Fréttablaðið - 27.04.2004, Page 11

90% skilnaðarbarna hafa lögheimili hjá móður.
Ótrúlegt kynjamisrétti viðgengst hjá sýslumönnum og
dómstólum í meðferð forsjármála. Feður eru ítrekað
sviptir forræði á þeim forsendum einum að þeir eru
karlmenn.
Í flestum tilfellum, þegar mál fara fyrir sýslumenn og
dómara, eru börn dæmd frá föður og honum skömmtuð
umgengni í samræmi við óskir móður. Fjölmörg dæmi
eru um að í þessum óskum móður felist lítil sem engin
umgengni barns við föður, þrátt fyrir að yfirvöld hafi
metið hann jafn hæfan móður til að fara með forræði
barna sinna.
Jafnréttisstofa réttlætir misréttið með þessum orðum
í bréfi til Félags ábyrgra feðra, dagsett 19.01.2004:
„Það er ákaflega ríkt í menningu okkar að líta svo á að
mæður séu eðlilegri umhyggju- og forsjáraðili en feður.“
Í 65. gr. stjórnarskrárinnar segir: „Konur og karlar
skulu njóta jafns réttar í hvívetna.“
Í jafnréttislögum nr. 96 / 2000 segir orðrétt: „Markmið
laga þessara er að koma á og viðhalda jafnrétti og
jöfnum tækifærum kvenna og karla og jafna þannig
stöðu kynjanna á öllum sviðum samfélagsins.“
Kynjamisrétti í forsjármálum er slíkt
að feðrum er ráðlagt að leita ekki réttar síns
fyrir dómstólum.
Við krefjumst þess að sýslumenn og dómstólar vinni eftir settum lögum.
Við skorum á Jafnréttisstofu að berjast fyrir réttindum beggja kynja
og vinna gegn staðalímyndum í stað þess að enduróma þær.
Er jafnrétti
bara fyrir
konur?
Félag ábyrgra feðra
„Börn eiga rétt á báðum foreldrum sínum og rétt til að alast upp í öruggu fjölskylduumhverfi.“
– Barnasáttmáli Sameinuðu þjóðanna
J
Ó
N
S
S
O
N

&

L
E
’
M
A
C
K
S

•

5
3
6
4