Fréttablaðið - 22.04.2004, Blaðsíða 16
22. apríl 2004 FIMMTUDAGUR
Dönsk stjórnvöld:
Töldu Íraka eiga
gjöreyðingarvopn
KAUPMANNAHÖFN, AP Danska leyni-
þjónustan telur að stjórn Saddam
Hussein hafi ráðið yfir bæði efna-
og sýklavopnum. Þetta var haft
eftir yfirmanni dönsku leyniþjón-
ustunnar á mánudag. Leynd af tíu
dönskum skýrslum um vopnaeign
Íraka hefur verið aflétt.
Opinberun skýrslanna kemur í
kjölfar brottrekstrar sérfræðings
í njósnagögnum sem lýst hafði
þeirri skoðun sinni að Anders
Fogh Rasmussen forsætisráð-
herra hefði logið að danska þing-
inu þegar hann færði rök fyrir
stuðningi ríkisstjórnarinnar fyrir
innrás í Írak.
Rasmussen tjáði fjölmiðlum að
skýrslurnar sem nú hafa verið gerð-
ar opinberar sýni berlega að danska
ríkisstjórnin hafi byggt á traustum
gögnum þegar ákvörðun um stuðn-
ing við hernaðinn var tekin.
Dönsku gögnin eru sögð byggj-
ast á upplýsingum frá Sameinuðu
þjóðunum og Atlantshafsbanda-
laginu.
Ríflega fjögur hundruð dansk-
ir hermenn taka þátt í hernaðar-
aðgerðunum í Írak. ■
Nýsköpunarsjóður
fái aukið hlutverk
Nýtt frumvarp gerir ráð fyrir að Nýsköpunarsjóður atvinnulífsins geti tekið
þátt í fyrirtækjum með öðrum aðilum. Eiginfjárstaða sjóðsins verður styrkt.
Sjóðurinn hefur ekki fjárfest í nýjum fyrirtækjum frá árinu 2002.
STJÓRNMÁL Í frumvarpi iðnaðarráð-
herra sem nú liggur fyrir á Alþingi
er gert er ráð fyrir að Nýsköpunar-
sjóður atvinnulífsins fái heimild til
að taka þátt í svonefndum fram-
takssjóðum, sem fjárfesta í nýsköp-
unarverkefnum. Þáttur Nýsköpun-
arsjóðs mun þó ekki geta numið
meira en þrjátíu prósent af sjóðun-
um.
Frumvarpið gerir einnig ráð
fyrir því að eiginfjárstaða Nýsköp-
unarsjóðs verði bætt með því að fé
úr framtakssjóðum, sem ríkið á,
renni í stofnsjóð Nýsköpunarsjóðs.
Með því móti er stefnt að því að Ný-
sköpunarsjóður geti fjárfest í nýj-
um verkefnum en það hefur hann
ekki gert síðan árið 2002 sökum
fjárskorts.
Í greinargerð frumvarpsins seg-
ir meðal annars að miklar breyting-
ar hafi orðið á starfsumhverfi Ný-
sköpunarsjóð frá því að hann var
stofnaður hinn 1. janúar 1998. Segir
að í byrjun starfstímans hafi mikið
framboð verið á fjármagni til ný-
sköpunarverkefna en frá miðju ár-
inu 2000 hafi mjög dregið úr því
„þegar í ljós kom að margar nýfjár-
festingar töpuðust að fullu á fyrstu
árum fyrirtækjanna þegar fór að
reyna á viðskiptahugmyndina sem
fyrirtækin byggðust á.“
Sveinn Þorgrímsson, skrifstofu-
stjóri iðnaðar og nýsköpunar í iðn-
aðarráðuneytinu, segir að verið sé
að veita stjórn sjóðsins heimildir til
þess að auka eigið fé annars vegar
og möguleika til tekjuöflunar hins
vegar.
Hann segir að með breytingu
framtakssjóða í stofnfé hjá Nýsköp-
unarsjóði sé í raun einungis um bók-
haldslega breytingu að ræða. Hvað
varðar heimild til þátttöku í fram-
takssjóðum í samvinnu við aðra gef-
ist tækifæri til að nýta sérþekkingu
Nýsköpunarsjóðs í verkefnum á
sviði nýsköpunar.
„Þannig er mál með vexti að það
er heilmikið fé að finna úti í samfé-
laginu, til dæmis í lífeyrissjóðun-
um. En þessir aðilar hafa ekki, að
eigin sögn, getu til að starfa á þess-
um framtaksfjárfestamarkaði. Það
hefur komið í ljós í viðræðum við
lífeyrissjóði að þeir eru fúsir til
þess að leggja fé í framtaksfjárfest-
ingar ef þeir hafa trúverðugan sam-
starfsaðila,“ segir Sveinn Þorgríms-
son.
Hann telur að þessar breytingar
muni gera Nýsköpunarsjóði auð-
veldara að taka þátt í nýsköpunar-
verkefnum og þannig sé stuðlað
að því að „hjólum endurnýjunar-
innar gangandi.“
thkjart@frettabladid.is
Landtökumenn viðskota-
illir í Brasilíu:
Lula biður
um tíma
BRASILÍA, AP Lula, forseti Brasilíu,
hefur biðlað til landtökumanna í
Brasilíu að fara sér hægt í aðgerð-
um sínum annars þurfi lögregla
að taka hart á málum gagnvart
þeim. Hafa orðið skærur víðs veg-
ar í landinu þegar heimilislausar
fjölskyldur leggja undir sig tómar
byggingar og sveitabýli, búa oft
mörg hundruð manns í sama húsi.
Hefur lögregla ítrekað rekið fólk
á braut með litlum árangri en Lula
lofar bót og betrun fái hann meiri
tíma til stjórnvaldsaðgerða. ■
LANDTÖKUFÓLK
Lögregla hefur í vaxandi mæli átt í vandræðum með mikinn fjölda fólks sem sest að hvar
sem er.
SVEINN ÞORGRÍMSSON
Skrifstofustjóri iðnaðar og ný-
sköpunar í iðnaðarráðuneytinu
telur að Nýsköpunarsjóður at-
vinnulífsins geti stuðlað að því
að stórir fjárfestar setji meira
fjármagn í nýsköpunarverkefni.
ANDERS FOGH RASMUSSEN
Forsætisráðherra Danmerkur segir nýbirtar
skýrslur sýna að danska ríkisstjórnin hafi
haft ástæðu til að ætla að Saddam
Hussein hefði haft gjöreyðingarvopn undir
höndum.