Fréttablaðið - 26.06.2004, Blaðsíða 45
EM Í FÓTBOLTA Hið ómögulega varð að
veruleika í Evrópukeppninni í gær –
stórlið Frakka var slegið út af spút-
nikliði Grikkja. 1-0 urðu lokatölur
leiksins og var það gríðarlega vel
skipulagður varnarleikur sem tryg-
gði Grikkjum sigur, en að sama
skapi hroðaleg spilamennska sem
varð Frökkum að falli. Bæði leik-
menn og stuðningsmenn Grikkja
stigu stríðsdans í leikslok, á meðan
sennilega allir Frakkar með tölu í
heiminum séu ekki enn farnir að
trúa því að lið þeirra sé úr leik.
Frakkar stóðu sig yfirhöfuð illa á
þessu móti, og féllu réttilega úr
keppni.
Hetja Grikkja var Angelos
Chariestas, en hann skoraði eina
mark leiksins. „Í kvöld sýndum við
hvers við erum megnugir. Við lékum
á móti besta liði heims og unnum
það. Við sönnuðum að Grikkland
verðskuldar að hafa náð þetta langt
og þetta hafði ekkert með heppni að
gera. Og fyrst við erum komnir
þetta langt getur allt gerst í
framhaldinu,“ sagði Chariestas.
Leikurinn var afskaplega dapur í
heild sinni og var baulað á leikmenn
Frakka langtímum saman. Flestir
bjuggust við því að það yrði aðeins
formsatriði fyrir Frakka að ljúka
þessum leik, þar sem þeir hafa á
miklu sterkara liði en Grikkir á að
skipa á pappírnum. En það hefur
margsannað sig á slíkum stórmótum
að það er liðsheildin sem skiptir höf-
uðmáli ef njóta á velgengni og er
það eitthvað sem Frakka skortir
verulega.
Greinilegt er að eitthvað mikið er
að í herbúðum liðsins og er það verð-
ugt verkefni fyrir arftaka Jacques
Santini að komast til botns í hug-
myndaleysi liðsins á EM. Áhuga-
leysið er alsjáandi, leikmenn eru lítt
hreyfanlegir og almennt andleysi
skín af leik liðsins.
Frakkar héldu greinilega að
Grikkir yrðu auðveld bráð en fengu
þá flugu rakleiðis aftur í höfuðið.
Patrick Viera lék ekki með vegna
smávægilegra meiðsla og var hans
greinilega sárt saknað á miðjunni.
Þeir sem hefðu eðlilega þurft að
taka enn frekar af skarið í fjarveru
Viera, leikmenn á borð við Zinedine
Zidane og Thierry Henry, stóðu eng-
an veginn undir nafni eða vænting-
um og að launum fá þeir að fara fyrr
í sumarfríið langþráða.
Leikurinn var arfaslakur á að
horfa, og ótrúlegur viðsnúningur frá
því í leik Portúgala og Englendinga,
sem var stanslaust fjör nánast frá
upphafi til enda. Nánast engin færi
litu dagsins ljós og voru Grikkirnir
ívið skeinuhættari ef eitthvað var og
unnu á endanum verðskuldað.
Á endanum voru úrslitin einfald-
lega sanngjörn, Grikkir voru gríðar-
lega fastir fyrir og fundu Frakkar
enga leið framhjá varnarmúr þeir-
ra. Hugmyndaleysi Frakka var al-
gjört, og ef mið er tekið af frammi-
stöðu þeirra í leiknum í gær, og
keppninni allri ef því er að skipta,
áttu þeir einfaldlega ekki skilið að
fara áfram. ■
FÓTBOLTI Það er ekkert lát á góðu
gengi Vals í Landsbankadeild
kvenna en þær gerðu góða ferð í
Kópavoginn í gær þar sem þær
lögðu Breiðablik, 1–2, í tilþrifa-
litlum leik.
Það voru Valsstúlkur sem byrj-
uðu leikinn betur en Dóra
Stefánsdóttir kom þeim yfir með
marki úr vítaspyrnu er sex mínút-
ur voru eftir af fyrri hálfleik.
Blikar voru fljótir að svara og
Sandra Sif Magnúsdóttir jafnaði
fyrir þær tveim mínútum fyrir
leikhlé. Hún fékk þá góða
sendingu inn í teiginn sem hún
afgreiddi laglega í Valsmarkið.
Þannig stóðu leikar allt þar til sjö
mínútur lifðu af leik en þá fékk
Nína Ósk Kristinsdóttir laglega
stungusendingu inn í teiginn frá
Rakel Logadóttur og Nínu urðu á
engin mistök – skoraði og tryggði
stigin þrjú.
Leikurinn var annars ákaflega
lítið fyrir augað og í raun
leiðinlegur – sérstaklega seinni
hálfleikurinn. Mikið jafnræði var
með liðunum og jafntefli hefði
væntanlega verið sanngjörn
niðurstaða en að slíku er ekki
spurt í fótbolta.
Þetta var án vafa slakasti leikur
Vals í sumar en það sýnir vel
styrkleika liðsins að þær skulu
samt hafa landað sigri. ■
33LAUGARDAGUR 26. júní 2004
MÁLFRÍÐUR STERK
Málfríður Sigurðardóttir átti góðan leik
með Val í Kópavoginum í gær.
ARNÓR ATLASON
Valinn besti og efnilegasti leikmaður síð-
asta tímabils. Er ekki í 22 manna æfinga-
hópi Guðmundar Þórðar Guðmundssonar
fyrir Ólympíuleikana í Aþenu í sumar.
KOMNIR YFIR GEGN RÍKJANDI EVRÓPUMEISTURUM
Leikmenn Grikklands fögnuðu Angelos Charisteas gríðarlega eftir að hann hafði skorað
eina mark leiksins gegn Frökkum.
MEÐ KVEÐJU
Markvörðurinn snjalli Francesco Toldo
kveður ítalska landsliðið eftir ellefu ár.
Hetja Ítala frá 2000:
Toldo hættur
FÓTBOLTI Ítalski landsliðsmark-
vörðurinn Francesco Toldo hefur
tilkynnt að hann hafi leikið sinn
síðasta landsleik. Toldo, sem leik-
ur með Inter Milan, var varamark-
vörður Ítala á EM í Portúgal en
hann sló eftirminnilega í gegn á
EM 2000. Til að mynda varði hann
þrjár vítaspyrnur í undanúrslita-
leiknum gegn Hollendingum í
þeirri keppni. Nú er öldin heldur
betur önnur – Ítalir komust ekki
áfram úr sínum riðli og Toldo, sem
er 32 ára gamall, var búinn að
missa stöðuna til Gianluigi Buff-
on. „Ég hefði gjarnan viljað hætta
með glæsilegum sigri. Þessi von-
brigði nú geta samt ekki skyggt á
11 frábær ár með landsliðinu.“ ■
MÆTA SHELBOURNE AFTUR
Arnar og Bjarki Gunnlaugssynir voru með
Skagamönnum þegar þeir mættu Shel-
bourne fyrir níu árum.
Forkeppni Meistaradeildar:
KR-ingar
til Írlands
FÓTBOLTI Íslandsmeistar KR mæta
írsku meisturunum í Shelbourne í
1. umferð forkeppni Meistara-
deildar UEFA. Heimaleikur KR
fer fram á Laugardalsvellinum
miðvikudaginn 14. júlí, en síðari
leikurinn í Dyflinni viku síðar.
Sigurvegarinn í viðureign KR
og Shelbourne mætir króatíska
liðinu Hajduk Split í 2. umferð
forkeppninnar, þar sem fyrri leik-
urinn fer fram í Split í Króatíu.
Shelbourne var stofnað árið 1895
en félagið, sem er frá Dublin, hef-
ur 11 sinnum orðið írskur meist-
ari og hefur verið í toppbarátt-
unni undanfarinn áratug.
Shelbourne hefur einu sinni
áður leikið gegn íslensku félagi í
Evrópukeppni en það var árið
1995 þegar Skagamenn slógu
Shelbourne út úr forkeppni
UEFA-bikarsins samanlagt 6-0.
Arnar og Bjarki Gunnlaugssynir,
sem nú leika með KR, voru með
Skagamönnum í þessum leikjum
og skoruðu báðir í fyrri leiknum í
Dyflinni. ■
EM í fótbolta 2004:
Saez sagði
síðan af sér
EM Í FÓTBOLTA Inaki Saez sagði
starfi sínu lausu í gær sem þjálf-
ari Spánverja í knattspyrnu en
Spánverjar sátu eftir í riðla-
keppninni á Evrópumótinu sem
stendur nú yfir í Portúgal.
Saez ætlaði sér fyrst að halda
áfram með liðið og stjórna því á
HM 2006 en hætti við í kjölfar
svakalegra viðbragða í spænskum
fjölmiðlum þar sem sú ákvörðun
hans var gagnrýnd harðlega. Saez
náði ekki að breyta út af venju
spænska landsliðsins, sem hefur
undanfarna áratugi alltaf klikkað
á stórmótum. ■
Fylkismenn í Intertoto:
Mæta Gent
FÓTBOLTI Fylkismenn mæta í dag
belgíska liðinu Gent í seinni leik
liðanna í fyrstu umferð Intertoto-
keppninnar. Gent vann fyrri leik-
inn 2-1 þar sem öll mörk leiksins
komu úr vítaspyrnum. Finnur
Kolbeinsson skoraði mark Fylkis.
Fylki nægir 1-0 sigur til að
komast í 2. umferð keppninnar og
Árbæingar eiga því ágæta mögu-
leika á að komast áfram en Gent-
liðið endaði í 9. sæti belgísku
deildarinnar í fyrra. Fylkismenn
ætla að eiga góðan dag í Laugar-
dalnum í dag. Þeir byrja að hita
upp við Sparisjóð vélstjóra kl.
11.00 með SS pylsum og Coke en
fríar rútuferðir í boði SPV verða
frá Blásteini kl. 13.15. ■
Forkeppni UEFA-bikarsins:
Létt verk hjá
FH og ÍA?
FÓTBOLTI Skagamenn og FH-ingar
drógust gegn liðum frá Eistlandi
og Wales í fyrstu umferð for-
keppni Evrópukeppni félagsliða
en dregið var í gær.
FH dróst gegn Haverfordwest
County frá Wales og fer fyrri leik-
urinn fram ytra. ÍA mætir eist-
neska liðinu TVMK Tallin og fer
fyrri leikurinn fram á Akranes-
velli. Fyrri leikirnir fara fram
fimmtudaginn 15. júlí og þeir síð-
ari tveimur vikum síðar, eða
fimmtudaginn 29. júlí.
Bæði lið eru heppin með
mótherja, Haverfordwest County
hefur aldrei unnið titil í velsku
knattspyrnunni né tekið þátt í
Evrópukeppninni og TVMK Tallin
hefur dottið út úr forkeppninni
UEFA-bikarsins undanfarin tvö
ár, 1-4 gegn OB frá Danmörku í
fyrra og 1-5 gegn Dinamo Tbilisi
frá Georgíu fyrir tveimur árum. ■
HANDBOLTI Guðmundur Guð-
mundsson, þjálfari íslenska hand-
boltalandsliðsins, hefur valið 22
manna æfingahóp vegna Ólymp-
íuleikanna sem fram fara í Aþenu
í ágúst.
Nokkra athygli vekur að Arnór
Atlason, sem var valinn bæði
besti og efnilegasti leikmaður síð-
astliðins Íslandsmóts, er ekki í
æfingahópnum, en hann mun í
sumar ganga til liðs við þýska
stórliðið Magdeburg. Af hverju er
Arnór ekki í þessum hóp? „Arnór
Atlason er í 20 ára landsliðinu og
lykilmaður þar og það lið er að
fara í mjög stór verkefni í sumar
og mun freista þess að verja Evr-
ópumeistaratitilinn í ágúst,“ sagði
Guðmundur: „Við veltum þessu
mikið fyrir okkur og niðurstaðan
varð sú að hann myndi æfa með
því liði en ef á því þarf að halda
verður hann kallaður inn í A-
landsliðshópinn.“
Landsliðið var í þrekmæling-
um á Laugarvatni í vikunni og
sagði Guðmundur þær hafa komið
ágætlega út án þess þó að hann
vildi tjá sig um einstaka leik-
menn: „Ég er tiltölulega sáttur við
útkomuna, menn eru í betra ásig-
komulagi núna en í janúar og það
er auðvitað jákvæður punktur.
Við þurfum eftir sem áður að
bæta þrekið fyrir Ólympíuleik-
ana.“
Roland Eradze er í æfinga-
hópnum eftir að hafa misst lung-
ann úr síðasta tímabili vegna
meiðsla. Mun hann verða klár í
slaginn? „Það er erfitt að segja til
um það á þessari stundu. Hann
hefur tekið stórstígum framför-
um að undanförnu en tíminn einn
mun leiða það í ljós hvort hann
verður klár í ágúst,“ sagði Guð-
mundur Guðmundsson.■
1Guðmundur Guðmundsson landsliðsþjálfari velur 22 manna æfingahóp fyrir ÓL:
Liðið nú í betra formi en í janúar
■ ÆFINGAHÓPURINN:
MARKVERÐIR:
Guðmundur Hrafnkelsson,
Kronau-Östringen
Björgvin Gústavsson, HK
Roland Eradze, Valur
Birkir Ívar Guðmundsson, Haukar
ÚTILEIKMENN:
Logi Geirsson, Lemgo
Guðjón Valur Sigurðsson, TUSEM Essen
Gylfi Gylfason, Wilhelmshavener
Einar Örn Jónsson, SG Wallau Massenheim
Róbert Sighvatsson, HSG Wetzlar
Sigfús Sigurðsson, SC Magdeburg
Róbert Gunnarsson, Aarhus GF
Vignir Svavarsson, Haukar
Dagur Sigurðsson, A1 Begrens
Snorri Steinn Guðjónsson, TV Grosswallstadt
Rúnar Sigtryggsson, SG Wallau Massenheim
Ásgeir Örn Hallgrímsson, Haukar
Ólafur Stefánsson, Ciudad Real
Jaliesky Garcia Padron, Göppingen
Kristján Andrésson, GUIF
Ragnar Óskarsson, Skjern
Patrekur Jóhannesson, GWD Minden
Ingimundur Ingimundarson, ÍR
■ BREIÐABLIK–VALUR 1–2
0–1 Dóra Stefánsdóttir, víti 39.
1–1 Sandra Sif Magnúsdóttir 43.
1–2 Nína Ósk Kristinsdóttir 83.
BEST Á VELLINUM
Sandra Sif Magnúsdóttir Breiðabliki
TÖLFRÆÐIN
Skot (á mark) 10–14 (6–4)
Horn 6–7
Aukaspyrnur fengnar 9–7
Rangstöður 1–2
Gul spjöld (rauð) 1–0 (0–0)
GÓÐAR
Sandra Sif Magnúsdóttir Breiðabliki
Erna Björk Sigurðardóttir Breiðabliki
Sandra Karlsdóttir Breiðabliki
Málfríður Sigurðardóttir Val
Pála Marie Einarsdóttir Val
Rakel Logadóttir Val
Kristín Ýr Bjarnadóttir Val
Landsbankadeild kvenna í knattspyrnu:
Sigling á Valsstúlkum
Grikkir slógu út Frakka
Það verða nýir meistarar krýndir á Evrópumótinu í ár en Frakkar, ríkj-
andi meistarar, voru slegnir út af Grikkjum í átta liða úrslitum í gær.
FR
ÉT
TA
B
LA
Ð
IÐ
/S
TE
FÁ
N