Fréttablaðið - 24.04.2004, Blaðsíða 55

43LAUGARDAGUR 24. apríl 2004
keppni meistaradeildarinnar eftir
umspil, sem og Chelsea sem hafn-
aði í fjórða sætinu. Newcastle datt
hins vegar snemma út úr meistara-
deildinni á meðan Chelsea er kom-
ið alla leið í undanúrslitin þar sem
liði etur kappi við Mónakó.
Newcastle hefði getað komið
sér í góða stöðu með sigri gegn
Aston Villa á dögunum en sá leikur
bauð ekki upp á góða hluti fyrir lið-
ið. Newcastle missti mann út af og
þurfti að hafa mikið fyrir því að ná
markalausu jafntefli. Helsta áfall
Newcastle var þó að hinn spræki
framherji Craig Bellamy þurfti að
fara af velli vegna meiðsla og gæti
misst af mikilvægum leikjum á
lokasprettinum.
Ljóst er að liðið þarf að treysta
enn frekar á fyrirliðann Alan She-
arer, sem hefur skorað 27 mörk á
leiktíðinni. Auk þess að berjast um
fjórða sætið í deildinni á Newcastle
möguleika á að vinna Evrópu-
keppni bikarhafa, sem myndi gefa
þeim beinan farmiða í meistara-
deildina.
Óvænt staða Aston Villa
David O’Leary og lærisveinar
hans í Aston Villa hafa komið á
óvart á leiktíðinni með ágætri
frammistöðu. Villa átti sína verstu
leiktíð í átta ár í fyrra og lauk
keppni í 16. sæti, aðeins þremur
stigum frá fallsæti. Þáverandi
stjóri, Graham Taylor, virtist
aldrei ná að finna réttu blönduna.
Kólumbíski framherjinn Juan
Pablo Angel, sem hafði verið
keyptur til liðsins fyrir stórfé, sat
lengstum á varamannabekknum og
náði ekki upp því sjálfstrausti sem
þurfti til að skora mörk. Tekið var
til í herbúðum liðsins eftir leiktíð-
ina, m.a. vegna peningavandræða.
Tólf leikmenn hurfu á brott frá
Villa, þeirra á meðal gamlar kemp-
ur á borð við Steve Staunton og
Oyvind Leonhardsen og fáir voru
keyptir í staðinn.
Svo virðist sem O’Leary hafi
náð því rétta út úr mannskapnum
og hafa leikmenn á borð við Angel,
sem hefur skorað 21 mark á leiktíð-
inni, blómstrað, auk þess sem Dari-
us Vassel, með tíu mörk, og Sviss-
lendingurinn Thomas Hitzlsperger
hafa sýnt góð tilþrif. Villa er nú í
sjötta sæti, einu stigi á eftir
Newcastle og Liverpool. Liðið á
erfiðan heimaleik gegn Manchest-
er United í síðustu umferð sem
gæti komið í veg fyrir möguleika
þeirra á fjórða sætinu.
Hermann í meistaradeild-
ina?
Hermann Hreiðarsson og félag-
ar í Charlton sitja í sjöunda sæti,
einu stigi á eftir Villa. Liðið missti
af gullnu tækifæri til að komast
upp í fjórða sætið á þriðjudags-
kvöld en mótherjinn var einfald-
lega of sterkur; sjálfir meistararn-
ir í Manchester United. Alan Cur-
bishley, stjóri Charlton, hefur gert
frábæra hluti með liðið og er af
mörgum talinn besti ungi stjórinn í
ensku deildinni. Hefur hann fengið
mikið hrós fyrir að sjóða saman
sterkt lið úr lítt þekktum einstak-
lingum.
Charlton náði ágætum árangri í
fyrra og endaði í tólfta sæti eftir að
hafa dalað aðeins á endasprettin-
um. Fyrir þessa leiktíð fékk liðið
Ítalann knáa Paulo di Canio frítt
frá West Ham og hefur hann reynst
liðinu góð viðbót. Enginn einn leik-
maður hefur borið af í marka-
skorun en þó hefur Jason Euell
skorað flest mörk, eða sjö talsins.
Vörnin hefur staðið fyrir sínu með
Hermann Hreiðarsson í góðu formi
og miðjumaðurinn Matt Holland
hefur einnig verið sterkur.
Þrátt fyrir tapið gegn United á
dögunum er Curbishley síður en
svo búinn að gefa upp vonina um
fjórða sætið. „Það kemur ekkert í
ljós fyrr en við spilum gegn Sout-
hampton í síðustu umferðinni og
Liverpool spilar gegn Newcastle
United,“ sagði Curbishley eftir
leikinn. „Það getur vel verið að tit-
illinn sé úr sögunni en baráttan um
sæti í Evrópukeppninni mun halda
áfram allt til enda. Sumir segja að
gæði úrvalsdeildarinnar hafi verið
lítil en ég held að hún hafi verið
opnari en áður, sem hlýtur að vera
gott. Það hafa verið þrjú lið á
toppnum, sem hefur ekki komið
neinum á óvart, en hin liðin eru að
nálgast þau.“ Curbisley bætir við
að lokum: „Við höfum nú þegar átt
frábæra leiktíð og okkar helsta
markmið núna er að komast hærra
en nokkru sinni áður í úrvalsdeild-
inni. Allt umfram það er stór
bónus“.
Happafengurinn Forssell
Birmingham er í áttunda sæti
úrvalsdeildarinnar, einu stigi á
eftir Charlton, og aðeins þremur á
eftir Liverpool. Möguleikar liðsins
á meistaradeildarsætinu eru því
afar raunhæfir, eitthvað sem eng-
an hefði órað fyrir áður en leiktíð-
in hófst.
Fyrir leiktíðina var miðjumað-
urinn David Dunn keyptur frá
Blackburn og framherjinn Mikael
Forssell fenginn að láni frá
Chelsea. Dunn hefur ekki staðið
fyllilega undir væntingum en
Forssell hefur heldur betur reynst
liðinu happafengur. Þessi stórefni-
legi Finni hefur skorað 18 mörk á
leiktíðinni og sýnt og sannað að
hann er á meðal sterkustu fram-
herja deildarinnar. Fyrrum
Manchester United stjarnan Steve
Bruce virðist vera á hárréttri leið
með liðið og hefur sýnt að hinn
ágæti árangur á síðustu leiktíð, 13.
sætið á fyrsta ári Birmingham í
úrvalsdeildinni, var alls engin til-
viljun.
freyr@frettabladid.is
Stofnað: 1892
Heimavöllur: Anfield Road
Stjóri: Frakkinn Gerard
Houllier, fyrrverandi kennari.
Varð franskur meistari
með Paris St Germain
og vann Evrópu-
keppni landsliða 1996
með franska U-18 ára
liðinu. Houllier gerðist
aðstoðarþjálfari Liver-
pool sumarið 1998
við hlið Roy Evans og
tók síðan við liðinu í
nóvember sama ár.
Houllier fór frábær-
lega af stað. Liver-
pool vann fimm bik-
arkeppnir árið 2001,
þar á meðal UEFA-bikarinn,
enska bikarinn og enska deildar-
bikarinn. Næstu leiktíð á eftir
lenti Liverpool í öðru sæti deildar-
innar en síðan þá hefur liðið ekki
verið nálægt sigri. Houllier hefur
verið harðlega gagnrýndur af
stuðningsmönnum félagsins að
undanförnu enda þykir liðið ekki
spila skemmtilegan
bolta.
Liverpool varð síð-
ast enskur meistari
1990.
Síðasti leikur: Ful-
ham (Heima) 0-0.
Næstu leikir:
Man. Utd (Úti)
24.apríl, Middles-
brough (H) 1. maí,
Birmingham (Ú)
8.maí, Newcastle
(H) 15. maí.
Liverpool
STEVEN GERRARD
Í baráttu við Junichi
Inamoto, leikmann
Fulham, til hægri.
Það kemur ekkert
í ljós fyrr en við spil-
um gegn Southampton í
síðustu umferðinni og
Liverpool spilar gegn
Newcastle United.
,,
www.nanathaistore.com
Sími: 896 3536 · 5881818