Fréttablaðið - 24.07.2004, Blaðsíða 16
„Ég tók smá forskot á sæluna og
hélt veglegt partí í júní í tilefni
fertugsafmælisins. Það var
óhefðbundin afmælisveisla enda
haldin nokkrum vikum fyrir af-
mælisdaginn,“ segir Ástrós
Gunnarsdóttir dansarim sem er
fjörutíu ára í dag.
Ástrós býr nú á Bifröst þar
sem hún hefur undanfarin miss-
eri verið við fjarnám í meistara-
námi sínu í menningar- og mennt-
unarstjórnun. Á veturnar getur
hún að mestu stundað námið frá
Reykjavík en því fylgir einnig að
vera staðbundin á Bifröst, í
rólegu háskólaumhverfi í tvö
sumur.
Á veturna kennir hún hins veg-
ar í Listdansskóla Íslands og sinn-
ir verkefnum sem danshöfundur.
Aðspurð hvað sé framundan segir
hún stærsta verkefnið hafa verið
Reykjavík dansfestival sem hefst
í haust. Markmið hátíðarinnar,
þetta árið sem önnur, er að skapa
vettvang þar sem sjálfstætt starf-
andi danshöfundar geta kynnt
verk sín. „Við erum að halda há-
tíðina í þriðja skiptið og það má
segja að hún stækki mikið milli
ára.“ Fleiri dansarar eru farnir að
nota þennan vettvang, sem og
aðra og segir Ástrós íslenska
dansara vera mjög iðna við að
koma sínum hugmyndum á fram-
færi. „Dansarar eru hættir að
bíða bara við símann til að fá at-
vinnutilboð heldur eru farnir að
skapa sér tækifæri. Ég tel að
þessi þróun skapi enn meiri fjöl-
breytni í dansinum hér á landi
sem er nauðsynlegt.“
Aðspurð segist Ástrós ekki
vera mikið afmælisbarn. „Ég hélt
reyndar upp á afmælið þegar ég
var 20 og 30 ára en annars er ég
ekki vön að halda sérstaklega upp
á þennan dag. 25 ára „afmælis-
gjöfin“ mín var þó mjög eftir-
minnileg en ég fæddi son minn
tveimur dögum áður.“ Eftirminni-
legasti afmælisdagurinn í huga
Ástrósa var þó í fyrra. „Ég eyddi
honum við sundlaugarbakka í
Suður Frakklandi með kærastan-
um mínum.“ Í sumar ætlar hún
síðan til Spánar í sólina að slappa
af í bland við vinnu. ■
16 24. júlí 2004 LAUGARDAGUR
ALEXANDRE DUMAS
Franski rithöfundurinn sem skrifaði sögunar
Skytturnar þrjár og Greifinn af Monte Cristo
fæddist á þessum degi árið 1802.
AFMÆLI
Helga Bachmann leikkona er 73 ára.
Einar Örn Stefánsson framkvæmda-
stjóri er 55 ára.
Birkir Jón Jónsson alþingismaður 27 ára.
ANDLÁT
Haukur Blöndal Gíslason lést miðviku-
daginn 21. júlí.
Erna Guðmundsdóttir lést miðvikudag-
inn 21. júlí.
Vera Ingibergsdóttir Hraundal, Dala-
braut 26, Reykjavík, lést þriðjudaginn
20. júlí.
Guðlaug Vigfúsdóttir, Skólastíg 16,
Stykkishólmi, lést sunnudaginn 18. júlí.
Guðrún Eggertsdóttir Norðdahl frá
Hólmi, Stórholti 17, Reykjavík, lést
fimmtudaginn 22. júlí.
JARÐARFARIR
13.00 Kristný Hulda Guðlaugsdóttir,
Skólavegi 6, Vestmannaeyjum,
verður jarðsungin frá Landakirkju,
Vestmannaeyjum.
14.00 Aðalheiður Jóna Sigurgrímsdótt-
ir, Miðstræti 3, Vestmannaeyjum,
verður jarðsungin frá Hvítasunnu-
kirkjunni í Vestmannaeyjum.
14.00 Elías Svavar Jónsson, fyrrverandi
stöðvarstjóri Pósts og síma,
Dranganesi, verður jarðsunginn
frá Drangsneskapellu.
14.00 Ingólfur Þ. Sæmundsson, Vík í
Mýrdal, verður jarðsunginn frá
Víkurkirkju.
14.00 Jóhanna Margrét Hlynsdóttir,
Dalbraut 54, Bíldudal, verður jarð-
sungin frá Bíldudalskirkju.
14.00 Kristborg Kristinsdóttir, Borgar-
braut 12, Stykkishólmi, verður
jarðsungin frá Stykkishólmskirkju.
14.00 Sigurbjörg Björnsdóttir, Engi-
hjalla 1, Kópavogi, verður jarð-
sungin frá Barðskirkju, Fljótum.
Á þessum degi árið 1959 áttu
Nikita Krútsjof, leiðtogi Sovét-
ríkjanna, og Richard Nixon, for-
seti Bandaríkjanna, í heitum um-
ræðum um kapitalisma og komm-
únisma á opnun Ameríku-sýning-
arinnar í Moskvu. Umræðurnar
fóru fram í módeli af eldhúsi sem
sett hafði verið upp í tilefni af
sýningunni. Sýningin var liður í
breyttri stefnu leiðtoganna sem
miðaði að auknum menningar-
samskiptum milli landanna.
Nixon leiddi Krútsjof um sýn-
inguna og sýndi honum það
nýjasta á sviði heimilistækja
sem Bandaríkjamenn væru að
þróa með sér. Krútsjof, sem var
frægur fyrir mikinn skapofsa,
fór að hitna í hamsi þar sem hann
áttaði sig á því að Bandaríkja-
menn voru komnir lengra á viss-
um sviðum nútímatækni og sagði
Nixon að Sovétríkin myndu þróa
svipuð tæki á allra næstu misser-
um. Eftir það laust leiðtogunum
saman eins og æstum hönum og
þeir tóku til við að ota fingrunum
að hvor öðrum.
Nixon tók að gagnrýna sov-
éska leiðtogann fyrir að beita
stöðugum hótunum um að grípa
til kjarnorkuvopna sem og áráttu
hans í að grípa stöðugt fram í
meðan Nixon væri að tala. Krút-
sjof svaraði Nixon á ógnandi hátt
með því að tala um „mjög slæm-
ar afleiðingar“.
Umræðan milli stórveldanna
hafði misst diplomatískt inntak
sitt og leiðtogar ríkjanna rifust
eins og hundur köttur.
Eins og svo oft í samninga-
viðræðum milli ríkjanna á dög-
um kalda stríðsins þá var enginn
skýr sigurvegari nema kannski
amerískir fjölmiðlar sem slógu
atburðinum upp á forsíðum og
léku sér mikið að honum í kjöl-
farið. ■
ÞETTA GERÐIST
SLEGIST ÁN HANSKA
24. júlí 1959
Allar alhæfingar eru hættulegar, jafnvel þessi.
- hinn orðheppni Alexandre Dumas er þó frægastur fyrir orðtakið:
„Einn fyrir alla, allir fyrir einn“.
AFMÆLI
ÁSTRÓS GUNNARSDÓTTIR ER 40 ÁRA
Í ELDHÚSINU
Krútsjof og Nixon ræða málin í Moskvu.
Eldhúsumræður
„Við vorum með fjórar sýningar á
Hárinu síðustu helgi, fimmtudag,
föstudag, laugardag og sunnudag.
Ég slasaði mig aðeins á síðustu
sýningunni og því fóru mánudag-
urinn og þriðjudagurinn í það að
jafna mig af meiðslunum,“ segir
Björn Thors leikari. Hann segir
að vikan hjá sér hafi farið í undir-
búa sig fyrir átök helgarinnar. „Á
milli sýninga snýst þetta bara um
að fara á kaffihúsin, taka púlsinn
á fólki, fara í viðtöl tengdum sýn-
ingunni og svo bara að drepa
tímann.“ Leikarinn segir það
mikið spennufall að frumsýna
verk því fyrir frumsýningu er um
að ræða þriggja mánaða þrotlaust
æfingatímabil og svo taki við sýn-
ingartímabil sem sé rólegt í
samanburði.
Björn sagðist hafa keypt sér
nýjan geisladisk í vikunni sem var
nýjasti diskur hljómsveitarinnar
Slowblow sem hann segist afskap-
lega hrifinn af við fyrstu hlustun.
Hann segir einnig að mikill hluti
vikunnar hafi farið í setur í sól-
inni á útikaffihúsum miðborgar-
innar þar sem hann nýtur þess að
fá sér vel að borða og njóta sam-
vista við gott fólk. Hann hældi
steinbítnum á Vegamótum sem
hann sagðist hafa gætt sér á
vikunni auk þess sem hann talaði
um unað kaffidrykkju: „Ég fæ
mér alltaf einn lítinn espressó
með brúnum sykri eftir mat.“ ■
VIKAN SEM VAR
BJÖRN THORS LEIKARI SEM UM ÞESSAR MUNDIR LEIKUR Í HÁRINU
BJÖRN THORS
Nýtur þess að vera til milli sýninga á Hárinu.
Hárið og kaffihúsin
ÁSTRÓS GUNNARSDÓTTIR
Hún tók forskot á sæluna og hélt upp á afmælið í júní.
M
YN
D
/P
JE
TU
R
Reykjavík dansfestival stækkar
ÞETTA GERÐIST LÍKA
1567 Maríu Skotadrottningu komið frá
völdum.
1847 Mormónaleiðtoginn Birgham
Young og fylgismenn nema land í
Utah í Bandaríkjunum.
1923 Í Sviss var lokið við Lausanne-
sáttmálann sem skilgreindi landa-
mæri Tyrklands.
1937 Alabama-ríki náðar fimm þel-
dökka karlmenn sem sakaðir voru
um að nauðga tveimur hvítum
konum í máli sem kallast Scotts-
boro-málið.
1948 Rússneskt herlið sest um Vestur-
Berlín. Loftbrú Bandaríkjanna er
komið á daginn eftir.
1969 Geimfararnir í Apollo II brotlenda
í Kyrrahafinu.
1995 Rapphljómsveitin Public Enemy
aflýsir tónleikaferð sinn um Bret-
land því Flavor Flav hafði hand-
leggsbrotið sig í skellinöðruslysi.
16-17 Tímamót 23.7.2004 19:56 Page 2