur þegar ljóst er
hver endanlegur kostnaður
verður. Stefnt er að því að hífa
skipið upp á yfirborðið í þrem-
ur lotum og verður skipinu
mjakað nær landi við Tarholm-
en þess á milli en þangað eru
um tvær sjómílur frá þeim stað
sem skipið er nú. Hafist verður
handa við að tæma skipið þegar
því hefur verið náð á flot en
fleiri hundruð þúsund lítra af
olíu er í skipinu. ■
Unglæknar á skurð-
sviði hrapa í launum
Laun unglækna á skurðsviði Landspítalans hafa hrunið í kjölfar sparnaðarað-
gerða þar. Launalækkun getur numið á annað hundrað þúsund krónum. Getur
þýtt mönnunarvanda á viðkomandi deildum, segir formaður Félags unglækna.
KJARAMÁL „Þessi launalækkun
unglækna er bundin við skurðsvið
Landspítalans,“ sagði Bjarni Þór
Eyvindsson, formaður Félags
unglækna. Þar var gerð sú breyt-
ing að deildarlæknar sinni vökt-
um í stað aðstoðarlækna áður.
Hinir fyrrnefndu fá þar með
meiri vinnu, en hinir síðarnefndu
minni vinnu sem því nemur.
„Þetta gerir það að aðstoðar-
læknarnir, það er unglæknarnir,
hrapa í launum,“ sagði Bjarni Þór
enn fremur. Hann bætti við að
þetta fyrirkomulag hefði ekki víð-
tæk áhrif í senn, þar sem hver
unglæknir starfi ekki nema 2-4
mánuði á skurðdeild á kandi-
datsárinu.
Um væri að ræða um 5-6 að-
stoðarlækna í hverjum mánuði.
Þeir gætu verið að tapa allt upp í
á annað hundrað þúsund krónum
úr launaumslaginu.
„Þessi breyting er verulega
bagaleg, því launakerfi unglækna
byggist aðallega á vöktum, þar
sem við erum á mjög lágum
grunnlaunum. Því má segja að
laununum sé algjörlega kippt und-
an mönnum með þessum breyt-
ingum,“ sagði Bjarni Þór.
Félag unglækna sendi yfir-
læknum skurðsviðs bréf, þar sem
þessari breytingu var mótmælt.
Þá ræddu fulltrúar félagsins við
stjórnendur spítalans og mót-
mæltu breytingunum, ekki síst í
ljósi þess að þær hefðu verið
gerðar með litlum fyrirvara.
„En þetta er erfið staða. Spítal-
inn getur fært rök fyrir því að
hann sé að bæta þjónustuna með
því að hafa reyndari lækna á vakt.
Hins vegar þarf hann að greiða
hærri laun, því deildarlæknar eru
hærri í vaktakaupi heldur en
unglæknar.“
Unglæknar eru skyldugir að
starfa í minnsta kosti tvo mánuði
á skurðdeild. Sumir hafa viljað
vinna þar lengur eða allt upp í
fjóra mánuði.
„Þessar breytingar draga
verulega úr því að fólk sækist
eftir að vinna lengur þarna held-
ur en það er skyldugt til,“ sagði
Bjarni Þór. „Menn geta þess
vegna lent í því að það verði
mönnunarvandi á skurðsviði, en
það á eftir að koma í ljós. Það
verður ekki fyrr en það koma
inn nýir aðstoðarlæknar frá og
með sumri sem afleiðingarnar
koma í ljós.“
jss@frettabladid.is
NORÐUR-KÓREUMENN FALLAST Á
KJARNORKUVIÐRÆÐUR Kim Jong
Il, leiðtogi Norður-Kóreu, hefur
tilkynnt kínverskum ráðamönnum
að hann vilji hefja samningavið-
ræður að nýju til að binda enda á
deilurnar um kjarnorkuáætlun
lands síns. Á fundi með kínversk-
um ráðamönnum í Peking sagðist
Kim Jong Il stefna að því að
hætta framleiðslu kjarnavopna.
MEINTUR STRÍÐSGLÆPAMAÐUR Í
FORSETAFRAMBOÐ Indónesískur
hershöfðingi sem
ákærður hefur verið
fyrir mannréttinda-
brot í Austur-Tímor
verður forsetaefni
Golkar-flokksins,
stærsta stjórnmála-
flokks Indónesíu, í
kosningunum í júlí.
Wiranto starfaði árum saman sem
ráðgjafi Suhartos, fyrrverandi
einræðisherra Indónesíu.
HUNDRUÐ FANGA FÁ SAKARUPP-
GJÖF Forseti Kirgisíu hefur
ákveðið að veita um 700 föngum
sakaruppgjöf í tilefni af tíu ára
afmæli kirgisku stjórnarskrárinn-
ar og 2.200 ára afmæli kirgiska
ríkisins. Um er að ræða konur
yfir 58 ára aldri og karlmenn yfir
65 ára aldri sem dæmd hafa verið
fyrir minni háttar afbrot.
Fimm innbrot í Reykjavík:
Brotist inn í
íbúðir
LÖGREGLAN Fimm innbrot voru til-
kynnt til lögreglunnar í Reykjavík
í gær. Brotist var inn í tvö íbúða-
hús í Grafarvogi í gærmorgun. Úr
annarri íbúðinni var stolið tölvu,
myndavél og skartgripum en
nokkru magni af innanstokks-
munum úr hinni íbúðinni. Þá var í
fyrrinótt brotist inn í nýbyggingu
í Bryggjuhverfinu og þaðan stolið
verkfærum. Að auki var brotist
inn í bíl og hótelherbergi. ■
MEINTUM HRYÐJUVERKAMÖNN-
UM SLEPPT Þrem mönnum, sem
handteknir voru síðastliðinn föstu-
dag vegna gruns um aðild að
sprengjuárásunum í Madríd
11.mars, hefur verið sleppt úr haldi.
Mennirnir þrír, Egypti, Marokkói
og Sádi-Arabi, viðurkenndu að hafa
þekkt þá sem skipulögðu árásirnar
en dómari taldi ekki forsendur til
að ákæra þá.
VINNUSTAÐUR BOUZIANE
Chirane Abdelkader Bouziane er imam í
mosku í úthverfi Lyon.
Hvatti til ofbeldis gegn
konum:
Klerk vísað
úr landi
FRAKKLAND, AP Yfirvöld í Frakk-
landi hafa vísað alsírskum mús-
límaklerk úr landi fyrir að hvet-
ja til ofbeldis gegn konum.
Franskt tímarit hafði það eft-
ir Chirane Abdelkader Bouziane
að hann teldi að karlmenn ættu
rétt á því að berja eiginkonur
sínar undir vissum kringum-
stæðum, til dæmis ef þær gerð-
ust sekar um hjúskaparbrot.
Bouziane hélt því fram að Kór-
aninn, helgirit múslíma, heimil-
aði slíkar refsingar.
Bouziane var handtekinn í
fyrradag og sendur í flugvél til
Alsír í gær. Lögfræðingur hans
segir að brottreksturinn sé
óréttmætur þar sem Bouziane
eigi fjölskyldu í Frakklandi,
tvær konur og sextán börn.■
Skemmtilegir g jafapakkar
á frábæru verði!
Góða
skemmtun!
©
D
IS
N
EY
Verðgildi 2
.190 kr.r il i .
r.
Verðgildi 2.490
kr.
Hlutafjáraukning Eddu miðlunar:
Hluthafafundinum frestað
VIÐSKIPTI Hluthafafundi í útgáfufé-
laginu Eddu miðlun sem halda átti
á morgun hefur verið frestað um
sinn. Fyrir fundinum liggur að
færa niður hlutfé félagsins og gefa
út nýtt hlutafé. Tap hefur verið að
rekstri félagsins og eigið fé nei-
kvætt. Nauðsynlegt er að auka
hlutaféð. Félag í eigu Björgólfs
Guðmundssonar á 68 prósent í fé-
laginu. Ekki er ennþá ljóst hvort
Mál og menning muni taka þátt í
aukningunni. Unnið er að því að
skoða hvort hægt verði að afla fjár
til þessa verkefnis. Einnig er litið
til þess að fleiri fjárfestar komi
hugsanlega að útgáfunni.
Verði félag Björgólfs eitt með í
hlutafjáraukningunni er ljóst að
það mun ráða yfir 90 prósent
hlutafjár. Samkvæmt heimildum
Fréttablaðsins er enginn ágrein-
ingur milli Máls og menningar og
Björgólfs um framhaldið. Menn
séu fyrst og fremst að leita leiða
til þess að efla fyrirtækið og koma
því í rekstrarhæft form. ■
UNNIÐ AÐ HLUTAFJÁRAUKNINGU
Páll Bragi Kristjónsson er forstjóri Eddu miðlunar. Unnið er að því að auka hlutafé til að
tryggja áframhaldandi rekstur.
SKURÐSVIÐ
Félag unglækna hefur
mótmælt kröftuglega
mikilli kjaraskerðingu
unglækna sem starfa á
skurðsviði Landspítala -
háskólasjúkrahúss.
GUÐRÚN GÍSLADÓTTIR
Stefnt er að því að ná Guðrúnu Gísladóttur á flot 15. maí næstkomandi en 19. júní verða
liðin tvö ár frá því að skipið sökk.