Fréttablaðið - 27.06.2004, Blaðsíða 11
Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í blaðinu
eða leggja orð í belg um málefni líðandi
stundar. Bréf skulu vera stutt og gagnorð,
50–200 orð að lengd. Ritstjórn áskilur
sér rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
Íþróttamót lögð í einelti
Enn berast af því fréttir að dóms-
málaráðherra leggi mótshald á
landsbyggðinni í einelti með inn-
heimtu gríðarhárra upphæða fyrir
löggæslu á íþróttamótum. Væru
mótin haldin í Reykjavík eða á
Akureyri þyrfti ekki að greiða um-
ræddan kostnað. Nýlega úrskurðaði
ráðherra að Landsmót og Unglinga-
landsmót sem haldin verða á Sauð-
árkróki skyldu greiða 2,5 milljónir í
löggæslukostnað. Óskiljanlegt er að
dómsmálaráðherra leggi með þess-
um hætti stein í götu íþróttamóta á
landsbyggðinni. Færa má góð og
gild rök fyrir því að unglingalands-
mótin um verslunarmannahelgar
séu einmitt öflug forvörn og góður
kostur fyrir krakka sem vilja
skemmta sér án vímuefna. Inn-
heimta löggæslukostnaðarins hefur
verið umdeild, en keyrði þó um
þverbak þegar unglingalandsmót
UMFÍ á Ísafirði var síðasta sumar
krafið um þennan kostnað.
Vegna þess hve umræddur lög-
gæslukostnaður er ósanngjarn lagði
ég fram frumvarp um að fella niður
heimild til slíks og fékk það al-
mennt jákvæða umsögn. T.d. sagði í
umsögn lögreglustjóraembættisins
í Reykjavík: „Flestir ef ekki allir
landsmenn stunda skemmtanir af
einu eða öðru tagi og fer mikill
meirihluti þeirra fram undir al-
mennri vernd lögreglu án þess að
sérstök greiðsla komi fyrir. Undan-
tekningum frá þessari meginreglu
fer fækkandi og er nú svo komið að
telja verður eðlilegt að jafna með
öllu kostnað af skemmtanahaldi í
landinu svo allir sitji við sama borð
í þessu tilliti jafnt í þéttbýli sem
dreifbýli en sem kunnugt er hefur
þessi löggæslukostnaður helst lagst
á skemmtanir í dreifbýli.“
Þingmenn stjórnarflokkanna
treystu sér ekki til að veita málinu
brautargengi. Í því endurspeglast
hugur flokkanna til landsbyggðar-
innar þegar á reynir. Ástæður þess
að fella þarf niður þessa inheimtu-
heimild eru margvíslegar. Í fyrsta
lagi er lagaramminn ótraustur. Í
skýrslu starfshóps dómsmálaráð-
herra sem fara átti yfir reglur og
lagaumgjörð varðandi útihátíðir og
skemmtanir var komist að þeirri
niðurstöðu að gildandi reglur væru
mjög ótraustar. Í öðru lagi hefur
notkun heimildarinnar til þess að
innheimta gjaldið verið mjög
handahófskennd og særir réttlætis-
kennd almennings. T.d. var lítil bæj-
arhátíð á Skagaströnd síðasta sum-
ar látin greiða háan löggæslukostn-
að þrátt fyrir að þar hafi lítið annað
farið fram en dansleikur og guðs-
þjónusta. Á sama tíma fór fram
mun stærri hátíð á Akureyri þar
sem ekki var innheimt slíkt gjald,
þrátt fyrir að þar væri mun meira
að gera fyrir lögreglu. Í þriðja lagi
er meginreglan að kostnaður vegna
starfsemi lögreglu skuli greiddur
úr ríkissjóði. Einu undantekning-
arnar eru löggæslukostnaður á
skemmtunum og kostnaður vegna
framkvæmda eða flutnings á
óvenjulegum eða hættulegum
farmi. Þessir fjármunir skipta vart
sköpum við fjármögnun löggæsl-
unnar í landinu. Ríkið heldur uppi
lögum og reglu í landinu og lög-
reglustjórum er falið að meta hvað
til þurfi hverju sinni. Vonandi sjá
stjórnvöld sóma sinn í því að fella
niður þessa ósanngjörnu gjaldtöku.
Ef ekki hljóta þau skömm af. ■
SUNNUDAGUR 27. júní 2004
„Sjálfstæðisflokkurinn setur menntun í
öndvegi. Undir forystu hans hefur
menntakerfið tekið stórstígum framför-
um með heildstæðri löggjöf, auknum
fjárveitingum til málaflokksins, bættum
kjörum, aðbúnaði og aukinni menntun
kennara. Í allri menntun eru einstakling-
ar að fjárfesta í framtíð sinni. Menntun-
arstig þjóðarinnar ræður miklu um vel-
ferð og hagvöxt í harðri alþjóðlegri sam-
keppni. Landsfundur vill að menntakerf-
ið veiti okkur forskot til framtíðar, treysti
mannlíf, byggð og atvinnulíf.“ Úr ályktun
um skóla- og fræðslumál á síðasta
landsfundi Sjálfstæðisflokksins.
„Öflug menntun - forsenda framfara.
Menntun fyrir alla, óháð efnahag, bú-
setu og stöðu.“ Úr stefnuskrá Framsókn-
arflokksins fyrir síðustu kosningar.
Meðal helstu markmiða ríkisstjórnar
Sjálfstæðisflokks og Framsóknarflokks á
kjörtímabilinu er að „tryggja öllum jöfn
tækifæri til náms, án tillits til búsetu og
efnahags.“ Úr stefnuyfirlýsingu ríkis-
stjórnarinnar.
Já, þeir eru ekki sparir á stóru orðin
stjórnmálamennirnir þegar þeir þurfa
að gera sig gildandi. „Menntun í önd-
vegi,“ það var aldeilis. „Öflug menntun
er forsenda framfara,“ ekkert minna.
Þessi fögru orð eru rifjuð upp vegna
nokkurra frétta sem sagðar hafa verið
síðustu daga. Ein fjallaði um þá stað-
reynd að framhaldsskólarnir þurftu að
neita nokkur hundruð unglingum um
skólavist þar sem ekki voru til nægir
peningar til að sjá þeim fyrir kennslu. Í
annarri var greint frá því að Kennarahá-
skóli Íslands þyrfti að vísa frá tæplega
eitt þúsund umsækjendum um skóla-
sókn. Í þeirri þriðju var enn og aftur
fjallað um fjárhagsvanda Háskóla Ís-
lands og hvort leggja beri skólagjöld á
nemendur á þeim bæ.
Það verður að segjast alveg eins og er
að hástemmdar yfirlýsingar stjórnmála-
manna um gildi menntunar virka eins
og hvert annað hjóm þegar á reynir.
Eða hvernig á annars að túlka ástand á
borð við það sem kom upp í framhalds-
skólunum? Meginorsök vandans var
hve stór árgangurinn væri. Halló! Þeir
fæddust ekki í gær, krakkarnir sem luku
grunnskólanum í vor. Þeir fæddust árið
1988 - fyrir 16 árum - þá strax var vitað
að árgangurinn væri fjölmennur og
stjórnmálamönnum í lófa lagið að gera
viðeigandi ráðstafanir í tæka tíð í stað
þess að bjarga málum fyrir horn á síð-
ustu stundu. Og hafi þeir ekki haft rænu
á því þegar börnin voru að vaxa úr grasi
gátu þeir allavega gripið í taumana í
haust þegar athygli þeirra á málinu var
vakin. En gerðu þeir eitthvað? Neibb.
Stjórnvöld verða að standa sig talsvert
betur svo að orð á borð við „menntun í
öndvegi“ og „öflug menntun er for-
senda framfara“ hljóti einhverja merk-
ingu. Vera má að við sem stöndum
utan við stjórnmálin séum asnar en við
erum ekki algjörir asnar. ■
Stóru orðin
SMÁA LETRIÐ
BJÖRN ÞÓR SIGBJÖRNSSON
PÆLIR Í ORÐUM OG ATHÖFNUM
STJÓRNMÁLAMANNA
SIGURJÓN ÞÓRÐARSON
ALÞINGISMAÐUR (F)
UMRÆÐAN
LÖGGÆSLUGJALD