Fréttablaðið - 24.04.2004, Blaðsíða 44
32 24. apríl 2004 LAUGARDAGUR
Þó Lækjargata og Suðurlands-braut verði líklega seint taldar
til glæsilegustu gatna höfuðborg-
arinnar má fullyrða að þær séu
með þeim girnilegri. Enginn þarf
að hverfa hungraður frá þessum
götum, nema blankheitin séu
þeim mun meiri, enda er hægt að
kaupa sér, eins og staðan er um
þessar mundir, viðurgerning á um
20 veitingastöðum sem við þær
standa. Og úrvalið er bæði gott og
alþjóðlegt.
Hin alþjóðlega Lækjargata
Við Lækjargötuna standa níu
staðir á stuttum kafla; íslenskir,
mexíkóskir, kínverskur, danskur
og tyrkneskur. Rölt um Lækjar-
götu og innlit á veitingastaðina
getur því reynst eins og heims-
hornaflakk.
Í húsi númer 2 við Lækjar-
götu, strax á horninu við Austur-
stræti, eru þrír veitingastaðir.
Fyrst er Kebab-húsið, sem býður
upp á hið tyrkneska kebab í
bland við annað, þá Kaffi Rósen-
berg sem reyndar selur einna
helst bjór og loks hið gamal-
gróna steikhús Kaffi Ópera. Þar
næst er danski smurbrauðsstað-
urinn Jómfrúin, þá hinn
mexíkóski Amigos og næst Litli
ljóti andarunginn. Litlu lengra
er Mamas Tacos, mexíkóskur
skyndibitastaður, Kínahúsið tek-
ur við í beinu framhaldi og hand-
an Skólabrúar er enn einn
mexikóski staðurinn, Si Señor.
Hinumegin við götuna, gegnt
veitingahúsafjöldanum eru svo
þrír staðir sem vert er að geta í
þessu sambandi þó tveir standi
við aðrar götur og sá þriðji sé á
hjólum. Þetta eru Lækjarbrekka,
Humarhúsið og Pylsuvagninn.
Suðurlandsbraut á
suðupunkti
Sjö ágætir staðir raða sér upp,
nánast hlið við hlið, á Suðurlands-
brautinni og eru þeir ættaðir frá
sex löndum. Hinn ameríski Pizza
Hut er sá fyrsti, í húsi númer 2, og
fast við hliðina er Vox sem teljast
verður íslenskur veitingastaður.
Danska kaffihúsið Konditori
Copenhagen er á númer 4 og þar
við hliðina er hinn rótgróni Askur.
Asíska veitingahúsið Nings er í
næsta húsi og skammt frá eru
Fylgifiskar þar sem hægt er að fá
sér fisk og meðlæti. Ítalski stað-
urinn Trocadero rekur lestina í
þessari þyrpingu en hann er nýr
af nálinni. Ekki er þó öllu lokið
enn, því á númer 32 kúrir sam-
lokustaðurinn Quizno’s.
bjorn@frettabladid.is
ÓVÆNT ÞRÓUN?
Veitingahúsin hafa raðað sér upp hlið við hlið á Lækj-
argötu og Suðurlandsbraut. Ekki er víst að það hafi
nokkurn tímann verið planað í borgarskipulaginu.
Það hafa kannski ekki margir veitt því eftirtekt en við bæði Suðurlandsbraut og Lækjargötu, sem hvorug hefur endilega talist til fallegustu
gatna höfuðborgarinnar, standa núna veitingastaðir í röðum. Heita má að hér séu komnar tvær nýjar og alskapaðar veitingahúsagötur í
borgarmyndina, án þess að nokkur hafi planað það.
Gamlar götur lifna við
LÆKJARGATA
SUÐURLANDSBRAUT
Kebab-hús-1
Kaffi Rósenberg2
Pizza Hut1
Vox2
Konditori Copenhagen3
Askur4
Nings5
Fylgifiskar6
Trocadero7
Jómfrúin4
Amigos5
Litli ljóti andarunginn6
Mamas Tacos7
Kínahúsið8
Si Señor9
Kaffi Ópera3