Fréttablaðið - 24.04.2004, Blaðsíða 22
22 24. apríl 2004 LAUGARDAGUR
Það er í nógu að snúast hjá LinduPétursdóttur athafnakonu þessa
dagana. Hún er nýtekin við starfi
þróunarstjóra hjá fyrirtækinu sem
stendur að Miss World-keppninni,
var að ljúka námi í grafískri hönnun
og vinnur að hönnun hinna ýmsu
bæklinga og merkja. Linda gaf sér
þó tíma til að skjótast heim til Ís-
lands í tilefni af afmæli Baðhússins,
sem hún stofnaði fyrir tíu árum.
Þegar Fréttablaðið náði tali af henni
var hún að gera sig klára fyrir af-
mælisveisluna með klippingu, stríp-
um og því sem tilheyrir.
„Þessi tími hefur verið svaka-
lega fljótur að líða. Mér líður eins
og Baðhúsið hafi verið opnað í gær,“
segir Linda um afmæli afkvæmis
síns en sjálf þorði hún ekki að hugsa
svo langt fram í tímann þegar því
var hleypt af stokkunum.
„Þetta var sérstaklega erfitt í
byrjun. Ég byrjaði nánast með tvær
hendur tómar, með um 300 þúsund
kall, og maður kemst ekki langt á
því. Svo þurfti ég að leita í bankana
eftir lánum og það var erfitt að fá
lán hjá þeim enda vilja þeir veð fyr-
ir öllu,“ segir Linda.
Fáir höfðu trú á Baðhúsinu
Þegar Linda opnaði Baðhúsið
þótti mörgum skrýtið að körlum
væri meinaður aðgangur að því.
„Það voru margir sem héldu að ég
væri of frökk að opna líkamsrækt-
arstöð en útiloka strax helminginn
af kúnnunum. Það voru mjög fáir
sem höfðu trú á því, hvað þá að fyrr-
um fegurðardrottning væri að opna
svona stöð án þess að hafa nokkra
reynslu úr þessum geira,“ segir
Linda um leið og hárgreiðslukonan
hrærir saman litina sem Linda hef-
ur valið.
Linda segist hafa fengið hug-
myndina að Baðhúsinu á ferðalög-
um um Asíu. „Mér fannst vanta
stöð sem ég myndi sjálf vilja
sækja. Við konur viljum fá að vera
í friði frá körlunum þegar við erum
að æfa, förum í heita pottinn, slök-
um á, látum dekra við okkur og svo
framvegis. Ég vildi líka hafa stöð
með blómum og hlutum sem karlar
eru ekki að pæla mikið í.“
Linda segir reksturinn hafa ver-
ið sérstaklega erfiðan í byrjun en þá
var Baðhúsið í dýru leiguhúsnæði í
Ármúla. Hún var á tímabili komin
með bakið upp að vegg – þurfti að
hrökkva eða stökkva. „Þá keyptum
við gamla Þórscafé í Brautarholti
og þá fór allt að gerast. Nú eru um
tíu þúsund manns á skrá hjá okkur,“
segir Linda en fyrirtæki hennar
hefur opnað tvær aðrar stöðvar;
Sporthúsið í Kópavogi og Þrekhúsið
í Frostaskjóli.
Fyrir nokkru dró Linda sig að
hluta til út úr rekstri Baðhússins.
Hún situr þó enn í stjórn fyrirtækis-
ins en Sævar bróðir hennar er fram-
kvæmdastjóri. „Ég hef séð um alla
hönnun fyrir fyrirtækin og geri það
frá Kanada,“ segir Linda, sem lauk
fyrir skömmu námi í grafískri
hönnun. „Grafísk hönnun á afskap-
lega vel við mig. Hún er orðin
ástríða hjá mér. Ég gæti verið að
hanna frá morgni til kvölds,“ segir
Linda.
Starfar fyrir Miss World
Linda er nýtekin við starfi sem
tengist Miss World-keppninni en
eins og kunnugt er vann hún þá
keppni árið 1988. „Ég stýri þróunar-
sviði keppninar. Við erum að fara af
stað með eigið vörumerki og ég er
að þróa húðsnyrtivörulínu undir
merkjum Miss World. Það er mitt
aðalstarf,“ segir Linda um leið og
hárgreiðslukonan byrjar að vefja
álþynnum í hár hennar. „Ég kem
bæði nálægt þróunarstarfinu og
ímynd fyrirtækisins. Það á að opna
nýja heimasíðu fyrir keppnina í lok
ársins og það er verið að endurgera
allt fyrir hana.“
Eigendur Miss World buðu Lindu
starfið en hún hefur verið í góðu
sambandi við þá síðan hún var
krýnd Miss World á sínum tíma.
„Þetta starf hentar mér mjög vel
því ég vinn þetta líka í gegnum net-
ið heiman frá mér. Í dag skiptir það
engu máli hvar fólk býr upp á
vinnu. Ég flýg svo á milli New York
og London til að sitja fundi,“ segir
Linda.
Í slag við Donald Trump
Þegar Linda tók við starfinu hjá
Miss World þurfti hún að hafna
starfi hjá húðsnyrtivöruframleið-
andanum Sileca en henni hafði boð-
ist að vera andlit þess. „Starfið hjá
Miss World hefði skarast við hitt og
ég ákvað því að leggja fyrirsætu-
starfið á hilluna. Mér finnst líka
miklu skemmtilegra að starfa við
viðskipti en fyrirsætustörf,“ segir
Linda, sem er farin að líkjast veru
frá öðrum hnetti með álþynnurnar í
hárinu.
Næsta Miss World-keppni verð-
ur haldin í Kína í lok árs og er Linda
á fullu við að undirbúa hana. „Svo
stefnum við á að koma keppninni til
Bandaríkjanna á næsta ári en þá
förum við í samkeppni við ekki
minni mann en Donald Trump,“ seg-
ir Linda. Í Bandaríkjunum hefur
Miss Universe verið stærri keppni
en Miss World og hyggst Linda
breyta því. „Ein stærsta sjónvarps-
stöðin í Bandaríkjunum hefur
áhuga á að vinna með okkur og það
er stór plús. En það verður ekki auð-
velt að fara á móti Donald Trump,“
segir Linda.
Joggingbuxur og hjólbörur
Linda býr á Eagle Island í
Vancouver og líður vel þar. „For-
eldrar mínir komu einmitt með
mér til landsins nú. Mamma er
búin að vera hjá mér í einar sjö
vikur og lífið þar er dásamlegt.
Það er búið að vera sumar síðan í
febrúar eða mars, 25 stiga hiti og
sól. Pabbi hafði að vísu á orði við
mig, þegar ég var búinn að vera í
sömu joggingbuxunum í viku,
hvort ég ætlaði ekki að fara að
skipta um,“ segir Linda og skellir
upp úr. „Það er meira bóhemlíf á
mér þar.“
Á Eagle Island eru aðeins 32 hús
og þar eru engir bílar. „Ég var
stödd í veislu um daginn og átti í
hrókasamræðum við einn íbúa eyj-
arinnar þegar hann sagði: Hvar
annars staðar myndir þú vera í
matarboði og aðalumræðuefnið
væri hjólbörur?“ segir Linda, sem
þarf að sækja aðföng niður á
bryggju og flytja heim í hjólbörum.
„Við vorum að ræða um hvaða dekk
væru best á þær og svo framveg-
is,“ segir Linda, sem á að eigin
sögn rosa fínar hjólbörur.
„Við erum þrjú sem búum þarna
saman – ég og hundarnir mínir
tveir,“ segir Linda þegar hún er
spurð hvort hún sé í sambúð. Fyrir
nokkru birtust fréttir af því að
Linda ætti í sambandi við indverska
þingmanninn og auðkýfingin VJ
Mallia. Linda segir að þau séu bara
vinir. „Hann er alltaf þarna í kring-
um mig og ég í kringum hann. En ég
er ekki í föstu sambandi. Mér líður
rosalega vel einni og það hentar
mér afskaplega vel. Kannski fæ ég
mér einn hund í viðbót,“ segir Linda
um leið og fleiri álþynnur bætast
við.
Ævisagan til útlanda?
Um síðustu jól kom út ævisagan
Linda – ljós og skuggar. Bókin fékk
góðar viðtökur hér á landi og seldist
í um sjö þúsund eintökum. „Ég er
rosalega ánægð með viðtökurnar á
bókinni. Ég fæ vikulega póst frá
fólki sem er að þakka fyrir bókina
eða leita eftir stuðningi,“ segir
Linda, sem hefur ekki útilokað að
bókin verði gefin út í öðrum lönd-
um. Hún vill þó lítið sem ekkert
gefa upp um fyrirhugaða útgáfu.
„Við stefnum í það minnsta að því,“
segir hún. En mætti þá jafnvel bú-
ast við að bíómynd verði gerð eftir
bókinni? „Ég hef ekki hugmynd um
það,“ segir Linda og virðist ekki
einu sinni hafa leitt hugann að því.
„En eitt er víst og það er að ég leik
ekki í henni sjálf,“ segir hún og
skellihlær.
Linda hefur ekki gert mikið af
því að heimsækja Ísland eftir að
hún fluttist út. „Ég kom hingað um
jólin út af bókinni og hafði þá ekki
komið í eitt og hálft ár. Ég ætlaði
mér ekki að koma hingað á næst-
unni en ég lofaði Sævari bróður
mínum að koma hingað út af afmæli
Baðhússins og svo fer ég aftur heim
í næstu viku.“ En er Linda komin
með leið á Íslandi? „Ísland hefur
bæði kosti og galla en það hentar
mér afskaplega vel í dag að vera í
kyrrð og lifa því lífi sem ég lifi. En
auðvitað er alltaf gott að koma heim
líka,“ segir Linda að lokum þar sem
sést vart í andlit hennar fyrir ál-
þynnum.
kristjan@frettabladid.is
Í BAÐHÚSINU
Linda fór beint í Baðhúsið að klippingu lokinni enda stórafmæli hjá afkvæminu í dag.
Í KLIPPINGU
Linda lætur lita á sér hárið eins og margir aðrir.
ÁBYRGÐARSTARF
Heiður Ottósdóttir fær það ábyrgðarstarf að klippa og lita Lindu Pé.
MEÐ ÁLÞYNNUR Í HÁRINU
Linda var eins og vera frá öðrum hnetti
þegar hún fór í klippingu.
Linda Pétursdóttir er komin til landsins til að fagna tíu ára afmæli Baðhússins. Hún er komin í vinnu hjá Miss World og ætlar í samkeppni
einn ríkasta mann í heimi. Fréttablaðið fór á hárgreiðslustofu með Lindu og spjallaði við hana um afmælið og verkefnin sem fram undan eru.
Í samkeppni við
Donald Trump
Svo stefnum við á
að koma keppninni
til Bandaríkjanna á næsta
ári en þá förum við í sam-
keppni við ekki minni mann
en Donald Trump.
,,
FR
ÉT
TA
B
LA
Ð
IÐ
/S
TE
FÁ
N