Fréttablaðið - 19.06.2004, Blaðsíða 37
25LAUGARDAGUR 19. júní 2004
■ ■LEIKIR
14.00 Þór Ak. og Stjarnan mætast
á Akureyri í 1. deild karla.
14.00 HK og Völsungur mætast á
Kópavogsvelli í 1. deild karla.
14.00 Fjölnir og Breiðablik spila á
Fjölnisvelli í 1. deild karla.
14.00 Valur og Þróttur mætast á
Hlíðarenda í 1. deild karla í fótbolta.
■ ■ SJÓNVARP
11.40 EM í fótbolta á RÚV.
Útsending frá leik Svía og
Búlgara í C-riðli EM í fótbolta.
13.00 US Open 2004 á sýn.
Útsending frá Opna bandaríska
meistaramótinu í golfi.
13.40 EM í fótbolta á RÚV.
Útsending frá leik Ítala og Dana í
C-riðli EM í fótbolta.
15.40 EM í fótbolta á RÚV. Bein
útsending frá leik Letta og
Þjóðverja í D-riðli EM í fótbolta.
16.00 Toyota-mótaröðin í golfi á
Sýn. Sýnt frá öðru móti Toyota-
mótaraðarinnar í golfi.
17.00 Gillette-sportpakkinn á Sýn.
17.30 Inside the US PGA Tour
2004 á Sýn.
18.00 Trans World Sport á Sýn.
18.30 EM í fótbolta á RÚV. Bein
útsending frá leik Hollendinga og
Tékka í EM í fótbolta.
20.00 US Open 2004 á sýn. Bein
útsending frá Opna bandaríska
meistaramótinu í golfi.
21.30 Spurt að leikslokum á RÚV.
23.00 Beyond the Glory á Sýn.
Þáttur um bandaríska körfuknat-
tleiksmanninn Kevin Garnett.
23.55 Hnefaleikar á Sýn. Útsend-
ing frá viðureign Jesus Chavez og
Erik Morales.
HVAÐ? HVENÆR? HVAR?
16 17 18 19 20 21 22
Laugardagur
JÚNÍ
Hjólreiðakeppni
á Úlfarsfelli:
Brunmót í
hjólreiðum
HJÓLREIÐAR Það verður líf og fjör í
hlíðum Úlfarsfells í dag klukkan 14.
Þá verður haldið brunmót, svokall-
að downhill, í hjólreiðum, þar sem
vaskir keppendur bruna niður
fjallshlíðina og er keppnin á vegum
Hjólreiðafélags Reykjavíkur.
Skráning keppenda og skoðun ör-
yggisbúnaðar er kl. 13-13.30 en
keppnisgjald er krónur 1.500. Keppt
verður í flokki sextán ára og eldri en
þeir keppendur sem eru yngri en
átján ára verða að skila inn skriflegu
leyfi foreldra eða forráðamanna.
Hér er á ferðinni mjög skemmti-
leg og hröð keppni og eru áhuga-
samir hvattir til að flykkjast á Úlf-
arsfellið í dag. Margt og mikið er á
döfinni hjá Hjólreiðafélagi Reykja-
víkur á næstunni og áhugasömum
er bent á vefslóðina hfr.vortex.is,
þar sem finna má nánari upplýsing-
ar um félagið og keppnina í dag. ■
Marcel Desailly eftir
leikinn gegn Króötum:
Ekki benda
á mig!
EM Í FÓTBOLTA Marcel Desailly, leik-
maður Frakka, neitar því alfarið að
annað mark Króata, sem Dado Prso
gerði, hafi verið honum að kenna.
Desailly kom aftur
inn í liðið eftir að
hafa misst af fyrsta
leiknum gegn Eng-
lendingum vegna
meiðsla. Margir
voru á því að hann
hafi haft lítið að
gera í byrjunarliðið
og að hans tími með
landsliðinu sé ein-
faldlega liðinn.
Markið hjá Prso
virtist alfarið á
ábyrgð Desailly en það er hann ekki
að skrifa undir: „Í seinna marki
þeirra er ég á boltanum, ég stökk en
ég missti einfaldlega af honum. Svo-
leiðis getur alltaf gerst. Það er hægt
að greina þetta atvik niður í smæstu
einingar en ég get ekki dæmt um
þetta,“ sagði Desailly. ■
MARCEL
DESAILLY
Engin sjálfsgagnrýni
á þeim bænum.
WAYNE ROONEY
Skorar hér annað mark sitt í leiknum gegn
Sviss. Forráðamenn Everton setja 45 millj-
ón punda verðmiða á hann en þykjast þó
ekki ætla að selja hann.
Kominn með 45 milljóna
punda verðmiða:
Hækkar
mikið í verði
EM Í FÓTBOLTA Everton er búið að
skella 45 milljón punda verðmiða á
Wayne Rooney, sem slegið hefur
rækilega í gegn á EM í Portúgal.
Mörg stórlið hafa verið orðuð við
unglingspiltinn geðprúða og gull-
fallega og þar hafa helst verið nefnd
til sögunnar lið Manchester United
og Chelsea. Everton hefur á hinn
bóginn boðið Rooney nýjan fimm
ára samning og vill félagið auðvitað
halda honum á Goodison Park eins
lengi og kostur er.
Ef málið er litið raunsæjum aug-
um getur Everton þó varla haldið
honum lengi því fjárhagsstaða liðs-
ins er skelfileg. Fáist 45 milljónir
punda eða meira gerir það Rooney
að dýrasta leikmanni sögunnar og
Everton gæti varla fúlsað við slíku
tilboði.
Framkvæmdastjóri Everton,
David Moyes, hefur alltaf sagt að
hann vilji ekki selja Rooney en
sagði einnig að ef hann yrði seldur
hefði Chelsea, eitt félaga, efni á
honum. ■
EM Í FÓTBOLTA Leikmenn Portúgala
eru orðnir ansi klókir í að koma sér
undan erfiðum spurningum frétta-
manna, við litlar vinsældir þeirra
eins og við mátti búast. Leiða má lík-
ur að því að þessi varfærni Portúgala
í tilsvörum sé tilkomin vegna nei-
kvæðra ummæla frá Luis Figo vegna
þeirrar ákvörðunar landsliðsþjálfar-
ans Luis Felipe Scolari að velja
brasilíska Portúgalann Deco í liðið,
sem óneitanlega gróf undan liðsand-
anum hjá Portúgölum. Önnur lið hafa
einnig farið flatt á því að hafa uppi
stórkarlaleg ummæli og hafa Króat-
ar, Hollendingar, Ítalir og Rússar
einna helst sopið seyðið af því.
Nú er búið að taka fyrir allt slíkt
hjá Portúgölum. Á hverjum degi
mæta tveir leikmenn Portúgala á
blaðamannafund og bjóða upp á
sömu svörin aftur og aftur, sama
hver spurningin er.
Skipta má svörum þeirra niður í
fjóra hluta. Fyrst nefna þeir að það
séu 23 leikmenn í hópnum sem sigra
eða tapa án tillits til þess hvaða 11
leikmenn eru í byrjunarliðinu. Í
öðru lagi er enginn öruggur með
sæti í byrjunarliðinu. Í þriðja lagi,
dómgæslan skiptir ekki sköpum og í
fjórða lagi, úrslitin ráðast inni á vell-
inum. Talandi um frasa!
Markvörðurinn Ricardo er gott
dæmi um þetta en á blaðamana-
fundi á föstudaginn talaði hann í
hálftíma án þess þó að segja nokkuð
af viti: „Það er góður andi í hópnum
og vonandi gengur okkur vel,“
sagði Ricardo meðal annars og var
þetta með öflugustu sprengjunum
sem hann lét falla á fundinum. ■
Portúgalar tala ekki af sér á blaðamannafundum:
Frasarnir notaðir óspart
RICARDO
Snýr bakinu í fréttamenn eins og aðrir leikmenn Portúgala.
Búlgarar eru úr leik á EM eftir annað tap liðsins í jafn mörgum leikjum:
Dansandi danskt dínamít í Braga
EM Í FÓTBOLTA Danir unnu öruggan
sigur á Búlgörum, 2-0, í gær í
Braga í C-riðli Evrópumótsins í
fótbolta. Danir höfðu mikla yfir-
burði allan leikinn, héldu boltan-
um vel innan liðsins, sköpuðu sér
fjöldann allan af færum en náðu
aðeins að skora tvívegis. Búlgar-
ar virtust hafa gefist upp eftir
stórtapið gegn Svíum í fyrsta leik
og höfðu lítið fram að færa annað
en að dugmikla spjaldasöfnun.
Danir náðu forystunni á 44.
mínútu eftir glæsilega sókn.
Miðjumaðurinn Thomas Grave-
sen, sem kom inn í lið Dana fyrir
Christian Poulsen, munnvatns-
fórnarlamb Francesco Totti í leik
Dana og Ítala, gaf þá laglega send-
ingu á Martin Jörgensen, sem gaf
á Jon Dahl Tomasson og marka-
hrókurinn átti ekki í vandræðum
með að setja boltann í markið.
Í síðari hálfleik sóttu Danir lát-
laust en uppskáru þó ekki mark
fyrr en komið var fram yfir
venjulegan leiktíma. Þá skoraði
Jesper Grönkjær fallegt mark
eftir þríhyrningaspil við Tomas-
son, tilfinningaþrungin stund
fyrir Grönkjær, sem missti móður
sína í síðustu viku. Skömmu áður
hafði fyrirliði Búlgara, Stilian
Petrov, fengið að líta rauða spjald-
ið fyrir munnbrúk og almenn leið-
indi.
Með þessu tapi eru Búlgarar úr
leik á EM. Þeir eiga einn leik eft-
ir, gegn Ítölum á þriðjudaginn, en
miðað við frammistöðu liðsins í
fyrstu tveimur leikjunum verða
þeir í besta falli fallbyssufóður
fyrir Ítalana, sem verða að vinna
leikinn eftir jafntefli gegn Svíum.
Búlgarar geta farið að einbeita
sér að leiknum gegn Íslendingum
í undankeppni EM sem fram fer á
Laugardalsvellinum 4. september.
Danir verða nú að vinna gegn
Svíum til að vera öruggir í átta
liða úrslit. ■
C-RIÐILL
Búlgaría–Danmörk 0–2
0–1 Tomasson (44.), 0–2 Grønkjær (90.).
Ítalía–Svíþjóð 1–1
1–0 Cassano (37.), 1–1 Ibrahimovic (85.).
STAÐAN Í RIÐLINUM
Svíþjóð 2 1 1 0 6–1 4
Danmörk 2 1 1 0 2–0 4
Ítalía 2 0 2 0 1–1 2
Búlgaría 2 0 0 2 0–7 0
NÆSTU LEIKIR Í RIÐLINUM
Ítalía–Búlgaría þri. 22. júní 18.45
Danmörk–Svíþjóð þri. 22. júní 18.45
■ STAÐA MÁLA
JESPER GRÖNKJÆR
Skoraði seinna mark Dana gegn Búlgörum
og fagnar því hér.
Undir hæl Zlatans
Italir misstu unninn leik niður í jafntefli gegn Svíum á síðustu
mínútunum þökk sé hælspyrnu Svíans hæfileikaríka.
EM Í FÓTBOLTA Zlatan Ibrahimovic,
framherjinn frábæri hjá Svíum,
tryggði sínum mönnum eitt stig
gegn Ítölum í kvöld í leik liðanna í
C-riðli Evrópumótsins í Portúgal
þegar hann skoraði jöfnunarmark
liðsins fimm mínútum fyrir leiks-
lok.
Markið var sérlega glæsilegt,
hælspyrna á lofti sem sveif í
fallegum boga yfir Christian Vieri,
framherja Ítala, sem stóð á línunni
án þess að fá rönd við reist.
Ítalir voru mun sterkari í fyrri
hálfleik og hefðu léttilega getað
verið búnir að ganga frá leiknum í
fyrri hálfleik. Þeim tókst hins
vegar ekki að skora nema einu
sinni og var þar að verki Antonio
Cassano, staðgengill Francescos
Totti, á 37. mínútu. Cassano skall-
aði þá fyrirgjöf Christians Pan-
ucci glæsilega í netið.
Í síðari hálfleik bökkuðu Ítalir
mikið, líkt og venjulega þegar
þeir komast yfir í leiknum. Svíar
komust inn í leikinn, sköpuðu sér
fullt af færum en fundu ekki leið
framhjá Gianluigi Buffon, mark-
verði Ítala, fyrr en Zlatan dúkkaði
upp með hælinn sinn góða.
Ítalir verða nú nauðsynlega að
sigra Búlgara í síðasta leiknum og
treysta á að leikur Dana og Svía
endi ekki með jafntefli. Þeir voru
klaufar að klára ekki leikinn í fyrri
hálfleik en Svíar sýndu hvers þeir
eru megnugir í síðari hálfleik
þegar þeir þorðu að sækja. ■
HÆLL ZLATANS
Svíinn Zlatan Ibrahimovic sést hér skora
með hælnum í leiknum gegn Ítölum í gær.