Fréttablaðið - 19.06.2004, Blaðsíða 36
24 19. júní 2004 LAUGARDAGUR
Ensku landsliðsmennirnir fengu sínu framgengt:
Enga tígullaga miðju
Markvörður Svisslendinga varar Englendinga við:
Þið þurfið að gera betur
EM Í FÓTBOLTA David Beckham,
fyrirliði enska landsliðsins, hefur
sagt frá því að leikmenn liðsins
hafi krafist þess af
þjálfara sínum, Sven
Göran Eriksson, að
hann hætti að láta
liðið spila tígullaga
miðju og færi aftur í
hefðbundið 4-4-2
leikskipulag fyrir
leikinn gegn Sviss-
lendingum. Þetta var
og gert og Eriksson
var verðlaunaður
með góðum 3-0 sigri.
Beckham fullyrð-
ir að leikmenn liðsins
finnist mun þægi-
legra að vera með flata miðju:
„Tígulaga miðjan kom til tals og
við allir ákváðum og þjálfarinn
með að 4-4-2 hentaði
okkur best. Það sem
er mikilvægast í
þessu máli er það að
þjálfarinn hlustaði á
okkur leikmennina
og við sögðum hon-
um hvaða leikskipu-
lag við vildum helst.
Hann lét okkur vita
að hann myndi aug-
ljóslega taka loka-
ákvörðunina en að
hann hlustaði vand-
lega á hvað við hefð-
um fram að færa.“ ■
Seinheppnin stelur
senunni í sókninni
Víkingar hafa aðeins náð í eitt stig út úr fyrsta þriðjungi Landsbankadeildar karla, þökk sé
ótrúlegri seinheppni upp við mark mótherja sinna.
FÓTBOLTI Víkingar sitja í neðsta sæti
Landsbankadeildar karla í knatt-
spyrnu með aðeins eitt stig út úr
fyrstu sex leikjum sínum. Þriðjung-
ur af mótinu er búinn en samt eru
Víkingar að flestra mati komnir
með annan fótinn niður í 1. deildina
á ný. Það hrífast samt örugglega
flestir af baráttunni, liðsheildinni
og dugnaðinum hjá leikmönnum
Víkingsliðsins en fótboltinn snýst
eftir allt saman um það að skora
mörk og það er það sem situr á hak-
anum hjá Víkingum. Það er ekki nóg
fyrir Víkinga að hafa náð næstflest-
um skotum á mark mótherjanna af
liðunum tíu í Landsbankadeildinni
eða að hafa náð fleiri skotum á
mark en mótherjar þeirra í fimm
síðustu leikjunum. Þeir eiga í ein-
stökum vandræðum með að koma
boltanum í mark andstæðinga og
seinheppnin virðist engan endi ætla
að taka. Leik eftir leik þurfa ungir
og óharðnaðir leikmenn liðsins að
horfa upp á mótherjana taka öll
stigin með sér, oftast afar ósann-
gjarnt. Þjálfaranum Sigurði Jóns-
syni er vorkunn, hann hefur unnið
gott starf í að móta þetta Víkingslið
sem hefur staðið sig að margra mati
mun betur en margur spáði fyrir í
vor – að því undanskildu að þeir
nýta sér ekki dauðafærin sem eru
ekki af skornum skammti. Liðið
spilar síðan eftir allt saman ágæta
vörn og engin vörn hleypir sem
dæmi færri skotum á mark sitt en
vörn Víkinga.
Leikurinn gegn Fram í 1. um-
ferð var vissulega mikið áfall fyrir
Víkingsliðið og slæmt tap var ekki
það besta sem gat komið fyrir ungt
og reynslulítið lið í fyrsta leik. Síð-
an þá hafa Víkingar leikið fimm
leiki í röð þar sem þeir hafa ekki
uppskorið þau stig sem þeir hefðu
átt skilið. Leikur liðsins hefur ver-
ið til mikillar fyrirmyndar, skipu-
lagið gott, liðsheildin sterk og bar-
áttan öðrum liðum til eftirbreytni.
En þegar kemur inn í vítateig and-
stæðinganna er sem örlögin taki
völdin, boltinn vill ekki inn. KA-
menn náðu sjö færri skotum á
mark en unnu samt 0-1 sigur í Vík-
inni í 2. umferð og Keflavík og
Fylkir hafa unnið tvo síðustu leik-
ina gegn þeim þrátt fyrir að Vík-
ingar hafi haft 32-12 yfir í skotum.
Andstæðingar Víkinga hafa náð í
16 af 18 stigum í boði í leikjum ný-
liðanna en það er öruggt að allir
nefna ekki Víkinga sem auðveld-
ustu andstæðingana í sumar. Vík-
ingar vita þó að þeir mega alls ekki
missa trúna, það eru enn 36 stig
eftir í pottinum og nóg eftir af
sumrinu. Skotæfingar duga
kannski ekki endalaust, sjálfs-
traustssprauta í sóknarmennina
væri kannski miklu áhrifaríkara og
hver veit nema stíflan bresti og
markaflóð verði í Víkinni. ■
EM Í FÓTBOLTA Markvörður Sviss-
lendinga, Jörg Stiel, segir að Eng-
lendingar verði að bæta sig mikið
ætli þér sér sigur á EM.
Stiel hældi Wayne Rooney á
hvert reipi en gagnrýndi hann
einnig og sagði að lokatölur leiks-
ins hefðu ekki gefið rétta mynd af
honum: „Það var ekki sanngjarnt
að tapa þessum leik 3-0 og þeir
voru langt í frá eins góðir og þess-
ar tölur gefa til kynna. Englend-
ingar þurfa að taka miklum fram-
förum ef þeir ætla sér að standa
uppi sem sigurvegarar þessa
móts – þeir eru góðir en þurfa að
færa leik sinn upp á næsta stig.“
„Wayne Rooney er mjög góður
leikmaður sem á eftir að verða enn
betri. Hann hefur gríðarlega hæfi-
leika,“ sagði Stiel. „Rooney þarf
kannski að kæla sig niður – slappa
aðeins af. En hann er ungur og
kannski er þetta skiljanlegt,“ sagði
svissneski markvörðurinn. ■
LEIKIR VÍKINGA OG SKOT Á
MARK: (Víkingur-mótherjar)
Fram (0-3 tap) 4-7
KA (0-1) 10-3
KR (1-2) 6-5
FH (1-1) 4-3
Keflavík (0-1) 7-3
Fylkir (1-2) 8-4
FLEST SKOT Á MARK Í LEIK:
ÍBV 7,5
Víkingur 6,5
ÍA 6,5
Fylkir 5,7
Keflavík 5
FÆST SKOT MÓTHERJA Á
MARK Í LEIK:
Víkingur 4,2
KR 4,7
ÍA 4,7
Grindavík 4,8
ÍBV 5,2
PHIL THOMPSON
Ertu þá farinn? Hvert liggur þín leið?
Breytingar hjá Liverpool
í kjölfar komu Benitez:
Phil Thomp-
son er hættur
FÓTBOLTI Phil Thompson hefur lokið
keppni hjá Liverpool. Ákvörðunin
kemur í kjölfarið á ráðningu Rafa-
els Benitez sem nýs framkvæmda-
stjóra hjá Liverpool. Hinn fimmtu-
gi Thompson hefur verið hægri
hönd Gerards Houllier, fyrrum
stjóra félagsins, frá því að Houllier
tók við stjórninni í nóvember 1998.
Saga Thompsons og Liverpool
nær þó mun lengra aftur í tímann
en hann var afar farsæll leikmaður
með liðinu á 8. og 9. áratug síðustu
aldar. Stjórnarformaður Liverpool,
Rick Parry, þakkaði Thompson unn-
in störf:
„Hann hefur gert frábæra hluti
fyrir félagið og hann fer frá okkur
með bestu kveðjur í farteskinu. Með
nýjum mönnum koma nýir siðir og
brotthvarf Thompsons var sameig-
inleg niðurstaða stjórnar og hans og
við skiljum í góðu,“ sagði Parry. ■
EM Í FÓTBOLTA
EM Í FÓTBOLTA Franski miðvallar-
leikmaðurinn hjá Arsenal, Patrick
Vieira, telur að leikur Englendinga
og Króata á mánudaginn í B-riðli
verði hnífjafn.
Vieira hefur spilað gegn báðum
þjóðunum á EM og sagði: „Þetta
verður mjög erfiður leikur fyrir
bæði lið en þau hafa heillað mig í
þessari keppni.
Englendingar hafa verið að
spila mjög góðan varnarleik á með-
an Króatarnir hafa spilað góðan
sóknarleik.
Króatar eru með ansi sterkt lið
og tæknilega eru þeir mjög góðir.
Þetta verður stór leikur því Eng-
lendingar eru líka mjög sterkir og
bæði lið eru orðin örvæntingarfull
og gera hvað sem er til að komast
áfram – þetta verður því mjög at-
hyglisverður leikur,“ sagði Vieira.
Englendingar vita að jafntefli
dugir til að fleyta þeim áfram í átta
liða úrslitin þar sem þeir gætu
mætt Portúgölum, Spánverjum eða
Grikkjum. Vieira og Frakkarnir
hans eru í sömu stöðu því þeir þurfa
stig gegn Svisslendingum til að gull-
tryggja sig áfram og Vieira er vel
meðvitaður um það: „Í sannleika
sagt er mér nokk sama um leik Eng-
lendinga og Króata því sjálfir erum
við ekki öruggir áfram og það er
það sem ég er fyrst og fremst að
hugsa um,“ sagði Patrick Vieira. ■
TOMISLAV BUTINA
Segir allt geta gerst í lokaleiknum gegn
Englandi.
Tomislav Butina:
Englendingar
fara heim
EM Í FÓTBOLTA Króatíski markvörð-
urinn Tomislav Butina segist full-
viss um að Króatar geti sent Eng-
lendinga heim eftir lokaleik lið-
anna í B-riðli á mánudaginn.
Butina telur að leikurinn gegn
Frökkum á fimmtudaginn hafi sýnt
króatíska liðinu hversu öflugt það
er og að þeim sé ekkert ómögulegt.
„Króatar eru stolt þjóð og við
spilum ekki bara fyrir okkur sjálfa
heldur alla þjóðina. Við virðumst
alltaf spila vel gegn stóru þjóðunum
og það er aldrei að vita hvað gerist. ■
DAVID BECKHAM
Beckham sendir stuðningsmönn-
um kveðju eftir sigur á Sviss.
JÖRG STIEL
Segir að Rooney þurfi að kæla sig niður.
Patrick Vieira, miðvallarleikmaður Frakka, spáir í spilin:
Englendingar og
Króatar hafa heillað
PATRICK VIEIRA
Spáir í spilin.
ENN EITT DAUÐAFÆRIÐ FARIÐ FORGÖRÐUM
Víkingar skoruðu ekki úr þessu góða færi sem þeir fengu í leik gegn FH frekar en
mörgum öðrum sem þeir hafa fengið í Landsbankadeild karla í sumar.